Tou Tauhi Kia Sehova, Te ʼAtua ʼo Te ʼAteaina
“Ko te potu ʼae ʼe maʼu ai te laumalie ʼo Sehova, ʼe maʼu ai te ʼateaina.”—2 KOLONITO 3:17.
1, 2. (1) He koʼe ko te maʼuli popula pea mo te ʼateaina neʼe ko he ʼu faʼahi maʼuhiga ʼi te temi ʼo te apositolo ko Paulo? (2) ʼO mulimuli ki te ʼu palalau ʼa Paulo, ko ai te Matapuna ʼo te ʼateaina moʼoni?
NEʼE maʼuʼuli te kau ʼuluaki Kilisitiano ʼi te Puleʼaga ʼo Loma. Ko te kau Loma neʼe natou fiameʼameʼa ʼuhi ko ʼanatou lao, te fakatuʼutuʼu ʼo te ʼu faifakamau pea mo te ʼateaina ʼae neʼe natou maʼu. Kae, neʼe malohi te puleʼaga ʼaia ʼuhi ko te lahi ʼo ʼanatou kaugana. ʼI te tahi temi, neʼe fakafuafua ko te toko 30 ki te teau, neʼe ko he ʼu kaugana ʼi te Puleʼaga ʼo Loma. ʼE mahino papau ia, ko te maʼuli popula pea mo te ʼateaina neʼe ko he ʼu faʼahi maʼuhiga ki te hahaʼi pea mo te kau Kilisitiano.
2 Neʼe tau faitohi te apositolo ko Paulo ʼo ʼuhiga mo te ʼateaina. Kae neʼe mole faiga ia ke ina fakatokatoka te ʼu fihifihia ʼo te malama, ʼae neʼe fakaʼamu ki ai te tokolahi ʼo te temi ʼaia. Neʼe faiga malohi ia Paulo mo ʼona tehina Kilisitiano ke natou akoʼi ki te hahaʼi te logo lelei ʼo te Puleʼaga ʼo te ʼAtua. Pea neʼe natou toe tokoni ki te hahaʼi ke natou mahino ki te maʼuhiga ʼo te sakilifisio ʼo Sesu Kilisito. Neʼe ina fakaha ki ʼona tehina pe ʼe 2 Kolonito 3:17.
natou maʼu anai ʼifea te Matapuna ʼo te ʼateaina moʼoni. Neʼe ina tohi fenei: “Ko Sehova ʼe Laumalie, pea ko te potu ʼae ʼe maʼu ai te laumalie ʼo Sehova, ʼe maʼu ai te ʼateaina.”—3, 4. (1) Kotea ʼae neʼe talanoa ki ai ia Paulo ʼi te ʼu vaega ʼi muʼa atu ʼo 2 Kolonito 3:17? (2) Kotea ʼae ʼe tonu ke tou fai ke tou maʼu ai te ʼateaina ʼae ʼe haʼu mai ia Sehova?
3 ʼI tana lua tohi ʼae neʼe ina fai ki te kau Kolonito, neʼe talanoa ai Paulo ki te aluʼaga neʼe hoko kia Moisese ʼi tana hifo mai te Moʼuga ʼo Sinai hili tana felogoi mo he ʼaselo ʼa Sehova. Neʼe tapa gigila tona fofoga. ʼI te temi ʼae neʼe sisio ai te kau Iselaele kia Moisese, neʼe natou matataku, pea neʼe ina ʼuʼufi ai tona fofoga ʼaki he kie. (Ekesote 34:29, 30, 33; 2 Kolonito 3:7, 13) Neʼe fakamahino fenei e Paulo: “Kaʼe moka haga he tahi kia Sehova, pea ʼe toʼo te kie ʼaia.” (2 Kolonito 3:16) Kotea te fakaʼuhiga ʼo te ʼu palalau ʼa Paulo?
