ALATIKE AKO 36
ʼE Ke Fia Liliu Koa Ko He Tautai Tagata?
“Tuku tau mataku. ʼO kamata atu ʼi te temi nei, ko te ʼu tagata ʼae ka ke puke maʼuli anai.”—LUKA 5:10.
KATIKO 73 Ke Matou Lototoʼa
TE ʼU MANATU FAKANOUNOU *
1. Kotea te fakaafe ʼae neʼe fai e Sesu ki te ʼu tagata tautai ʼe toko fa, pea kotea ʼae neʼe natou fai?
KO TE ʼu tisipulo ko Petelo, mo Atelea, mo Sakopo pea mo Soane neʼe ko te ʼu tagata tautai. Kotou fakakaukauʼi age muʼa tanatou punamaʼuli ʼi te fai age e Sesu te fakaafe ʼaeni: ‘Kotou muli mai ia te au, pea ʼe au fakaliliu anai koutou ko he ʼu tautai tagata.’ * Kotea ʼae neʼe fai e Petelo mo Atelea? ʼE ui fenei ʼi te Tohi-Tapu: “Neʼe nā tuku atu aipe ʼonā kupega kaʼe nā mulimuli ia te ia.” Neʼe toe fai feia te tau tehina ko Sakopo pea mo Soane. (Mat. 4:18-22) Neʼe fetogi lahi ai tonatou maʼuli. ʼE mole natou toe puke anai he ʼu ika, kae ʼe ko he ʼu ‘hahaʼi ʼae ka natou puke maʼuli anai.’ (Luka 5:10) Ia ʼaho nei, ʼe toe fai e Sesu te fakaafe ʼaia kia natou ʼae ʼe loto fakamalotoloto, pea mo ʼoʼofa ki te moʼoni. (Mat. 28:19, 20) Neʼe kua ke tali koa tana fakaafe ʼaia, pea mo ke liliu ko he tautai tagata?
2. (1) He koʼe ʼe tonu ke tou fakakaukauʼi lelei te tonu ʼae ke tou liliu ko he ʼu tautai tagata? (2) Kotea ʼae ka tokoni mai anai ke tou fai te tonu ʼaia?
2 Lagi kua fuafualoa tau ako te Tohi-Tapu, pea ʼe ke tuputupu lelei. Ko te tonu leva ʼaeni ʼe tonu ke ke fai, pe ʼe ke kau anai koa ki te fakamafola ʼo te logo lelei. Kapau heʼeki ke fia tali ki te fakaafe ʼa Sesu, ʼaua naʼa ke lotovaivai. He ʼe ha ai ʼe maʼuhiga kia koe te tonu ʼaia. ʼE moʼoni, ʼe ui ʼi te Tohi-Tapu, neʼe tuku “atu aipe” e Petelo mo ʼona kaumeʼa ʼanatou kupega. Kae neʼe mole natou hoko fai te faʼahi ʼaia. Koteʼuhi ia mahina ʼe ono ki muʼa atu, neʼe natou mahino ko Sesu ko te Mesia. Pea neʼe natou Soa. 1:35-42) ʼE toe feia pe mo koe, neʼe lagi kua ke ako ke ke iloʼi lelei ia Sehova mo Sesu. Pea lagi ʼe ke loto ke ke haga tuputupu ʼi te faʼahi fakalaumalie. Kae ʼe tonu muʼa ke ke fakakaukauʼi lelei mo kapau ʼe ke fia kauga fagona. Kotea ʼae neʼe tokoni kia Petelo, mo Atelea, pea mo ʼihi ke natou fai te tonu ʼaia?
ako ke natou iloʼi ia ia. (3. Kotea te ʼu kalitate ʼae ka tokoni atu ke ke tali te fakaafe ʼa Sesu?
3 ʼE ʼaoga ki he tagata tautai ke loto moʼoni ke ina fai tana gaue, mo iloʼi lelei tana gaue ʼaia, mo lototoʼa, pea mo faiga malohi ke ina fai te ʼu meʼa ʼae ʼe tonu ke fai. ʼE mahino papau ia, neʼe tokoni te ʼu kalitate ʼaia ki te ʼu ʼuluaki tisipulo ʼa Kilisito ke natou liliu ai ko he ʼu tautai tagata faiva. ʼE fakaha anai e te alatike ʼaeni pe ʼe feafeaʼi hau maʼu mo koe te ʼu kalitate ʼaia ke feala ai ke ke liliu ko he kauga fagona faiva.
