Ke Tou Toe Malohi Age ʼi Te Faʼahi Fakalaumalie
“Kotou haga haʼele ʼaki te laumalie maʼoniʼoni.”—KALATE 5:16.
1, 2. Kotea ʼae neʼe mahino ki ai he tehina ʼo ʼuhiga mo ia totonu? Pea kotea tana puleʼaki?
KO ROBERT neʼe papitema ʼi tona taʼu 15, kae neʼe mole faʼa maʼuhiga kia ia te moʼoni. ʼE ina ui fenei: “Neʼe mole he temi neʼe au fai ai he meʼa ʼe kovi, kae neʼe mole au fakakaukauʼi te ʼu meʼa ʼae ʼe au fai. Neʼe hage neʼe au malohi ʼi te faʼahi fakalaumalie, he ʼe au kau ki te ʼu fono fuli pea ʼi te taʼu fuli ʼe au tautau pionie vaeluaʼi temi. Kae neʼe au logo ifo ʼe ʼi ai te faʼahi ʼe totō ʼi toku maʼuli.”
2 Neʼe hoki mahino ia Robert ki te faʼahi ʼae neʼe totō ʼi tona maʼuli ʼi tana kua ʼosi ʼohoana. ʼI ʼihi temi, ko tanā gaoʼi mo tona ʼohoana ko te fai ʼo te ʼu fehuʼi Fakatohi-tapu. Neʼe iloʼi lelei e tona ʼohoana te Tohi-Tapu, koia neʼe faigafua ai tana maʼu te ʼu tali. Kae neʼe ufiufi ia Robert he neʼe mole ina maʼu te ʼu tali. ʼE ina ui fenei: “Neʼe hage pe ia neʼe mole au iloʼi he meʼa. Pea neʼe au manatu ai, ‘Kapau ʼe au fia liliu ko he pule famili lelei, neʼe tonu ke au maʼu he puleʼaki.’ ” Neʼe ina fakahoko te faʼahi ʼaia. ʼE ina ui, ‘Neʼe au ako liuliuga te Tohi-Tapu pea neʼe au kamata mahino mamalie ai ki te Tohi-Tapu. Neʼe au maʼu ai he ʼatamai malama, kae ko te maʼuhiga neʼe au maʼu he ʼu felogoi lelei mo Sehova.’
3. (1) Kotea ʼe feala ke tou ako mai te faʼifaʼitaki ʼo Robert? (2) Kotea te ʼu fehuʼi maʼuhiga ka tou talanoa anai ki ai ʼi te alatike ʼaeni?
Filipe 3:16) ʼI te alatike ʼaeni, ʼe tou tali anai ki te ʼu fehuʼi maʼuhiga ʼe tolu: (1) Kotea anai ka tokoni mai ke tou iloʼi pe ʼe feafeaʼi totatou maʼuli fakalaumalie? (2) ʼE feafeaʼi hatatou liliu ʼo malohi age ʼi te faʼahi fakalaumalie? (3) Ko te malohi ʼi te faʼahi fakalaumalie ʼe tokoni feafeaʼi mai ʼi totatou maʼuli ʼi te ʼaho fuli?
3 ʼE lahi te ʼu ako maʼuhiga ʼe feala ke tou taʼofi mai te faʼifaʼitaki ʼo Robert. ʼE lagi tou iloʼi te Tohi-Tapu pea mo tou kau tuʼumaʼu ki te ʼu fono mo te faifakamafola, kae ʼe mole feʼauga te ʼu faʼahi ʼaia ke tou pipiki ki te ʼu meʼa fakalaumalie. Peʼe lagi kua tou tuputupu ʼi te faʼahi fakalaumalie, kae moka tou vakaʼi ia tatou totonu ʼe tou tokagaʼi ai ʼe kei ʼi ai te ʼu faʼahi ʼe feala ke tou tuputupu ai. (TOU VAKAʼI TOTATOU MAʼULI FAKALAUMALIE
4. ʼE fakaʼuhiga kia ai te tokoni ʼae ʼe tou maʼu ia Efeso 4:23, 24?
4 ʼI tatatou kamata tauhi ki te ʼAtua, neʼe tou fai he ʼu fetogi neʼe ʼi ai ʼona fua ki totatou maʼuli katoa. Pea neʼe hoko atu pe te ʼu fetogi ʼaia ʼi tatatou ʼosi papitema. ʼE ui fenei mai ʼi te Tohi-Tapu: “Ke hoko atu takotou fakafoʼou ia takotou faʼahiga manatu.” (Efeso 4:23, 24) ʼE tonu ke tou fai tuʼumaʼu te ʼu fetogi, koteʼuhi ʼe tou agahala. Tatau aipe pe ʼe tou tauhi kia Sehova talu mai fualoa, kae ʼe tonu ke malohi tuʼumaʼu tatatou felogoi ʼae mo ia.—Filipe 3:12, 13.