4 Ohage pe ko tatatou vakaʼi ʼi te alatike ʼae kua ʼosi atu, ko Sehova tokotahi pe, te Tupuʼaga ʼo meʼa fuli, ʼe mole he tuʼakoi ʼo tona ʼateaina. Koia, ʼe ko he manatu fakapotopoto te ui ʼae “ko te potu ʼae ʼe maʼu ai te laumalie ʼo Sehova,” ʼe maʼu ai te ʼateaina. Kae neʼe ui e Paulo, kapau ʼe tou fia maʼu te ʼateaina ʼaia, ʼe tonu ke tou haga kia Sehova. Ko tona fakaʼuhiga, ʼe tonu ke tou maʼu he ʼu felogoi lelei pea mo ia. Ko te kau Iselaele ʼae neʼe maʼuʼuli ʼi te toafa, neʼe natou maʼu he ʼu manatu fakatagata hili tonatou fakaʼateainaʼi mai Esipito kae neʼe mole natou maʼu te manatu ʼa Sehova. Neʼe hage pe ia ʼe ʼuʼufi ʼonatou ʼatamai mo ʼonatou loto ʼaki he kie. Neʼe natou fia fakaʼaogaʼi tonatou ʼateaina foʼou moʼo fai te meʼa ʼae ʼe natou loto ki ai.—Hepeleo 3:8-10.
Maʼia mo he tahi ʼe kaugana peʼe pilisoniʼi, ʼe feala ke ina maʼu te ʼateaina
5. (1) Kotea te faʼahiga ʼateaina ʼae ʼe foaki mai e te laumalie ʼo Sehova? (2) ʼE tou iloʼi feafeaʼi ʼe feala ke maʼu e he tahi ʼe kaugana peʼe pilisoniʼi te ʼateaina ʼae ʼe foaki e Sehova? (3) Kotea te ʼu fehuʼi ʼe tou tali anai ki ai?
5 Ko te ʼateaina ʼae ʼe foaki mai e te laumalie ʼo Sehova, ʼe mole gata ʼaki pe tana fakaʼateainaʼi tatou mai te maʼuli popula. Kae ʼe ina fakaʼateainaʼi tatou mai te kaugana ki te agahala, mo te mate pea mo te kaugana ki te lotu hala mo ʼana talatisio. Pea ko te ʼateaina ʼaia, ʼe mole feala ke foaki mai e he tagata. (Loma 6:23; 8:2) ʼI ʼateaina taulekaleka leva. Maʼia mo he tahi ʼe kaugana peʼe pilisoniʼi, ʼe feala ke ina maʼu te ʼateaina ʼaia. (Senesi 39:20-23) Neʼe pilisoniʼi te Tuagaʼane ko Nancy Yuen mo te Tehina ko Harold King ʼi he ʼu taʼu ʼuhi ko tanā tui, kae neʼe nā maʼu te faʼahiga ʼateaina ʼaia. ʼE feala ke tou sioʼi ʼonā fakamatala ʼi te JW Télédiffusion (Kotou vakaʼi INTERVIEWS ET TÉMOIGNAGES > L’ENDURANCE DANS L’ÉPREUVE.) Kae ʼe feala ke tou fakaha feafeaʼi ʼe maʼuhiga ʼaupito kia tatou totatou ʼateaina? Pea ʼe feala ke tou fakaʼaogaʼi fakapotopoto feafeaʼi totatou ʼateaina?
ʼE MAʼUHIGA ʼAUPITO TE ʼATEAINA ʼAE ʼE FOAKI MAI E TE ʼATUA
6. Neʼe fakaha feafeaʼi e te kau Iselaele tanatou mole lotofakafetaʼi ki te ʼateaina ʼae neʼe foaki age e Sehova?
6 Moka foaki mai e he tahi he meʼa ʼofa ʼe maʼuhiga, pea ʼe tou lotofakafetaʼi kia ia ʼae neʼe ina foaki mai. Kae neʼe mole lotofakafetaʼi Numelo 11:5, 6, 10; 14:3, 4) Pea ʼe tou maʼu ai he ako ʼe maʼuhiga.
te kau Iselaele ki te ʼateaina ʼae neʼe foaki age e Sehova kia natou. Hili he ʼu kiʼi mahina ki tonatou fakaʼateainaʼi mai Esipito e Sehova, neʼe natou toe manatuʼi te meʼa kai mo te meʼa inu ʼae neʼe natou maʼu ʼi Esipito. Neʼe mole kei natou leleiʼia te mane, te meʼa kai ʼae neʼe foaki age e Sehova. Pea neʼe natou toe fia liliu ki Esipito. Kia natou, neʼe maʼuhiga age ‘te ʼu ika, te ʼu kokomu, te ʼu melo, te pualo, mo te onioni mo te lai’ ʼi te ʼateaina ʼae neʼe foaki age e Sehova ke natou tauhi ai kia te ia. ʼE mole tou punamaʼuli ai ki te ita lahi ʼae ʼa Sehova kia natou. (7. Neʼe maʼuliʼi feafeaʼi e Paulo tana tokoni ʼae ia 2 Kolonito 6:1, pea ʼe feala ke tou faʼifaʼitakiʼi feafeaʼi?
