ALATIKE AKO 33
Ko Te Fakatuʼuake ʼe Ha Ai Te ʼOfa ʼo Te ʼAtua, Mo Tona Poto, Pea Mo Tana Faʼa Kataki
“ ʼE ʼi ai anai he fakatuʼuake.”—GAUE 24:15.
KATIKO 151 ʼE Ina Pauʼi Anai
TE ʼU MANATU FAKANOUNOU *
1. He koʼe neʼe fakatupu e Sehova ia meʼa fuli?
ʼI TE kamata neʼe maʼuli tokotahi ia Sehova. Kae neʼe mole lotomamahi ai. Neʼe mole ʼaoga he tahi ke nofo mo ia ke fiafia ai. Kae neʼe ina loto ke toe maʼuʼuli ʼihi pea ke natou fiafia. Neʼe fakatupu e Sehova te ʼu meʼa fuli ʼuhi ko tona ʼofa.—Pes. 36:10; 1 Soa. 4:19.
2. Kotea ʼae neʼe logoʼi e Sesu mo te kau ʼaselo ʼi te fakatupu e Sehova ia meʼa fuli?
2 Neʼe ʼuluaki fakatupu e Sehova ia Sesu, ʼae neʼe kauga gaue leva mo ia. Pea ʼaki tona ʼuluaki Foha ʼaia, “neʼe fakatupu ia meʼa fuli ʼae,” ʼo kau ai te toko lauʼi miliona ʼaselo. (Kol. 1:16) Neʼe fiafia ia Sesu ʼi tana gaue fakatahi mo tana Tamai. (Taag. 8:30) Pea ko te tahi ʼu foha ʼo te ʼAtua, ia te kau ʼaselo, neʼe ʼi ai he ʼu tupuʼaga ke toe fiafia ai mo natou. Neʼe natou sisio ki te fakatupu e Sehova pea mo Sesu, tana Tagata Tufuga Faiva te lagi pea mo te kele. Kotea ʼae neʼe fai e te kau ʼaselo? Neʼe natou “kalaga fiafia.” Pea ʼe mahino ia neʼe hoko atu pe tanatou fiafia moka neʼe fakatupu e Sehova he meʼa, kae tafito ia te tagata. (Sopo 38:7; Taag. 8:31) Neʼe ha ʼi te fakatupu ʼa Sehova tona ʼofa pea mo tona poto.—Pes. 104:24; Loma 1:20.
3. ʼO mulimuli kia 1 Kolonito 15:21, 22, kotea ʼae neʼe fakafealagia e te totogi?
3 Neʼe loto e Sehova ke maʼuli te tagata ʼo heʼe gata ʼi te kele taulekaleka ʼae neʼe ina faʼu. Kae neʼe talagataʼa ia Atama mo Eva ki tanā Tamai ʼofa, pea neʼe mole kei feala ai hanā maʼuli ʼo Loma 5:12) Kotea ʼae neʼe fai e Sehova? Neʼe ina fakaha atu aipe pe ʼe ina haofaki feafeaʼi anai te tagata. (Sen. 3:15) ʼE ina foaki anai tona ʼAlo ko he totogi, ʼae ka fakaʼateaina anai te hologa ʼo Atama mo Eva mai te agahala pea mo te mate. ʼE feala anai ke ina foaki te maʼuli heʼe gata kia natou ʼae ʼe fia tauhi kia te ia.—Soa. 3:16; Loma 6:23; lau ia 1 Kolonito 15:21, 22.
heʼe gata. Ki muli age neʼe nā mamate leva ʼo feia mo tonā hologa. (4. Kotea te ʼu fehuʼi ka tou tali anai ki ai ʼi te alatike ʼaeni?
4 ʼE lahi te ʼu fehuʼi ʼe feala ke tou fai ʼo ʼuhiga mo te fakapapau e Sehova ke ina fakatuʼuake te kau mate. Ohage la, ʼe hoko feafeaʼi anai te fakatuʼuake? ʼE tou toe iloʼi anai koa ia natou ʼae ʼe tou ʼoʼofa mamahi ai? ʼE tou feafeaʼi anai moka hoko te fakatuʼuake? Kotea te ako ʼe tou maʼu mai te fakatuʼuake ʼo ʼuhiga mo te ʼofa ʼo Sehova, mo tona poto pea mo tona faʼa kataki? Tou vakaʼi te tali ki te ʼu fehuʼi ʼaia ʼe fa.
