ALATIKE AKO 5
Kotea ʼAe ʼe Ina Uga Tatou Ke Tou Kau Ki Te ʼu Fono
“Kotou haga tala te mate ʼo te ʼAliki, ʼo kaku ki tana haʼu.” —1 KO. 11:26.
KATIKO 18 Fakafetaʼi Ki Te Totogi
TE ʼU MANATU FAKANOUNOU *
1-2. (1) Kotea ʼae ʼe tokagaʼi e Sehova moka ʼe fakatahitahi ia te toko lauʼi miliona hahaʼi moʼo fakamanatu te mate ʼo Kilisito? (Vakaʼi te ʼuluaki pāki.) (2) Kotea ʼae ka tou vakaʼi anai ʼi te alatike ʼaeni?
KOTOU fakakaukauʼi age muʼa pe kotea ʼae ʼe tokagaʼi e Sehova moka fakatahitahi te toko lauʼi miliona hahaʼi moʼo fakamanatu ia te mate ʼo Kilisito. ʼE mole sio pe ki tonatou kaugā malie, kae ʼe ina tokagaʼi ia te hahaʼi takitokotahi ʼae ʼe ʼomai ki te fono. Ohage la, ʼe ina tokagaʼi ia natou fuli ʼae ʼe ʼomai ʼi te taʼu fuli. ʼO feia mo natou ʼae ʼe ʼomai logo la tonatou fakatagaʼi. ʼE ʼi ai ʼihi ʼe mole natou fono tuʼumaʼu, kae ʼe maʼuhiga kia natou ia tanatou kau ki te ʼAho Fakamanatu. ʼE toe tokagaʼi e Sehova ia natou ʼae ko tanatou hoki kau ki te ʼAho Fakamanatu, ʼuhi ko tanatou fia mahino.
2 ʼE mahino ia, ʼe fiafia ia Sehova ʼi tana sio ki te toe kaugā malie ʼae ʼe kau ki te ʼAho Fakamanatu. (Luka 22:19) Kae ko te faʼahi ʼae ʼe maʼuhiga kia te ia, ko te tupuʼaga ʼo tanatou ʼomai kae ʼe mole ko tonatou kaugā malie. ʼI te alatike ʼaeni ʼe tou vakaʼi anai ia te fehuʼi maʼuhiga ʼaeni: He koʼe ʼe tou kau ki te ʼAho Fakamanatu pea mo te ʼu fono ʼo te vahaʼa ʼae neʼe fakatuʼutuʼu e Sehova maʼa natou ʼae ʼe ʼoʼofa ia te ia?
ʼE TOU AGAVAIVAI
3-4. (1) He koʼe ʼe tou kau ki te ʼu fono? (2) Kotea ʼae ʼe tou fakaha moka tou kau ki te ʼu fono? (3) ʼO mulimuli kia 1 Kolonito 11:23-26, he koʼe ʼe tonu ke tou kau tuʼumaʼu ki te ʼAho Fakamanatu?
3 Ko te tupu’aga tafito ’o tatatou kau ki te ’u fono, he ’e kau ki tatatou tauhi. Pea tahi, ’e ako’i tatou e Sehova ’i te ’u fono. Ko natou ʼae ʼe lotolahi ʼe mole natou loto ke akoʼi natou. (3 Soa. 9) Kae kia tatou, ʼe tou fiafia ke akoʼi tatou e Sehova pea mo tana kautahi.—Esa. 30:20; Soa. 6:45.
1 Kolonito 11:23-26.) Ka tou kau ki te fono ʼaia ʼe tou fakamalohi ai tatatou ʼamanaki ʼo ʼuhiga mo te ka haʼu pea ʼe tou manatuʼi ai te lahi ʼo te ʼofa ʼa Sehova ia tatou. Kae ʼe iloʼi e Sehova ʼe mole feʼauga pe te fakalotomalohiʼi ʼo tatou tuʼa tahi ʼi te taʼu. Koia ʼe ina fakatuʼutuʼu ai he ʼu fono ʼi te vahaʼa fuli pea mo ina fakalotomalohiʼi tatou ke tou kau ki ai. Pea ʼe tou fakalogo kia te ia ʼuhi ko tatatou agavaivai. ʼI te vahaʼa fuli ʼe tou fakaʼaogaʼi he temi loaloaga ke tou teuteuʼi pea mo kau ki te ʼu fono ʼaia.
