Kua Feafeaʼi Te Fakaʼapaʼapa ʼi Te Famili?
HE KOʼE ʼE MAʼUHIGA TE FAKAʼAPAʼAPA ʼI TE FAMILI?
Koteʼuhi ʼe maʼuli fimalie ai te tagata ʼohoana, mo te fafine ʼohoana pea mo ʼanā fanau.
-
ʼE ui ʼi te tohi Les couples heureux ont leurs secrets : Les sept lois de la réussite, ‘ka fefakaʼapaʼapaʼaki he taumatuʼa, pea ʼe nā fakaha ai tanā feʼofaʼofani ʼi te ʼaho fuli ʼi he ʼu aluʼaga kehekehe. Kae ʼe mole nā fai ʼaki pe ni palalau fakatuketuke.’
-
Neʼe fai he ʼu fekumi pea ʼe ha ai, ka fakaʼapaʼapa te ʼu fanau ki ʼonatou tatau, ʼe natou maʼu he ʼu manatu ʼe lelei ʼo ʼuhiga mo natou totonu, mo felogoi lelei mo ʼanatou matuʼā pea mo tahitahiga tanatou mahahaki ʼi te faʼahi ʼo te fakakaukau.
TE MEʼA ʼAE ʼE FEALA KE KE FAI
He ʼu fakatuʼutuʼu fakafamili. ʼUluaki, kotou faigaʼi ke mahino tokotou famili pe ʼe kotea te fakaʼuhiga ʼo “te fakaʼapaʼapa.” Lua, kotou tohi pe ʼe kotea te faʼahiga aga ʼae ʼe tonu ke kotou tahi fai peʼe liʼaki. Tolu, kotou palalau fakafamili ki te fakatuʼutuʼu ʼaia, ke kotou tahi iloʼi pe ʼe kotea ʼae ʼe feala ke kotou fai moʼo fakaha te aga fakaʼapaʼapa.
Kotou tuku he faʼifaʼitaki. ʼE kotou fatufatuʼi koa ʼihi ʼi tokotou famili ʼuhi ko ʼanatou lakahala? ʼE kotou vaʼi koa ʼanatou manatu? ʼE kotou tokagaʼi koa peʼe kotou tuʼusi ʼanatou palalau?
He Tokoni: Kotou faigaʼi ke kotou fakaʼapaʼapa ki tokotou ʼohoana mo takotou fanau he ʼe tonu ke kotou fai te faʼahi ʼaia. Kae ʼaua takotou ui ʼae ʼe hoki kotou fakaʼapaʼapa pe kia natou mo kapau ʼe natou tuha mo ia.
Kotou aga fakaʼapaʼapa tatau aipe pe mole kotou manatu tahi mo ʼihi. Tuku te fai ʼo te ʼu palalau ʼae, “ko tau pe ia agamahani” peʼe “mole ke fetogi pe la.” ʼE feala ʼaki te taʼi ʼu palalau ʼaia ke liliu he fihi ko he kē.
TE MEʼA ʼAE ʼE MATOU FAI
ʼE fakalotomalohiʼi e te kau Fakamoʼoni ʼa Sehova ia te hahaʼi ke natou fefakaʼapaʼapaʼaki ʼi ʼonatou famili. Ko he kupu tafito ia ʼe tau talanoa ki ai te ʼu alatike, te ʼu tohi ʼae ʼe natou ta pea mo ʼanatou ʼata viteo. ʼE mole totogi te ʼu meʼa ʼaia.
KI TE ʼU TAUMATUʼA: ʼI te ʼu alatike ʼi te kupu tafito De l’aide pour les familles, ʼe maʼu ai he ʼu tokoni ki te ʼu tagata mo fafine ʼohoana ke . . .
-
natou fefagonoleleiʼaki
-
mole natou toe fefakaheʼeheʼeguʼaki
-
mole natou toe kē
(Kumi ʼi te jw.org te kupu tafito “De l’aide pour les familles”)
KI TE ʼU MATUʼĀ: ʼI te ʼu alatike ʼi te kupu tafito De l’aide pour les familles, ʼe maʼu ai he ʼu tokoni ki te ʼu matuʼā ʼo ʼuhiga mo tanatou akoʼi ʼanatou fanau ke . . .
-
natou fakalogo
-
natou tokoni ki te ʼu gaue ʼi te loto fale
-
natou ui “fakalelei siʼou loto” pea mo “malo”
(Kumi ʼi te jw.org te ʼu kupu tafito “L’éducation des enfants” pea mo “L’éducation des adolescents”)
Vakaʼi mo te fakamahino, “Les parents s’interrogent,” ʼi te tohi Les jeunes s’interrogent. Réponses pratiques, volume 1. (Kumi ʼi te jw.org te kupu tafito “Les parents s’interrogent”)
KI TE KAU TUPULAGA: ʼI te jw.org ʼi te kupu tafito Adolescents et jeunes adultes ʼe maʼu ai he ʼu alatike, he ʼu ʼata viteo mo te ʼu fiches de réflexion neʼe fai moʼo tokoni ki te kau tupulaga ke natou . . .
-
felogoi lelei mo ʼanatou matuʼā pea mo ʼonatou tokolua mo tehina
-
faipalalau ʼi te fakaʼapaʼapa mo ʼanatou matuʼā ki te ʼu lekula ʼo te loto fale
-
tuha mo te falala ʼo ʼanatou matuʼā
(Kumi ʼi te jw.org te kupu tafito “Adolescents et jeunes adultes”)
ʼE mole totogi te fakaʼaogaʼi ʼo tomatou tuʼasila ʼi te neti jw.org pea ʼe mole fakamaʼua tou higoa peʼe ko tou tuʼasila.
