ʼE Kei Kotou Manatuʼi Koa?
Neʼe kotou lau fakalelei koa te ʼu Tule Leʼo fakamuli? Pea kotou vakaʼi pe feala hakotou tali ki te ʼu fehuʼi ʼaeni:
Ko te temi fea ʼae neʼe tonu ke tamateʼi ai te akeno ʼo te Pasikate ʼi te ʼaho 14 ʼo Nisani?
ʼE ui ʼi ʼihi Tohi-tapu neʼe tonu ke tamateʼi te akeno “i te afiafi pouli,” ko tona fakaʼuhiga “ʼi te malu afiafi ʼo te ʼaho,” ʼi te ʼosi to ʼo te laʼa kaʼe kei malama te ʼaho. (Eke. 12:6)—15/12, te ʼu pasina 18-19.
Ko te ʼu pelesepeto Fakatohi-tapu fea ʼae ʼe feala ke fakaʼaogaʼi e te kau tupulaga ke natou fai ai he ʼu tonu ʼe fakapotopoto?
Ko pelesepeto ʼe tolu (1) Ke ke ʼuluaki kumi muʼa te Puleʼaga ʼo te ʼAtua pea mo tana faitotonu. (Mat. 6:19-34) (2) Ke ke fiafia ʼi tau tokoni ki ʼihi. (Gaue 20:35) (3) Ke ke fiafia ʼi te tauhi kia Sehova ʼi tau kei tupulaga. (Ekl. 12:3)—15/1, te ʼu pasina 19-20.
Ko ai te ʼu tagata heka hosi ʼe tokofa ʼae ʼe lele talu mai te taʼu 1914?
Ko Sesu ʼae ʼe heka ʼi he hosi hina, neʼe ina kapu ifo ia Satana mo ʼana temonio mai selo. Ko ia ʼae ʼe heka i he hosi kula ʼe ina fakata te ʼu tau ʼae ʼe fakatupu mamahi ki te malamanei. Ko ia ʼae ʼe heka ʼi he hosi ʼuli ʼe ina fakata te hoge. Pea ko te hosi lau tetea ʼe ina fakatupu te mate ʼaki he ʼu malaʼia, ʼo mamate ai te toko lau ʼi miliona hahaʼi. (Apk. 6:2-8)—Apelili–Sunio, te ʼu pasina 6-7.
ʼE hoko anai ʼafea te fai “ʼohoana ʼo te Akeno”? (Apk. 19:7, MN)
ʼE hoko anai te fai “ʼohoana ʼo te Akeno” ʼi te temi ʼae ʼe fakaʼosi ai anai e te Hau ko Sesu Kilisito ia tana malo, ko tona fakaʼuhiga ʼi te hili ʼo te fakaʼauha ʼo Papilone Lahi pea mo te tau ʼo Halamaketone.—15/2, pasina 10.
He ko ʼe neʼe “nofo talitali” te kau Sutea ʼo te temi ʼo Sesu ki te Mesia? (Luka 3:15)
ʼE mole feala ke tou iloʼi papau pe neʼe mahino te kau Sutea ʼi te temi ʼo Sesu, ohage ko tatou, ki te lea fakapolofeta ʼa Taniela ʼo ʼuhiga mo te Mesia. (Tan. 9:24-27) Kaʼe, neʼe lagi natou logo ki te ʼu palalau ʼa te ʼaselo ki te kau tauhi ovi peʼe ki te ʼu palalau ʼa te fafine polofeta ko Ana ʼi tana sio ʼae kia Sesu ʼi tana kei meamea ʼi te fale lotu. Pea tahi, neʼe ʼomai mo te kau masi ʼo kumi “te hau o te kau Sutea ae nee hoki tupu.” (Mat. 2:1, 2) Ki muli age, neʼe talanoa ia Soane Patita ki te kua vave ha ʼa Kilisito.—15/2, te ʼu pasina 26-27.
ʼE tou lava fakahoko feafeaʼi te faʼahi ʼae neʼe tou ʼIo ki ai? (2 Ko. 1:18)
ʼE moʼoni, ʼi ʼihi temi ʼe feala ke hoko he aluʼaga ʼe mole tou lava taʼofi pea ʼe maʼua leva ke holoʼi ʼatatou fakatuʼutuʼu. Kaʼe kapau neʼe tou fai he fakapapau, pea ʼe tonu ke tou faiga lahi ke tou fakahoko.—15/3, pasina 32.
Kotea te ʼu nunuʼa ʼe lagi mole ʼamanaki ki ai he Kilisitiano mo kapau ʼe ina tuku tona kiʼi famili kaʼe alu ʼo gaue ʼi he tahi fenua ke maʼu paʼaga ai?
Kapau ʼe mole maʼuli fakatahi te ʼu matuʼā, pea ʼe feala ke fua kovi ki te fanau ʼo fetogi ai ʼana manatu ʼo ʼuhiga mo te meʼa ʼae ʼe lelei pea mo ʼae ʼe kovi. ʼE feala ke natou iita ki te ʼu matuʼā. Pea ko natou ʼae ʼe mole maʼuli fakatahi mo ʼonatou ʼohoana, ʼe feala ke natou tau mo he ʼu fakaneke ki he ʼu felaveʼi fakasino.—15/4, te ʼu pasina 19-20.
He ko ʼe neʼe fasifasiʼi te ʼu vaʼe ʼo natou ʼae neʼe tutuki ki te pou?
Neʼe tutuki e te kau Loma ia te hahaʼi agakovi ki he pou. Neʼe kole e te kau Sutea ke fasifasiʼi te ʼu vaʼe ʼo Sesu pea mo naua ʼae neʼe tutuki tahi mo ia. Neʼe faigataʼa ai tanatou manava, pea mo feala ai tanatou mamate fakavilivili. Koia, neʼe mole ʼaoga ai ke tautau natou ʼi he po katoa. (Tet. 21:22, 23)—Sulio–Sepetepeli, pasina 15.
Kotea te ʼu fehuʼi ʼe fa ʼae ʼe tonu ke tou haga manatuʼi moka ʼe tou faipalalau mo te hahaʼi ʼi te minisitelio?
Ko ai ʼae ʼe au faipalalau mo ia? ʼE au faipalalau ʼifea mo natou? Ko te temi fea ʼae ʼe lelei ai ke au faipalalau mo te hahaʼi? ʼE tonu ke feafeaʼi taku faipalalau mo natou?—15/5, te ʼu pasina 12-15.
ʼE fakatupu mate koa ia te suluka?
ʼI te ʼu taʼu ʼaeni ʼe 100 kua hili, neʼe ko te toko 100 miliona hahaʼi neʼe mamate ʼuhi ko te suluka. Pea ʼi te taʼu fuli, ko te teitei toko 6 miliona hahaʼi ʼae ʼe mamate.—Sulio–Sepetepeli, pasina 11.