4 Ka tou kau ki te ʼu fono, ʼe tou fakaha ai ʼe tou agavaivai, he ʼe tou lotolelei ke akoʼi tatou. Kapau ʼe tou kau ki te ʼAho Fakamanatu, ʼe mole ʼuhi pe he ʼe ko totatou maʼua, kae ʼe tou fia fakalogo ʼaki he agavaivai ki te fakatotonu ʼaeni ʼa Sesu: “Kotou haga fai te faʼahi ʼaeni moʼoku fakamanatu.” (Lau ia5. He koʼe ʼe tali e te hahaʼi agavaivai ia te fakaafe ʼa Sehova?
5 ʼI te taʼu fuli, tokolahi te hahaʼi ʼe natou tali ʼaki he agavaivai te fakaafe ʼae ʼe fai age e Sehova ke ina akoʼi natou. (Esa. 50:4) ʼI tanatou leleiʼia ia te ʼAho Fakamanatu, ʼe natou kau ki te ʼu fono. (Sakl. 8:20-23) Pe ʼe tou foʼofoʼou peʼe kua tou fualoa ʼi te moʼoni, ʼe tou fiafia fuli, he ʼe akoʼi pea mo takitaki tatou e Sehova ia totatou ‘tokoni mo totatou fakamaʼuli.’ (Pes. 40:18) ʼE mole he fakatatau ʼo te fiafia ʼae ʼe tou logoʼi ʼuhi ko tatatou tali te fakaafe ʼae ke akoʼi tatou e Sehova pea mo tona ʼAlo ʼofaina ia Sesu.—Mat. 17:5; 18:20; 28:20.
6. Neʼe tokoni feafeaʼi te agavaivai ki he tagata ke kau ki te ʼAho Fakamanatu?
6 ’I te ta’u fuli, ’e tou faiga ke tou fakaafe he haha’i tokolahi ke natou ʼomai ki te ʼAho Fakamanatu ʼo te mate ʼo Sesu. Tokolahi te kau agavaivai neʼe natou tali tatatou fakaafe pea neʼe natou maʼu ni fua lelei. Ohage la, kua hili ki ai ni taʼu, neʼe tali e te tagata ia te pepa fakaafe ki te ʼAho Fakamanatu. Kae neʼe ina ui ki te tehina ʼae neʼe ina ʼavage te pepa fakaafe, ʼe mole kau anai ki te fono ʼaia. Pea ʼi te afiafi ʼae neʼe fai ai te ʼAho Fakamanatu, neʼe punamaʼuli te tehina ʼi tana sio ki te tagata ʼaia ʼi te Fale Fono. Neʼe punamaʼuli mo te tagata, he neʼe fakatalitali leleiʼi ia ia e te ʼu tehina mo tuagaʼane, koia neʼe kau tuʼumaʼu leva ki te ʼu fono ʼo te vahaʼa. Neʼe ko fono pe ʼe tolu neʼe mole kau ai ʼi te taʼu katoa. Kotea tona tupuʼaga? Neʼe ina fetogi tana faʼahiga manatu ʼuhi he neʼe agavaivai. Ki muli age, neʼe ui fenei e te tehina ʼae neʼe ina fakaafe ia ia: “ ʼE ko he tagata agavaivai ʼaupito.” ʼE mahino ia, neʼe taki mai e Sehova ia te tagata ʼaia ki te moʼoni, pea kua liliu ko totatou tehina.—2 Sam. 22:28; Soa. 6:44.
