ʼE Takitaki e Sehova Tatatou Gaue Faiako ʼi Te Malamanei Katoa
“Ko au, [Sehova], tou Atua, e au ako ia koe ke ke manuia, e au taki ia koe i te ala ae e tonu ke ke mulimuli ai.”—ESAIA 48:17.
1. Kotea ʼae neʼe faigataʼa ai ia te fakahoko ʼo te gaue faifakamafola?
NEʼE felaveʼi te hahaʼi ʼa Sehova mo ni fihifihia ʼi te temi ʼae neʼe natou kamata fakamafola ai ia te logo lelei kua hili nei ki ai taʼu ʼe 130 tupu. * (Vakaʼi te kiʼi nota.) Ohage ko te ʼu Kilisitiano ʼo te temi ʼo te kau apositolo, neʼe ko he kiʼi kutuga pea neʼe natou fakamafola ia he logo neʼe mole leleiʼia e te tokolahi. ʼI te manatu ʼa te tokolahi, neʼe mole lelei ia tanatou ako. Ki muli age, ʼi te li ifo ʼae ʼo Satana ki te kele, neʼe fakatagaʼi ai natou. (Apokalipisi 12:12) Pea talu mai ai mo tanatou faifakamafola lolotoga “te u aho fakamuli” ʼae ʼe ko “he u temi faigataa.”—2 Timoteo 3:1.
2. Kotea ʼae neʼe fakahoko e Sehova ke tokoni mai ke tou faifakamafola?
2 Kaʼe neʼe tokoni ia Sehova ki tana hahaʼi. ʼE ina loto ke natou fakamafola ia te logo lelei ʼi te kele katoa, pea ʼe mole ina tuku anai he meʼa ke ina fakagata ia te gaue ʼaia. Neʼe tokoni ki tana hahaʼi ke natou foaki kia te ia he tauhi ʼe ina leleiʼia ʼaki tana fakamavae natou mai te lotu hala. Ko te faʼahi ʼaia neʼe ina fai pe Apokalipisi 18:1-4) Pea ko te ʼu faʼahi ʼae ʼe akoʼi mai e Sehova ʼe ʼaoga kia tatou takitokotahi. ʼE tokoni mai ke tou maʼuʼuli tokalelei mo te hahaʼi, pea ʼe ina akoʼi tatou ke tou akoʼi ʼihi ke natou iloʼi ia ia. (Lau ia Esaia 48:16-18.) Logo la ʼe takitaki e Sehova ia tatatou gaue, kaʼe ʼe mole fakaʼuhiga leva ʼe ina fetogi tuʼumaʼu ia te ʼu aluʼaga ʼo te malamanei ke feala ai hatatou faifakamafola. ʼE moʼoni, ko ʼihi aluʼaga neʼe hoko ʼi te malamanei, neʼe ina fakafaigafua ia tatatou faifakamafola. Kaʼe ʼe kei tou felaveʼi pe mo te fakataga pea mo ʼihi atu ʼu faigataʼaʼia ʼe haʼu mai te malama ʼa Satana. Koia ʼe feala hatatou faifakamafola ʼaki pe te tokoni ʼa Sehova.—Esaia 41:13; 1 Soane 5:19.
ʼi te temi muʼa, ʼi te temi ʼae neʼe ina fakaʼateaina ai te kau Iselaele mai Papilone. (3. Neʼe hoko feafeaʼi ia te lea fakapolofeta ʼa Taniela?
3 Neʼe fakakikite e Taniela, ko te tokolahi anai ʼae ka natou mahino ki te ʼu moʼoni Fakatohi-tapu ʼi te ʼu ʼaho fakamuli. (Lau ia Taniela 12:4.) ʼI muʼa pe ʼo te hoko mai ʼo “te temi fakamuli,” neʼe tokoni ia Sehova ki tana hahaʼi ke natou mahino ki te ʼu akonaki Fakatohi-tapu maʼuhiga pea ke natou liakī ia te ʼu akonaki loi ʼa te kau takitaki lotu ʼae ʼe natou lau ʼe natou Kilisitiano. Ia ʼaho nei, ʼe akoʼi e tana hahaʼi ia te ʼu moʼoni Fakatohi-tapu ʼi te kele katoa. ʼE ha lelei mai, neʼe hoko moʼoni ia te lea fakapolofeta ʼa Taniela. Ko te teitei toko valu miliona hahaʼi kua natou ako ia te moʼoni pea ʼe natou toe akoʼi ʼihi. Kaʼe, kotea ʼae neʼe tokoni ki te hahaʼi ʼa Sehova ke natou faifakamafola ʼi te malamanei katoa?