LOTO MOʼONI KE KE FAIFAKAMAFOLA
4. Kotea ʼae neʼe ina uga ia Petelo ke liliu ai ko he tautai tagata?
4 Neʼe gelu ia Petelo ke ina taupau tona kiʼi famili. Kae neʼe mole ko he gaue pe kia ia. Koteʼuhi neʼe ina leleiʼia tana gaue ʼaia. (Soa. 21:3, 9-15) Pea neʼe ina toe leleiʼia foki mo tana gaue ʼae ko te tautai tagata. Pea ʼaki te tokoni ʼa Sehova, neʼe liliu ai ʼo faiva ʼaupito.—Gaue 2:14, 41.
5. (1) Kotea ʼae neʼe logoʼi e Petelo, ʼo mulimuli kia Luka 5:8-11? (2) Kotea ʼae ka tokoni mai ke tou tauʼi te faʼahiga manatu ʼaia?
5 ʼE tou loto moʼoni ʼo faifakamafola he ʼe tou ʼoʼofa ia Sehova. ʼE ko te tupuʼaga tafito ʼaia ʼo tatatou faifakamafola. Kapau ʼe tou manatu ʼe mole tou lavaʼi tona fakahoko, ʼe feala ke tokoni mai totatou ʼofa kia Sehova ke tou tauʼi te faʼahiga manatu ʼaia. ʼI te temi ʼae neʼe fakaafe e Sesu ia Petelo ke liliu ko he tautai tagata, Luka 5:8-11.) Neʼe mole mataku ia Petelo ʼi te meʼa ʼae ka hoko kia ia, mo kapau neʼe liliu ko hana tisipulo. Kailoa ia. Neʼe punamaʼuli ia ʼi te gelu fakamilakulo ʼae neʼe ina fai ʼaki te tokoni ʼa Sesu. Pea neʼe manatu ia Petelo neʼe mole tuha ia ke gaue mo Sesu. ʼE toe feala pe mo koe ke ke lotovaivai, ʼuhi ko te ʼu gaue ʼae ʼe fakamaʼua ke fai e he tisipulo. Kapau koia, fakamalohiʼi tou ʼofa kia Sehova, mo Sesu, pea mo tou tatau. Pea ʼe ke tali anai te fakaafe ʼa Sesu ke ke liliu ko he tautai tagata.—Mat. 22:37, 39; Soa. 14:15.
neʼe ina ui fenei age ki ai: “Tuku tau mataku.” (Lau ia6. Kotea te tahi ʼu tupuʼaga ke tou loto moʼoni ai ke tou faifakamafola?
6 Kotea te tahi ʼu tupuʼaga ke tou loto moʼoni ai ʼo faifakamafola? ʼE tou kau ki te gaue ʼaia he ʼe tou fia fakalogo ki te fakatotonu ʼaeni ʼa Sesu: “Kotou olo ʼo fai ni tisipulo.” (Mat. 28:19, 20) Pea tahi ʼae, ʼe tou faifakamafola koteʼuhi ʼe “ogosia pea mo mavetevete” te hahaʼi. Pea ʼe ʼaoga ʼaupito kia natou ke natou iloʼi te moʼoni ʼo ʼuhiga mo te Puleʼaga. (Mat. 9:36) ʼE toe loto foki e Sehova ke maʼu e te faʼahiga hahaʼi fuli pe te ʼatamai malama totonu ʼo te moʼoni, pea ke haofaki natou.—1 Tim. 2:4.
7. He koʼe ʼe maʼuhiga ʼaupito te gaue faifakamafola, ʼo mulimuli kia Loma 10:13-15?
7 Kapau ʼe tou manatuʼi ʼe feala ke haofaki te maʼuli ʼo te hahaʼi ʼaki te faifakamafola, ʼe uga ai tatou ke tou kau ki te gaue ʼaia. Ko te ʼu tagata tautai ʼe natou fakatau mo kai ʼanatou ika. Kae ʼe kehe tatou. ʼE tou “puke” tatou te hahaʼi ke haofaki natou.—Lau ia Loma 10:13-15; 1 Tim. 4:16.