7. Kotea anai ka tokoni mai ke tou agavaivai?
7 Ko te ’u faʼahi ʼae ʼe tou ako ʼi te ʼu fono mo te ʼu fakamatala ʼae ʼi te Tohi-Tapu, ʼe tokoni mai ke tou agavaivai. ʼI te ʼu vahaʼa ʼi muʼa ʼo te ʼAho Fakamanatu, ʼe tou palalau tafito ʼi te ʼu fono ki te faʼifaʼitaki ʼo Sesu pea mo tana agavaivai, ʼi tana foaki tona maʼuli moʼo totogi ʼaki ʼatatou agahala. Pea ʼi te ʼu ʼaho ʼi muʼa ʼo te ʼAho Fakamanatu, ʼe fakalotomalohiʼi tatou ke tou lau ʼi te Tohi-Tapu ia te ʼu aluʼaga ʼae neʼe hoko ʼo ʼuhiga mo te mate ʼo Sesu pea mo tona fakatuʼuake. Ko te ʼu faʼahi ʼae ʼe tou ako ʼi te ʼu fono pea mo te ʼu fakamatala ʼae ʼe tou lau ʼi te Tohi-Tapu, ʼe ina fakatuputupu tatatou lotofakafetaʼi ʼo ʼuhiga mo te sakilifisio ʼae neʼe fai e Sesu maʼa tatou. Pea ʼe tou fia faʼifaʼitakiʼi ai te agavaivai ʼa Sesu pea mo fakahoko te finegalo ʼo Sehova, tatau aipe pe ʼe faigataʼa.—Luka 22:41, 42.
ʼE TOU LOTOTOʼA
8. Neʼe fakaha feafeaʼi e Sesu tana lototoʼa?
8 ʼE tou toe faiga foki ke tou lototoʼa ohage ko Sesu. Kotou fakakaukauʼi age muʼa ia tana lototoʼa ʼi te ʼu ʼaho ʼi muʼa ʼo tona mate. Neʼe kua iloʼi lelei pe e Sesu, ʼe ʼomai anai ʼona fili ʼo fakalainoaʼi, mo ta pea mo matehi ia ia. (Mat. 20:17-19) Logo la te faʼahi ʼaia, kae neʼe mole ina tuʼania ia te mate. ʼI te temi leva ʼae neʼe tonu ke hoko te aluʼaga ʼaia, neʼe ina ui ki ʼana apositolo agatonu, ʼae neʼe ʼi te ʼoloto ʼo Setesemani: “Kotou tutuʼu ake kae tou olo. Kua ovi mai ia ia ʼae ka ina lavakiʼi au.” (Mat. 26:36, 46) Pea ʼi te temi ʼae neʼe ʼomai ai te hahaʼi mo ʼanatou mahafu ke natou puke ia ia, neʼe fakaovi age kia natou, pea mo ina ui ʼe ko ia ʼae ʼe natou kumi. Pea neʼe ina fakatotonu ki te kau solia ke natou tuku ʼana tisipulo ke olo. (Soa. 18:3-8) ʼI lototoʼa leva ʼa Sesu! ʼE toe feia pe ia ʼaho nei, ʼe faiga e te kau Kilisitiano fakanofo pea mo natou ʼae ʼe kau ki te tahi ʼu ovi ke natou faʼifaʼitakiʼi ia te lototoʼa ʼa Sesu. ʼO feafeaʼi?
9. (1) He koʼe ʼe tonu ke tou lototoʼa mo kapau ʼe tou fia kau tuʼumaʼu ki te ʼu fono? (2) Kotea ʼae ʼe logoʼi e ʼotatou tehina ʼi te fale pilisoni, ʼi tanatou iloʼi ʼae ʼe tou kau tuʼumaʼu ki te ʼu fono?