7 Neʼe fakalotomalohiʼi e Paulo te kau Kilisitiano fuli ke natou lotofakafetaʼi tuʼumaʼu ki te ʼateaina ʼae neʼe foaki mai e Sehova ʼaki tona ʼAlo, ia Sesu Kilisito. (Lau ia 2 Kolonito 6:1.) Ko Paulo neʼe ko te tagata agahala, pea neʼe ina logoʼi tana kaugana ʼae ki te agahala mo te mate, pea neʼe lotomamahi ʼaupito ai. Kae neʼe ina ui fenei: “ ʼE au fakafetaʼi ki te ʼAtua ʼaki ia Sesu Kilisito totatou ʼAliki!” He koʼe neʼe ina ui te faʼahi ʼaia? Neʼe fakamahino fenei e Paulo ki te kau Kilisitiano: “Koteʼuhi ko te lao ʼo te laumalie ʼo te ʼAtua ʼae ʼe ina foaki te maʼuli ʼaki ia Kilisito Sesu, ʼe ina fakaʼateainaʼi koutou mai te lao ʼo te agahala pea mo te mate.” (Loma 7:24, 25; 8:2) Ohage ko Paulo, ʼe tonu anai ke tou manatuʼi tuʼumaʼu totatou fakaʼateainaʼi e Sehova mai te kaugana ki te agahala mo te mate. ʼAki te sakilifisio, kua feala hatatou tauhi ki te ʼAtua ʼaki he leʼo ʼo loto ʼe maʼa, pea mo he fiafia moʼoni.—Pesalemo 40:9.
ʼE ke lolotoga fakaʼaogaʼi koa tou loto faʼitaliha moʼo fai ʼaki te meʼa ʼe ke loto ki ai Sehova, peʼe ko te meʼa ʼae ʼe ke loto ki ai? (Vakaʼi te palakalafe 8-10)
8, 9. (1) Kotea ʼae neʼe fakatokaga mai e te apositolo ko Petelo ʼo ʼuhiga mo te fakaʼaogaʼi ʼo totatou ʼateaina? (2) ʼE feala ke fakaʼaogaʼi kovi feafeaʼi e he tahi tona ʼateaina?
8 ʼE mole gata ʼaki pe tatatou ui ʼae ʼe tou lotofakafetaʼi kia Sehova, kae ʼe tonu ke tou tokakaga naʼa tou toe fakaʼaogaʼi kovi totatou 1 Petelo 2:16.) Ko te fakatokaga ʼaia ʼe ina fakamanatuʼi mai te aluʼaga ʼae neʼe hoko ki te kau Iselaele ʼi te toafa. Pea ko te fakatokaga ʼaia ʼe toe ʼaoga kia tatou ʼo lahi age ia ʼaho nei. ʼE foaki mai e Satana mo tana malama ia he ʼu meʼa ʼe lagi tou manako ki ai ohage la ko te ʼu mutuʼi meʼa, te meʼa kai, te meʼa inu, mo te ʼu fakafiafia mo ʼihi atu. ʼI te ʼu fakahaha koloa, ʼe ha ai ni hahaʼi ʼe talavou mo faiva ʼi te ʼekenaki ʼo tatou ke tou toʼo he ʼu meʼa kae ʼe mole hona ʼaoga. ʼO feala ai ke faigafua hatatou to ki te ʼu hele ʼo te malama pea mo tou fakaʼaogaʼi kovi ai totatou ʼateaina.
