Ohage pe ko te tokolahi ia tatou, ʼe lagi faigataʼa kia koe tau toe manatuʼi te ʼu meʼa ʼae ʼe ke ako. Kae neʼe ke tokagaʼi koa ʼe faigafua tatatou taʼofi te ʼu faʼifaʼitaki ʼa Sesu? Kotea tona tupuʼaga? He ʼe tokoni mai ke tou fakakaukauʼi he ʼu pāki. ʼO toe feia pe, ʼe ke toe manatuʼi lelei anai te ʼu meʼa ʼae ʼe ke ako mo kapau ʼe ke fakakaukauʼi te ʼu faʼahi ʼaia ʼaki he ʼu pāki. ʼO feafeaʼi? ʼAki hau fai he ʼu pāki ʼi te ʼu meʼa ʼae ʼe ke ako.

ʼE toe manatuʼi lelei e ʼihi te ʼu meʼa ʼe natou ako ʼuhi ko tanatou fai he ʼu pāki. ʼE natou ui ʼe tokoni age te faʼahiga fai ʼaia ke natou toe manatuʼi ia te ʼu kupu ʼo toe feia pe mo te ʼu manatu. Tou tokagaʼi ʼe mole faigataʼa ke feafeaʼi te ʼu pāki ʼae ʼe natou fai kae ʼe faigafua pe ia. Pea ʼe tokoni tafito ia te faʼahiga fai ʼaia ki te kau matuʼa ke natou toe manatuʼi te ʼu meʼa ʼae ʼe natou ako.

Ka ke ako te Tohi-Tapu, he koʼe ʼe mole ke faiga ke ke fai he ʼu pāki ke ke manatuʼi te ʼu meʼa ʼae ʼe ke ako? ʼE mahino ia, ʼe ke toe manatuʼi fuli anai.