ALATIKE AKO 20
Ko Ai “Te Hau o Te Noleto” Ia ʼAho Nei?
“E kaku anai ia ia ki tona fakaosi, kae e mole pe tokoni he tahi kia ia.”—TAN. 11:45.
KATIKO 95 Ko Te Malama ʼe Mafoa Lelei Age
TE ʼU MANATU FAKANOUNOU *
1-2. Kotea ʼae ka tou vakaʼi ʼi te alatike ʼaeni?
IA ʼAHO nei, kua lahi te ʼu fakamoʼoni ʼe tou maʼuʼuli nei ʼi te temi fakaʼosi ʼo te malama ʼaeni. Kua vave pe te haga ʼa Sehova mo Sesu ʼo maumauʼi te ʼu puleʼaga fuli ʼae ʼe fakafeagai ki te Puleʼaga ʼo te ʼAtua. Kae ʼi muʼa ʼo te hoko mai ʼo te ʼu faʼahi ʼaia, ʼe hoko atu pe e te hau ʼo te noleto mo te hau ʼo te saute tanā fetauʼaki pea mo ʼohofi te hahaʼi ʼa te ʼAtua.
2 ʼI te alatike ʼaeni, ʼe tou vakaʼi anai te lea fakapolofeta ʼae ʼe tou maʼu ia Taniela 11:40–12:1. ʼE tou iloʼi ai anai pe ko ai te hau ʼo te noleto ia ʼaho nei. Pea ʼe tou vakaʼi anai pe koʼe ʼe mole tonu ke tou tuʼania kae tou tuku katoa totatou falala kia Sehova, ʼe ina haofaki anai tatou.
KO TE HAU FOʼOU ʼO TE NOLETO
3-4. Ko ai koa te hau ʼo te noleto ia ʼaho nei? Kotou fakamahino.
3 Hili te to ʼo te Lusia ʼAfea ʼi te taʼu 1991, ko te hahaʼi ʼa te ʼAtua ʼae neʼe puleʼi e te puleʼaga ʼaia neʼe natou ʼateaina leva ʼi he kiʼi temi siʼi. Neʼe fakaha e Taniela ko te ʼateaina ʼaia neʼe ko “he kii tokoni siisii.” (Tan. 11:34) Neʼe natou faifakamafola faʼifaʼitaliha, pea neʼe ko te kaugā malie ʼo te kau faifakamafola ʼo te ʼu fenua kehekehe ʼo te Lusia ʼAfea neʼe liliu ko te toko lauʼi teau afe. Kae hili ki ai ni taʼu, ko Lusia pea mo te ʼu fenua ʼae neʼe kau mo ia, neʼe natou liliu ko te hau ʼo te noleto. Ohage ko tatatou vakaʼi ʼi te alatike ʼaeni kua ʼosi atu, ʼe tonu ki he puleʼaga ke ina maʼu te ʼu faʼahi ʼaeni ʼe tolu, ke iloʼi ai pe ʼe ko ia te hau ʼo te noleto peʼe ko te hau ʼo te saute: (1) neʼe ina fakatagaʼi te ʼu kaugana ʼa te ʼAtua pe neʼe pule ki he fenua neʼe hahaʼi ai te ʼu kaugana ʼa te ʼAtua, (2) neʼe fakafeagai kia Sehova pea mo tana hahaʼi, pea (3) neʼe fetauʼaki mo te tahi hau.
4 Koʼeni te ʼu tupuʼaga ʼae ʼe feala ai ke tou ui ko Lusia mo te ʼu fenua ʼae ʼe kau mo ia, ʼe ko natou ʼaia te hau ʼo te noleto ia ʼaho nei: (1) Neʼe natou fakatagaʼi te toko lauʼi afe kau Fakamoʼoni ʼa Sehova ʼae neʼe maʼuʼuli ʼi tonatou fenua, pea neʼe natou tapuʼi ai tanatou gaue faifakamafola. (2) Ko tanatou gaue neʼe fakaha ai tanatou fehihiʼa kia Sehova pea mo tana hahaʼi. (3) Neʼe natou fetauʼaki mo te hau ʼo te saute, ʼae ko te Malohi Fakamalamanei ʼo Pilitania mo Amelika. Tou vakaʼi ʼi te temi nei pe ʼe kotea ʼae neʼe fai e Lusia mo te ʼu fenua ʼae ʼe kau mo ia, ʼo fakaha mai ai ko natou te hau ʼo te noleto.
