Lau ia Senesi 37:​23-28; 39:​17-23 ke ke ako mai te katakiʼi e Sosefo ia he aga heʼe faitotonu.

Vakaʼi te tahi ʼu aluʼaga neʼe hoko. He koʼe neʼe gaohi kovi e ʼihi ia Sosefo kae neʼe mole ina fai he meʼa ʼe kovi? (Sen. 37:​3-11; 39:​1, 6-10) Ko temi ʼe fia neʼe ina katakiʼi ai te ʼu aga heʼe faitotonu? (Sen. 37:2; 41:46) Lolotoga te temi ʼaia, kotea ʼae neʼe fai e Sehova maʼa Sosefo pea kotea ʼae neʼe mole neʼe ina fai?—Sen. 39:​2, 21; w23.01 17 ¶13.

Fakaloloto tau mahino. Logo la te ʼu loi ʼae neʼe fai e te ʼohoana ʼo Potifale, ʼe mole ui ʼi te Tohi-Tapu neʼe tali e Sosefo ki tona ʼu tukugakovi ʼaia. ʼE tokoni feafeaʼi mai te ʼu vaega ʼae ʼe hoa mai ke tou fakakaukauʼi te ʼu tupuʼaga ʼo te filifili e Sosefo ke nofo fakalogologo, peʼe koʼe ʼe mole ʼaoga ke tou iloʼi te ʼu faʼahi fuli ʼae neʼe hoko? (Taag. 20:2; Soa. 21:25; Gaue 21:37) Kotea te ʼu kalitate neʼe feala ke tokoni kia Sosefo ke ina katakiʼi te aga heʼe faitotonu?—Mik. 7:7; Luka 14:11; Sakp. 1:​2, 3.

Taʼofi ni ako. Fai te ʼu fehuʼi ʼaeni:

• ‘Kotea he aluʼaga heʼe faitotonu ʼe feala ke au tau mo ia ʼi toku ʼuhiga tisipulo ʼa Kilisito?’ (Luka 21:​12, 16, 17; Hep. 10:​33, 34)

• ‘Kotea ʼae ʼe tonu ke au fai atu nei ke au lava katakiʼi he aga heʼe faitotonu?’ (Pes. 62:​7, 8; 105:​17-19; w19.07 2-7)