ʼE HOKO FEAFEAʼI ANAI TE FAKATUʼUAKE?
5. He koʼe ʼe feala ke tou manatu ʼe mole hoko anai te fakatuʼuake ʼi he moʼi temi ʼe tahi kae ʼe fakatuʼutuʼu lelei anai?
5 ʼE lahi anai te hahaʼi ka fakatuʼuake e Sehova ʼaki tona ʼAlo, kae ʼe feala pe ke tou manatu ʼe mole fakatuʼuake anai natou fuli ʼi he moʼi temi ʼe tahi. Kotea tona tupuʼaga? He ʼe kapau ʼe hahaʼi fau te kele ʼi he moʼi temi ʼe tahi, pea ʼe maveuveu anai. ʼE fakatokatoka te ʼu meʼa fuli ʼae ʼe fai e Sehova. ʼE ina iloʼi ʼe tonu ke fakatuʼutuʼu lelei te ʼu meʼa ke maʼuli te hahaʼi ʼi te tokalelei. (1 Ko. 14:33) Neʼe ha te poto ʼo Sehova mo tana faʼa kataki ʼi tana teuteuʼi fakatahi mo Sesu te kele ʼi muʼa ʼo tana fakatupu te tagata. Pea ʼe toe fakaha anai e Sesu te ʼu kalitate ʼaia ʼi tana ʼAfio ʼae ia Taʼu ʼe Afe. ʼE ina teuteuʼi anai te kele moʼo fakatalitali ia natou ʼae ka fakatuʼuake. Pea ʼe tokoni anai ki ai ia natou ʼae ka hao mai Alamaketone.
Ko natou ʼae neʼe hao mai Alamaketone ʼe natou akoʼi anai ki te kau fakatuʼuake pe ʼe kotea te Puleʼaga ʼo te ʼAtua pea mo te ʼu meʼa ʼae ʼe loto e Sehova ke natou fai (Vakaʼi te palakalafe 6) *
6. Ohage ko tona ui ia Gaue 24:15, ʼe fakatuʼuake pe anai koa e Sehova ia te kau faitotonu?
Gaue 24:15.) ʼE tonu anai ki te kau heʼe faitotonu ʼaia ke natou fetogi tonatou ʼuluagaaga ke natou maʼu te ʼu fua lelei ʼo te sakilifisio ʼa Kilisito. ʼE tonu anai ke tou akoʼi te ʼu moʼoni ʼo ʼuhiga mo te ʼAtua ki te toko lauʼi miliona hahaʼi ʼae ʼe mole natou iloʼi ia ia. Fakakaukauʼi age muʼa te toe gaue ka fai anai. ʼE tonu anai koa ke tou fai he ako ʼa natou takitokotahi ʼaia ohage pe ko tatatou fai ia ʼaho nei? ʼE natou kau anai koa ki he kokelekasio? Pea ʼe toe akoako anai koa natou ke natou fai te ʼu ako ʼa te tahi kau fakatuʼuake? ʼE heʼeki tou iloʼi te faʼahi ʼaia. Kae ko te faʼahi pe kua tou iloʼi ‘ ʼe fonu anai te kele katoa ʼi te ʼatamai malama ʼo Sehova’ ʼi te ʼosi ʼAfio ʼa Kilisito ia Tau ʼe Afe. (Esa. 11:9) ʼE lahi anai te ʼu gaue ka tou fai ʼi te ʼu taʼu ʼaia ʼe afe kae ko he temi fiafia anai.
