Faʼifaʼitakiʼi Te Faitotonu Mo Te Manavaʼofa ʼo Sehova
“Ke koutou fakamaau i te faitotonu, pea ke koutou mau te agalelei mo te manavaofa ia koutou.”—SAKALIA 7:9.
KATIKO: 21, 69
1, 2. (1) Kotea neʼe logoʼi e Sesu ʼo ʼuhiga mo te Lao ʼa te ʼAtua? (2) Neʼe fakaʼaogaʼi feafeaʼi e te kau Faliseo mo te kau sekelipa ia te Lao?
NEʼE ʼofa ia Sesu ki te Lao ʼa Moisese. ʼE mole tou punamaʼuli ki ai he neʼe haʼu te Lao mai ia Sehova tana Tamai, ia ia ʼae neʼe maʼuhiga tokotahi ʼi tona maʼuli. Ia Pesalemo 40:8, MN, neʼe fakakikite fenei ai te ʼofa mamahi ʼa Sesu ki te Lao ʼa te ʼAtua: “Siʼoku ʼAtua, ko toku fiafiaʼaga te fai ʼo tou finegalo, pea ko tau lao kua tauaka ʼi toku loto.” Neʼe fakamoʼoni e Sesu ʼi ʼana palalau mo tana aga, ko te Lao ʼa te ʼAtua ʼe haohaoa, ʼe fua lelei ki te tagata pea ʼe hoko moʼoni anai.—Mateo 5:17-19.
2 Neʼe lotomamahi ia Sesu ʼi tana sio ʼae neʼe fakaʼaogaʼi kovi e te kau Faliseo mo te kau sekelipa te Lao ʼa tana Tamai, ʼo mafasia ai te hahaʼi. Neʼe ina ui fenei: “ ʼE kotou foaki te vahe hogofulu ʼo te menite, mo te aneto pea mo te kumino,” ko tona fakaʼuhiga neʼe natou fakamaʼuhigaʼi tafito te ʼu kiʼi lao liliki. Koia neʼe fakamahino fenei ai e Sesu: “Kae neʼe kotou meʼa noaʼi te ʼu faʼahi ʼo te Lao ʼae ʼe maʼuhiga age, ʼae ko te faitotonu, mo te manavaʼofa pea mo te agatonu.” (Mateo 23:23) Neʼe mole mahino te kau Faliseo ki te ʼuhiga ʼo te Lao, pea ʼi tanatou manatu ʼe lelei age natou ʼi te hahaʼi. Kae neʼe mahino ia Sesu ki te ʼuhiga ʼo te Lao pea mo te ʼu kalitate ʼo Sehova ʼi ʼana fakatotonu.
3. Kotea ka tou vakaʼi anai ʼi te alatike ʼaeni?
Loma 7:6) Kae he koʼe neʼe fakatuʼu e Sehova tana Lao ʼi tana Folafola, ia te Tohi-Tapu? He ʼe ina loto ke tou mahino pea mo maʼuliʼi “te ʼu faʼahi ʼo te Lao ʼae ʼe maʼuhiga age,” ʼae ko te ʼu pelesepeto neʼe fakatafito ki ai te Lao. Ohage la, kotea te ʼu pelesepeto ʼo ʼuhiga mo te ʼu kolo ʼo te haofaki? ʼI te alatike ʼae kua hili atu, neʼe tou maʼu te ʼu ako mai te ʼu gaue neʼe tonu ke fai e te tagata fakapo ʼae neʼe tonu ke hola ki he kolo ʼo te haofaki. ʼI te alatike ʼaeni, ʼe tou ako ai anai ʼo ʼuhiga mo Sehova pea mo feafeaʼi hatatou faʼifaʼitakiʼi ia ia. ʼE tou tali anai kia fehuʼi ʼe tolu: ʼE ha feafeaʼi te manavaʼofa ʼo Sehova ʼi tana fakatuʼutuʼu te ʼu kolo ʼo te haofaki? ʼE ha feafeaʼi te maʼuhiga ʼo te maʼuli ki te ʼAtua? ʼE ha feafeaʼi te lelei tukupau ʼo te faitotonu ʼa Sehova? ʼI te ʼu aluʼaga takitahi, ʼe tou vakaʼi anai pe feafeaʼi hatatou faʼifaʼitakiʼi tatatou Tamai ʼe ʼi selo.—Lau ia Efeso 5:1.
