He Koʼe ʼe Tonu Ke Tou Fakavikiviki Kia Sehova?
“Kotou fakavikiviki [kia Sehova]! . . . Koteuhi e lelei, pea e gali ke fakavikiviki kia ia.”—PESALEMO 147:1.
KATIKO: 104, 152
1-3. (1) Ko ʼanafea ʼae neʼe lagi tohi ai te kapite 147 ʼo Pesalemo? (2) Kotea ʼae ʼe feala ke tou ako mai te kapite ʼaia?
ʼI ʼIHI temi, ʼe tou vikiʼi he tahi moka tou punamaʼuli ki tana faʼahiga palalau mo ʼana gaue. Kaʼe ʼe feafeaʼi age la ia Sehova ʼAtua ʼae ʼe tuha mo ia ke tou vikiʼi. ʼE tou fakavikiviki kia te ia ʼuhi ko tona mafimafi ʼae ʼe ha ʼi tana fakatupu fakatalakitupua. Pea ʼe tou fakavikiviki kia te ia ʼuhi ko te lahi ʼo tona ʼofa kia tatou, he neʼe ina foaki mai tona ʼAlo ko he sakilifisio faitotogi.
2 Ka tou lau ia te kapite 147 ʼo Pesalemo, ʼe ha lelei mai ko te tagata ʼae neʼe ina tohi te kapite ʼaia, neʼe fia fakavikiviki kia Sehova. Neʼe ina fakalotomalohiʼi foki ʼihi ke natou fakavikiviki fakatahi ki te ʼAtua.—Lau ia Pesalemo 147:1, 7, 12.
3 ʼE mole tou iloʼi pe ko ai ʼae neʼe ina tohi te kapite 147 ʼo Pesalemo. Kaʼe neʼe lagi maʼuli te tagata faitohi ʼaia lolotoga te temi ʼae neʼe toe liliu ai te kau Iselaele ki Selusalemi hili tonatou fakaʼateainaʼi e Sehova mai Papiloni. (Pesalemo 147:2) Neʼe toe feala ai ki te hahaʼi ʼa te ʼAtua ke natou tauhi kia te ia ʼi tonatou fenua. Koia ʼae neʼe fakavikiviki ai te tagata faipesalemo ʼaia kia Sehova. Pea neʼe ina foaki mai foki ʼihi atu tupuʼaga ke tou fakavikiviki ai kia Sehova. Kaʼe kotea te ʼu tupuʼaga ʼaia? Pea kotea te ʼu tupuʼaga ʼae ʼe tonu ke tou kalaga ai “Fakavikiviki [kia Sehova]”?—Pesalemo 147:1.
ʼE FAKAMALOLO E SEHOVA IA NATOU ʼAE ʼE LOTOMAMAHI
4. Kotea ʼae neʼe logoʼi e te kau Iselaele ʼi te temi ʼae neʼe fakaʼateainaʼi ai natou e te Hau ko Silusi? Kotea tona tupuʼaga?
4 Tou fakakaukauʼi age muʼa pe neʼe kotea ʼae neʼe logoʼi e te kau Iselaele lolotoga tonatou ʼaunofo ʼi Papiloni. Neʼe vaʼi natou e te kau solia ʼo Papiloni pea neʼe natou ui fenei age kia natou: “Koutou hiva mai kia matou ni hiva o Sione!” Kaʼe neʼe mole fia hiva ia te kau Sutea. Koteʼuhi kua maumauʼi ia Selusalemi tonatou fiafiaʼaga lahi. (Pesalemo 137:1-3, 6) Neʼe natou lotomamahi pea neʼe ʼaoga ke fakalotofimalieʼi natou. Kaʼe ohage pe ko tona tala fakatomuʼa e te ʼAtua, neʼe tokoni ia ki tana hahaʼi. ʼO feafeaʼi? Ko te Hau ko Silusi ʼo Pelesi, neʼe ina maʼu ia Papiloni pea neʼe ina ui fenei ʼo ʼuhiga mo Sehova: “Kua ina fakatotonu mai kia au ke fakatuu he fale kia ia i Selusalemi.” Pea neʼe toe ui fenei foki e Silusi ki te kau Iselaele: “Ko ai ae ia koutou e kau ki tana hahai? Ke nofo mo ia [ia Sehova], tona Atua, pea ke hake ia ia!” (2 Koloniko 36:23) ʼE mahino papau ia, neʼe maʼu ai e te kau Iselaele ia he fakalotofimalie.
