He Koʼe ʼe Mole Tou Tau Ohage Ko Te Kau Iselaele ʼo Te Temi Muʼa?
NEʼE kalaga fenei e he tagata solia Siamani ki he kutuga ko he kau Fakamoʼoni ʼa Sehova lolotoga te Lua Tau Fakamalamanei: “Kapau ʼe ʼi ai he tahi ia koutou ʼe mole ina fia tauʼi ia Falani peʼe ko Pilitania, ʼe kotou mamate fuli anai.” Logo la neʼe tutuʼu ovi mai te kau solia Siamani kae neʼe mole he tahi ʼi ʼotatou tehina neʼe fakalogo ki ai. Neʼe natou lototoʼa ʼosi. ʼE ko he faʼifaʼitaki lelei ʼo ʼuhiga mo te faʼahiga manatu ʼa te kau Fakamoʼoni ʼa Sehova ʼo ʼuhiga mo te tau. ʼE tou fakafisi tatatou kau ki te ʼu tau ʼo te malama ʼaeni. Tatau aipe pe ʼe natou fakamatakuʼi tatou ke natou matehi tatou, kae ʼe mole tou kau anai ki te ʼu fihi ʼae ʼi te malama ʼaeni.
Kae neʼe mole manatu tahi ia natou fuli ʼae ʼe natou ui ko natou ko he ʼu tisipulo ʼa Kilisito. Tokolahi ʼe natou manatu ʼe feala ki he tisipulo ʼa Kilisito ke lagolago ki tona fenua pea ʼe tonu ke ina fai te faʼahi ʼaia. ʼE feala pe ke natou feuiʼaki: ‘He koʼe ʼe mole tau ia te kau Kilisitiano ia ʼaho nei kae neʼe tau ia te kau Iselaele ʼo te temi muʼa, ʼae neʼe ko te hahaʼi ʼa te ʼAtua?’ ʼE kotou tali feafeaʼi anai? ʼE feala ke tou fakamahino ʼe kehekehe ʼaupito ia te aluʼaga ʼo te kau Iselaele ʼo te temi muʼa pea mo te hahaʼi ʼa te ʼAtua ia ʼaho nei. Tou vakaʼi aluʼaga ʼe nima ʼe natou kehekehe ai.
1. NEʼE KAU TE HAHAʼI ʼA TE ʼATUA KI HE PULEʼAGA ʼE TAHI
ʼI te temi muʼa, neʼe fakatahitahiʼi e Sehova tana hahaʼi ko he puleʼaga pe ʼe tahi, ko te puleʼaga ʼo Iselaele. Neʼe ina ui ko te kau Iselaele ko tona “koloa makehe ʼi te hahaʼi fuli.” (Eke. 19:5) Neʼe toe foaki age e te ʼAtua honatou fenua ke natou maʼu ʼosi. Koia, ka fakatotonu e te ʼAtua ki te kau Iselaele ke olo tauʼi he tahi ʼu puleʼaga, ʼe mole fakaʼuhiga leva ke olo ʼo tauʼi peʼe matehi hana tahi ʼu kaugana. *
Ia ʼaho nei, ʼe ʼomai ia te ʼu kaugana ʼa Sehova “mai te ʼu puleʼaga fuli, mo te ʼu telepi fuli, mo Apk. 7:9) Kapau la neʼe tonu ke kau te hahaʼi ʼa te ʼAtua ki he tau, ʼe feala pe ke natou tauʼi ʼonatou tehina mo tuagaʼane pea mo matehi natou.
te ʼu lanu fuli pea mo te ʼu lea fuli.” (2. NEʼE FAKATOTONU E SEHOVA KI TE KAU ISELAELE KE OLO ʼO TAU
ʼI te temi muʼa, neʼe fakatuʼutuʼu e Sehova pe ʼe ko te temi fea ʼae ʼe tonu ai ke olo te kau Iselaele ʼo tau. Pea kotea tona tupuʼaga? Ohage la, neʼe fakatotonu e te ʼAtua ki te kau Iselaele ke olo ʼo tau ke hoko ai ia tana fakamau ki te kau Kanaane. ʼE iloʼi ia te kau Kanaane ʼuhi ko tanatou tauhi e te kau temonio mo ʼanatou aga heʼe ʼaoga fakalialia pea mo tanatou sakilifisioʼi ʼanatou fanau. ʼE fakatotonu e Sehova ki te kau Iselaele ke ʼaua naʼa maʼu te ʼu aga kovi ʼaia ʼi te fenua ʼae neʼe ina fakapapauʼi age maʼa natou. (Lev. 18:24, 25) ʼI te kua nonofo ʼa te kau Iselaele ʼi te Kele ʼo Te Fakapapau, neʼe ui age ʼi ʼihi temi e te ʼAtua ʼe tonu ke natou olo ʼo tau moʼo puipui natou mai ʼonatou fili. (2 Sam. 5:17-25) Kae neʼe mole he temi neʼe fakagafua ai e Sehova ki te kau Iselaele ke natou toʼo te tonu ʼae ke olo ʼo tau. Ka natou fai te faʼahi ʼaia, neʼe fua kovi pe kia natou.—Num. 14:41-45; 2 Klk. 35:20-24.