3 Ko tatou Kilisitiano, ʼe mole fakamaʼua ke tou fakalogo ki te Lao ʼa Moisese. (ʼE HA TE MANAVAʼOFA ʼO TE ATUA ʼI TE ʼU TUʼUʼAGA ʼO TE ʼU KOLO ʼO TE HAOFAKI
4, 5. (1) Kotea ʼae neʼe fakafaigafua ki te tagata ʼae neʼe hola ki he kolo ʼo te haofaki? Pea kotea tona tupuʼaga? (2) Kotea ʼe tou ako ai ʼo ʼuhiga mo Sehova?
4 Neʼe fakatuʼutuʼu e Sehova ke faigafua te kaku ʼa he tahi ki te ʼu kolo ʼaia ʼe ono ʼo te haofaki. Neʼe ina fakatotonu ki te kau Iselaele ke filifili he ʼu kolo ʼe tolu ʼi te ʼu kau vai tafe takitahi ʼo te Solotane. Kotea tona tupuʼaga? Ke faigafua kia ia ʼae ʼe hola ke ina maʼu vave he kolo. (Numelo 35:11-14) Neʼe taupau lelei te ʼu ala ʼae neʼe taki ki te ʼu kolo ʼaia. (Tetelonome 19:3) Neʼe ko te agamahani ʼi Suta, ko te fakatuʼu he ʼu fakahinohinoʼaga ʼi te ʼu ala, ke faigafua kia ia ʼae ʼe hola ke ina maʼu vave te kolo. He koʼe neʼe fakafaigafua e Sehova ke maʼu vave te ʼu kolo ʼo te haofaki ʼi Iselaele? Naʼa fokifa ʼe hola he Iselaele ki he fenua matapule, pea mo tauhi ai leva ki te ʼu ʼatua loi.
5 Kotou fakakaukauʼi age muʼa: Neʼe fakatotonu e Sehova ke tamateʼi te hahaʼi faifakapo. Kae neʼe ina toe fai te tahi fakatuʼutuʼu ʼo ʼuhiga mo ia ʼae neʼe ina matehi he tahi kae neʼe mole ina fakatuʼutuʼu. Neʼe ina fakafealagia ke ina toe maʼu te manavaʼofa mo te haofaki. Neʼe ui fenei e te tagata sivi Tohi-Tapu: “Ko meʼa fuli neʼe fakafaigafua.” Ko Sehova ʼe mole ko he tuʼi fakamau agakovi, ke ina fia tauteaʼi ʼana kaugana. Kae ko te ʼAtua ʼe “fonu ʼi te manavaʼofa.”—Efeso 2:4.
6. Neʼe faʼifaʼitakiʼi koa e te kau Faliseo te manavaʼofa ʼo Sehova? Fakamahino.
6 Neʼe mole fia manavaʼofa te kau Faliseo ki te hahaʼi. Ohage la, ʼi te temi muʼa, kapau ʼe fai e he tahi he lakahala ʼo tuʼa tolu, pea ʼe mole toe Luka 18:9-14.
fakamolemole ki ai te kau Faliseo. Neʼe fia fakaha e Sesu ko te aga ʼa te kau Faliseo neʼe mole lelei. Koia neʼe talanoa ai ʼo ʼuhiga mo he Faliseo ʼe faikole ovi ki he tagata tanaki tukuhau. Neʼe ui fenei e te Faliseo: “E ʼAtua, ʼe au fakamalō atu ʼi taku mole hage ko te hahaʼi ʼae, ia te kau kaihaʼa, mo te kau heʼe faitotonu, mo te kau tono, ʼo feia mo te tagata tanaki tukuhau ʼaeni.” Kotea ʼae neʼe fia fakamahino e Sesu? Neʼe “meʼa noaʼi” te hahaʼi e te kau Faliseo, ʼo natou ui ai ʼe mole ʼaoga he manavaʼofa ki te hahaʼi.—7, 8. (1) ʼE feafeaʼi takita faʼifaʼitakiʼi te manavaʼofa ʼo Sehova? (2) He koʼe ʼe tonu ke kita agavaivai ke feala ai hakita fakamolemole gafua ki he tahi?