5. Kotea te ʼu fehuʼi ʼae ʼe lava tokoni mai ke tou vakavakaʼi ai ia tatou totonu?
5 Pe ʼe tou tupulaga peʼe tou matuʼa, ʼe ʼaoga ke tou tahi vakavakaʼi fakamalotoloto ia tatou totonu. ʼE feala ke tou fai te ʼu fehuʼi ʼaeni: ‘ ʼE au tokagaʼi koa pe ʼe kua au liliu ʼo malohi ʼi te faʼahi fakalaumalie? ʼE au faʼifaʼitakiʼi koa ia Kilisito? Kotea ʼae ʼe ha ʼi taku faʼahiga manatu mo taku aga ʼe au fai ʼi te ʼu fono? Kotea ʼae ʼe ha ʼi ʼaku faipalalau mo ʼihi ʼo ʼuhiga mo te meʼa ʼae ʼe au loto moʼoni ki ai? Kotea ʼae ʼe ha ʼo ʼuhiga mo au ʼi taku faʼahiga ako, taku faʼahiga faiteuteu mo faʼu toku lauʼulu pea mo taku faʼahiga tali te ʼu tokoni? Kotea ʼae ʼe au fai moka hoko mai he fakahala? Kua au liliu koa ko he Kilisitiano fotufotuʼa ʼi te faʼahi fakalaumalie?’ (Efeso 4:13) ʼE lava tokoni mai te ʼu fehuʼi ʼaia ke tou fakafuafua ai ia tatatou tuputupu ʼi te faʼahi fakalaumalie.
6. Kapau ʼe tou fia iloʼi pe ʼe tou tuputupu ʼi te faʼahi fakalaumalie, kotea te tahi faʼahi ʼe tonu ke tou fai?
6 ʼI ʼihi temi, ʼe ʼaoga ke tou kole tokoni ki ʼihi ke feala ai hatatou iloʼi pe ʼe tou tuputupu ʼi te faʼahi fakalaumalie. Neʼe fakamahino e te apositolo ko Paulo ko te tagata ʼae ʼe takitaki e ʼona holi peʼe ko te ʼu manatu fakatagata, ʼe mole mahino ia ko tona faʼahiga maʼuli ʼe mole ina fakafiafiaʼi te ʼAtua. Kae ko te tagata ʼae ʼe takitaki e te laumalie ʼo te ʼAtua, ʼe mahino ki tana faʼahiga manatu. ʼE ina iloʼi ʼe mole tali e Sehova ia te faʼahiga maʼuli ʼo te tagata ʼae ʼe mulimuli ki ʼona holi. (1 Kolonito 2:14-16; 3:1-3) Ko te kau tagata ʼafeā ʼae ʼe natou maʼu te manatu ʼa Kilisito, ʼe natou fakatokagaʼi fakavilivili moka kamata maʼu ʼe he ʼu tehina he ʼu manatu fakamalama. Pea ʼe natou faigaʼi ke natou tokoni ki te ʼu tehina ʼaia. Kapau ʼe fia tokoni mai te kau tagata ʼafeā, ʼe tou tali anai koa tanatou tokoni pea mo tou fai he ʼu fetogi? Kapau ʼe tou fai te faʼahi ʼaia, ʼe tou fakaha anai ʼe tou fia tuputupu moʼoni ʼi te faʼahi fakalaumalie.—Ekelesiasi 7:5, 9.
KE TOU TOE MALOLOHI AGE ʼI TE FAʼAHI FAKALAUMALIE
7. ʼE feafeaʼi hatatou iloʼi he tahi ʼe ina maʼu he ʼu manatu fakalaumalie ʼe mole gata ʼaki pe tana maʼu te ʼatamai malama ʼo te Tohi-Tapu?
