Kotea ʼae ʼe ui ʼi te Tohi-Tapu?
ʼE feala koa ke tokoni atu te Tohi-Tapu ke ke lava tauʼi te tuʼania?
Kotea tau manatu?
ʼEi
ʼOho
Mahalo pe
ʼE ui ʼi te Tohi-Tapu
“Kotou tuku [ki te ʼAtua] ʼakotou tuʼania fuli, he ʼe tokaga ia kia koutou.” (1 Petelo 5:7) ʼE fakaha mai ʼi te Tohi-Tapu ʼe feala ke tokoni atu te ʼAtua ke ke maʼu he lotofimalie.
Kotea ʼae ʼe toe ui ʼi te Tohi-Tapu?
ʼAki te faikole, ʼe feala ke ke maʼu ai “te tokalelei ʼo te ʼAtua” ke maʼamaʼa ʼau tuʼania. —Filipe 4:6, 7.
Pea tahi, ʼaki tau lau te Tohi-Tapu ʼe feala ke tokoni atu ke ke lava tauʼi te tuʼania. —Mateo 11:28-30.
ʼE pulihi anai koa ʼi he temi te tuʼania?
Ko ʼihi hahaʼi ʼe natou manatu . . . ko te tuʼania mo te mataku ʼe ko he aluʼaga ia ʼo te maʼuli ʼo te tagata. Kaʼe ko ʼihi ʼe natou manatu ʼe hoki tou mamate pe anai pea hoki puli te ʼu tuʼania. Kotea tau manatu?
ʼE ui ʼi te Tohi-Tapu
ʼE pulihi anai e te ʼAtua te ʼu tupuʼaga ʼo te tuʼania. “ ʼE mole toe ʼi ai anai te mate, mo te putu, mo te lauga pea mo te mamahi.”—Fakaha 21:4.
Kotea ʼae ʼe toe ui ʼi te Tohi-Tapu?
Ka pule anai te Puleʼaga ʼo te ʼAtua, ʼe maʼuli tokalelei anai te hahaʼi pea mo maʼuli fimalie.—Esaia 32:18.
ʼE pulihi anai te tuʼania mo te mataku. —Esaia 65:17