ILOʼI LELEI TAU GAUE
8-9. Kotea ʼae ʼe tonu ke iloʼi e he tagata tautai, pea kotea tona tupuʼaga?
8 ʼI te temi ʼo Sesu, neʼe tonu ke iloʼi e te ʼu tagata tautai pe ʼe ko te faʼahiga ika feafeaʼi ʼae neʼe tonu ke natou puke. (Lev. 11:9-12) Neʼe tonu ke natou toe iloʼi mo te ʼu koga meʼa ʼae ʼe ikaʼia. ʼI te agamahani, neʼe maʼu te ʼu ika ʼi te ʼu koga meʼa ʼae ʼe tokalelei, pea mo lahi ai te meʼa kai. ʼE maʼuhiga koa te temi ʼae ʼe alu ai te tagata tautai ʼo gelu? Tokagaʼi te meʼa ʼaeni neʼe ui e te tehina ʼe nofo ʼi he motu ʼo te Pasifika ki he misionea. Neʼe fakaafe e te tehina te misionea ke nā olo ʼo gelu. Neʼe tali fenei age e te misionea ki ai: “Fai ki ai. Hoki tā felaveʼi apogipogi uhu, ʼi te hola hiva.” Neʼe tali fenei age e te tehina: “ ʼE mole feia ia. ʼE tā olo ʼo gelu ʼi te temi ʼae ʼe maʼu ai te ʼu ika. Kae mole ko te temi ʼae ʼe kita loto ki ai.”
9 Neʼe toe feia pe, ko te ʼu ʼuluaki Kilisitiano ʼae neʼe ko te ʼu tautai tagata, neʼe natou olo ʼi te temi pea ki te ʼu koga meʼa ʼae neʼe maʼu ai te hahaʼi. Koia, neʼe faifakamafola te ʼu tisipulo ʼa Sesu ʼi te fale lotu, ʼi te ʼu sinakoka, ʼi te ʼu ʼapi pea ʼi te ʼu fakatauʼaga koloa. (Gaue 5:42; 17:17; 18:4) ʼE tonu foki ke tou toe iloʼi mo tatou te ʼu agamahani ʼa te hahaʼi ʼo tatatou telituale. ʼE tonu ke tou lotolelei ʼo fetogi tatatou fakatuʼutuʼu, ke tou olo ai ʼo faifakamafola ʼi te ʼu koga meʼa, pea ʼi te hola ʼae ʼe maʼu ai te hahaʼi.—1 Ko. 9:19-23.
10. Kotea ʼae ʼe foaki mai e te kautahi ʼa Sehova ke tou faiva ʼi te faifakamafola?
10 ʼE ʼaoga ki he tagata tautai he ʼu meʼa gaue ʼe lelei, pea ke ina iloʼi tona fakaʼaogaʼi. Pea ʼe toe feia mo tatou, ʼe toe ʼaoga kia tatou he ʼu meʼa gaue ʼe lelei, pea ke tou iloʼi tona fakaʼaogaʼi. Neʼe fakamahino lelei e Sesu ki ʼana tisipulo pe ʼe feafeaʼi hanatou maʼu ni hahaʼi. Neʼe ina fakaha age kia natou te meʼa ʼae neʼe tonu ke natou ʼave, mo te koga meʼa ʼae ke natou faifakamafola ai, pea mo te logo ʼae neʼe tonu ke natou tala. (Mat. 10:5-7; Luka 10:1-11) Ia ʼaho nei, ʼe foaki mai e te kautahi ʼa Sehova te Meʼa Gaue Ki Te Faiako. ʼE maʼu ai ni tohi pea mo ni ʼata viteo ʼe lelei. * Pea ʼe akoako tatou e te kautahi ke tou fakaʼaogaʼi. ʼE tokoni mai te akoako ʼaia ke tou iloʼi lelei te faifakamafola, ke mole tou matataku, pea ke tou faiva.—2 Tim. 2:15.