6 Kae ʼe tou fai anai he gaue ʼe maʼuhiga age. Ko te ʼu kaugana ʼa Sehova ʼae ka hao ʼi Alamaketone, ʼe tonu anai ke natou akoʼi ki te kau fakatuʼuake pe kotea ia te Puleʼaga ʼo te ʼAtua, pea mo te meʼa ʼae ʼe loto e Sehova ke natou fai. Kotea tona tupuʼaga? Koteʼuhi tokolahi ia natou ʼae ka fakatuʼuake ʼe ko he “kau heʼe faitotonu.” (Lau ia7. He koʼe ʼe lotomahino anai te ʼu kaugana ʼa Sehova ki te kau fakatuʼuake ʼae ka natou akoʼi anai?
7 Lolotoga te ʼu Taʼu ʼe Afe, ʼe hoko atu pe anai tatatou fai he ʼu fetogi ke fiafia ai ia Sehova. Koia, ʼe tou lotomahino anai moka tou tokoni ki te kau fakatuʼuake ke natou tauʼi ʼanatou manatu pea mo ʼonatou holi ʼae ʼe kovi, pea ke natou mulimuli ki te ʼu lekula ʼa Sehova. (1 Pet. 3:8) ʼE leleiʼia anai e te kau fakatuʼuake ʼaia te agavaivai ʼa te ʼu kaugana ʼa Sehova. Pea ʼe toe faiga foki anai mo te ʼu kaugana ʼaia ʼa Sehova ke natou ‘maʼu tonatou haofaki.’—Flp. 2:12.
ʼE TOU TOE ILOʼI ANAI KOA IA NATOU ʼAE ʼE TOU ʼOʼOFA MAMAHI AI?
8. He koʼe ʼe feala ke tou ui ko natou ʼae ka fakatalitali ia te kau fakatuʼuake ʼe natou toe iloʼi anai natou?
8 ʼE ʼi ai he ʼu tupuʼaga ke tou ui ai ko natou ʼae ka fakatalitali te kau fakatuʼuake ʼe natou toe iloʼi anai natou. Ohage la, ʼe feala ke tou ui te faʼahi ʼaia ʼuhi ko te faʼahiga fakatuʼuake ʼae neʼe fai e Sehova ʼi te temi muʼa. ʼE feala pe ke tou fakaʼamu ʼe mole fetogi anai ʼonatou fofoga, mo tanatou faʼahiga palalau, mo ʼanatou manatu, moka toe fakatupu natou e Sehova. Kotou manatuʼi neʼe fakatatau e Sesu te mate ki te moe ʼa he tahi, pea mo te fakatuʼuake ki te ʼala ake ʼa he tahi. (Mat. 9:18, 24; Soa. 11:11-13) Ka ʼala ake he tahi heʼeki fetogi ʼona fofoga pea mo tana faʼahiga palalau. Pea heʼeki ina galoʼi he meʼa. Tou vakaʼi te faʼifaʼitaki ʼa Lasalo. Neʼe mate kua hili ki ai ʼaho ʼe fa pea neʼe kua kamata mamanu tona sino. Kae ʼi tona fakatuʼuake e Sesu, neʼe toe iloʼi lelei pe ia ia e ʼona tokolua. Pea neʼe kei manatuʼi pe e Lasalo ia naua.—Soa. 11:38-44; 12:1, 2.
9. He koʼe ʼe mole fakatuʼuake anai te kau mate ʼaki he sino mo he fakakaukau ʼe haohaoa?
9 Neʼe fakapapau mai e Sehova ʼe mole toe ui anai e he tahi: “E au mahaki” lolotoga te ʼafio ʼa Kilisito. (Esa. 33:24; Loma 6:7) ʼE fakamalolo anai te kau fakatuʼuake mai ʼonatou mahaki pea mo ʼonatou maʼimoa. Kae ʼe mole natou haohaoa atu aipe, naʼa faigataʼa tonatou iloʼi e ʼonatou famili mo ʼonatou kaumeʼa. Lolotoga te ʼAfio ʼa Kilisito ia Taʼu ʼe Afe, ʼe mahino ia ʼe liliu mamalie pe anai te tagata ʼo haohaoa. Pea ʼi te ʼosi ʼo te ʼu Taʼu ʼaia ʼe Afe, ʼe toe liufaki anai e Sesu te Puleʼaga ki tana Tamai. Pea ʼi te temi ʼaia, kua fakahoko katoa e te Puleʼaga te finegalo ʼo te ʼAtua, ʼo kau ai te fakaliliu ʼo te tagata ʼo haohaoa.—1 Ko. 15:24-28; Fkha. 20:1-3.