ʼateaina. Ohage la, neʼe fakatokaga mai te apositolo ko Petelo ke ʼaua naʼa tou fakaʼaogaʼi totatou ʼateaina ko he takuʼaki moʼo fai ʼaki te ʼu meʼa ʼae ʼe kovi. (Lau ia9 ʼE toe ʼaoga te tokoni ʼaia ʼa Petelo ʼi ʼihi atu faʼahi maʼuhiga ʼo te maʼuli, ohage la ko te filifili ʼo te faʼahiga ako fea, peʼe ko he gaue. Ko te kau tupulaga ʼo te temi nei ʼe fakalotoʼi ke natou gaue kinakina pea hoki feala ke tali natou ʼi te ʼu univelesite. ʼE toe fakalotoʼi natou ke natou ako ʼi te ʼu fale ako lalahi, ʼo feala ai ke maʼu hanatou gaue lelei, lahi hanatou falā, pea mo fakaʼapaʼapaʼi ai natou. ʼE fakaha age e te hahaʼi ʼaia he ʼu fakamoʼoni ko natou ʼae ʼe maʼu pepa ʼi te univelesite ʼe maʼu falā age ia natou ʼae ʼe maʼu pepa ʼi te lise. Koia ʼi te temi ʼae ka natou toʼo ai he ʼu tonu ʼo ʼuhiga mo te ka haʼu, ʼe feala pe ke leleiʼia e te kau tupulaga te manatu ʼae ke natou hoko atu tanatou ako ʼi te ʼu fale ako maʼoluga. Kae kotea ʼae ʼe tonu ke manatuʼi e te kau tupulaga mo ʼanatou matuʼā?
10. Kotea ʼae ʼe tonu ke tou manatuʼi moka tou tahi toʼo hana tonu?
10 ʼE lagi ui e te tokolahi, ʼuhi ʼae ʼe tahi fakalogo pe ki te tagata te tonu ʼae ʼe ina toʼo, ʼe natou ʼateaina ʼi te filifili ʼo te meʼa ʼae ʼe natou loto ki ai, kehe pe ke fakagafua age e ʼonatou leʼo ʼo loto. ʼE lagi natou manatu ki te ʼu palalau ʼaeni ʼa Paulo: “He koʼe ʼe fakamauʼi anai toku ʼateaina e te leʼo ʼo loto ʼo he tahi age?” (1 Kolonito 10:29) Logo la ʼe tou ʼateaina ʼi te ʼu tonu ʼae ʼe tou fai ʼo ʼuhiga mo te ako, mo te gaue, kae ʼe tonu ke tou manatuʼi ʼe fakatuʼakoi totatou ʼateaina, pea ko te ʼu tonu fuli ʼe tou fai ʼe ʼi ai ʼona fua. Koia ʼae neʼe ui fenei ai e Paulo: “ ʼE gafua ia meʼa fuli pe, kaʼe ʼe mole ʼaoga ia meʼa fuli. ʼE gafua ia meʼa fuli pe, kaʼe ʼe mole fakalotomalohi ia meʼa fuli.” (1 Kolonito 10:23) Koia logo la ʼe tou maʼu te ʼateaina ʼae ke tou tahi toʼo ai ʼatatou tonu, kae ʼe ʼi ai te ʼu meʼa ʼe maʼuhiga age ʼi te ʼu meʼa ʼae ʼe tou loto ki ai.
TOU FAKAʼAOGAʼI FAKAPOTOPOTO TOTATOU ʼATEAINA MOKA TOU TAUHI KIA SEHOVA
11. Kotea te tupuʼaga ʼae neʼe fakaʼateainaʼi ai tatou e Sehova?
11 ʼI te fakatokagaʼi ʼo tatou e Petelo ke mole tou fakaʼaogaʼi kovi totatou ʼateaina, neʼe ina ui ke tou fakaʼaogaʼi totatou ʼateaina “ohage ko he ʼu kaugana ʼa te ʼAtua.” Neʼe fakaʼaogaʼi e Sehova ia Sesu ke ina fakaʼateainaʼi tatou mai te agahala mo te mate, ko tona tupuʼaga ʼae ke tou tauhi kia te Ia ʼi totatou maʼuli katoa.
Ko te faʼahiga fakaʼaogaʼi lelei ʼo totatou ʼateaina, ko te fakaʼaogaʼi ʼo te temi mo totatou malohi ke tou tauhi lahi ai kia Sehova
