Te Fuʼu ʼAkau ʼo Te Taʼu Foʼou—ʼE Ko He Talatisio Faka Lusia Peʼe Ko He Talatisio Faka Kilisitiano?

“ ʼI TE kamataʼaga ʼo te ʼu taʼu 1830, neʼe kei faka ʼuhiga te fuʼu sapa ʼe ko he ‛meʼa teuteu matalelei ʼa te kau Siamani.’ ʼI te ʼosi ʼo te ʼu taʼu e hogofulu ʼaenī, neʼe ‛liliu ko he agamāhani’ ke fakatuʼu he fuʼu sapa ʼi te ʼu ʼapi ʼa te hahaʼi maʼu koloā ʼo Saint-Pétersbourg. . . . ʼI te 19 sēkulō, neʼe gata pe ki te ʼu ʼapi ʼa te kau takitaki lotu pea mo te ʼu kiʼi ʼapi ʼa te hahaʼi māsisiva, neʼe mole maʼu ai te fuʼu sapa ʼaia. . . .

“ ʼI muʼa ʼo te 19 sēkulō, neʼe mole faʼa leleiʼia e te hahaʼi ia te fuʼu sapa. Kae neʼe hoko leva te fetogi ʼi te vaelua ʼo te 19 sēkulō he neʼe fetogi te manatu ʼa te kau Lusia ʼo ʼuhiga mo te fakatātā e te fuʼu sapa ia te mate pea mo ‘te ifeli’ ʼaē neʼe fakamatala ʼi te talatisio ʼa te kau Lusia, ʼo feiā mo te fakatuʼu ʼo te fuʼu sapa ʼi te ʼu’ ato ʼo te ʼu fale tali kāiga. Koia ki muli age, ʼi tanatou tali ia te talatisio ʼaia ʼaē ko te teuteuʼi tonatou ʼu ʼapi ʼaki te fuʼu sapa, neʼe liliu leva te talatisio matāpule ʼaia ʼo tatau mo te talatisio ʼo te Po Tapu ʼaē neʼe fai ʼi te ʼu fenua ʼo te Potu Uesite. . . .

“Neʼe mole ko he meʼa faigafua ʼi Lusia, te fakaliliu ʼo te fuʼu sapa ko he fuʼu ʼakau ʼe kau ki te Lotu Faka Kilisitiano. Neʼe fakafeagai kiai te Lotu Orthodoxe. Maʼa te kau takitaki lotu ko te fetogi neʼe ko he ‛gāue ʼa te kau temonio,’ ʼe ko he talatisio faka pagani, neʼe mole hona pikipikiga mo te ʼaho tupu ʼo te Fakamaʼuli, pea neʼe ko he talatisio neʼe haʼu mai te Potu Uesite.”​—Polofesea ko Yelena V. Dushechkina, fafine faiako ʼo te ʼu fetofetogi ʼo te ʼu kupu ʼi te lea, ʼi te Univelesitē ʼo Saint-Pétersbourg.

[Haʼuʼaga ʼo te paki pasina 32]

Photograph: Nikolai Rakhmanov