KO TE HAU ʼO TE NOLETO MO TE HAU ʼO TE SAUTE ʼE HOKO ATU PE TANĀ FETAUʼAKI
5. Ko te temi fea ʼae neʼe palalau ki ai ia Taniela 11:40-43, pea kotea ʼae ʼe hoko ʼi te temi ʼaia?
5 Lau ia Taniela 11:40-43. Ko te koga ʼaia ʼo te lea fakapolofeta ʼo Taniela ʼe fakaʼuhiga ki te temi ʼo te fakaʼosi. ʼI te ʼu vaega ʼaia, ʼe fakaha ai te fetauʼaki ʼa te hau ʼo te noleto mo te hau ʼo te saute. Neʼe fakakikite e Taniela ʼi te temi ʼo te fakaʼosi, ko te hau ʼo te saute ʼe laga tau anai ki te hau ʼo te noleto.—Tan. 11:40.
6. Neʼe feafeaʼi tanā fetauʼaki ʼa te ʼu hau ʼaia ʼe lua?
6 Ko te hau ʼo te noleto mo te hau ʼo te saute kei hoko atu pe tanā fetauʼaki, he ʼe nā tahi loto ke maʼu e tona puleʼaga te malohi fakamalamanei. Ohage la, tou vakaʼi te ʼu meʼa ʼae neʼe hoko hili te Lua Tau Fakamalamanei, ʼi te temi ʼae neʼe puleʼi ai e Lusia ʼAfea he ʼu fenua ʼe kaugā malie ʼi te Eulopa. Ko te hau ʼo te saute mo te tahi age ʼu fenua neʼe natou fakatahitahiʼi ʼanatou kau solia, ke natou tauʼi te hau ʼo te noleto. Ko te fakatahitahi ʼaia neʼe fakahigoaʼi ko te OTAN. Tahi ʼae meʼa, ko te hau ʼo te noleto mo te hau ʼo te saute neʼe nā fakaʼaogaʼi lahi tana ʼu paʼaga moʼo totogi ʼaki he ʼu mahafu tau, he neʼe nā tahi faiga ke liliu tana ʼu kautau ko ʼae ʼe malohi ʼaupito. Ko te hau ʼo te noleto neʼe ina toe tauʼi te hau ʼo te saute ʼaki tana lagolago ki te tahi ʼu fenua ʼae neʼe ko te ʼu fili ʼo te hau ʼo te saute, ʼi Afelika, mo Asia pea mo Amelika Latina. Pea talu mai he ʼu kiʼi taʼu, neʼe ko Lusia pea mo te ʼu fenua ʼae ʼe kau mo ia, neʼe natou liliu ʼo malolohi ʼaupito ʼi te kele katoa. Neʼe natou toe laga tau ki te hau ʼo te saute, ʼo natou fakaʼaogaʼi ai te Neti. Pea ohage ko tona fakakikite e Taniela, ʼe hoko atu pe e te hau ʼo te noleto tana tauʼi te hahaʼi ʼa te ʼAtua.—Tan. 11:41.