5. Kotea ʼae neʼe ui e te tagata faipesalemo ʼo ʼuhiga mo totatou fakalotofimalieʼi e Sehova?
5 Neʼe mole fakalotofimalieʼi pe e Sehova ia te puleʼaga ʼo Iselaele. Kaʼe neʼe ina fakalotofimalieʼi foki ia te kau Iselaele takitokotahi. Pea ʼe toe fai feia pe e Sehova kia tatou ia ʼaho nei. Neʼe tohi e te tagata faipesalemo ko te ʼAtua “e ina fakamauli natou ae e loto fasifasi, e ina hai onatou lavea.” (Pesalemo 147:3) Ka tou mahahaki peʼe tou lotomamahi ʼaupito, ʼe tou tui papau ʼe tokaga mai anai ia Sehova kia tatou. ʼE ina fia fakafimalieʼi ʼotatou lotomamahi. (Pesalemo 34:19; Esaia 57:15) ʼE ina foaki mai te poto pea mo te malohi ke feala hatatou tauʼi te ʼu fihifihia fuli ʼae ʼe tou felaveʼi mo ia.—Sakopo 1:5.
Ko Sehova ʼe fia tokoni mai ke tou lotofimalie
6. Kotea ʼae ʼe tou lava ako mai te Pesalemo 147:4? (Vakaʼi te ʼuluaki pāki.)
6 Hili ia, pea neʼe sioʼi leva e te tagata faipesalemo ia te lagi. Pea neʼe ina ui fenei ʼo ʼuhiga mo Sehova: “E ina iloi te lahi o te u fetuu, e ina foaki kia natou fuli ni higoa.” (Pesalemo 147:4) Neʼe sio ia te tagata faipesalemo ki te ʼu fetuʼu, kaʼe neʼe mole ina malau ia natou fuli. Ia ʼaho nei, ʼe iloʼi e te kau popoto ʼe ʼi ai te ʼu lauʼi miliale fetuʼu ʼi tatatou fakapupuga fetuʼu. Pea ʼe ʼi ai te ʼu lauʼi miliale fakapupuga fetuʼu ʼi te ʼatulaulau. ʼE mole malau e he tagata ia te lahi ʼo te ʼu fetuʼu, kaʼe ʼe fealagia e te ʼAtua te faʼahi ʼaia. ʼE ina iloʼi lelei te ʼu fetuʼu takitahi pea ʼe ina fakahigoaʼi natou fuli. (1 Kolonito 15:41) Ko te ʼAtua ʼe ina iloʼi lelei ia te ʼu fetuʼu takitahi, kaʼe ʼe feafeaʼi age la ʼo ʼuhiga mo tatou? He ʼe ko he koga meʼa pe ʼe tou nonofo ai, ko he meʼa pe ʼe tou logoʼi peʼe ko he meʼa pe ʼe ʼaoga mai kia tatou, ʼe iloʼi lelei pe e Sehova.
7, 8. (1) Kotea ʼae ʼe mahino ki ai Sehova ʼo ʼuhiga mo tatou? (2) Kotou tuku mai he faʼifaʼitaki ʼe ha ai te manavaʼofa ʼo Sehova.