7 Kotou faʼifaʼitakiʼi ia Sehova, kae mole ko te kau Faliseo, ʼo kotou lotomanavaʼofa. (Lau ia Kolose 3:13.) Kotou fakaha ʼe kotou fakamolemole gafua. (Luka 17:3, 4) Kotou tahi fai te ʼu fehuʼi ʼaeni: ‘ ʼE au fakamolemole gafua koa ki he tahi, logo la ʼe hala tuʼumaʼu mai kia au? ʼE au faigaʼi koa ke au tokalelei mo ia ʼae ʼe hala mai?’
8 Kapau ʼe tou fia fakamolemole gafua, ʼe tonu ke tou agavaivai. Neʼe manatu te kau Faliseo ʼe lelei age natou ʼi te hahaʼi fuli, koia neʼe mole natou fakamolemole gafua ai. Kae ko tatou Kilisitiano, ʼe tonu ke tou agavaivai pea mo “fakaʼuhiga te hahaʼi fuli ʼe maʼoluga age” ia tatou, ʼo tou fakamolemole gafua kia natou. (Filipe 2:3) Tou fai te fehuʼi ʼaeni: “ ʼE au faʼifaʼitakiʼi koa ia Sehova ke au agavaivai?” Kapau ʼe kita agavaivai, ʼe faigafua anai ke fakaovi mai he tahi ʼo kole fakamolemole mai. Pea ʼe toe faigafua ai kia kita ke kita fakamolemole age. Ke ke tuai ʼi te ita kae ke ke vave ʼi te manavaʼofa.—Ekelesiasi 7:8, 9.
FAKAʼAPAʼAPA KI TE MAʼULI PEA E MOLE KE “AGAHALA ANAI I HE FAKAPO”
9. Kotea ʼae neʼe fai e Sehova ke mahino ai te kau Iselaele ko te maʼuli ʼe taputapu?
9 Ko te tahi tupuʼaga ʼo te fakatuʼutuʼu ʼo te ʼu kolo ʼo te haofaki, ʼe ko te puipui ʼo te kau Iselaele ke ʼaua naʼa natou matehi he tahi neʼe mole ina fai he meʼa ʼe kovi. (Tetelonome 19:10) ʼE ʼofa ia Sehova ki te maʼuli kae ʼe fehiʼa ki te faifakapo. (Taaga Lea 6:16, 17) Ko Sehova ko te ʼAtua ʼe faitotonu pea mo maʼoniʼoni, koia ʼe mole feala ke ina meʼa noaʼi ia he tahi neʼe matehi fakatuʼutamaki. Ko ia ʼae neʼe ina matehi he tahi kae neʼe mole ina fakatuʼutuʼu, ʼe feala pe ke fakaha age ki ai te manavaʼofa. Kae ʼe tonu muʼa ke ina fakamahino ki te kau tagata ʼafeā te aluʼaga ʼae neʼe hoko. Kapau ʼe fakafuafua e te kau tagata ʼafeā neʼe ko he aluʼaga neʼe hoko fakatuʼutamaki, pea ʼe tonu kia ia ʼaia neʼe ina fai te fakapo ke nofo ʼi te kolo ʼo te haofaki ʼo kaku ki te mate ʼo te pelepitelo lahi. Koia neʼe ʼi ai ʼihi neʼe natou nonofo ai ʼo kaku ki tonatou mate. ʼAki te fakatuʼutuʼu ʼaia neʼe mahino ai ki te kau Iselaele ko te maʼuli ʼe taputapu. Kapau neʼe natou fia fakaʼapaʼapa kia Ia ʼae neʼe ina foaki age te maʼuli, ʼe tonu ke natou fai ia meʼa fuli ke ʼaua naʼa hoko he aluʼaga ʼe feala ke tuʼutamakiʼia ai he tahi.