LOTOTOʼA
11. He koʼe ʼe tonu ke lototoʼa te kau tautai tagata?
11 ʼE tonu ke lototoʼa te kau tagata tautai. ʼE feala pe ke hoko he ʼu aluʼaga fakapunamaʼuli ʼi te tai, ohage la ko he ʼu afā. Pea ʼe natou tau gaue ʼi te poʼuli. ʼE tonu foki ke toe lototoʼa mo te kau tautai tagata. Ka kamata faifakamafola he tahi, pea mo fakaha ko ia ko he Fakamoʼoni ʼa Sehova, ʼe feala ke tau mo he ʼu faigataʼaʼia ʼe hage ko he ʼu afā. ʼE feala pe ke fakafeagai tona famili kia ia, ke vaʼi ia ia e ʼona kaumeʼa, pea ʼe mole fia logo te hahaʼi ki tana faifakamafola. Kae ʼe mole tou punamaʼuli tatou ki ai. He neʼe fakaha lelei e Sesu ki ʼana tisipulo, ʼe natou faifakamafola anai ki ni hahaʼi ʼe fakafeagai kia natou.—Mat. 10:16.
12. Kotea ʼae ʼe feala ke tokoni kia koe ke lahi age tau lototoʼa, ʼo mulimuli kia Sosue 1:7-9?
12 Kotea ʼae ʼe tonu ke ke fai ke lahi age tau lototoʼa? Ke ke tui papau kei hoko atu pe te takitaki e Sesu te gaue faifakamafola mai te lagi. (Soa.16:33; Fkha. 14:14-16) Pea ke ke fakamalohiʼi tau tui ʼae ko Sehova ʼe tokaga kia koe. (Mat. 6:32-34) Kapau ʼe malohi tau tui, pea ʼe ke lototoʼa anai. Neʼe fakaha e Petelo mo ʼona kaumeʼa he tui malohi ʼi tanatou siʼaki tanatou gaue, kae natou muliʼi ia Sesu. Mo koe foki ʼe ke maʼu he tui malohi ʼi tau fakaha ki ʼou kaumeʼa, mo tou famili tau kamata ako te Tohi-Tapu mo te kau Fakamoʼoni ʼa Sehova, pea mo kau ki ʼanatou fono. Pea tahi ʼae, neʼe ke fai he ʼu fetogi lahi ʼi tou maʼuli pea mo tau aga, he neʼe ke fia mulimuli ki te ʼu pelesepeto faitotonu ʼa Sehova. Neʼe ke fakaha ai tau lototoʼa. Kapau ʼe ke lototoʼa, ke ke tui papau ko Sehova, “tou Atua, e nofo mo koe i te u kogamea fuli ae e ke alu ai anai.”—Lau ia Sosue 1:7-9.
13. ʼE tokoni feafeaʼi atu te metitasio mo te faikole ke lahi age tau lototoʼa?
13 ʼE feala ke tokoni atu te faikole mo te metitasio ke lahi age tau lototoʼa. Faikole kia Sehova ʼo kole age te lototoʼa. (Gaue 4:29, 31) ʼE ina tali anai ki ʼau faikole pea ʼe mole ina siʼaki anai koe ʼi he temi. ʼE tokoni tuʼumaʼu anai kia koe. Pea metitasio ki te meʼa ʼae neʼe fai e Sehova ʼi te temi muʼa moʼo haofaki ʼana kaugana. Toe fakakaukauʼi mo te meʼa ʼae neʼe ina fai maʼa koʼe. Neʼe tokoni atu ke ke tauʼi ʼau faigataʼaʼia. Neʼe ina foaki atu te malohi ke ke fai ni fetogi ʼi tou maʼuli. Ke ke manatuʼi neʼe tokoni ia Sehova ke fakalaka tana hahaʼi ʼi te Tai Kula. Koia, ʼe toe feala pe ke tokoni kia koe ke ke liliu ko he tisipulo ʼa Kilisito. (Eke. 14:13) Ke ke maʼu te tui ʼae neʼe maʼu e te tagata faipesalemo ʼi tana ui fenei: “E kau [“Sehova,” NWT] mo au, e mole au mataku ki he mea: Kotea e feala ke fai mai e te tagata kia au?”—Pes. 118:6.