7 ʼE mahino ia Sehova ki te ʼahiʼahi ʼae ʼe tou tau nei mo ia. Pea ʼe ina maʼu te malohi moʼo toPesalemo 147:5.) ʼE lagi tou manatu ʼe faigataʼa fau pea ʼe mole tou lavaʼi anai te fihifihia ʼaia. Kaʼe ko te ʼAtua ʼe mahino ki ʼotatou tuʼakoi pea ʼe ina “manatui ko tatou ko te efu.” (Pesalemo 103:14) ʼE tou agahala, koia ʼae ʼe tou fai liuliuga ai he ʼu lakahala pea mo tou lotovaivai ai. Kua tuʼa fia la tatatou fakahemala ki he ʼu palalau neʼe tou fai, peʼe ko he ʼu manatu kovi neʼe tou maʼu, peʼe ʼuhi he neʼe tou maheka. Ko Sehova, logo la tona haohaoa, kaʼe ʼe mahino lelei ia ki te ʼu meʼa ʼae ʼe tou logoʼi.—Esaia 40:28.
koni mai kia tatou. (Lau ia8 Neʼe lagi kua kotou tahi logoʼi pe ia te tokoni ʼa Sehova ʼi te ʼu ʼahiʼahi. (Esaia 41:10, 13) Tou vakaʼi te faʼifaʼitaki ʼa te tuagaʼane ʼe higoa ko Kyoko. ʼUhi ko te telituale foʼou ʼae neʼe hinoʼi ia ia ki ai, neʼe tupu ai tana lotovaivai ʼaupito. Kaʼe neʼe iloʼi feafeaʼi e Kyoko ʼe mahino ia Sehova ki ʼona faigataʼaʼia? ʼI tona kokelekasio foʼou, ko te tokolahi neʼe feala ke natou mahino ki te ʼu meʼa ʼae ʼe ina logoʼi. Pea kia ia, ʼe hage pe neʼe ui fenei age e Sehova: “ ʼE au ʼofa ia koe ʼi tou ʼuhiga pionie, kaʼe ʼe au toe ʼofa foki ia koe koteʼuhi ko koe ko toku ʼofafine pea neʼe ke foaki mai tou maʼuli. Pea ʼe au loto ke ke maʼuli fiafia he ʼe ke tauhi mai kia te au.” Kaʼe neʼe fakaha feafeaʼi atu e Sehova ʼe mahino ki tou aluʼaga pea “e mole he gataaga” ʼo tona poto?
ʼE FOAKI MAI E SEHOVA IA MEʼA FULI ʼE ʼAOGA KIA TATOU
9, 10. Kotea te tokoni maʼuhiga ʼaupito ʼae ʼe foaki mai e Sehova? Kotou tuku mai he faʼifaʼitaki.
9 ʼE ʼaoga kia tatou fuli ia te meʼa kai, mo te mutuʼi meʼa pea mo he nofoʼaga. Pea ʼe lagi tou lotohoha he ʼe ʼi tatatou manatu ʼe mole feʼauga anai tatatou meʼa kai. Kaʼe neʼe fakatupu e Sehova ia te kele ʼaki te fakatuʼutuʼu ʼae ke mahu ai te meʼa kai maʼa te hahaʼi fuli maʼia ki “te u uhi o te kolopo moka natou fetagihi.” (Lau ia Pesalemo 147:8, 9.) Kapau ʼe fafaga e Sehova ia te ʼu kolopo, ʼe feala ke tou tui papau ʼe ina foaki mai anai te ʼu meʼa ʼae ʼe ʼaoga kia tatou ʼi te faʼahi fakasino.—Pesalemo 37:25.