7 Ko te iloʼi ʼo te Tohi-Tapu ʼe mole feʼauga ia ke takitaki ai tatou e te laumalie ʼo te ʼAtua. Neʼe iloʼi lelei e te Hau ko Salomone ia Sehova pea neʼe tohi ʼana ʼihi palalau fakapotopoto ʼi te Tohi-Tapu. Kae ki muli age neʼe vaivai ʼana felogoi ʼae mo Sehova pea neʼe mole nofo agatonu kia te ia. (1 Hau 4:29, 30; 11:4-6) Koia ʼe mole gata ʼaki pe tatatou iloʼi ia te Tohi-Tapu. Kae kotea ʼae ʼe toe ʼaoga mai kia tatou? ʼE ʼaoga ke tou hoko atu tatatou fakamalohiʼi tatatou tui. (Kolose 2:6, 7) ʼE feafeaʼi hatatou fai te faʼahi ʼaia?
8, 9. (1) Kotea anai ka tokoni mai ke malohi tatatou tui? (2) Kotea tau fakatuʼutuʼu moka ʼe ke ako mo metitasio? (Vakaʼi te ʼuluaki pāki.)
8 ʼI te ʼuluaki sekulo, neʼe fakalotomalohiʼi e Paulo ia te kau Kilisitiano ke natou “liliu ʼo fotufotuʼa ʼi te faʼahi fakalaumalie.” (Hepeleo 6:1) ʼE feafeaʼi hatatou lava maʼuliʼi te tokoni ʼaia ia ʼaho nei? Ko te faʼahi maʼuhiga ʼe feala ke tou fai, ko te ako ʼo te tohi Kotou Haga Nonofo ʼi Te ʼOfa ʼo Te ʼAtua. ʼE tokoni mai anai te faʼahi ʼaia ke tou mahino pe ʼe feafeaʼi te maʼuliʼi ʼo te ʼu pelesepeto ʼo te Tohi-Tapu. Kapau neʼe kua tou ako te tohi ʼaia, ʼe ʼi ai te tahi ʼu tohi ʼe feala ke tou ako ke malohi ai tatatou tui. (Kolose 1:23) ʼE toe ʼaoga foki ke tou metitasio ki te ʼu manatu ʼae ʼe tou ako pea mo tou kole kia Sehova ke tokoni mai ke tou maʼuliʼi te ʼu manatu ʼaia.
9 Ka tou ako mo metitasio, ʼe tonu ke tou fakatuʼutuʼu fakamalotoloto ke tou fakafiafiaʼi ia Sehova pea mo fakalogo kia te ia. (Pesalemo 40:9; 119:97) ʼE toe ʼaoga foki ke tou liʼaki ia meʼa fuli ʼe ina taʼofi tatatou tuputupu ʼi te faʼahi fakalaumalie.—Tito 2:11, 12.
10. Kotea ʼae ʼe lava fai e te kau tupulaga ke natou malolohi ʼi te faʼahi fakalaumalie?
10 Kapau ko koe ko he tupulaga, kua ke fai koa hau ’u fakatuʼutuʼu fakalaumalie? Ko he tehina Ekelesiasi 12:3, 15.
’e gaue ’i te Petele ’e faipalalau tuʼumaʼu mo te kau tupulaga ʼae ka papitema ’i te ’u fakatahi fakasiliko. ’E ina fehuʼi age kia natou pe kotea ʼanatou fakatuʼutuʼu fakalaumalie. ’E ina fakatokagaʼi ai ko te tokolahi kua natou fakakaukau’i fakamalotoloto pe ʼe kotea ʼae ka natou fai ’i tanatou tauhi ʼae kia Sehova. Ko ʼihi ’e natou fia to’o te selevisi temi katoa pea ko ʼihi ʼe natou fia olo ki te ʼu koga meʼa ʼae ʼe ʼaoga lahi ai he kau faifakamafola. Kae ko ʼihi tupulaga heʼeki natou fakakaukauʼi pe kotea ʼae ka natou fai. Ko tona fakaʼuhiga koa ʼe natou manatu ʼe mole ʼaoga ke natou fai he ʼu fakatuʼutuʼu fakalaumalie? Kapau ko koe ko he tupulaga, ʼe lelei ke ke fai te ʼu fehuʼi ʼaeni: ‘ ʼE au alu koa ki te ʼu fono mo te faifakamafola ʼuhi pe ko ʼaku matuʼā? Peʼe au maʼu koa he ʼu felogoi lelei mo te ʼAtua?’ ʼE moʼoni, ʼe tonu kia tatou fuli ke tou fai he ʼu fakatuʼutuʼu fakalaumalie kae ʼe mole ko te kau tupulaga pe. ʼE tokoni mai anai te ʼu fakatuʼutuʼu ʼaia ke tou malolohi ʼi te faʼahi fakalaumalie.—11. (1) Kotea ʼe tonu ke tou fai ke tou malolohi ʼi te faʼahi fakalaumalie? (2) Ko te ʼu faʼifaʼitaki Fakatohi-tapu fea ʼe feala ke tou mulimuli ki ai?