9 Kapau ’e tou fia kau tuʼumaʼu ki te ʼu fono, ʼe tonu ke tou lototoʼa ʼo tauʼi te ʼu faigataʼaʼia ʼo te maʼuli. ʼE ʼi ai ʼihi tehina mo tuagaʼane ʼe natou kau ki te ʼu fono logo la neʼe mate he tahi neʼe natou ʼoʼofa mamahi ai, peʼe natou lotovaivai, peʼe natou mahahaki. Ko ʼihi ʼe natou kau ki te ʼu fono logo la te fakafeagai ʼo ʼonatou famili peʼe ko te puleʼaga. Kotou fakakaukauʼi age muʼa pe kotea ʼae ʼe logoʼi e ʼotatou tehina ʼae ʼe pilisoni ʼuhi ko tanatou tui, ʼi tanatou iloʼi ʼae ʼe tou faiga ke tou kau tuʼumaʼu ki te ʼu fono. (Hep. 13:3) Ka natou logo ʼe tou tauhi agatonu kia Sehova logo la te ʼu ʼahiʼahi, ʼe toe malohi ai mo tanatou tui, mo tanatou lototoʼa pea mo tanatou fia nonofo agatonu ki te ʼAtua. Neʼe hoko te aluʼaga ʼaia ki te apositolo ko Paulo. ʼI tana pilisoni ʼi Loma, neʼe fiafia tona loto ʼi tana logo ʼae, ʼe tauhi agatonu ʼona tehina ki te ʼAtua. (Flp. 1:3-5, 12-14) Hili pe tona fakaʼateainaʼi, peʼe ʼi muʼa pe ʼo tona fakaʼateainaʼi, neʼe fai e Paulo tana tohi ki te kau Hepeleo. Neʼe ina fakalotomalohiʼi ai ʼona tehina ke natou “haga fakaha ia te ʼofa fakatautehina” pea ke ʼaua naʼa natou liʼaki ʼanatou fakatahi.—Hep. 10:24, 25; 13:1.
10-11. (1) Ko ai ʼae ʼe tonu ke tou fakaafe ki te ʼAho Fakamanatu? (2) Kotea te tupuʼaga ʼae ʼe foaki mai ia Efeso 1:7 ke tou fai?
10 Ka tou fakaafe ʼotatou famili, peʼe ko ʼotatou kaugā gaue, peʼe ko ʼotatou vahaʼa fale ki te ʼAho Fakamanatu, ʼe tou fakaha ai ʼe tou lototoʼa. He koʼe ʼe tou fakaafe ia natou ʼaia? He ʼe tou lotofakafetaʼi ki te ʼu faʼahi ʼae neʼe fai e Sehova mo Sesu maʼa tatou. Koia ʼe tou fia fakaafe ai ia te hahaʼi fuli ki te ʼAho Fakamanatu. ʼE tou loto ke natou ako pe ʼe natou lava maʼu feafeaʼi te ʼu lelei mai te totogi ʼae neʼe foaki e Sehova ʼuhi ko tona “ ʼofa makehe.”—Lau ia Efeso 1:7; Fkha. 22:17.
11 Ka tou kau ki ʼatatou fono, ʼe tou toe fakaha he tahi kalitate fakaofoofo neʼe fakaha e te ʼAtua pea mo tona ʼAlo.
ʼE TOU ʼOʼOFA
12. (1) ʼE feafeaʼi hatatou fakaha ʼi te ʼu fono ʼe tou ʼoʼofa ia Sehova pea mo tona ʼAlo? (2) ʼE fakalotomalohiʼi feafeaʼi ia tatou ia 2 Kolonito 5:14, 15 ke tou lava mulimuli ki te faʼifaʼitaki ʼo Sesu?