10 Kaʼe ko te faʼahi ʼae ʼe maʼuhiga, ko te fakafealagia e Sehova ke malohi tuʼumaʼu tatatou tui. Pea ʼe ina foaki mai foki ia “te tokalelei ʼo te ʼAtua ʼae ʼe maʼoluga age ʼi te ʼu ʼatamai fuli.” (Filipe 4:6, 7) Tou vakaʼi te aluʼaga neʼe hoko ki te tehina ʼe higoa ko Mutsuo mo tona ʼohoana. Neʼe nā sisio ki te tokoni ʼa Sehova kia naua. ʼI te temi ʼae neʼe hake ai te peau ʼi Saponia ʼi te taʼu 2011, neʼe nā hao he neʼe nā fekakeʼi ki te ʼato ʼo tonā ʼapi. ʼI te ʼaho ʼaia, neʼe teitei pe ke puli fuli ʼana meʼa. Pea neʼe nā nonofo po katoa ʼi te fakapoʼuli ʼi te koga fale fata ʼo tonā ʼapi, pea neʼe nā mokosisia. ʼI te ʼaho ake, neʼe nā kumi he fakalotomalohi fakalaumalie. Pea ko te tohi pe ʼae neʼe nā maʼu ko te Annuaire 2006 des Témoins de Jéhovah. Lolotoga te fuli e Mutsuo ia te annuaire, neʼe sio ki te kupu tafito “Le tsunami le plus meurtrier jamais recensé.” Neʼe talanoa ai ʼo ʼuhiga mo te mafuike neʼe hoko ʼi te motu ko Sumatra ʼi te taʼu 2004. Pea neʼe lahi te maumau mo te ʼu matea neʼe hoko ʼi te motu ʼaia. Neʼe nā fetagihi ai ʼi tanā lau te ʼu aluʼaga ʼae neʼe hoko ki ʼona tehina mo tuagaʼane. Pea neʼe nā logoʼi ai te tokaga ʼofa ʼa Sehova pea neʼe ina foaki age ia te fakalotomalohi fakalaumalie ʼae neʼe ʼaoga kia naua. Neʼe toe tokaga foki ia Sehova kia naua ʼi te faʼahi fakasino. He neʼe ʼomai ʼona tehina mo tuagaʼane mai ʼihi kolo ʼo Saponia ʼo foaki age tanā meʼa kai pea mo ʼona mutuʼi meʼa. Kaʼe ko te faʼahi ʼae neʼe nā lotomalohi ʼaupito ai, ko te hinoʼi e te kautahi ʼa te ʼAtua he ʼu tehina moʼo fakalotomalohiʼi tonā kokelekasio. ʼE ui fenei e Mutsuo: “ ʼE hage pe ia neʼe nofo ia Sehova ia tafa ʼo matou takitokotahi pea neʼe tokaga kia matou. Pea ʼe ko he aluʼaga fakalotofimalie ia.” ʼE ha lelei mai, ʼe foaki mai muʼa e te ʼAtua ia te ʼu fakalotomalohi ʼe ʼaoga ke malohi tuʼumaʼu ai tatatou tui. Pea ʼe hoki ina foaki mai leva ia te ʼu meʼa ʼae ʼe ʼaoga kia tatou ʼi te faʼahi fakasino.
TE ʼU FUA LELEI MAI TE TOKONI ʼA SEHOVA
11. Kotea ʼae ʼe tonu ke tou fai ke tou maʼu te tokoni ʼa te ʼAtua?
11 ʼE tokoni ia Sehova “ki ae e mamahi [“ki ʼae ʼe agavaivai,” MN ].” ʼE ʼofa ia tatou pea ʼe fia tokoni tuʼumaʼu mai kia tatou. (Pesalemo 147:6) ʼE tou lava maʼu feafeaʼi ia tana tokoni? ʼE tonu ke malohi ʼatatou felogoʼi ʼae mo ia. Koia ʼae ʼe ʼaoga ai ke tou maʼu te agavaivai. (Sofoni 2:3) Ko te hahaʼi agavaivai ʼe natou falala kia Sehova ke ina fakagata ia te heʼe faitotonu pea mo ʼonatou mamahi. Pea ʼe natou maʼu ai te ʼofa ʼo Sehova.
12, 13. (1) Kotea ʼae ʼe tonu ke tou liakī ke feala ai hatatou maʼu ia te tokoni ʼa te ʼAtua? (2) Ko ai ʼae ʼe ʼofa ai ia Sehova?