10. Neʼe fakaha feafeaʼi e te kau sekelipa mo te kau Faliseo ʼe mole maʼuhiga kia natou ia te maʼuli ʼo te hahaʼi?
Luka 11:52) He koʼe neʼe palalau feia ia Sesu? He neʼe ko te maʼua ʼo te kau sekelipa mo te kau Faliseo ke natou fakamahino te Folafola ʼa te ʼAtua ki te hahaʼi pea mo tokoni kia natou ke natou maʼu ia te maʼuli heʼe gata. Kae neʼe mole natou fai te faʼahi ʼaia. Neʼe natou faigaʼi ke ʼaua naʼa mulimuli te hahaʼi ia Sesu, “ia Ia ʼae neʼe fakanofo ke ina foaki te maʼuli.” (Gaue 3:15) ʼAki tanatou fai te faʼahi ʼaia, neʼe natou taki te hahaʼi ki te mate. Ko te kau sekelipa mo te kau Faliseo, neʼe ko he hahaʼi fialalahi pea neʼe natou manatu pe kia natou totonu. Neʼe mole maʼuhiga kia natou ia te maʼuli ʼo te hahaʼi. Neʼe natou agakovi mo aga heʼe ʼofa.
10 Neʼe mole hage te kau sekelipa pea mo te kau Faliseo ko Sehova. Neʼe natou meʼa noaʼi te hahaʼi. Neʼe ui fenei e Sesu kia natou: “Neʼe kotou toʼo te kalavi ʼae ʼe ina avahi te matapa ki te ʼatamai malama. Neʼe mole kotou hu ki ai, pea ʼe mole kotou fakagafua ke hu ia natou ʼae ʼe fia hu ki ai!” (11. (1) Neʼe fakaha feafeaʼi e te apositolo ko Paulo neʼe ina maʼu ia te manatu ʼa Sehova ʼo ʼuhiga mo te maʼuli? (2) Kotea ʼae ʼe ina uga tatou ke tou faʼa fai ʼi te faifakamafola ʼo hage ko Paulo?
11 Kotea ʼae ʼe tonu ke tou fai ke ʼaua naʼa tou hage ko te kau sekelipa mo te kau Faliseo, kae ke tou faʼifaʼitakiʼi ia Sehova? ʼE tonu ke tou fakaʼapaʼapa ki te maʼuli pea ke maʼuhiga kia tatou. Neʼe faiga e te apositolo ko Paulo ke ina fakaha te logo lelei ʼo te Puleʼaga ki te tokolahi. Koia neʼe feala ai ke ina ui fenei: “ ʼE au maʼa mai te toto ʼo te tagata fuli.” (Lau ia Gaue 20:26, 27.) Kae neʼe faifakamafola koa ia Paulo ʼuhi pe he neʼe mole loto ke tukugakoviʼi ia ia? Neʼe ina fai koa te faʼahi ʼaia, ʼuhi pe he neʼe fakatotonu age e Sehova? Kailoa ia. Neʼe ʼofa ia Paulo ʼi te hahaʼi. Neʼe maʼuhiga kia ia ʼonatou maʼuli, pea neʼe loto ia ke natou maʼu ia te maʼuli heʼe gata. (1 Kolonito 9:19-23) ʼO toe feia pe, ʼe tonu ke maʼuhiga te maʼuli kia tatou ohage pe ko Sehova. ʼE ina loto ke fakahemala te hahaʼi fuli pea ke natou maʼu ia te maʼuli. (2 Petelo 3:9) ʼE tou faʼifaʼitakiʼi ia Sehova, mo kapau ʼe tou ʼoʼofa ʼi te hahaʼi. Kapau ʼe tou maʼu ia te manavaʼofa, ʼe tou fia olo anai ʼo faifakamafola ʼaki he faʼa fai pea ʼe tou fiafia anai ʼi te fai ʼo te gaue ʼaia.