ʼE TOU FEAFEAʼI ANAI MOKA HOKO TE FAKATUʼUAKE?
10. Kotea ʼe ke logoʼi anai moka hoko te fakatuʼuake?
10 Ke ke fakakaukauʼi age muʼa ʼe ke fakatalitali ia natou ʼae ʼe ke ʼofa mamahi ai. Kotea ka ke logoʼi anai? ʼE ke fakafiafia anai koa mo tagi? ʼE ke hiva fakavikiviki anai koa kia Sehova? ʼE mahino papau ia, ʼe ke toe lahi age anai tou ʼofa ia Sehova mo Sesu. Kotea tona tupuʼaga? He neʼe nā fakaha tonā ʼofa kia tatou ʼaki tanā fakatuʼuake te kau mate.
11. Ohage ko tona ui e Sesu ia Soane 5:28, 29, kotea ʼae ka hoko anai kia natou ʼae ʼe natou mulimuli ki te ʼu pelesepeto ʼa Sehova?
11 Ke ke toe fakakaukauʼi age muʼa te fiafia ʼe logoʼi e te kau fakatuʼuake moka natou fai he ʼu fetogi ke natou fakalogo ki te ʼAtua, pea mo ako ke natou maʼuliʼi te ʼu pelesepeto ʼa Sehova. Ko te kau fakatuʼuake ʼae ʼe natou fai te ʼu fetogi ʼaia ʼe fakatuʼuake anai ki te maʼuli. Ko tona fakaʼuhiga ʼe natou maʼuli anai ʼo heʼe gata ʼi te Palatiso. Kae ko natou ʼae ʼe mole fia fetogi, ʼe mole tuku anai e te ʼAtua ke hoko atu tanatou maʼuʼuli ʼi te Palatiso pea mo fakatupu maveuveu.—Esa. 65:20; lau ia Soane 5:28, 29.
12. Kotea te ʼu tapuakina ka foaki anai e Sehova ki te tagata?
12 Ka puleʼi e te Puleʼaga ia te kele, ʼe sisio anai te ʼu kaugana fuli ʼa Sehova ki te moʼoni ʼo te ʼu palalau ʼaeni ʼe tou maʼu ia Taaga Lea 10:22: “Ko te tapuakina a [“Sehova,” MN] ae e ina fakalahi te koloa, pea e mole muli i ai he mamahi.” ʼAki te tokoni ʼa te laumalie maʼoniʼoni ʼo Sehova, ʼe tatau anai tonatou ʼuluagaaga mo Kilisito pea ʼe natou liliu anai ʼo haohaoa. (Soa. 13:15-17; Efe. 4:23, 24) ʼE natou logoʼi anai ʼi te ʼaho fuli ʼe toe liliu ʼo malohi tonatou sino, pea ʼe toe lelei age tonatou ʼuluagaaga. ʼE natou maʼuli fiafia anai. (Sopo 33:25) Kae tou vakaʼi muʼa te tali ki te fehuʼi ʼaeni: Kotea te ako ʼe tou maʼu mai te fakatuʼuake ʼo ʼuhiga mo te ʼofa ʼo Sehova, mo tona poto pea mo tana faʼa kataki?