TE FAKALILIU ʼO TE TOHI-TAPU
4. ʼI te taʼu 1900, neʼe fakaliliu ia te Tohi-Tapu kia lea ʼe fia?
4 Ia ʼaho nei, tokolahi te hahaʼi ʼe natou maʼu ia tanatou Tohi-Tapu, pea ʼe tokoni mai te faʼahi ʼaia ki tatatou akoʼi kia natou ia te logo lelei. Kaʼe neʼe mole feia tuʼumaʼu. Lolotoga te ʼu taʼu ʼe lauʼi teau, neʼe mole loto e te kau takitaki lotu ʼae ʼe natou lau ʼe natou Kilisitiano ke lau e te hahaʼi ia te Tohi-Tapu. Neʼe natou fakatagaʼi te hahaʼi ʼae ʼe natou lau te Tohi-Tapu pea mo matehi ia natou ʼae ʼe natou fakaliliu. Kaʼe lolotoga te ʼu taʼu 1800, ko ʼihi kautahi neʼe natou fakaliliu peʼe ta ia te Tohi-Tapu katoa peʼe ko ʼihi koga kia teitei lea ʼe 400. ʼI te taʼu 1900, tokolahi te hahaʼi neʼe natou maʼu ia tanatou Tohi-Tapu, kaʼe neʼe mole natou mahino ki te ʼu akonaki Fakatohi-tapu.
5. Kotea te ʼu gaue neʼe fakahoko e te kau Fakamoʼoni ʼa Sehova moʼo fakaliliu ia te Tohi-Tapu?
5 Neʼe tala e te Kau Ako ʼo Te Tohi-Tapu ki te hahaʼi pe kotea ʼae ʼe akoʼi ʼi te Tohi-Tapu, koteʼuhi neʼe mahino kia natou neʼe ko tonatou maʼua ʼaia. ʼI te kamata, neʼe natou fakaʼaogaʼi ia te ʼu fakaliliu ʼo te Tohi-Tapu ʼae neʼe maʼu, pea neʼe natou tufa ki te hahaʼi. Talu mai te taʼu 1950, neʼe natou ta katoa peʼe fakakoga ia te Tohi-Tapu Les Saintes Écritures. Traduction du monde nouveau, kia lea ʼe 120 tupu. ʼI te taʼu 2013, neʼe natou toe ta ia te Tohi-Tapu Traduction du monde nouveau he neʼe toe vakaʼi. ʼE faigafua tatatou mahino ki ai pea mo tona fakaliliu. Pea moka tou fakaʼaogaʼi ia he Tohi-Tapu ʼe feala ke mahino ki ai ia te hahaʼi, ʼe faigafua age ai tatatou akoʼi ia te moʼoni kia natou.
TE ʼU TEMI TOKALELEI
6, 7. (1) Kotea te ʼu tau ʼae neʼe hoko lolotoga te ʼu taʼu ʼe 100 ʼaeni kua hili? (2) Neʼe tokoni feafeaʼi mai ia te ʼu temi tokalelei ʼo ʼihi fenua ke tou faifakamafola?
6 Lolotoga te ʼu taʼu ʼaeni ʼe 100 kua hili, neʼe lahi ia te ʼu tau ʼae neʼe hoko, ʼo kau ki ai mo te ʼuluaki mo te lua tau fakamalamanei. Apokalipisi 17:3, 11.