12. He koʼe ʼe maʼuhiga ki te hahaʼi ʼa Sehova ia te puipui ʼo te maʼuli?
12 Kapau ʼe tou fia maʼu ia te manatu ʼa Sehova ʼo ʼuhiga mo te maʼuli, ʼe tonu ke tou tokakaga ki te puipui ʼo te maʼuli. Ka tou olo ʼi te motoka peʼe tou gaue, ʼe tonu ke tou tokakaga naʼa hoko he tuʼutamaki. Ohage la moka tou olo ki te fono peʼe tou gaue ki te laga ʼo hotatou fale fono. ʼE ʼi ai ʼihi ka natou fai he gaue, ʼe natou fia fakaʼosi vave peʼe mole natou loto ke lahi te falā ʼae ʼe puli. Koia ʼe tautau hoko ai he ʼu tuʼutamaki ʼi te gaue. Kae ʼe maʼuhiga age te maʼuli, peʼe ko te maʼuli malolo ʼi te paʼaga peʼe ko te temi. Ko totatou ʼAtua ʼe ina fai tuʼumaʼu te meʼa ʼae ʼe lelei pea ʼe ina loto ke tou hage ko ia. ʼE tonu ke tokakaga te kau tagata ʼafeā ke ʼaua naʼa hoko he tuʼutamaki ki ʼonatou maʼuli ʼo feia mo te maʼuli ʼo ʼihi atu. (Taaga Lea 22:3) Ka fakamanatuʼi atu e he tagata ʼafeā ia te ʼu lekula ʼo ʼuhiga mo te puipui ʼo te maʼuli, ʼe lelei ke ke fakalogo ki ai. (Kalate 6:1) Kapau ʼe tou maʼu ia te manatu ʼa Sehova ʼo ʼuhiga mo te maʼuli, ʼe mole tou “agahala anai i he fakapo.”
FAKAMAU ʼO MULIMULI KI TANA FAIFAKAMAU
13, 14. Neʼe feala feafeaʼi ki te kau tagata ʼafeā ʼo Iselaele ke natou faʼifaʼitakiʼi te faitotonu ʼa Sehova?
13 Neʼe fakatotonu e Sehova ki te kau tagata ʼafeā Iselaele ke natou faʼifaʼitakiʼi tana faitotonu. ʼUluaki, neʼe tonu muʼa ki te kau tagata ʼafeā ke natou iloʼi papau te ʼu aluʼaga ʼae neʼe hoko moʼoni. Hili ia pea natou vakavakaʼi fakalelei te faʼahiga manatu ʼa ia ʼae neʼe ina fai te fakapo, mo te tupuʼaga ʼo tana fai te faʼahi ʼaia pea mo Numelo 35:20-24.) ʼE mole feala ke tauteaʼi he tahi mo kapau neʼe mole ko he foʼi toko lua neʼe sisio mata ki te aluʼaga ʼae neʼe hoko.—Numelo 35:30.
tana aga ʼi muʼa atu. Pea natou toʼo leva te tonu pe ʼe natou manavaʼofa anai kia ia peʼe kailoa. ʼE tonu ke faigaʼi e te kau tagata ʼafeā ke natou iloʼi pe neʼe fehiʼa te tagata fakapo kia ia ʼae neʼe mate, pe ʼe ko te tupuʼaga ʼaia ʼo tana faifakapo. (Lau ia14 ʼI te kua iloʼi e te kau tagata ʼafeā te aluʼaga ʼae neʼe hoko moʼoni, ʼe tonu ke natou sivi tona ʼuhiga totonu, kae ʼe mole gata pe ki te meʼa ʼae neʼe ina fai. Koia ʼe tonu ke maʼu e te kau tagata ʼafeā te fakasiosio tonu, ke natou mahino ki tona loto pea mo te tupuʼaga ʼo te hoko ʼo te koga ʼaia. Kae ko te faʼahi ʼae ʼe ʼaoga tafito kia natou, ko te laumalie maʼoniʼoni ʼo Sehova. He ʼe feala ai ke natou faʼifaʼitakiʼi tona poto, mo tona manavaʼofa pea mo tana faitotonu.—Ekesote 34:6, 7.