KO TE HAU ʼO TE NOLETO ʼE INA ULUFI “TE FENUA MANUIA”
7. Kotea “te fenua manuia”?
7 Neʼe fakakikite ia Taniela 11:41 ko te hau ʼo te noleto neʼe ina ulufi “te fenua manuia.” Kotea te fenua ʼaia? ʼI te temi muʼa, ko Iselaele neʼe ko te “fenua matalelei kehe i te u fenua fuli.” (Esk. 20:6) Kae ko te fenua ʼaia neʼe matalelei kehe koteʼuhi ko tana hahaʼi neʼe natou atolasio kia Sehova. Talu mai te Penikosite ʼo te taʼu 33 H.T.S. ko “te fenua manuia” ʼe mole ko he fenua moʼoni. ʼE mole feala ia ke fakaʼuhiga ki he fenua moʼoni, he ʼe ko te ʼu kaugana ʼa Sehova ʼe mavetevete ʼi te kele katoa. Ia ʼaho nei, ko “te fenua manuia” ʼe ko he fenua fakalaumalie ʼa te kau atolasio ʼa Sehova, he ʼe natou fai he tauhi kia Sehova ʼaki ʼanatou fono pea mo tanatou faifakamafola.
8. Neʼe ulufi feafeaʼi e te hau ʼo te noleto “te fenua manuia”?
8 ʼI te ʼu ʼaho fakamuli, ko te hau ʼo te noleto neʼe ina ulufi liuliuga “te fenua manuia.” Ohage la, ʼi te temi ʼae ko Siamani neʼe ko te hau ʼo te noleto, pea tafito ʼi te Lua Tau Fakamalamanei, neʼe ina ulufi ai “te fenua manuia,” ʼaki
tana fakatagaʼi pea mo matehi te ʼu kaugana ʼa te ʼAtua. Pea hili te Lua Tau Fakamalamanei, ko te hau ʼo te noleto neʼe ko te Lusia ʼAfea. Neʼe ina ulufi “te fenua manuia” ʼaki tana fakatagaʼi te hahaʼi ʼa Sehova, ʼo ina ʼave ai natou ki te tahi fenua.9. Heʼeki faʼa fualoa, neʼe ulufi feafeaʼi e Lusia mo te ʼu fenua ʼae ʼe kau mo ia ia “te fenua manuia”?
9 Heʼeki faʼa fualoa, ko Lusia mo te ʼu fenua ʼae ʼe kau mo ia, neʼe natou toe ulufi mo natou ia “te fenua manuia.” ʼO feafeaʼi? ʼI te taʼu 2017, ko te hau ʼaia ʼo te noleto neʼe ina tapuʼi te ʼu gaue ʼa te kau Fakamoʼoni ʼa Sehova pea neʼe ina pilisoniʼi ʼihi ia natou. Neʼe ina toe tapuʼi ʼanatou tohi, ʼo feia ai mo te Tohi-Tapu Fakaliliu ʼo Te Malama Foʼou. Neʼe ina toe toʼo fakamalohi te Petele ʼo Lusia, mo te ʼu Fale Fono, ʼo feia mo te ʼu Fale Fakatahi Lalahi. ʼI te taʼu 2018, ko te Kolesi Pule neʼe natou mahino ai leva ko Lusia mo te ʼu fenua ʼae ʼe kau mo ia, neʼe ko te hau ʼo te noleto, ʼuhi ko te ʼu aluʼaga fuli ʼaia kua hoko. Kae ko te hahaʼi ʼa Sehova ʼe mole natou tauʼi he puleʼaga, peʼe natou faiga ke natou fetogi, tatau aipe pe ʼe ko te puleʼaga ʼaia ʼe ina fakatagaʼi natou. ʼE natou mulimuli ki te tokoni ʼa te Tohi-Tapu, ʼae ʼe ui ai ke tou faikole maʼa “natou fuli ʼae ʼe maʼu tuʼulaga maʼoluga,” kae tafito moka toʼo e natou ʼaia he ʼu tonu, pe ʼe feala ke tou tauhi faʼifaʼitaliha kia Sehova peʼe kailoa.—1 Tim. 2:1, 2.
KO TE HAU ʼO TE NOLETO ʼE MALO ANAI KOA ʼI TE HAU ʼO TE SAUTE?