12. Kotea te faʼifaʼitaki neʼe tuku mai e Noe mo tona famili?
12 Ko te faʼahiga fakaʼaogaʼi lelei ʼo totatou ʼateaina, ko te fakaʼaogaʼi ʼo te temi mo totatou malohi ke tou tauhi lahi ai kia Sehova. Kapau ʼe tou fai feia, ʼe mole tou tuku anai ʼatatou fakatuʼutuʼu fakamalama pea mo ʼotatou holi takitokotahi ke liliu ʼo takimuʼa ʼi totatou maʼuli. (Kalate 5:16) Tou vakaʼi te faʼifaʼitaki ʼo Noe mo tona famili. Neʼe natou maʼuli ʼi he malama agakovi mo heʼe ʼaoga. Kae neʼe mole natou kau ki te ʼu fakatuʼutuʼu mo te ʼu gaue ʼa te hahaʼi ʼi ʼonatou tafaʼaki. Neʼe natou filifili ke natou maʼumaʼua ʼi te gaue ʼae neʼe foaki age e Sehova ke natou fai. Neʼe natou faʼu te aleka, tanaki he ʼu meʼa kai maʼa natou mo te ʼu manu, pea natou toe fakatokagaʼi te hahaʼi ʼo ʼuhiga mo te Tulivio. “Nee fai leva ia Noe ki ai: nee ina fai leva te u mea fuli ae nee fakatotonu e te Atua kia ia.” (Senesi 6:22) Koia, neʼe haofaki ai Noe mo tona famili ʼi te fakaʼosi ʼo te malama ʼaia.—Hepeleo 11:7.
13. Kotea ʼae neʼe fakatotonu mai e Sehova ke tou fai?
13 Kotea neʼe fakatotonu mai e Sehova ke tou fai ia ʼaho nei? ʼI totatou ʼuhiga tisipulo ʼa Sesu, ʼe tou iloʼi neʼe fakatotonu mai e te ʼAtua ke tou faifakamafola. (Lau ia Luka 4:18, 19.) Ia ʼaho nei, ko te hahaʼi kua fakakiviʼi e Satana pea ʼe mole natou iloʼi ʼe natou lolotoga kaugana nei ki te lotu hala, te ʼu koloa fakamalama, pea mo te fai politike. (2 Kolonito 4:4) Kae ohage ko Sesu, ʼe tou maʼu te pilivilesio ʼae ko te tokoni ki ʼihi ke natou ako ke natou iloʼi pea mo tauhi kia Sehova, te ʼAtua ʼo te ʼateaina. (Mateo 28:19, 20) ʼE mole faigafua te faifakamafola ki ʼihi. ʼI ʼihi fenua, ʼe mole tokaga te hahaʼi ke natou iloʼi te ʼAtua, pea ko ʼihi ʼe natou itaita moka tou faifakamafola age kia natou. Kae ʼuhi ʼae neʼe fakatotonu mai e Sehova ke tou faifakamafola, ʼe tonu ke tou fai te fehuʼi ʼaeni: ‘ ʼE feala koa ke au fakaʼaogaʼi toku ʼateaina ke au tauhi lahi age ai kia Sehova?’
14, 15. Kotea ʼae neʼe fakatotonu e ʼihi tehina mo tuagaʼane ke natou fai? (Vakaʼi te ʼuluaki pāki.)
14 ʼE fakalotomalohi tatatou sio ki te tokolahi ʼo ʼotatou tehina mo tuagaʼane ʼi tanatou mahino kua ovi mai te fakaʼosi ʼo te tuʼu ʼaeni, ʼe natou maʼuli fakafeʼauga ke feala ai hanatou pionie. (1 Kolonito 9:19, 23) Ko ʼihi ʼe natou pionie ʼi tonatou telituale, pea olo ʼihi ki te ʼu kokelekasio ʼae ʼe ʼaoga ki ai he tokoni. ʼI te ʼu taʼu ʼaeni ʼe nima kua ʼosi, neʼe ko pionie katoa ʼe toko 250 000 tupu, kae ʼi te temi nei, ko pionie katoa ʼe toko tahi miliona teau afe tupu. ʼE fakaofoofo tatatou sisio ki ʼotatou tehina mo tuagaʼane, tanatou fakaʼaogaʼi te ʼateaina ʼaia ke natou tauhi kia Sehova.—Pesalemo 110:3.