Neʼe mamate ai te toko lauʼi miliona hahaʼi. Kaʼe kotea ʼae neʼe tokalelei ʼi te temi ʼaia pea neʼe tokoni feafeaʼi koa ia te tokalelei ki te hahaʼi ʼa Sehova ke natou faifakamafola? Lolotoga te lua tau fakamalamanei, neʼe takitaki e Nathan Knorr ia te kau Fakamoʼoni ʼa Sehova. ʼI te fakatahi lahi ʼi te taʼu 1942, neʼe ina fai he akonaki fakalotofiafia ko tona kupu tafitō “ ʼE Tologa Anai Koa Te Tokalelei?” Neʼe fakamahino ai e te Tehina ko Knorr ia te lea fakapolofeta ʼo te kapite 17 ʼo Apokalipisi pea mo ina fakamoʼoni ʼaki te kapite ʼaia, ʼe mole hoko anai ia Halamaketone ʼi te temi ʼaia. Kaʼe hili anai te tau pea ʼe ʼi ai anai ia he temi tokalelei.—7 ʼE moʼoni, neʼe mole fakaʼuhiga leva ʼe tokalelei anai te ʼu potu fuli hili te lua tau fakamalamanei. Talu mai ai, neʼe ko te toko lauʼi miliona hahaʼi ʼae neʼe mamate ʼi ʼihi atu ʼu tau. Kaʼe neʼe lahi te ʼu fenua neʼe maʼu ai te ʼu temi tokalelei, ʼo faigafua ai ki te hahaʼi ʼa Sehova ia tanatou faifakamafola. Neʼe kotea tona fua? Lolotoga te lua tau fakamalamanei, ko te kau Fakamoʼoni ʼa Sehova neʼe mole fakalaka ʼi te toko 110 000. Kaʼe ʼi te temi nei, kua natou teitei toko valu miliona. (Lau ia Esaia 60:22.) ʼEi, ʼi te ʼu temi tokalelei, ʼe feala hatatou fakamafola te logo lelei ki te tokolahi.
TE ʼU FETOGI ʼI TATATOU FAʼAHIGA FEʼOLOʼAKI
8, 9. Neʼe liliu ʼo faigafua feafeaʼi ia tatatou feʼoloʼaki, pea he koʼe ʼe tokoni mai te faʼahi ʼaia ki tatatou gaue?
8 ʼI te kamata faifakamafola ʼa te hahaʼi ʼa Sehova ʼi Amelika, neʼe mole faigafua ia tanatou feʼoloʼaki. ʼI te taʼu 1900, hili teitei taʼu ʼe 21 ki tanatou kamata ta ia Te Tule Leʼo, neʼe ko motoka ʼe 8 000 ʼape pea neʼe lahi te ʼu ala tokakovi ʼi te fenua ʼaia. Kaʼe ia ʼaho nei, kua maʼu ʼi te malamanei katoa ia motoka ʼe tahi miliale vaelua tupu pea mo lahi te ʼu ala lelei ʼi te ʼu koga meʼa kehekehe. Koia ʼe feala hatatou fakaʼaogaʼi te ʼu motoka pea mo te ʼu ala ke tou olo ʼo faifakamafola ai ki te hahaʼi, ʼae ʼe nonofo ʼi he ʼu koga meʼa ʼe mamaʼo mai te ʼu kolo lalahi pea mo faigataʼa hatatou olo ki ai. Kaʼe tatau aipe pe ʼe tou maʼuʼuli ʼi he koga meʼa ʼe mole faigafua tatatou feʼoloʼaki ai pea mo tonu ke tou haʼele lolotoga ni ʼu kilometa, tou faiga malohi ke tou olo ʼo faifakamola ki te hahaʼi ʼi te potu fuli pe ʼae ʼe natou nonofo ai.—Mateo 28:19, 20.