11 ʼI tatatou kua iloʼi te ʼu faʼahi ʼae ʼe ʼaoga ke tou tuputupu ai, ʼe tonu ke tou fai he ʼu fetogi he ʼe maʼuhiga te faʼahi ʼaia ke tou malolohi ʼi te faʼahi fakalaumalie. ʼE fakalogo ki ai totatou maʼuli. (Loma 8:6-8) ʼE mole fakamaʼua mai e Sehova ke tou liliu ʼo haohaoa, pea ʼe tokoni mai ʼaki tona laumalie maʼoniʼoni. Kae ʼe tonu foki ke tou fai he ʼu faiga. Ko te tehina neʼe kau ʼi te Kolesi Pule ʼe higoa ko John Barr neʼe ina fai te ʼu palalau ʼaeni ʼi te tahi ʼaho ʼo ʼuhiga mo Luka 13:24: “Ko te tokolahi ʼe mole feala hanatou hu ʼi te matapa fa veliveli koteʼuhi ʼe mole natou fai ia meʼa fuli ke natou liliu ʼo malolohi.” ʼE tonu ke tou faʼifaʼitakiʼi ia Sakopo, he neʼe fagatua mo te ʼaselo ʼo kaku ki tana maʼu te tapuakina. (Senesi 32:26-28) ʼE moʼoni ko te ako ʼo te Tohi-Tapu ʼe ko he meʼa fakafiafia, kae ʼaua naʼa tou fakatatau te Tohi-Tapu ki te ʼu tohi mahani. He ʼe tonu ke tou faiga moka tou lau te Tohi-Tapu, ke tou maʼu ai he ʼu moʼoni maʼuhiga ʼe lava tokoni mai anai.
12, 13. (1) Kotea ʼae ka tokoni mai ke tou maʼuliʼi ia Loma 15:5? (2) ʼE lava tokoni feafeaʼi mai te faʼifaʼitaki ʼo Petelo pea mo tana faitokoni? (3) Kotea ʼe feala ke tou fai ke tou malolohi ʼi te faʼahi fakalaumalie? (Vakaʼi te fakamatala ʼae ʼi te ʼa takai “Ke Tou Tuputupu ʼi Te Faʼahi Fakalaumalie.”)
12 Ka tou faiga ke tou tuputupu ʼi te faʼahi fakalaumalie, ʼe tokoni mai anai te laumalie maʼoniʼoni ke tou fetogi tatatou faʼahiga manatu. Pea ʼe feala ke tou ako mamalie ai ke tou maʼu te manatu ʼa Kilisito. (Loma 15:5) ʼE toe feala foki ke tokoni mai te laumalie maʼoniʼoni ke tou liʼaki ʼotatou holi ʼae ʼe kovi kae ke tou maʼu te ʼu kalitate ʼae ʼe leleiʼia e te ʼAtua. (Kalate 5:16, 22, 23) Kapau ʼe tou logo ifo ʼe tou tokakaga tafito ki te ʼu koloa pe ʼe ko te ʼu fakafiafia, ʼaua naʼa tou lotovaivai. Kae ʼe tonu ke tou kole tuʼumaʼu kia Sehova ke tokoni mai ʼaki tona laumalie maʼoniʼoni ke tou tokaga tafito ki te ʼu meʼa ʼae ʼe lelei. (Luka 11:13) Tou manatuʼi ia te apositolo ko Petelo. Neʼe mole ina maʼu tuʼumaʼu te faʼahiga manatu ʼa Kilisito. (Mateo 16:22, 23; Luka 22:34, 54-62; Kalate 2:11-14) Kae neʼe mole lotovaivai pea neʼe tokoni ia Sehova kia ia. Neʼe ako mamalie ai e Petelo ke ina maʼu te faʼahiga manatu ʼa Kilisito. Pea ʼe toe feala pe mo tatou.
13 Ki muli age, neʼe talanoa ia Petelo ki he ʼu kalitate ʼe tokoni mai anai. (Lau ia 2 Petelo 1:5-8.) ʼE ʼaoga ke tou faiga malohi ke tou maʼu ia te lotololomi, te faʼa kataki, te ʼofa fakatautehina pea mo ʼihi atu kalitate. ʼI te ʼaho fuli ʼe lelei ke tou fai te fehuʼi ʼaeni: ‘Kotea te kalitate ʼae ʼe feala ke au gaueʼi ʼi te ʼaho nei ke au malohi ai ʼi te faʼahi fakalaumalie?’