12 Ko totatou ʼofa ʼae kia Sehova pea mo Sesu, ʼae ʼe ina uga tatou ke tou kau ki te ʼu fono. Pea ko te ʼu faʼahi ʼae ʼe tou ako ʼi te ʼu fono, ʼe ina fakamalohiʼi totatou ʼofa ʼae kia Sehova pea mo tona ʼAlo. ʼE fakamanatuʼi tuʼumaʼu mai ʼi te ʼu fono te ʼu faʼahi ʼae neʼe nā fai maʼa tatou. (Loma 5:8) Kae tafito ʼi te ʼAho Fakamanatu, ʼe fakamanatuʼi mai ai tonā ʼofa mamahi ʼae ia tatou, maʼia mo natou ʼae ʼe mole natou mahino ki te maʼuhiga ʼo te totogi. ʼE tou lotofakafetaʼi lahi, koia ʼe tou faiga ai ke tou faʼifaʼitakiʼi ia Sesu ʼi totatou maʼuli ʼo te ʼaho fuli. (Lau ia 2 Kolonito 5:14, 15.) Pea tahi, ʼe tou fia fakavikiviki kia Sehova ʼuhi ko tana foaki mai ia te totogi. ʼE tou fakavikiviki kia Sehova moka tou fai he ʼu tali ʼi te ʼu fono.
13. ʼE feafeaʼi hatatou fakaha totatou ʼofa kia Sehova pea mo tona ʼAlo? Fakamahino.
13 ’E tou fakaha totatou ʼofa ʼae kia Sehova pea mo tona ʼAlo moka tou fai ni sakilifisio maʼa naua ʼaki he lotolelei. Pea ko te ʼu faʼahiga sakilifisio ʼaia ʼe tou fai moka tou olo ki te ʼu fono. ʼE lahi te ʼu kokelekasio ʼe natou fai ʼanatou fono ʼo te vahaʼa ʼi te ʼu afiafi. Pea ko te ʼu temi ʼaia ʼe tou gaʼegagaʼe ai he neʼe tou gaue ʼaho katoa. Pea ʼe natou fai tanatou tahi fono ʼi te ʼu fakaʼosi vahaʼa, pea ko te ʼu ʼaho ʼaia ʼe malolo ai te hahaʼi. ʼE tokagaʼi koa e Sehova tatatou faiga ʼae ke tou kau ki te ʼu fono logo la totatou gaʼegagaʼe? ʼEi foki. ʼE fiafia ia Sehova moka tou faiga malohi ke tou fakaha totatou ʼofa kia te ia.—Mko. 12:41-44.
14. Kotea te faʼifaʼitaki neʼe tuku mai e Sesu ʼo ʼuhiga mo te fakaha ʼo te ʼofa?
14 Neʼe tuku mai e Sesu ia he faʼifaʼitakiʼaga lelei ʼo ʼuhiga mo te fakaha ʼo te ʼofa ki ʼihi. Ko te ʼofa ʼaia ʼe ina uga tatou ke tou fai ni sakilifisio maʼa ʼihi. Neʼe lotolelei ia Sesu ke mate maʼa ʼana tisipulo, pea ʼi te ʼaho fuli neʼe tokaga tafito kia natou. Logo la tona gaʼegaʼe peʼe ko tona lotohoha, kae neʼe fia fakatahi tuʼumaʼu pe mo ʼana tisipulo. (Luka 22:39-46) Pea neʼe tokaga tafito ki te ʼu faʼahi ʼae neʼe feala ke ina foaki maʼa te hahaʼi kae mole ki te ʼu faʼahi ʼae neʼe feala ke ina maʼu mai ia natou. (Mat. 20:28) Kapau ʼe tou ʼoʼofa moʼoni ia Sehova pea mo ʼotatou tehina mo tuagaʼane, ʼe tou faiga malohi anai ke tou kau ki te ʼAho Fakamanatu, ʼo feia mo te ʼu fono ʼae ʼe fai ʼi te vahaʼa fuli.
15. Ko ai ʼae ʼe tou fia tokoni tafito ki ai?
Kal. 6:10) ʼE tou fakaha ʼe tou ʼoʼofa ia natou moka tou fakalotomalohiʼi natou ke natou toe ʼomai ki te ʼu fono, ʼo feia mo te ʼAho Fakamanatu. ʼE tou fiafia moka toe liliu mai he tahi kia Sehova, tatatou Tamai mo Tauhi Ovi ʼofa. Ko te toe fiafia lahi ʼaia ʼe logoʼi e Sehova mo Sesu.—Mat. 18:14.