ʼE HA AI TE ʼOFA ʼO SEHOVA
13. Ohage ko tona ui ia Pesalemo 139:1-4, ʼe ha feafeaʼi ʼaki te fakatuʼuake ʼe iloʼi lelei tatou e Sehova?
13 Ohage pe ko tatatou kua vakaʼi, ka fakatuʼuake e Sehova he tahi ʼe mole galoʼi anai e ia ʼaia he meʼa, pea ʼe mole heʼeki fetogi tona ʼuluagaaga. Kae ke ke fakakaukauʼi te fakaʼuhiga ʼo te ʼu palalau ʼaia. ʼE ʼofa mamahi ia Sehova ia koe, koia ʼe ina tokagaʼi ai mo manatuʼi ʼau manatu fuli, te ʼu meʼa ʼae ʼe ke logoʼi, mo ʼau palalau pea mo te ʼu gaue ʼae ʼe ke fai. Neʼe mahino ki te Hau ko Tavite, ʼe iloʼi lelei e Sehova ia tatou takitokotahi. (Lau ia Pesalemo 139:1-4.) He koʼe ʼe maʼuhiga pea mo fakalotofimalie tatatou mahino ʼae ʼe iloʼi lelei tatou e Sehova?
14. He koʼe ʼe mole tonu ke tou tuʼania ʼi tatatou mahino ʼae ʼe iloʼi lelei tatou e Sehova?
14 ʼE tonu koa ke tou tuʼania ʼi tatatou mahino ʼae ʼe iloʼi lelei tatou e Sehova? Kailoa ia. Kotea tona tupuʼaga? He ʼe tokaga moʼoni kia tatou. ʼE tou maʼuhiga fuli kia te ia. ʼE ina tokagaʼi te ʼu aluʼaga ʼae ʼe hoko ʼi totatou maʼuli ʼo tupu ai tatatou tahi maʼu tona ʼuluagaaga. ʼE mole koa la fakalotofimalie te manatu ʼaia? ʼE mole tonu ke tou manatu ʼi he temi ʼe tou nofo tokotahi. ʼE nofo tuʼumaʼu ia Sehova mo tatou pea ʼe fia tokoni mai.—2 Klk. 16:9.
ʼE HA AI TE POTO ʼO SEHOVA
15. He koʼe ʼe ha moʼoni te poto ʼo Sehova ʼi tana foaki mai te ʼamanaki ʼae ko te fakatuʼuake?
15 Ka matataku te hahaʼi naʼa matehi natou, ʼe feala ki ʼonatou fili ke natou fakakinauʼi natou ke natou fai he meʼa ʼe mole natou loto ki ai. Ko natou ʼae ʼe lagolago kia Satana, ʼe natou fakaʼaogaʼi te mataku ʼaia moʼo fakakinauʼi te hahaʼi ke natou lavakiʼi Fkha. 2:10) ʼE tou tui papau ʼe mole feala ki he meʼa ke ina pulihi totatou ʼofa kia Sehova. (Loma 8:35-39) Koia, ʼe ha moʼoni te poto ʼo Sehova ʼi tana foaki mai te ʼamanaki ʼae ko te fakatuʼuake. ʼE moʼoni, ʼaki te ʼamanaki ʼaia ʼe mole tou matataku ʼi ʼotatou fili moka natou ui mai ʼe natou matehi tatou mo kapau ʼe mole tou fakalogo kia natou. Pea ʼe tou toe lototoʼa ai ke tou nofo agatonu kia Sehova.
ʼonatou kaumeʼa pea mo fai he ʼu meʼa ʼe kovi. Kae ʼe mole feala ke natou fakakinauʼi tatou ke tou fai te faʼahi ʼaia. ʼE tou iloʼi, kapau ʼe matehi tatou e ʼotatou fili, ʼe toe fakatuʼuake anai tatou e Sehova. (Kapau ʼe tou toʼo he ʼu tonu, ʼe ha ai koa ʼe tou falala ki te fakapapau ʼa Sehova ke ina foaki mai te ʼu meʼa ʼae ʼe ʼaoga kia tatou? (Vakaʼi te palakalafe 16) *
16. (1) Kotea te ʼu fehuʼi ʼae ʼe tonu ke ke fai? (2) Kotea ʼae ʼe ha ai ʼi tau tali ki te ʼu fehuʼi ʼaia?
