1. 1. SATANA TE TEVOLO. ʼE ko Satana, te ʼaselo fakafeagai, ia te tupuʼaga ʼo te fehiʼa ʼe tou tau mo ia ʼi te temi nei. ʼE pulihi anai e te ʼAtua ia Satana pea mo natou fuli ʼe fakalogo kia te ia ʼaki tanatou fehiʼa.​—Pesalemo 37:38; Loma 16:20.

2. 2. TE MALAMA FONU ʼI TE FEHIʼA ʼA SATANA. ʼE pulihi anai e te ʼAtua ia te ʼu meʼa kovi fuli ʼi te malama ʼaeni, ʼo kau ai te kau faipolitike kaka pea mo te kau takitaki lotu ʼae ʼe natou fafaga te fehiʼa. ʼE pulihi anai e te ʼAtua mo te tuʼu faikoloa manumanū pea mo ʼana aga fakakaka.​—2 Petelo 3:13.

3. 3. TE ʼUHIGA HEʼE HAOHAOA. ʼE fakamahino ʼi te Tohi-Tapu ʼe heʼe haohaoa te tagata fuli, ʼi tana faʼahiga manatu, ʼi te ʼu meʼa ʼae ʼe ina logoʼi pea mo ʼana gaue. (Loma 5:12) Ko te manatu fehiʼa pea mo fakaha ki ʼihi ia te faʼahi ʼaia, ʼe kau ki totatou ʼuhiga agahala. ʼE tokoni anai te ʼAtua ki te hahaʼi ke natou malo ʼi tonatou ʼuhiga heʼe haohaoa, ke feala ke pulihi ia te ʼu faʼahi fuli ʼe ha ai te fehiʼa ʼo talu ai.​—Esaia 54:13.

1. 1. ʼE MOLE TOE ILOʼI E HE TAHI TE HEʼE FAITOTONU. ʼE takitaki anai ia te malamanei e te Puleʼaga ʼo te ʼAtua, ko he puleʼaga faitotonu mo tologa ʼe tuʼu ʼi te lagi. (Taniela 2:44) ʼE mole maʼu ai anai te fakapalatahi mo te fefakakehekeheʼaki. ʼE fakatokatoka anai e te ʼAtua te ʼu aga heʼe faitotonu ʼe lolotoga tau nei mo te hahaʼi.​—Luka 18:7.

2. 2. ʼE MAʼU ANAI E TE HAHAʼI FULI IA TE TOKALELEI. ʼE mole toe mamahi anai he tahi ʼuhi ko te agamalohi peʼe ko te tau. (Pesalemo 46:9) ʼE mole toe liliu anai te kele ko he koga meʼa fakamataku, kae ʼe nofoʼi pe anai e he hahaʼi ʼe natou fia fai ki te tokalelei.​—Pesalemo 72:7.

3. 3. ʼE MAʼUʼULI ANAI TE HAHAʼI FULI ʼO HEʼE GATA ʼI HE ʼU ALUʼAGA TAULEKALEKA. ʼE fefakahaʼaki anai e te hahaʼi fuli ʼo te kele ia te ʼofa ki tona tatau. (Mateo 22:39) ʼE mole toe mamahi anai he tahi ʼuhi ko he ʼu manatu peʼe ko he ʼu suvenia ʼe mole lelei. (Esaia 65:17) ʼI te moʼi temi ʼaia, ʼe maʼu anai e te tagata ia he ‘fiafia lahi ʼi te tokalelei.ʼ​—Pesalemo 37:11.

ʼE kotou fia maʼuʼuli koa ʼi he malama feia? Ia ʼaho nei, tokolahi ʼe natou faiga ke natou liʼaki te fehiʼa ʼaki tanatou maʼuliʼi te ʼu pelesepeto Fakatohi-tapu. Ko te faʼahi ʼaia ʼe fai e te toko lauʼi miliona kau Fakamoʼoni ʼa Sehova ʼi te malamanei katoa. (Pesalemo 37:8) Logo la ʼe kehekehe ʼaupito ʼonatou haʼuʼaga mo ʼonatou faʼahiga maʼuli, kae ʼe natou faʼufaʼu he foʼi famili feʼofaʼofani mo logo tahi.​—Esaia 2:2-4.

ʼE fiafia anai te kau Fakamoʼoni ʼa Sehova ʼi te vaevae mo koutou ia te ʼu meʼa neʼe natou ako ʼo ʼuhiga mo te faʼahiga tauʼi ʼo te heʼe faitotonu pea mo te fakapalatahi. ʼE feala ke tokoni atu te ʼu meʼa ʼe kotou akoʼi ke kotou fetogi mamalie te fehiʼa ʼaki te ʼofa. ʼE kotou mahino ai ki te faʼahiga tokaga ki te hahaʼi ʼaki he agalelei, maʼia kia natou ʼae ʼe maʼuli galo mo fehiʼa. Koia, ʼe kotou fiafia lahi anai pea ʼe lelei age anai ʼakotou felogoi mo ʼihi. Kae tafito, ʼe kotou ako anai ke kotou iloʼi ia te meʼa ʼae ʼe feala ke kotou fai ke kotou maʼuʼuli ʼi te Puleʼaga ʼo te ʼAtua, moka kua pulihi ia te fehiʼa ʼo talu ai.​—Pesalemo 37:29.