14. Kotea te ako ʼe tou maʼu mai ia Masae pea mo Tomoyo?
14 Kotea he tahi meʼa ʼe feala ke ke fai ke toe lahi age tau lototoʼa? Fakakaukauʼi te faʼifaʼitaki ʼa he kau faifakamafola neʼe tokoni Sehova kia natou ke natou tauʼi tanatou umiuminoa, pea ke natou lototoʼa. Tou vakaʼi te faʼifaʼitaki ʼa te tuagaʼane ko Masae. Neʼe umiuminoa, pea neʼe manatu ia ʼe mole feala ke ina fakaha tana tui ki ʼihi. Kia ia, ko hana palalau ki he tahi ʼe mole ina iloʼi, ʼe hage ia ko he moʼuga ʼe mole feala ke kake ai. Kae neʼe faiga ke ina fakamalohiʼi tona ʼofa ki te ʼAtua, pea mo tona tatau. Neʼe ina toe fakakaukauʼi ʼe tou maʼuʼuli ʼi te ʼu ʼaho fakaʼosi ʼo te malama ʼaeni. Pea neʼe ina kole kia Sehova ke tokoni age ke ina fakamalohiʼi tana fia faifakamafola. Neʼe ina lava tauʼi tana mataku, pea neʼe feala ai ke pionie katoa. Koʼeni te tahi faʼifaʼitaki ʼe ha ai ʼe lava tokoni ia Sehova ki te kau fagona foʼofoʼou ke natou lototoʼa. Ko te tuagaʼane ko Tomoyo. ʼI tana kamata faifakamafola, neʼe felaveʼi mo te fafine neʼe kalaga fenei age: “Ko kolua ko te ʼu Fakamoʼoni ʼa Sehova. ʼE mole au fia logo.” Pea neʼe ina pupunu ai te matapa. Neʼe lototoʼa pe ia Tomoyo, pea neʼe ina ui fenei age ki te tuagaʼane ʼae neʼe faifakamafola mo ia: “Neʼe ke logo? Neʼe heʼeki au palalau, kae neʼe mahino ia ko au ko he Fakamoʼoni ʼa Sehova. ʼE au fiafia ʼaupito.” Ia ʼaho nei, kua pionie katoa ia Tomoyo.
FAIGA KE KE FAI TE ʼU GAUE ʼAE ʼE TONU KE KE FAI
15. Kapau ʼe faigataʼa te faifakamafola kia tatou, ʼe feafeaʼi hatatou faʼifaʼitakiʼi ia te ʼu tagata tautai?
15 ʼE faiga malohi he tagata tautai ke ina fai te ʼu gaue ʼae ʼe tonu ke ina fai. Ohage la, ʼe tonu ke ʼala uhuuhu, ke ina fakaʼosi fuli tana gaue, pea ke ina tauʼi te tuʼu kovi. ʼE tonu ke tou toe fai feia mo tatou, kapau ʼe tou fia katakiʼi pea mo fakaʼosi te gaue ʼae neʼe foaki mai.—Mat. 10:22.
16. Kotea ʼae ka tokoni mai ke tou fai te meʼa ʼae ʼe hage ʼe faigataʼa?
16 ʼI te agamahani ʼe tou leleiʼia te fai ʼo te ʼu meʼa ʼae ʼe faigafua. Kae ko te ʼu meʼa ʼae ʼe maʼuhiga ʼe mole faigafua tona fai. Koia ʼe tonu ke tou ako te lotololomi. Pea ʼe ʼaoga kia tatou he tokoni ke tou fakamamahani ʼo fai te meʼa ʼae Kal. 5:22, 23.
ʼe hage ʼe faigataʼa. ʼE foaki mai e Sehova te tokoni ʼaia ʼaki te laumalie maʼoniʼoni.—17. Kotea ʼae neʼe tonu ke fai e Paulo, ʼo mulimuli kia 1 Kolonito 9:25-27?
17 Neʼe faiga tuʼumaʼu e te apositolo ko Paulo ke ina fai te gaue ʼae neʼe tonu ke ina fai. Kae neʼe ina fakaha neʼe tonu ke ina “tuki palaʼi” tona sino ke ina fai te meʼa ʼae ʼe lelei. (Lau ia 1 Kolonito 9:25-27.) Neʼe ina toe fakalotomalohiʼi te kau Kilisitiano ke natou fai feia, pea ke natou fai ia meʼa fuli “ ʼi te fakaʼapaʼapa pea mo te fakatokatoka.” (1 Ko. 14:40) ʼE tonu ke tou faiga malohi ke hoko atu tatatou tauhi kia Sehova, ohage la ko te kau tuʼumaʼu ki te faifakamafola.—Gaue 2:46.