16 ʼE feafeaʼi anai mo kapau ʼe ui atu e natou ʼae ʼe fehihiʼa kia Sehova ʼe natou matehi anai koe? ʼE ke falala anai koa ʼe fakatuʼuake koe e Sehova? ʼE feafeaʼi hau iloʼi? Ke ke fai te fehuʼi ʼaeni: ‘Ko te ʼu tonu ʼae ʼe au toʼo ʼi te ʼaho fuli ʼae ʼe mole faʼa maʼuhiga ʼe ha ai koa ʼe au falala kia Sehova?’ (Luka 16:10) Pea ʼe fakapapauʼi atu e Sehova ʼe ina foaki atu anai te ʼu meʼa ʼae ʼe ʼaoga kia koe mo kapau ʼe ke fakamuʼamuʼa tona Puleʼaga. Koia, ʼe feala ke ke fai te fehuʼi ʼaeni: ‘ ʼE ha koa ʼi taku faʼahiga fakaʼaogaʼi toku temi pea mo taku falā ʼe au falala ki tana fakapapau ʼaia?’ (Mat. 6:31-33) Kapau ʼe ke ʼio ki te ʼu fehuʼi ʼaia ʼe lua, ʼe ha ai ʼe ke falala kia Sehova. Pea kua ke tokalelei moka ʼahiʼahiʼi koe.—Taag. 3:5, 6.
ʼE HA AI TE FAʼA KATAKI ʼA SEHOVA
17. (1) ʼE ha feafeaʼi te faʼa kataki ʼa Sehova ʼaki te fakatuʼuake? (2) ʼE feafeaʼi hatatou lotofakafetaʼi ki te faʼa kataki ʼa Sehova?
17 ʼE kua fakatuʼutuʼu e Sehova te temi ʼae ka ina pulihi ai te malama agakovi ʼaeni. (Mat. 24:36) Kae ʼe mole ina fakahoko fakatomuʼa anai te faʼahi ʼaia ʼuhi mole kei faʼa kataki. ʼE moʼoni ʼe ina fia fakatuʼuake te kau mate, kae ʼe faʼa kataki. (Sopo 14:14, 15) ʼE fakatalitali ki te temi tonu ʼae ka fakatuʼuake ai natou. (Soa. 5:28) ʼE ʼi ai te ʼu tupuʼaga lelei ke tou fakafetaʼi ai ki te faʼa kataki ʼa Sehova. ʼEi, tokolahi te hahaʼi, ʼo kau ai mo tatou, neʼe tou maʼu he temi ke tou ‘kaku ki te fakahemala’ ʼuhi ko tana faʼa kataki. (2 Pet. 3:9) ʼE loto e Sehova ke maʼu e te tokolahi te maʼuli heʼe gata. ʼE feafeaʼi hatatou lotofakafetaʼi ki tana faʼa kataki? Tou faiga fakamalotoloto ke tou kumi ia natou ʼae ʼe “lelei ʼonatou loto ke natou maʼu te maʼuli heʼe gata” pea mo akoʼi natou ke natou ʼoʼofa mo tauhi kia Sehova. (Gaue 13:48) Pea ʼe natou maʼu anai te ʼu fua lelei ʼo tana faʼa kataki, ohage pe ko tatou.
18. He koʼe ʼe tonu ke tou faʼa kataki ʼo ʼuhiga mo ʼihi?
18 ʼE mole loto e Sehova ke tou haohaoa kae heʼeki ʼosi te ʼu taʼu ʼe afe. ʼE faʼa kataki anai ʼi muʼa ʼo tatatou liliu ʼo haohaoa, ʼe lotofakamolemole mai anai kia tatou. Koia ʼe tonu ke tou faʼifaʼitakiʼi ia ia, ʼo tou tokagaʼi te ʼu kalitate ʼo ʼihi pea mo faʼa kataki ʼo ʼuhiga mo natou. ʼE tou vakaʼi te faʼifaʼitaki ʼa he tuagaʼane ʼe mole kei kau tona ʼohoana ki te ʼu fono he ʼe hoha ʼaupito. ʼE ina ui fenei: “Neʼe faigataʼa ʼaupito kia au. Neʼe kua to noa ʼama fakatuʼutuʼu.” Kae neʼe ʼofa pe te tuagaʼane ʼaia pea mo faʼa kataki ki tona ʼohoana. Neʼe falala kia Sehova, pea neʼe mole lotovaivai. Neʼe ina faʼifaʼitakiʼi ia Sehova ʼo ina tokagaʼi te ʼu kalitate ʼo tona ʼohoana kae mole ko tona mahaki. ʼE hoko atu fenei e totatou tuagaʼane: “ ʼE lahi te ʼu kalitate ʼe maʼu e toku ʼohoana. Pea ʼe faiga malohi ke ina tauʼi tona mahaki.” ʼE maʼuhiga ke tou faʼa kataki ʼo ʼuhiga mo totatou famili, peʼe ko natou ʼo totatou kokelekasio, ʼae ʼe natou faiga ke natou katakiʼi te ʼu aluʼaga faigataʼa.