12 Kaʼe ko te ʼAtua ʼe ina “tuku ki te kele te kau agakovi.” (Pesalemo 147:6) ʼE mole tou loto ke hoko te aluʼaga ʼaia kia tatou. He ʼe tou loto ke fakaha mai e te ʼAtua ia tona ʼofa kia tatou. Koia ʼae ʼe tonu ai ke tou fehihiʼa ki te meʼa ʼae ʼe fehiʼa ki ai. (Pesalemo 97:10) Ohage la, ʼe tonu ke tou fehihiʼa ki te ʼu felaveʼi fakasino heʼe ʼaoga. Ko tona fakaʼuhiga, ʼe tonu ke tou liakī ia meʼa fuli ʼae ʼe feala ke tupu ai hatatou fai te aga ʼaia. Pea ʼe kau ai te sioʼi ʼo te ʼu pāki peʼe ko te ʼu ʼata ʼae ʼe ʼasi ai te ʼu aga fakalialia. (Pesalemo 119:37; Mateo 5:28) ʼE mole ko he meʼa ʼe faigafua, kaʼe kapau ʼe tou faiga, ʼe tou maʼu anai te tapuakina ʼa Sehova.
13 ʼE tonu ke tou falala kia Sehova ke fua lelei ʼatatou faiga. Kaʼe ʼe fiafia anai koa ia mo kapau ʼe tou falala ki te ʼu meʼa ʼae ʼe falala ki ai te hahaʼi? Kailoa, koteʼuhi “e mole falala ia [Sehova] ki te malohi o te hosi.” Pea ʼe tonu koa ke tou falala kia tatou totonu peʼe ki ʼihi? Kailoa, he ʼe ko Sehova “e mole ina tuku tona fiafia ki te u vae o te tagata.” (Pesalemo 147:10) Koia ʼae ʼe tonu ai ke tou haga kole mamahi kia Sehova ke tokoni mai ke tou tauʼi ʼotatou vaivaiʼaga. Pea ʼe mole fiu anai ia ʼi he temi ʼi te fagono ki ʼatatou faikole. Ko Sehova “e ofa . . . kia natou ae e matataku [peʼe manavasiʼi] kia ia, natou ae e amanaki lelei ki tona agalelei.” (Pesalemo 147:11) ʼE tou iloʼi ʼe tokoni tuʼumaʼu mai anai ia Sehova ke tou tauʼi ʼotatou holi ʼae ʼe kovi, he ʼe agatonu ia pea ʼe ʼofa ia tatou.
14. Kotea ʼae neʼe tui papau ki ai ia te tagata faipesalemo?
14 ʼE fakapapauʼi mai e Sehova ʼe tokoni mai anai kia tatou moka tou tau mo he ʼu faigataʼaʼia. ʼI te temi ʼae neʼe toe liliu ai te kau Iselaele ki Selusalemi, neʼe fakakaukauʼi e te tagata faipesalemo ia te faʼahiga tokoni ʼa Sehova kia natou. Neʼe hiva fenei: “E ina fakamalohii te u ukamea fakamau o ou matapa, e ina tapuaki ki ou foha i lotomalie o ou; e ina toe tuku te tokalelei ki tou fenua.” (Pesalemo 147:13, 14) Neʼe lotofalala ia te tagata faipesalemo, he ʼe fakamalohiʼi anai e Sehova ia te ʼu matapa ʼo te kolo. Pea neʼe ko he fakalotofimalie kia ia he ʼe puipui anai e Sehova ia tana hahaʼi.
15-17. (1) Kotea ʼe tou logoʼi ʼi ʼihi temi ʼuhi ko ʼotatou faigataʼaʼia? Kaʼe ʼe fakaʼaogaʼi feafeaʼi e Sehova ia tana Folafola moʼo tokoni mai kia tatou? (2) Kotou tuku mai he faʼifaʼitaki ʼe ha ai ko te Folafola ʼa te ʼAtua ʼe lele “i te gaholo katoa” moʼo tokoni mai kia tatou.