ʼAUA NAʼA KE FAKATALITALI
18. Kotea ʼae ʼe tonu ke tou fai ke lelei tatatou gaue kia mata ʼo Sehova?
18 ʼE manatu he tagata tautai ʼe lelei tana gelu, kapau ʼe lahi te ʼu ika ʼae neʼe ina puke. Kae ʼe kehe ia mo te gaue faifakamafola. Mole fakalogo te lelei ʼo tatatou gaue ki te lahi ʼa te hahaʼi ʼae ʼe natou ʼomai ki te kautahi ʼa te ʼAtua. (Luka 8:11-15) Kapau ʼe tou hoko atu tatatou gaue faifakamafola pea mo akoʼi te hahaʼi, kia mata ʼo Sehova ʼe lelei tatatou gaue. Kotea tona tupuʼaga? He ʼe tou fai te meʼa ʼae ʼe fakatotonu mai e Sehova pea mo Sesu.—Mko. 13:10; Gaue 5:28, 29.
19-20. Kotea te tupuʼaga tafito ke tou faifakamafola ia ʼaho nei?
19 ʼI he ʼu fenua, ʼe fakagafua pe te gelu ʼi ʼihi mahina. Koia ʼi te ʼu fenua ʼaia, ʼi te iloʼi e te tagata tautai kua vave ʼosi te ʼu mahina ʼaia, ʼe toe lahi age tana gaue. ʼE toe feia pe mo tatou, te kau tautai tagata. Ko te tahi tupuʼaga ʼaeni ke tou faifakamafola ai, he ʼe kua ovi mai te fakaʼosi ʼo te malamanei. ʼE ko te temi siʼisiʼi pe kei toe ke tou kau ai ki te faifakamafola. Koia, ʼaua naʼa ke talitali ke tokalelei tou maʼuli ke ke kau ki te gaue ʼaia.—Ekl. 11:4.
20 Koia, ke ke loto moʼoni ʼo faifakamafola, mo loloto age tau ako te Tohi-Tapu ke ke iloʼi lelei ai tau gaue, mo ke lototoʼa, pea ke ke faiga malohi ʼo fai te gaue ʼae ʼe tonu ke ke fai. Kapau ʼe ke fakatahi ki te toko valu miliona tupu kau tautai tagata, ʼe ke maʼu anai te fiafia ʼae ʼe foaki e Sehova. (Nee. 8:10) Ke ke fakatotonu ke ke kau tuʼumaʼu ki te gaue ʼaia, ʼo kaku ki te ʼaho ʼae ka ui ai e Sehova kua ʼosi. ʼI te alatike ʼae ka hoa mai, ʼe tou vakaʼi anai faʼahi ʼe tolu ʼe tokoni mai anai ke tou fakamalohiʼi tatatou fia fakamafola te Puleʼaga.
KATIKO 66 Kotou Tala Te Logo Lelei
^ pal. 5 Neʼe kole e Sesu ki he ʼu tagata tautai agavaivai mo faʼa gaue ke natou liliu ko hana ʼu tisipulo. ʼE toe fakaafe e Sesu ia ʼaho nei, he ʼu hahaʼi ʼe natou maʼu te ʼu kalitate ʼaia, ke natou liliu ko he kau tautai tagata. ʼE tou vakaʼi anai ʼi te alatike ʼaeni pe ʼe kotea ʼae ʼe tonu ke fai e te kau ako ʼo te Tohi-Tapu, ʼae ʼe heʼeki natou tali te fakaafe ʼa Sesu.
^ pal. 1 HE ʼU FAKAMAHINO: Ko te kupu “tautai tagata” ʼe fakaʼuhiga kia natou ʼae ʼe natou fakamafola te logo lelei, pea mo akoʼi ʼihi ke natou liliu ko he ʼu tisipulo ʼa Kilisito.
^ pal. 10 Vakaʼi te alatike “Tou Akoʼi Te Moʼoni” ʼi Te Tule Leʼo ʼo Oketopeli 2018, pasina 9-15.