Kua ʼAʼasili Kovi Te Malamanei: ʼE Feafeʼi Tona Katakiʼi
ʼE mole koa la ʼasili age tou loto hoha ʼi te kua mafola feia ʼo te ʼu faigataʼaʼia ʼi te malamanei katoa? ʼE tau koa te fenua ʼae ʼe ke nofo ai mo ni faigataʼaʼia ohage ko:
te tau,
te taʼi mahaki
te tuʼutamaki fakanatula
te maʼuli masiva
he aluʼaga heʼe faitotonu
te faifakapo mo te agamalohi?
Ka hoko he aluʼaga fakamamahi, tokolahi ʼe natou lotovaivai ʼaupito pea ʼe mole kei natou iloʼi he meʼa ke fai. Ko ʼihi ʼe mole kei natou lava fai he meʼa. Pea ka hoholo te ʼu aga ʼaia pea ʼe lelesili kovi anai ia meʼa fuli.
Koia ka hoko ni tokakovi, ʼe tonu ke tou fai he ʼu puleʼaki ke puipui te famili, te maʼuli malolo, ia meʼa ʼe ʼaoga tafito ki te maʼuli pea mo te fiafia.
Kotea ʼae ʼe tonu ke tou fai ke ʼaua naʼa iku kovi te aluʼaga ʼo te malamanei kia tatou takitokotahi?