15 ʼE lagi kotou lotohoha ʼuhi ko ʼokotou faigataʼaʼia, kaʼe ʼe feala kia Sehova ke ina foaki atu ia te poto moʼo tauʼi ʼokotou faigataʼaʼia ʼaia. Neʼe ui e te tagata faipesalemo, ko te ʼAtua “e Pesalemo 147:15-18) Ko totatou ʼAtua ʼe ina iloʼi ia meʼa fuli, pea ʼe feala ke ina fai ia meʼa fuli, mo ina puleʼi ia te ʼuamaka mo te nive. Koia, ʼe mahino papau ia, ʼe lava tokoni atu ke kotou lavaʼi ʼokotou faigataʼaʼia fuli.
ina fekaui ana fakatotonu ki te kele; e lele tana folafola i te gaholo katoa.” ʼOsi ʼaia, pea neʼe talanoa ki te nive, mo te ʼaisi pea mo te ʼuamaka, ʼo ina ui fenei: “Ko ai e feala ke tuu i mua o tona momoko!” Pea neʼe ina ui leva ko Sehova “e ina fekau tana folafola, pea e liliu te aisi o vai.” (ʼE mahino papau ia, neʼe kua kotou sisio ki te vave ʼo te takitaki ʼo koutou e Sehova
16 Ia ʼaho nei, ʼe takitaki tatou e Sehova ʼaki tana Folafola, ia te Tohi-Tapu. Neʼe ui e te tagata faipesalemo, ko te folafola ʼa Sehova ʼe lele “i te gaholo katoa” moʼo tokoni mai kia tatou. ʼE takitaki tatou e te ʼAtua ʼi hona aluʼaga ʼe lelei pea ʼi tona temi totonu. Tou fakakaukauʼi age muʼa te ʼu lelei ʼae ʼe tou maʼu mai te Tohi-Tapu, mo te ʼu tohi mai “te tagata faifekau agatonu mo poto,” mo te JW Télédiffusion, mo tatatou tuʼasila ʼi te Neti jw.org, mo te kau tagata ʼafeā pea mo ʼotatou tehina mo tuagaʼane. (Mateo 24:45) Koia ʼe mahino papau ia, neʼe kua kotou sisio ki te vave ʼo te takitaki ʼo koutou e Sehova.
17 Tou vakaʼi te aluʼaga ʼaeni neʼe hoko ki te tuagaʼane ʼe higoa ko Simone. Neʼe sio ki te ʼu fua lelei neʼe ina maʼu mai te Folafola ʼa te ʼAtua. ʼI tana manatu, ʼe mole ʼi ai hona ʼuhiga pea ʼe mole ʼofa Sehova ia ia. Kaʼe, ʼi te temi ʼae neʼe lotovaivai ai, neʼe tagi mamahi tuʼumaʼu kia Sehova, ʼo ina kole ia tana tokoni. Pea neʼe ina ako tuʼumaʼu ia te Tohi-Tapu. Neʼe ui fenei e Simone: “Neʼe au logoʼi tuʼumaʼu ia te malohi ʼo Sehova pea mo tana takitaki.” ʼAki ʼana faiga, neʼe ina maʼu ai he ʼu manatu fakalotomalohi.
18. He koʼe ʼe kotou ui ʼe nofo ovi ia Sehova ia koutou? Pea kotea te ʼu tupuʼaga ʼe kotou maʼu ke kotou “Fakavikiviki [kia Sehova]”?
18 Neʼe iloʼi e te tagata faipesalemo, neʼe ko te puleʼaga pe ʼo Iselaele ʼae neʼe filifili e Sehova ke liliu ko tana hahaʼi. Neʼe ko te puleʼaga pe ʼaia neʼe foaki age ki ai e te ʼAtua ia tana “folafola” mo “ana lao.” (Lau ia Pesalemo 147:19, 20.) Ia ʼaho nei, ʼe tou maʼu te toe pilivilesio ʼae ke tou fua ia te huafa ʼo te ʼAtua. Pea ʼe tou lotofakafetaʼi he ʼe tou iloʼi ia ia, pea ʼe tou maʼu tana Folafola moʼo takitaki ʼo tatou pea ʼe tou maʼu he ʼu felogoʼi lelei mo ia. Koia, ohage pe ko te tagata ʼae neʼe ina tohi ia te kapite 147 ʼo Pesalemo, ʼe lahi te ʼu tupuʼaga ʼe tou maʼu ke tou “Fakavikiviki [kia Sehova]”, pea ke tou fakalotomalohiʼi niʼihi ke natou fakavikiviki mo natou kia Sehova.