15 ʼE tou kau ki te foʼi famili Kilisitiano moʼoni ʼe tahi ʼi te kele katoa. Pea ʼe tou fiafia ʼi te fakaʼaogaʼi ʼo totatou temi moʼo fakaafe mai te hahaʼi ke natou fakatahi mo tatou. Kae ’e tou fia tokaga tafito ki ʼotatou “kaiga ʼae ʼi te tui” ʼe mole kei kau ki te faifakamafola pea mo te ʼu fono. (16. (1) ʼE feafeaʼi hatatou fefakalotomalohiʼaki? Kotea te ʼu lelei ʼe tou maʼu moka tou kau ki te ʼu fono? (2) He koʼe ko te temi lelei ʼaia o te taʼu ke tou manatuʼi te ʼu palalau ʼa Sesu ʼae ʼe tou maʼu ia Soane 3:16?
16 ’I te ’u vaha’a ʼae ka haʼu, ʼe tou faiga anai ke tou fakaafe mai te hahaʼi ki te ʼAho Fakamanatu, ʼae ka fai ʼi te Feliaono ʼaho 19 ʼo Apelili 2019, ʼi te afiafi. (Vakaʼi te fakamatala ʼae ʼi te ʼa takai “ ʼE Ke Fakaafe Anai Koa Natou?”) ʼI te lolotoga ʼo te taʼu, tou faiga ke tou fefakalotomalohiʼaki ʼo tou kau ki te ʼu fono fuli ʼae neʼe fakatuʼutuʼu e Sehova maʼa tatou. Kua ovi mai te fakaʼosi, koia ʼe maʼuhiga ai ke tou kau tuʼumaʼu ki te ʼu fono, ke tou taupau maʼu tatatou agavaivai, mo totatou lototoʼa pea mo totatou ʼofa. (1 Tes. 5:8-11) Kapau ʼe malave kia tatou te ʼofa ʼo Sehova pea mo tona ʼAlo, ʼe lelei ke tou fakaha kia naua ia te ʼu meʼa ʼae ʼe tou logoʼi ʼi ʼotatou loto.—Lau ia Soane 3:16.
KATIKO 126 Tou ʼAlaʼala, Mo Tuʼu Malohi
^ pal. 5 ʼE tou fakamanatu anai ia te mate ʼo Kilisito ʼi te Feliaono ʼaho 19 ʼo Apelili 2019, ʼi te afiafi. ʼE ko te fono ʼaia ʼe maʼuhiga tokotahi ʼi te taʼu. Kotea ʼae ʼe ina uga tatou ke tou kau ki te toʼotoʼoga ʼaia? Ko tatatou fia fakafiafiaʼi ia te loto ʼo Sehova. ʼE tou vakaʼi anai ʼi te alatike ʼaeni pe koʼe ʼe tou kau ki te ʼAho Fakamanatu ʼo te mate ʼo Kilisito, ʼo feia mo te ʼu fono ʼae ʼe fai ʼi te vahaʼa fuli.
^ pal. 50 TAKAFI: Ko he toko lauʼi miliona hahaʼi ʼe fakaafe ki te Taumafa ʼa Te ʼAliki.
^ pal. 52 FAKAMATALA ʼO TE ʼU PAKI Pasina 28-29: Ko he tehina neʼe pilisoniʼi ʼuhi ko tana tauhi. ʼE ina maʼu he tohi mai tona ʼohoana pea mo tona foha. Kua lotomalohi ʼi tana iloʼi ʼae ʼe manatuʼi ia ia e tona kiʼi famili. ʼE fiafia he ʼe ina iloʼi ʼe nā tauhi agatonu kia Sehova logo la te ʼu tokakovi ʼi tonatou potu fenua.