10. Ko te hau ʼo te noleto ʼe malo anai koa ʼi te hau ʼo te saute? Kotou fakamahino.
10 Ko te lea fakapolofeta ʼo Taniela 11:40-45 ʼe palalau tafito ki te hau ʼo te noleto. Ko tona fakaʼuhiga koa ʼe malo anai ʼi te hau ʼo te saute? Kailoa ia. Ko te hau ʼo te saute ʼe kei “maʼuli” pe anai moka haga anai ia Sehova mo Sesu ʼo maumauʼi te ʼu puleʼaga fakatagata fuli ʼi Alamaketone. (Fkha. 19:20) He koʼe ʼe tou tui papau ki ai? Tou vakaʼi pe ʼe kotea ʼae ʼe fakaha mai e te ʼu lea fakapolofeta ʼo te ʼu tohi ʼo Taniela mo Fakaha, ʼo ʼuhiga mo te faʼahi ʼaia.
11. Kotea ʼae ʼe fakaha mai ia Taniela 2:43-45? (Vakaʼi te pāki ʼo te takafi.)
11 Lau ia Taniela 2:43-45. Ko te polofeta ko Taniela ʼe palalau ki te ʼu puleʼaga fakatagata kehekehe neʼe natou pule ki he ʼu fenua neʼe hahaʼi ai te ʼu kaugana ʼa te ʼAtua. Ko te ʼu puleʼaga ʼaia ʼe fakatatau ki te ʼu koga kehekehe ʼo he foʼi fakatata lahi, neʼe faʼu ʼaki te ʼu faʼahiga ukamea kehekehe. Ko te puleʼaga fakamuli ʼe fakatata ki te ʼu vaʼe ukamea ʼae neʼe fio ʼaki te kele. Ko te ʼu vaʼe ʼaia ʼe natou fakatata te Malohi Fakamalamanei ʼo Pilitania mo Amelika. Koia ko te lea fakapolofeta ʼo Taniela ʼe fakaha mai ai ko te Malohi Fakamalamanei ʼaia ʼe kei pule pe anai moka maumauʼi e te Puleʼaga ʼo te ʼAtua te ʼu puleʼaga fakatagata.
12. Kotea ʼae ʼe ina fakatata te fitu ʼulu ʼo te manu fekai, pea kotea ʼae ʼe lelei ke tou tokagaʼi?
12 Ko te apositolo ko Soane neʼe toe palalau ki te ʼu malohi fakamalamanei kehekehe neʼe natou pule ki he ʼu fenua neʼe hahaʼi ai te ʼu kaugana ʼa te ʼAtua. ʼE ina fakatatau te ʼu malohi ʼaia ki he manu fekai mo ʼona ʼulu ʼe fitu. Ko te fitu ʼulu ʼe ina fakatata te Malohi Fakamalamanei ʼo Pilitania mo Amelika. ʼE lelei ke tou tokagaʼi ʼe mole palalau te lea fakapolofeta ʼaia ki he valu ʼulu. Koia, ko te fitu ʼulu ʼaia ʼe kei pule pe anai moka maumauʼi e Kilisito mo ʼana ʼaselo te malohi ʼaia, ʼo feia mo te toe ʼo te manu fekai. *—Fkha. 13:1, 2; 17:13, 14.
KOTEA ʼAE KA VAVE FAI ANAI E TE HAU ʼO TE NOLETO?
13-14. Ko ai koa ia “Koke, i te fenua o Makoke”, pea kotea anai ka lagi uga ia natou ke natou ʼohofi te hahaʼi ʼa te ʼAtua?