15 Kotea ʼae neʼe tokoni ki te ʼu tehina mo tuagaʼane ʼaia ke natou fakaʼaogaʼi fakapotopoto ai tonatou ʼateaina? Tou vakaʼi te faʼifaʼitaki ʼo John pea mo Judith. ʼI te ʼu taʼu ʼaeni ʼe 30 kua ʼosi, neʼe nā pionie ʼi te ʼu fenua kehekehe. ʼE nā manatuʼi, ʼi te kamata ʼo te Ako ’o Te Kau Pionie ʼi te 1977, neʼe fakalotomalohiʼi te kau ako ke natou olo ʼo faifakamafola ʼi te ʼu koga meʼa neʼe ʼaoga lahi ai he tokoni. Neʼe tonu kia John mo Judith ke nā maʼuli fakafeʼauga ke nā fakahoko tanā fakatuʼutuʼu ʼaia. Koia ʼae neʼe tau fetogi gaue ai ia John. Ki muli age, neʼe nā olo ai ʼo faifakamafola ʼi tuʼa puleʼaga. Kotea ʼae neʼe tokoni kia naua ke nā tauʼi te ʼu fihifihia ohage ko te ako ʼo he lea foʼou, te fakamamahani ki he agaʼi fenua foʼou pea mo te fetogi ʼaele? Neʼe nā faikole pea mo falala kia Sehova. Kotea tanā manatu ʼo Sakopo 4:8: ‘Kotou fakaovi ki te ʼAtua, pea ʼe fakaovi atu anai kia koutou.’ Pea kua au maʼu te faʼahi ʼae neʼe au kumi, ko he ʼuhiga moʼoni ʼo toku maʼuli.”
ʼuhiga mo te ʼu taʼu ʼaia neʼe nā kau ki te selevisi pionie? ʼE ui fenei e John: “Kia au, neʼe au fakaʼaogaʼi katoa toku maʼuli ki te gaue ʼae ʼe mole ʼi ai hona fakatatau. Neʼe kua hage pe ia Sehova kia au ko haku tamai fonu ʼi te ʼofa. Kua au mahino lelei age ʼi te temi nei ki te ʼu palalau ʼaeni ia16. Neʼe fakaʼaogaʼi fakapotopoto feafeaʼi e te toko lauʼi afe tehina mo tuagaʼane tonatou ʼateaina?
16 Ohage ko John mo Judith, ʼe feala ki ʼihi ke natou pionie katoa ʼi he temi loaloaga. Pea ko ʼihi, ʼuhi ko ʼonatou aluʼaga, ʼe feala pe hanatou pionie lolotoga he kiʼi temi. Kae ʼe hahaʼi natou ʼae ʼe kau ʼi te ʼu gaue laga fale. Ohage la, ko tehina mo tuagaʼane ʼe teitei toko 27 000 neʼe tokoni ki te laga ʼo ʼatatou pilo lalahi ʼi Warwick, ʼi New York. Neʼe gaue ʼihi lolotoga vahaʼa ʼe lua, ko ʼihi lolotoga he ʼu mahina pea neʼe toe fuafualoa atu ʼihi. Tokolahi ʼotatou tehina mo tuagaʼane neʼe natou fai he ʼu sakilifisio ke natou olo ʼo gaue ʼi Warwick. Pea ʼe ko he ʼu faʼifaʼitaki fakaofoofo tanatou fakaʼaogaʼi tonatou ʼateaina ke natou fakakololiaʼi mo fakaʼapaʼapaʼi ai ia Sehova, te ʼAtua ʼo te ʼateaina.
17. Kotea ʼe feala ke tou atalitali ki ai moka tou fakaʼaogaʼi fakapotopoto totatou ʼateaina ʼi te temi nei?
17 ʼE tou lotofakafetaʼi ʼi tatatou ako ʼae ke tou iloʼi ia Sehova pea mo te ʼateaina ʼae ʼe tou maʼu ʼi te tauhi moʼoni. Koia tou fakaha ʼi te ʼu tonu ʼae ʼe tou toʼo, ʼe maʼuhiga te ʼateaina ʼaia kia tatou. ʼAua naʼa tou fakaʼaogaʼi kovi, kae tou fakaʼaogaʼi totatou ʼateaina ke lahi age tatatou tauhi ʼae kia Sehova. ʼE feala anai ke tou maʼu te ʼu tapuakina ʼae neʼe fakapapauʼi mai e Sehova ʼi te temi ʼae ka ina fakahoko anai te lea fakapolofeta ʼaeni: “ ʼE toe fakaʼateaina anai foki mo te fakatupu mai te popula ki te agahala mo te mate, pea mo natou maʼu te ʼateaina fakakololia ʼo te ʼu fanau ʼa te ʼAtua.”—Loma 8:21.