ʼE Tokoni Atu Ki Tau Ako
Te ʼu Meʼa Gaue Moʼo Akoʼi Te Fanau
ʼE maʼu e te ʼu matuʼā te toe maʼua maʼuhiga ʼae ko te akoʼi ʼo ʼanatou fanau ke natou iloʼi ia Sehova. (Efe. 6:4) Neʼe lahi te ʼu alatike, mo te ʼu viteo pea mo te ʼu hiva neʼe fai e te kautahi ʼa Sehova moʼo tokoni ki te ʼu matuʼā. ʼE feala ke ke fakaʼaogaʼi feafeaʼi te ʼu meʼa gaue ʼaia moʼo akoʼi ʼau fanau? Tou vakaʼi pe kotea ʼae ʼe feala ke ke filifili.
Alu ki te jw.org ke ke maʼu ai te ʼu faʼahi kehekehe neʼe fai maʼa te ʼu fanau, ohage ko he ʼu viteo peʼe ko he ʼu alatike ke natou lau. a Ke ke maʼu te faʼahi ʼaia, ʼe feala ke ke ta te kupu “Fanau” peʼe “Tupulaga” ʼi te faʼahi ʼae ʼe fai ai te ʼu fekumi.
Filifili te aluʼaga ʼae ʼe alu tahi mo hau fanau. Ko te ʼu meʼa ʼae ʼe ha ʼi te faʼahi ʼae “Fanau” ʼe feala ke tokoni atu ke ke maʼu ai te aluʼaga ʼae ʼe alu tahi mo tau fanau.
Toʼo hou temi ke ke faipalalau ai mo tau fanau. ʼAua naʼa ke tuku ke ina sioʼi tokotahi pe he viteo peʼe ke ina lau tokotahi he alatike. Kae ke ke faipalalau mo ia pea ke tokoni ki ai ke liliu ko he kaumeʼa ʼo Sehova.
a ʼE toe maʼu ʼi te JW Library® te ʼu viteo mo te ʼu alatike fuli maʼa te kau tupulaga.