Te ʼu Fehuʼi ʼa Te Kau Lautohi
Te ʼu Fehuʼi ʼa Te Kau Lautohi
Koteā ʼaē ʼe fakatātā e te fakatuʼutuʼu ʼo te taʼu ʼo te Supileo ʼaē ʼe tuʼu ʼi te kapite 25 ʼo Levitike?
Neʼe fakatuʼutuʼu e te Lao ʼa Moisese “ ʼi te fitu taʼu, ʼe ko he sapato katoa anai ki te kele.” ʼO ʼuhiga mo te taʼu ʼaia, neʼe fakatotonu fēnei ki te kau Iselaele: “ ʼE mole tonu anai ke ke to tau gāueʼaga pea ʼe mole tonu anai ke ke sipisipi tau fuʼu vite. ʼE mole tonu anai ke ke tuʼusi te meʼa ʼaē neʼe homo ake ʼi te ʼu pulapula ʼaē neʼe maʼofa ʼi tau tuʼusi taʼukai, pea ʼe mole tonu anai ke ke toli te ʼu fua ʼo tau vite ʼaē neʼe mole ke sipisipi. ʼE ke tuku anai he taʼu mālōlō katoa ki te kele.” (Levitike 25:4, 5) Koia ʼi te fakaʼosi ʼo te ʼu taʼu e fitu, neʼe ko he taʼu faka Sapato ki te kele. Pea ʼi te 50 taʼu fuli, neʼe fai te Supileo ʼi te hili leva ʼo te taʼu ʼo te fitu taʼu faka Sapato. Koteā ʼaē neʼe hoko ʼi te taʼu ʼaia?
ʼAki ia Moisese neʼe ʼui fēnei e Sehova ki Iselaele: “ ʼE tonu anai ke koutou tāpuhā te nimagofulu taʼu pea mo kalagaʼi te ʼāteaina ʼi te fenua ki tona hahaʼi fuli. ʼE liliu anai maʼa koutou ko he Supileo, pea ʼe tonu anai ke koutou tahi liliu ki tona kele, pea ʼe koutou tahi liliu anai ki tona famili. Ko te nimagofulu taʼu ʼe liliu anai maʼa koutou ko he Supileo. ʼE mole tonu anai ke koutou to, peʼe koutou tuʼusi taʼukai ki te meʼa ʼaē ka homo mai te ʼu tegaʼi ʼakau ʼaē neʼe maʼofa ki te kele, peʼe koutou toli te ʼu fuaʼi vite ʼo tona ʼu fuʼu vite ʼaē neʼe mole sipisipi.” (Levitike 25:10, 11) Neʼe faka ʼuhiga te Supileo ko he lua taʼu Sapato ki te kele. Kae maʼa te hahaʼi neʼe ko he faka ʼāteaina. Ko te Sutea fuli ʼaē neʼe fakatau ke maʼuli kaugana neʼe tonu ke faka ʼāteaina. Ko te tofiʼa faka famili ʼa he tahi ʼaē neʼe lagi ina fakatau fakakinau, neʼe tonu ke toe fakaliliu age ki tona famili. Ko te Supileo neʼe ko he taʼu ʼo te toe liufaki pea mo he ʼāteaina ki te Iselaele ʼāfea. Koteā tona faka ʼuhiga maʼa te kau Kilisitiano?
Ko te agatuʼu ʼa te ʼuluaki tagata, ia Atama, neʼe ina taki te malamanei ke popūla ki te agahala. Ko te fakatuʼutuʼu ʼaē neʼe fai e te ʼAtua moʼo faka ʼāteaina te malamanei mai te haʼisia ʼo te agahala ʼe ko te * (Mateo 20:28; Soane 3:16; 1 Soane 2:1, 2) Ko te temi fea ʼaē ʼe faka ʼāteaina ai te kau Kilisitiano mai te lao ʼo te agahala? ʼI tana palalau ki te kau Kilisitiano fakanofo, neʼe ʼui fēnei e te ʼapositolo ko Paulo: “Koteʼuhi ko te lao ʼo te laumālie ʼaē ʼe ina foaki te maʼuli ʼo fakatahi mo Kilisito Sesu, kua ina faka ʼāteaina koe mai te lao ʼo te agahala pea mo te mate.” (Loma 8:2, MN ) Ko nātou ʼaē ʼe nātou maʼu te ʼamanaki ke maʼuʼuli ʼi selo ʼe nātou maʼu te ʼāteaina ʼaia mokā fakanofo ia nātou e te laumālie maʼoniʼoni. Logope ko tonatou sino ʼe kakano pea mo agahala, kae ʼe lau ia nātou e te ʼAtua ʼe nātou faitotonu pea mo vavae ia nātou ko tona ʼu foha fakalaumālie. (Loma 3:24; 8:16, 17) Ki te kau Kilisitiano fakanofo ʼi tonatou ʼuhiga kūtuga, ko te Supileo faka Kilisitiano neʼe kamata ʼi te Penikosite ʼo te taʼu 33 ʼo totatou temi.
sakilifisio faitotogi ʼa Sesu Kilisito.Kae e feafeaʼi ki “te tahi ʼu ōvi,” ʼaē ʼe nātou maʼu te ʼamanaki ki te maʼuli heʼegata ʼi te kele? (Soane 10:16, MN ) Ki te tahi ʼu ōvi, ko te ʼAfio ʼa Kilisito Ia Taʼu e Afe ʼe liliu anai ko he temi ʼo te liufaki pea mo te ʼāteaina. Lolotoga te Supileo ʼaia ia taʼu e afe, ʼe fakahoko anai e Sesu ia te ʼu lelei ʼo tana sakilifisio faitotogi ki te malamanei, pea mo ina molehi te ʼu fua ʼo te agahala. (Apokalipesi 21:3, 4) ʼI te fakaʼosi ʼo te ʼAfio ʼa Kilisito Ia Taʼu e Afe, kua maʼu anai e te malamanei te maʼuli haohaoa, pea ʼe faka ʼāteaina katoa anai mai te agahala pea mo te mate ʼaē neʼe tuku holo age kiai. (Loma 8:21) Ka hoko fuli anai te ʼu meʼa ʼaia, pea ʼe ʼosi ai anai te Supileo faka Kilisitiano.
[Kiʼi nota]
^ ʼI tona fakahagatonu, neʼe fekauʼi ia Sesu ke ina “faka mafola te ʼāteaina kia nātou ʼe popūla.” (Isaia 61:1-7; Luka 4:16-21) Neʼe ina kalagaʼi he ʼāteaina fakalaumālie.
[Paki ʼo te pasina 26]
Te Supileo kia Taʼu e Afe—ko he temi ʼo te liufaki pea mo te ʼāteaina maʼa te “tahi ʼu ōvi”