15. He koʼe neʼe mole tatau te faʼahiga sio ʼa Sesu ki te kau agahala pea mo te sio ʼa te kau Faliseo?
15 Ka fakamauʼi e te kau Faliseo te hahaʼi, ʼe mole natou fai ʼi te manavaʼofa. ʼE natou tokagaʼi tafito pe te hala ʼae neʼe fai, kae mole ko te ʼuhiga totonu ʼo ia ʼae neʼe agahala. ʼI te tahi ʼaho, neʼe sisio te kau Faliseo kia Sesu ʼe kai mai ʼi te ʼapi ʼo Mateo. Neʼe natou fehuʼi fenei ai ki ʼana tisipulo: “He koʼe ʼe kai fakatahi takotou faiako mo te kau tanaki tukuhau pea mo te kau agahala?” Neʼe tali fenei e Sesu: “ ʼE mole ko te hahaʼi malolohi ʼae ʼe ʼaoga ki ai he toketa, kae ko natou ʼae ʼe mahahaki. Koia, kotou olo pea kotou ako te fakaʼuhiga ʼo te folafola ʼaeni: ‘ ʼE au loto ki te manavaʼofa kae mole ki te sakilifisio.ʼ Koteʼuhi neʼe mole au haʼu ʼo pauʼi te kau faitotonu, kae ko te kau agahala.” (Mateo 9:9-13) Neʼe mole ui leva e Sesu ʼe mole kovi te fai ʼo te ʼu agahala. Kailoa ia. Neʼe loto ia ke natou fakahemala. Neʼe ko he koga maʼuhiga ʼaia ʼo te logo ʼae neʼe ina fakamafola. (Mateo 4:17) Neʼe tokagaʼi e Sesu, neʼe ʼi ai ʼihi ʼi te “kau tanaki tukuhau pea mo te kau agahala” neʼe natou fia fetogi ʼanatou aga. Neʼe mole natou fakatahi ki te ʼapi ʼo Mateo ʼuhi pe ke natou kakai. Neʼe natou fakatahi ki ai, heʼe tokolahi ia natou neʼe fia liliu ko he ʼu tisipulo ʼa Sesu. (Maleko 2:15) Kae neʼe mole tatau te sio ʼa Sesu ki te hahaʼi pea mo te faʼahiga sio ʼa te kau Faliseo. Kia natou ia, ʼe mole feala ke fetogi te aga ʼa te hahaʼi agahala ʼaia, pea ʼe mole honatou ʼamanaki. Kae ʼe mole honatou tatau mo Sehova, he ʼe manavaʼofa ia pea mo faitotonu.
16. Ka fakamauʼi he tahi, kotea ʼae ʼe faiga anai ke iloʼi e te komite faifakamau?
16 Ia ʼaho nei, ʼe tonu ki te kau tagata ʼafeā ke natou faʼifaʼitakiʼi ia Sehova, ʼae ʼe ‘ ʼofa ki te faitotonu.’ (Pesalemo 37:28) Koia ʼe tonu muʼa ke natou “fehufehui,” ke natou iloʼi papau pe neʼe hoko moʼoni te agahala. Kapau neʼe hoko moʼoni pea ʼe natou fakamau anai ʼo mulimuli ki te ʼu fakatuʼutuʼu Fakatohi-tapu. (Tetelonome 13:12-14) Ka natou fakamauʼi he tahi ʼi he komite faifakamau, ʼe natou faiga anai ke natou iloʼi pe ʼe fakahemala moʼoni ia ia ʼae neʼe agahala mamafa peʼe kailoa. Kae ʼe mole faigafua te fai ʼo te faʼahi ʼaia. ʼE tonu ke natou iloʼi pe kotea te manatu ʼo ia ʼae neʼe agahala ʼo ʼuhiga mo tana aga pea kotea ʼae ʼe ina logoʼi ʼi tona loto. (Fakaha 3:3) Kapau ʼe fakahemala moʼoni he tahi, ʼe feala ke fakaha age ki ai te manavaʼofa. *—Vakaʼi te kiʼi nota.
17, 18. Kotea ʼae ʼe feala ke tokoni ki te kau tagata ʼafeā ke natou iloʼi pe ʼe fakahemala moʼoni he tahi neʼe agahala? (Vakaʼi te ʼuluaki pāki.)