Ia ʼaho nei, ʼe mole fakagafua e Sehova ke tau ia te hahaʼi. ʼE fetauʼaki ia te ʼu puleʼaga ʼuhi ko te ʼu meʼa ʼae ʼe loto ki ai te hahaʼi, kae mole ko te meʼa ʼae ʼe loto ki ai te ʼAtua. ʼE natou fai he ʼu tau koteʼuhi ʼe natou fia maʼu lahi honatou ʼu kele, peʼe ko hanatou foʼi falā, peʼe natou lagolago ki he manatu fakapolitike. Kae ʼe feafeaʼi kia natou ʼae ʼe natou ui ʼe natou tau ʼi te huafa ʼo te ʼAtua mo puipui tanatou tauhi pea mo matehi te ʼu fili ʼo te ʼAtua? ʼE puipui anai e Sehova ʼana kaugana pea ʼe ina pulihi anai ʼona fili ʼi he tau ka hoko ʼi te ka haʼu. Ko te tau ʼaia, ʼe ko te tau ʼo Alamaketone. (Apk. 16:14, 16) ʼI te tau ʼaia, ʼe fakaʼaogaʼi anai e te ʼAtua ʼana ʼaselo, kae mole ko ʼana kaugana ʼae ʼi te kele.—Apk. 19:11-15.
3. NEʼE FAKAHAO E TE KAU ISELAELE IA NATOU ʼAE NEʼE TUI
ʼI te temi muʼa, neʼe tau fakaha e te kau Iselaele tanatou manavaʼofa kia natou ʼae neʼe tui ki Sos. 2:9-16; 6:16, 17) Ki muli age, neʼe hao te kolo katoa ko Kipeone hili ia te fakaha e te kau Kipeone ia tanatou fakaʼapaʼapa ki te ʼAtua.—Sos. 9:3-9, 17-19.
te ʼAtua. Pea neʼe natou matehi pe ia natou ʼae neʼe fakatotonu age e Sehova ke natou matehi. Tou vakaʼi he ʼu faʼifaʼitaki ʼe lua. Logo la neʼe fakatotonu e Sehova ke maumauʼi ia Seliko, kae neʼe fakahao e te kau Iselaele ia Laape mo tona kiʼi famili ʼuhi ko tana tui. (Ia ʼaho nei, ʼe mole kei fakameʼameʼa te kautau ʼi tanatou matehi ia natou ʼae ʼe tui peʼe maʼia mo natou ʼae ʼe mole ko he kau solia.
4. NEʼE TONU KE MULIMULI IA TE KAU ISELAELE KI TE ʼU LAO ʼA TE ʼATUA ʼO ʼUHIGA MO TE TAU
ʼI te temi muʼa, neʼe loto e Sehova ka olo te kautau Iselaele ʼo tau pea neʼe tonu ke natou mulimuli ki ʼana fakatotonu. Ohage la, ʼi ʼihi temi neʼe ui age e te ʼAtua kia natou ka natou olo ʼo tauʼi he kolo pea ʼe tonu ke natou fakaha age “te ʼu fakatuʼutuʼu ʼae ke maʼu ai te tokalelei.” (Tet. 20:10) Neʼe toe loto e Sehova ke maʼa te kau solia ʼo Iselaele ʼi te faʼahi fakasino mo te aga ʼae ʼe tonu ke fai, ʼo toe feia pe mo ʼonatou nofoʼaga. (Tet. 23:9-14) ʼI ʼihi temi, neʼe fakaʼalikiʼi e te kautau ʼo te ʼu puleʼaga tafaʼaki ia te ʼu fafine ʼo te ʼu fenua ʼae neʼe natou maʼu, kae neʼe tapuʼi e Sehova ki te kau Iselaele ia te fai ʼo te faʼahi ʼaia. Neʼe hoki feala pe hanatou ʼohoanaʼi he fafine neʼe ʼaumai popula moka kua ʼosi ki ai he mahina katoa ʼo te maʼu ʼo te kolo.—Tet. 21:10-13.
Ia ʼaho nei, ʼe lahi te ʼu fenua ʼe natou tali ke natou fai he ʼu tau ʼo mulimuli pe ki ʼihi lao. Logo la neʼe fakahagahaga ia te ʼu lao ʼaia ki te puipui ʼo natou ʼae ʼe mole ko he kau solia, kae ʼe tau maumauʼi e te ʼu puleʼaga ia te ʼu lao ʼaia.