19. Kotea ʼae ʼe tou fakatotonu ke tou fai?
19 Neʼe fiafia ia Sesu mo te kau ʼaselo ʼi te fakatupu ʼo te kele. Kae fakafuafua age muʼa tanatou fiafia moka nofoʼi anai te kele katoa e he hahaʼi haohaoa, ʼe natou ʼoʼofa mo tauhi kia Sehova. Pea toe fakakaukau age muʼa te fiafia ʼo natou ʼae ka kauga hau mo Sesu ʼi selo, moka natou sisio anai ki te ʼu fua lelei ʼo tanatou gaue maʼa te hahaʼi. (Fkha. 4:4, 9-11; 5:9, 10) Pea ʼe feafeaʼi age la moka mole kei fetagihi te hahaʼi ʼuhi ko tanatou lotomamahi kae ʼuhi ko tanatou fiafia, pea moka pulihi te mahaki, mo te mamahi pea mo te mate ʼo talu ai! (Fkha. 21:4) Kae ʼi muʼa ʼo te hoko mai ʼo te faʼahi ʼaia, ke ke fakatotonu ke ke faʼifaʼitaki te ʼofa, mo te poto, pea mo te faʼa kataki ʼa Sehova. Pea ʼe tokoni atu anai ke ke fiafia kotea pe he ʼahiʼahi ʼe ke tau mo ia. (Sakp. 1:2-4) ʼE tou tui papau “ ʼe ʼi ai anai he fakatuʼuake.” (Gaue 24:15) Tou fakafetaʼi kia Sehova ki te fakapapau taulekaleka ʼaia.
KATIKO 141 Te Milakulo ʼo Te Maʼuli
^ pal. 5 Ko Sehova ko he Tamai ʼe fonu ʼi te ʼofa, mo poto pea mo faʼa kataki. ʼE ha te ʼu kalitate ʼaia ʼi te ʼu meʼa fuli ʼae neʼe ina fakatupu, pea mo tana fakapapau ʼae ke fakatuʼuake te kau mate. ʼE tou vakaʼi anai ʼi te alatike ʼaeni he ʼu fehuʼi ʼo ʼuhiga mo te fakatuʼuake. ʼE tou toe vakaʼi anai pe ʼe feafeaʼi hatatou lotofakafetaʼi ki te ʼofa ʼo Sehova, mo tona poto pea mo tana faʼa kataki.
^ pal. 59 FAKAMATALA ʼO TE ʼU PAKI: Ko he tagata Initia mai Amelika kua fualoa tana mate ʼe fakatuʼuake ʼi te Palatiso. Ko he tehina neʼe hao mai Alamaketone, ʼe fiafia ʼi tana akoʼi age te ʼu meʼa ʼe tonu ke ina fai ke ina maʼu te ʼu lelei ʼo te sakilifisio ʼa Sesu.
^ pal. 61 FAKAMATALA ʼO TE ʼU PAKI: Ko he tehina ʼe ina ui age ki tona patolo, ʼe ʼi ai te ʼu ʼaho ʼe mole feala ai ke ina fai he ʼu hola fakalaka. ʼE ina fakaha age ko ia ko te Fakamoʼoni ʼa Sehova, pea ʼi te ʼu ʼaho ʼaia ʼe ina fakahoko tana tauhi kia Sehova. Kae ʼe ina ui age, ʼe lotolelei anai ke gaue hola fakalaka ʼi te tahi ʼu ʼaho.