17 ʼE iloʼi lelei e Sehova mo Sesu te ʼu manatu ʼa he tahi pea mo te ʼu meʼa ʼae ʼe ʼi tona loto. Kae ʼe mole maʼu e te kau tagata ʼafeā te fealagia ʼaia. Kae ʼe feafeaʼi ki he tagata ʼafeā hana iloʼi ʼe fakahemala moʼoni he tahi? ʼUluaki, ʼe tonu ke 1 Hau 3:9) Lua, ʼe tonu ke ina fakaʼaogaʼi te Folafola ʼa te ʼAtua mo te ʼu tohi mai te tagata faifekau agatonu. He ʼe feala ai ke ina iloʼi te kehekehe ʼo “te lotomamahi ʼo te malamanei” pea mo “te lotomamahi ʼae ʼe alu tahi mo te finegalo ʼo te ʼAtua,” ʼae ko te fakahemala moʼoni. (2 Kolonito 7:10, 11) ʼE tonu ke ina lau ʼi te Tohi-Tapu te ʼu fakamatala ʼo natou ʼae neʼe fakahemala fakamalotoloto pea mo natou ʼae neʼe mole fakahemala. Pea ʼe ina vakaʼi anai pe ʼe kotea ʼae neʼe natou logoʼi, mo ʼanatou manatu, mo ʼanatou aga.
faikole kia Sehova ke ina foaki age te poto mo te fakasiosio tonu. (18 Tolu, ʼe tonu ke fakakaukau te tagata ʼafeā ʼo ʼuhiga mo ia ʼae neʼe agahala, kae ʼaua tana tokagaʼi pe te aga kovi ʼae neʼe ina fai. He koʼe neʼe ina fakahoko te aluʼaga ʼaia? He koʼe neʼe ina toʼo te tonu ʼaia? Kotea te ʼu fihifihia neʼe tau mo ia? Ko Sesu ko te pule ʼo te kokelekasio Fakakilisitiano. Pea neʼe fakakikite fenei ʼi te Tohi-Tapu ʼo ʼuhiga mo Sesu: “ ʼE mole ina fakamauʼi anai he tahi ʼo mulimuli ki te ʼu meʼa ʼae ʼe sio ki ai ʼona mata, pea ʼe mole ina fakatonutonuʼi anai he tahi ʼo mulimuli ki te ʼu meʼa ʼae ʼe logo ki ai. Pea ʼe ina fakamauʼi moʼoni anai ia natou liliki ʼaki te faitotonu, pea ʼe ina fakatonutonuʼi anai ʼaki te faitotonu ke fua lelei ki te kau agavaivai ʼo te kele.” (Esaia 11:3, 4, MN) Koia, ʼu tagata ʼafeā, neʼe fakanofo koutou e Sesu ke kotou tokakaga ki tana kokelekasio pea ʼe tokoni atu anai ke kotou fakamau ʼi te faitotonu pea mo te manavaʼofa. (Mateo 18:18-20) ʼE tou lotofakafetaʼi koteʼuhi ʼe ʼi ai te kau tagata ʼafeā ʼe natou tokakaga kia tatou. ʼE natou tokoni mai kia tatou ke tou fefakahaʼaki te faitotonu mo te manavaʼofa.
19. Kotea te ʼu ako neʼe kotou taʼofi mai te ʼu kolo ʼo te haofaki ʼe kotou fia maʼuliʼi?
19 ʼE maʼu ʼi te Lao ʼa Moisese “te ʼu faʼahi tafito ʼo te ʼatamai malama pea mo te moʼoni” ʼo ʼuhiga mo Sehova pea mo ʼana pelesepeto. (Loma 2:20) Ohage la ʼaki te ʼu kolo ʼo te haofaki ʼae neʼe tuʼu ʼi te Lao, ʼe akoʼi ai te kau tagata ʼafeā pe ʼe feafeaʼi hanatou “fakamaau i te faitotonu,” pea ʼe toe akoʼi ai tatou fuli ke tou femaʼuʼaki “te agalelei mo te manavaofa.” (Sakalia 7:9) Logo la ʼe mole kei tou mulimuli ki te Lao ʼa Moisese, kae ʼe mole fetogi ia Sehova. ʼE kei maʼuhiga pe kia te ia te faitotonu pea mo te manavaʼofa. Ko he toe pilivilesio hatatou tauhi ki he ʼAtua feia. Tou faʼifaʼitakiʼi ʼona kalitate taulekaleka pea mo tou kumi nonoʼaga ia te ia.
^ pal. 16 Vakaʼi “Te ʼu Fehuʼi ʼa Te Kau Lautohi” ʼi Te Tule Leʼo ʼo te ʼaho 1 ʼo Oketopeli 2006, pasina 31.