TʼE maʼu te koga “Nouveautés” ʼi te JW Library^® pea mo “Te ʼu Logo Foʼou” ʼi te jw.org. ʼE ha ai te ʼu tohi, mo te ʼu nusipepa pea mo te ʼu viteo foʼou. ʼE feafeaʼi hau fakaʼaogaʼi te koga ʼaia ke ke maʼu te ʼu logo foʼou?

• Ko te ʼu alatike fuli ʼe tahi pe mo ia tona kupu taki. Ka ke fia lau he alatike foʼou, pea ke lomiʼi te fakailoga takafuafua ʼi te kupu taki ʼi te koga “Nouveautés” ke feala hau lau te alatike. ʼE feala ai leva ke ke lau te alatike foʼou ʼae ʼe ha ʼi ʼoluga ʼo te lisi, ʼae ʼe fakahoahoa ai te alatike ʼo kaku ki te alatike fakamuli.

• Kapau ko he tohi peʼe ko he nusipepa, ʼe mole lagi feala anai ke ke lau ʼi he temi ʼe tahi. Kapau ʼe ke fia fakailoga te tohi ʼae heʼeki ʼosi ʼi tau lau, ʼai ki te ʼu Favoris. ʼE faigafua ai hau toe maʼu pea mo hoko atu tau lautohi. Ka kua ʼosi leva tau lau, pea ke haga ʼo molehi ʼi te ʼu Favoris.

TʼE ʼi ai ʼihi logo ʼe maʼu pe ʼi te jw.org kae ʼe mole maʼu ʼi te JW Library. Manatuʼi ʼo vakaʼi tuʼumaʼu te koga “Te ʼu Logo Foʼou” ʼi tatatou tuʼasila ʼi te Neti, ke ke maʼu ai te ʼu logo mo te ʼu alatike fakamuli.