TOU MAʼULIʼI TE ʼU PELESEPETO FAKATOHI-TAPU ʼI TE ʼAHO FULI
14. Ka tou malolohi ʼi te faʼahi fakalaumalie, kotea anai ʼona fua ki totatou maʼuli?
14 Kapau ʼe tou maʼu te faʼahiga manatu ʼa Kilisito, ʼe fua lelei anai ki ʼatatou aga ʼae ʼi te gaue peʼe ʼi te fale ako, mo tatatou faʼahiga palalau pea mo te ʼu tonu ʼae ʼe tou toʼo ʼi te ʼaho fuli. ʼE ha anai ʼi te ʼu tonu ʼaia ʼe tou faigaʼi ke tou faʼifaʼitakiʼi ia Kilisito. Pea ʼuhi ʼae ʼe tou malolohi ʼi te faʼahi fakalaumalie, ʼe mole tou fia fai anai he meʼa ʼe fakatupu kovi ki ʼatatou felogoi mo Sehova. Ka tou tau mo he fakahala, ʼe feala anai hona tekeʼi koteʼuhi ʼe takitaki tatou e te laumalie ʼo te ʼAtua. ʼI muʼa ʼo hatatou toʼo he tonu, ʼe tou fai anai te ʼu fehuʼi ʼaeni: ‘Kotea te ʼu pelesepeto Fakatohi-tapu ʼae ʼe lava tokoni mai? Kotea ʼe fai anai e Kilisito ʼi te aluʼaga ʼaeni? Ko te tonu fea ʼe leleiʼia anai e Sehova?’ Ko te fai ʼo te ʼu fehuʼi ʼaia, ʼe tonu ke liliu ko he agamahani. Koia tou vakaʼi he ʼu aluʼaga ʼe feala ke hoko. Pea ki te aluʼaga takitahi, ʼe tou vakaʼi anai he pelesepeto Fakatohi-tapu ʼe tokoni mai anai ke tou toʼo he tonu fakapotopoto.
15, 16. Kapau ʼe ke maʼu te manatu ʼa Kilisito, ʼe tokoni feafeaʼi atu ke ke toʼo he tonu fakapotopoto ʼo ʼuhiga mo (1) te filifili ʼo hokita ʼohoana? (2) te filifili ʼo hokita kaumeʼa?
15 Te filifili ʼo hokita ʼohoana. ʼE tou maʼu te pelesepeto Fakatohi-tapu ia 2 Kolonito 6:14, 15. (Lau.) Neʼe fakaha lelei e te apositolo ko Paulo, ko natou ʼae ʼe takitaki e te laumalie ʼo te ʼAtua ʼe kehekehe tanatou faʼahiga manatu mo natou ʼae ʼe takitaki e ʼonatou holi, peʼe ko ʼanatou manatu fakatagata. Koia ʼe lava tokoni feafeaʼi atu te pelesepeto ʼaeni ke ke filifili hou ʼohoana?
1 Kolonito 15:33. (Lau.) Ko he tahi ʼe takitaki e te laumalie ʼo te ʼAtua, ʼe mole kaumeʼa anai mo te hahaʼi ʼae ʼe feala ke natou fakavaivaiʼi tana tui. Fakakaukauʼi pe ʼe ke lava maʼuliʼi feafeaʼi te pelesepeto ʼaia ʼi he ʼu aluʼaga kehekehe. Ohage la, ʼe lava tokoni feafeaʼi te pelesepeto ʼaeni ki te ʼu tonu ʼae ʼe ke toʼo ʼo ʼuhiga mo te ʼu fakatahiʼaga ʼi te Neti? ʼE lava tokoni feafeaʼi te pelesepeto ʼaeni ki te ʼu tonu ʼae ʼe ke fai ʼo ʼuhiga mo te ʼu gaoʼi fakakutuga ʼi te Neti mo ni hahaʼi ʼe mole ke iloʼi?
16 Te filifili ʼo hokita kaumeʼa. ʼE maʼu te pelesepeto Fakatohi-tapu iaKo te ʼu tonu ʼae ʼe au fai ʼe tokoni mai anai koa ke au tuputupu ʼi te faʼahi fakalaumalie? (Vakaʼi te palakalafe 17)
17-19. Kapau ʼe ke malohi ʼi te faʼahi fakalaumalie ʼe tokoni feafeaʼi atu anai (1) ke ke fakamamaʼo mai te ʼu gaue ʼae ʼe mole hona ʼaoga? (2) ke ke fai hau ʼu fakatuʼutuʼu ʼe lelei? (3) ke ke fakatokatoka mo ʼihi moka hoko he ʼu tokakovi?