13 Neʼe tohi e Esekiele he lea fakapolofeta ʼe tokoni mai ke tou mahino pe ʼe kotea ʼae ka lagi Esekiele 38:10-23, mo Taniela 2:43-45; 11:44–12:1 pea mo Fakaha 16:13-16, 21 ki he ʼu aluʼaga ʼe tatau. Kapau koia, koʼeni te meʼa ʼae ʼe matou manatu ka hoko anai.
hoko anai ʼi muʼa ʼo te fakaʼauha ʼo te hau ʼo te noleto mo te hau ʼo te saute. ʼE hage mai ʼe palalau ia te ʼu lea fakapolofeta ʼo14 ʼI te ʼosi kamata pe ʼo te mamahi lahi, ko “te ʼu hau ʼo te kele katoa” ʼe natou fakatahitahi anai. (Fkha. 16:13, 14; 19:19) Ko te fakatahitahi ʼaia ʼo he ʼu puleʼaga ʼe fakahigoaʼi ʼi te Tohi-Tapu ko “Koke, i te fenua o Makoke.” (Esk. 38:2) ʼE natou ʼohofi anai te hahaʼi fuli ʼa te ʼAtua pea mo natou faiga ke natou pulihi katoa ia natou. Kae kotea koa ʼae ka ina uga natou ke natou fai te faʼahi ʼaia? ʼI he lea fakapolofeta ʼo ʼuhiga mo te temi ʼaia, neʼe ui e te apositolo ko Soane neʼe to ifo he ʼua maka ki te ʼu fili ʼo te ʼAtua, neʼe ko te ʼu foʼi maka fua lalahi. Ko te ʼua maka ʼaia ʼe lagi fakaʼuhiga ki he logo malohi ʼo ʼuhiga mo he tautea ka tala anai e te ʼu kaugana ʼa Sehova. Ko te tala ʼo te logo ʼaia ʼe lagi uga anai ia Koke ʼo Makoke ke natou ʼohofi te hahaʼi ʼa te ʼAtua ke pulihi ʼosi.—Fkha. 16:21.
15-16. (1) Kotea te ʼu aluʼaga ʼe lagi palalau ki ai ia Taniela 11:44, 45? (2) Kotea anai ka hoko ki te hau ʼo te noleto mo te tahi ʼu puleʼaga ʼo Koke ʼo Makoke?
15 Ko te logo malohi ʼaia pea mo te ʼohofi fakaʼosi ʼae ka fai e te ʼu fili ʼo te ʼAtua ʼe lagi fakaʼuhiga ki te ʼu aluʼaga ʼae ʼe palalau ki ai Taniela 11:44, 45. (Lau) ʼI te ʼu vaega ʼaia, ʼe ui e Taniela ko “ni logo mai te esite mo te noleto” ʼe natou fakamatakuʼi anai te hau ʼo te noleto, pea alu anai “mo he ita lahi.” Ko te hau ʼaia ʼe ina loto anai ke ina “tamatei he hahai kaugamalie,” ʼae ʼe lagi fakaʼuhiga ki te ʼu kaugana ʼa te ʼAtua ʼe kaugā malie. * ʼE lagi palalau ʼi heni ia Taniela ki te ʼohofi fakamuli ʼo te hahaʼi fuli ʼa te ʼAtua.
16 ʼI te temi ʼae ka ʼohofi ai anai e te hau ʼo te noleto mo te tahi ʼu puleʼaga ia te hahaʼi ʼa te ʼAtua, ko te ʼAtua Mafimafi ʼe itaita anai pea ko te kamataʼaga pe ʼaia ʼo Alamaketone. (Fkha. 16:14, 16) Ko te hau ʼo te noleto mo te tahi ʼu puleʼaga ʼo Koke ʼo Makoke, ʼe pulihi anai kae “e mole pe tokoni he tahi kia ia.”—Tan. 11:45.
