ʼE TOU LAVA FAKAGATA FEAFEAʼI TE FEHIʼA?
1 | Te Mole Fakapalatahi
Te Ako Mai Te Tohi-Tapu:
“ ʼE mole fakapalatahi te ʼAtua, kae ʼi te ʼu puleʼaga fuli pe, [ko te tagata fuli pe] ʼae ʼe manavasiʼi kia te ia pea mo ina maʼuliʼi te faitotonu, ʼe ina tali leleiʼi ia ia.”—GAUE 10:34, 35.
Ko Tona Fakaʼuhiga:
ʼE mole fakamauʼi tatou e Sehova * ʼo mulimuli ki totatou haʼuʼaga, ki totatou lanu peʼe ki tatatou agaʼi fenua. ʼE ina tokagaʼi tafito te faʼahi ʼae ʼe maʼuhiga: totatou loto. Koia, “ ʼe sio pe te tagata ki te ʼu meʼa ʼae ʼe ha ki ʼona mata, kae ʼe sio ia Sehova ki te loto.”—1 Samuele 16:7.
Kotea ʼAe ʼe Feala Ke Kotou Fai?
Logo la ʼe mole feala ke tou iloʼi te meʼa ʼi te loto ʼo he tahi, kae ʼe feala ke tou faiga ke tou faʼifaʼitakiʼi te ʼAtua pea ke mole tou fakapalatahi ki ʼihi. Kotou maʼu he faʼahiga sio ʼe lelei ki te hahaʼi kae ke mole kotou fakakehekeheʼi natou. Kapau ʼe kotou logoʼi ʼe kotou maʼu he ʼu manatu ʼe mole lelei ki ʼihi ʼo he tahi lanu peʼe ko he tahi age fenua, kotou kole ki te ʼAtua ke tokoni atu ke kotou liʼaki te ʼu manatu ʼaia. (Pesalemo 139:23, 24) Kapau ʼe kotou kole fakamalotoloto kia Sehova ke ina foaki atu te malohi ke ʼaua naʼa kotou fakapalatahi, ʼe mahino ia ʼe fakalogo anai ki takotou faikole pea mo tokoni atu.—1 Petelo 3:12.
^ pal. 6 Ko Sehova ʼe ko te huafa ʼaia ʼo te ʼAtua.—Pesalemo 83:18.
“Neʼe mole feala ʼi muʼa atu ke ma heheka fakatahi mo he papalagi kae mole hoko he kē . . . ʼI te temi nei, kua au kau ki he foʼi famili fakamalamanei moʼoni.”—TITUS