5. NEʼE TAU TE ʼATUA MAʼA TONA PULEʼAGA
ʼI te temi muʼa, neʼe tau ia Sehova maʼa te kau Iselaele, ʼo ina tau foaki age he ʼu malo fakamilakulo. Ohage la, neʼe tokoni feafeaʼi ia Sehova ki te kau Iselaele ke natou tauʼi ia te kolo ko Seliko? Ohage pe ko tona ui e Sehova, ʼi te temi ʼae neʼe fai ai e te kau Iselaele “he kalaga tau lahi pea neʼe holo ai te kaupa,” ʼo faigafua ai ia te ʼohofi ʼo te kolo. (Sos. 6:20) Pea neʼe feafeaʼi ia tanatou malo ʼi te kau Amole? “Neʼe fakato e Sehova he toe ʼuamaka lahi kia natou . . . Neʼe lahi age te kau solia ʼae neʼe mamate ʼi te ʼuamaka ʼi te kau solia ʼae neʼe matehi e te kau Iselaele ʼaki te heleta.”—Sos. 10:6-11.
Ia ʼaho nei, ʼe mole tau ia Sehova maʼa he puleʼaga ʼo te kele. Ko tona Puleʼaga, ʼae ʼe Hau ai Sesu, “ ʼe mole kau . . . ʼi te malama ʼaeni.” (Soa. 18:36) Kae, ko Satana ʼae ʼe ina puleʼi ia te ʼu puleʼaga fakatagata fuli. ʼE ha ʼi te ʼu tau fakamataku ʼo te malamanei ia tona ʼuhiga laumalie agakovi.—Luka 4:5, 6; 1 Soa. 5:19.
ʼE KUMI E TE KAU KILISITIANO MOʼONI IA TE TOKALELEI
Neʼe tou vakaʼi, ʼe kehekehe ia totatou aluʼaga ia ʼaho nei mo ia ʼae ʼo te kau Iselaele ʼo te temi muʼa. Kae ʼe mole gata pe ki te ʼu aluʼaga kehekehe ʼaia neʼe tou vakaʼi, ʼe tupu ai ia tatatou mole tau. ʼE ʼi ai ʼihi tupuʼaga ia. Ohage la, neʼe fakakikite e te ʼAtua ʼi te ʼu ʼaho fakamuli, ko natou ʼae neʼe ina ako “ ʼe mole natou toe ako anai te tau,” pea mo kau ki ai. (Esa. 2:2-4) Pea tahi, neʼe ui e Kilisito ‘ ʼe mole kau anai ʼana tisipulo ki te malama ʼaeni,’ ʼe mole natou kau anai ki te ʼu fihi ʼo te malama ʼaeni.—Soa. 15:19.
Neʼe toe fakalotomalohiʼi e Kilisito ʼana tisipulo ke natou fai ʼihi atu aluʼaga. Neʼe ina kole age ke natou liʼaki ia te ʼu aga ʼae ʼe tupu ai ia te lotokovi, te ita pea mo te fia laga tau. (Mat. 5:21, 22) Pea tahi, neʼe ina toe kole ki ʼana tisipulo ke natou liliu ko natou ʼae ʼe “natou kumi ke natou tokalelei mo te hahaʼi,” pea ke natou ʼoʼofa ki ʼonatou fili.—Mat. 5:9, 44.
ʼE feafeaʼi hatatou fai ia te faʼahi ʼaia? ʼE lagi mole tou fia kau ki he tau, kae ʼe tou manatu koa ʼe ʼi ai he tahi ʼi te kokelekasio ʼe ko hotatou fili? Tou faiga malohi ke mole tou maʼu ia te taʼi ʼu manatu ʼaia.—Sakp. 4:1, 11.
ʼE mole tou kau ki te ʼu fihi ʼo te ʼu puleʼaga, kae ʼe tou kumi ia te tokalelei pea mo maʼuli feʼofaʼofani. (Soa. 13:34, 35) Koia, tou fakatotonu ke mole tou kau ki te ʼu fihi ʼo te malama ʼaeni, ʼo tou fakatalitali ki te ʼaho ʼae ka pulihi ai anai e Sehova ia te ʼu tau fuli ʼo talu ai.—Pes. 46:9.
^ ʼI ʼihi temi, neʼe fetauʼaki ia te ʼu telepi ʼo Iselaele, kae neʼe mole fiafia ia Sehova ʼi te ʼu tau ʼae hoko ʼi te lotolotoiga ʼo te puleʼaga ʼaia. (1 Hau 12:24) Kae ʼi ʼihi temi, neʼe ina tali te ʼu tau ʼaia koteʼuhi neʼe ʼi ai ʼihi telepi neʼe fakafeagai kia te ia he neʼe natou fai he ʼu agahala mamafa.—Tfm. 20:3-35; 2 Klk. 13:3-18; 25:14-22; 28:1-8.