17. Ko ai ia Mikaele, “te pule lahi” ʼae ʼe palalau ki ai ia Taniela 12:1, pea kotea ʼae ka ina fai?
Taniela 12:1.) Kotea te fakaʼuhiga ʼo te vaega ʼaia? Ko Mikaele ko te tahi ʼaia higoa ʼo totatou Hau ʼae ko Sesu Kilisito. ʼE ina “taupau” te hahaʼi ʼa te ʼAtua talu mai tana kua liliu ko te Hau ʼo te Puleʼaga ʼo te ʼAtua ʼi selo, ʼi te taʼu 1914. Kua vave pe anai tana “tuu ake” ʼo tauʼi tona ʼu fili ʼi Alamaketone. Ko te tau ʼaia ʼe ko te aluʼaga fakaʼosi ʼae ka hoko ʼi te temi ʼae ʼe fakahigoaʼi e Taniela ko “he temi mamahi lahi osi.” ʼI te lea fakapolofeta ʼa Soane ʼae ʼe tou maʼu ia Fakaha, ʼe fakahigoaʼi ai te temi ʼi muʼa pe ʼo te hoko ʼo Alamaketone ko “te toe mamahi lahi.”—Fkha. 6:2; 7:14.
17 ʼE fakamahino mai leva e Taniela pe ʼe feafeaʼi anai te fakaʼauha ʼo te hau ʼo te noleto mo te tahi ʼu puleʼaga, pea ʼe haofaki feafeaʼi anai ia tatou. (Lau iaʼE TUʼU ANAI KOA TOU HIGOA ʼI TE TOHI?
18. He koʼe ʼe mole tonu ke tou tuʼania te ʼu aluʼaga ʼae ka hoko mai?
18 Ko Taniela mo Soane neʼe nā ui ʼe haofaki anai e Sehova mo Sesu ʼana kaugana lolotoga te mamahi lahi. Koia ʼe mole tonu ai ke tou tuʼania te ʼu aluʼaga ʼae ka hoko mai. ʼE ui e Taniela ko natou ʼae ka haofaki ʼe tuʼu ʼonatou higoa ʼi te tohi. (Tan. 12:1) Kotea ʼae ʼe tonu ke tou fai ke tuʼu totatou higoa ʼi te tohi ʼaia? ʼE tonu ke tou fakamoʼoni ʼaki ʼatatou gaue ʼe tou tui kia Sesu, ʼae ko “te Akeno ʼa te ʼAtua.” (Soa. 1:29) ʼE tonu ke tou foaki totatou maʼuli ki te ʼAtua pea mo papitema. (1 Pet. 3:21) Pea ʼe tonu ke tou lagolago ki te Puleʼaga ʼo te ʼAtua ʼaki tatatou tokoni ki te hahaʼi ke natou iloʼi ia Sehova.
19. Kotea ʼae ʼe tonu ke tou fai ʼi te temi nei, pea kotea tona tupuʼaga?
19 ʼI te temi nei, ʼe tonu ke tou fakamalohiʼi tatatou falala kia Sehova pea mo tana kautahi, he ʼe tou maʼu ai te ʼu kaugana agatonu ʼa te ʼAtua. Pea ʼi te temi nei, ʼe tonu ke tou lagolago malohi ki te Puleʼaga ʼo te ʼAtua. Kapau ʼe tou fai feia, pea ʼe haofaki ai anai tatou ʼi te ʼaho ʼae ka ina fakaʼauha ai te hau ʼo te noleto pea mo te hau ʼo te saute.
KATIKO 149 Ko Te Hiva ʼo Te Malo
^ pal. 5 Ko ai “te hau o te noleto” ia ʼaho nei, pea ʼe hoko feafeaʼi anai tona fakaʼosi? Ko te tali ki te fehuʼi ʼaia ʼe ina fakamalohiʼi anai tatatou tui pea mo tokoni mai ke tou nonofo teuteu ki te ʼu meʼa ʼae kua vave hoko mai, lolotoga te mamahi lahi.
^ pal. 12 Kapau ʼe kotou fia maʼu he ʼu fakamahino lelei ʼo ʼuhiga mo Taniela 2:36-45 pea mo Fakaha 13:1, 2, kotou vakaʼi Te Tule Leʼo ʼo te ʼaho 1 ʼo Sunio 2012, ʼi te pasina 7-19.
^ pal. 15 Kapau ʼe kotou fia maʼu he tahi ʼu fakamahino, vakaʼi Te Tule Leʼo ʼo te ʼaho 15 ʼo Maio 2015, pasina 27-28.