17 Te ʼu gaue ʼae ʼe fakatupu kovi kia tatou ʼi te faʼahi fakalaumalie. Ia Hepeleo 6:1 (Lau.), ʼe tou maʼu ai he fakatokaga maʼuhiga. Kotea te ʼu “gaue mate” ʼae ʼe tonu ke tou fakamamaʼo mai ai? Ko he ʼu gaue ʼe mole honatou ʼaoga, he ʼe mole tokoni mai ke tou malolohi ʼi te faʼahi fakalaumalie. ʼE tokoni mai te fakatokaga ʼaia ʼo ʼuhiga mo te ʼu gaue mate ke tou tali ki te ʼu fehuʼi ʼaeni: ‘ ʼE ʼaoga mai koa te gaue ʼaeni peʼe ko he gaue mate ia? ʼE tonu koa ke au kau ki te matani gaue ʼaeni? ʼE tonu koa ke au kau ki he kutuga ʼe faiga ke ina fetogi te ʼu aluʼaga ʼo te malamanei?’
Ko te ʼu tonu ʼae ʼe au fai ʼe tokoni mai anai koa ke au fai he ʼu fakatuʼutuʼu fakalaumalie? (Vakaʼi te palakalafe 18)
18 Te ʼu fakatuʼutuʼu fakalaumalie. ʼI tana Akonaki ʼi Te Moʼuga, neʼe foaki mai e Sesu he ʼu tokoni ʼo ʼuhiga mo te fai ʼo he ʼu fakatuʼutuʼu. (Mateo 6:33) Ko he tahi ʼe takitaki e te laumalie ʼo te ʼAtua, ʼe ina fakamuʼamuʼa ia te Puleʼaga ʼi tona maʼuli. ʼE tokoni mai anai te pelesepeto ʼaia ke tou tali ki te ʼu fehuʼi ʼaeni: ‘ ʼE tonu koa ke au hoko taku ako ʼi te ʼu fale ako maʼoluga? ʼE tonu koa ke au tali ia te gaue ʼaeni?’
Ko te ʼu tonu ʼae ʼe au fai ʼe tokoni mai anai koa ke au maʼuli tokalelei mo ʼihi? (Vakaʼi te palakalafe 19)
19 Te ʼu tokakovi. ʼE ʼaoga mai kia tatou ia te tokoni ʼae neʼe fai e te apositolo ko Paulo ki te kau Kilisitiano ʼo Loma moka tou tokakovi mo he tahi. (Loma 12:18) ʼE tou faʼifaʼitakiʼi ia Kilisito, koia ʼae ʼe tou faigaʼi ai ke tou “maʼuʼuli ʼi te tokalelei mo te hahaʼi fuli pe.” Kotea ʼae ʼe tou fai moka ʼe tou tokakovi mo he tahi? ʼE faigataʼa koa hatatou tali leleiʼi tana manatu? Peʼe ko hatatou agamahani koa ia te kumi ʼo te tokalelei?—Sakopo 3:18.
20. He koʼe ʼe ke loto ke ke toe malohi age ʼi te faʼahi fakalaumalie?
20 Koia, ʼe lava tokoni mai te ʼu pelesepeto Fakatohi-tapu ke tou toʼo he ʼu tonu ʼe ha ai ʼe takitaki tatou e te laumalie ʼo te ʼAtua. Kapau ʼe tou malolohi ʼi te faʼahi fakalaumalie, ʼe tou maʼuli fiafia anai. Ko Robert ʼae neʼe tou talanoa ki ai ʼi muʼa atu, ʼe ina ui fenei: “ ʼI taku ʼosi maʼu he ʼu felogoi lelei mo Sehova, neʼe au liliu ai ko he tagata ʼohoana mo he tamai ʼe lelei age. Neʼe au fiafia moʼoni ai.” Kapau ʼe tou fai ia meʼa fuli ke tou toe malolohi age ʼi te faʼahi fakalaumalie, ʼe tou toe maʼu anai mo he ʼu tapuakina. ʼE tou maʼuli fiafia anai ʼi te temi nei pea ʼe tou maʼu anai ʼi te ka haʼu ia “te maʼuli moʼoni.”—1 Timoteo 6:19.