Tou faiga malohi ke tou olo ʼo faifakamola ki te hahaʼi ʼi te potu fuli pe ʼae ʼe natou nonofo ai
9 ʼE toe feala ke tou fakaʼaogaʼi ʼihi meʼa feʼoloʼaki. ʼE tou momoli ia te ʼu Tohi-Tapu pea mo ʼihi atu ʼu tohi, ʼi te ʼu kamio, mo te ʼu vaka pea mo te ʼu saliote afi. Ko tona fakaʼuhiga, ʼi ni kiʼi vahaʼa pe, ʼe feala hatatou momoli te ʼu tohi ki te ʼu tehina mo tuagaʼane ʼae ʼe maʼuʼuli ʼi te ʼu koga meʼa mamaʼo. Ko te ʼu taupau fakasiliko, mo te ʼu tehina ʼo te Komite ʼo Te Filiale, mo te kau misionea pea mo ʼihi atu, ʼe natou olo vakalele moʼo fai he ʼu akonaki ʼi te ʼu fakatahi lalahi pea mo tokoni ki te ʼu kokelekasio. Ko te ʼu tehina ʼo te Kolesi Pule pea mo ʼihi tehina mai te ʼu pilo lalahi ʼa te kau Fakamoʼoni ʼa Sehova, ʼe natou toe folau ki ʼihi fenua moʼo fakalotomalohiʼi pea mo akoako ʼonatou tehina mo tuagaʼane. Pea ʼe tokoni ia te ʼu faʼahi fuli ʼaia ki te hahaʼi ʼa Sehova ke natou logotahi.—Pesalemo 133:1-3.
TE LEA PEA MO TE FAIFAKALILIU
10. ʼE fakaʼaogaʼi feafeaʼi ia te lea Fakapilitania ʼi te malamanei katoa?
10 Kua hili ki ai teitei taʼu ʼe 2 000, tokolahi te hahaʼi ʼi te Puleʼaga Loma neʼe natou palalau ʼi te lea Fakakeleka. Ia ʼaho nei, kua kaugamalie ia te hahaʼi ʼae ʼe palalau ʼi te lea Fakapilitania ʼi te malamanei katoa. ʼI tona fakahagatonu, ʼe ui ʼi te tohi (English as a Global Language), ko te tahi miliale fitu geau miliona hahaʼi ʼape ʼi te malamanei katoa ʼe palalau peʼe mahino ki te Fakapilitania. Tokolahi te hahaʼi ʼe natou ako ia te lea Fakapilitania koteʼuhi ʼe fakaʼaogaʼi ʼi te malamanei katoa ʼi te faʼahi ʼo te gaue, mo te politike, mo te sienesia pea mo te tekenolosia.
11. Neʼe kotea te ʼu fua ʼo te lea Fakapilitania ki te gaue ʼa te hahaʼi ʼa Sehova?
11 Ko te fakaʼaogaʼi lahi ʼo te lea Fakapilitania neʼe tokoni ki te mafola ʼo te moʼoni. ʼI te temi muʼa, neʼe maʼu ʼuluaki ʼatatou tohi ʼi te lea Fakapilitania. Pea neʼe feala ke lau e te kaugā malie koteʼuhi neʼe palalauʼi te lea Fakapilitania ʼi te malamanei katoa. ʼE toe fakaʼaogaʼi foki ia te lea Fakapilitania ʼi ʼatatou pilo lalahi. Pea ʼe Fakapilitania te ʼu ako ʼae ʼe fai ʼi Patterson ʼi New York, ʼae ʼe omai ki ai te ʼu tehina mo tuagaʼane mai te ʼu fenua kehekehe pea mo natou mahino ki te lea Fakapilitania.
Ko te kau Fakamoʼoni ʼa Sehova ʼi te kele katoa ʼe natou mahino ki te ‘lea maʼaʼ ʼo te ʼu moʼoni Fakatohi-tapu pea ʼe natou logotahi
12. Neʼe tou fakaliliu ʼatatou tohi kia lea ʼe fia? Neʼe lava hoko feafeaʼi te faʼahi ʼaia ʼaki ia te ʼu polokalama olotinatea?
12 Kaʼe ʼe ko totatou maʼua ke tou fakamafola te logo lelei ki te hahaʼi ʼi te malamanei katoa. Ko te tupuʼaga la ʼaia ʼo tatatou fakaliliu ʼo ʼatatou tohi kia lea ʼe 700 tupu. ʼE lava hoko feafeaʼi ia te faʼahi ʼaia? Neʼe tokoni mai ia te olotinatea pea mo te ʼu polokalama olotinatea, ohage la ko te MEPS, ke tou fakahoko ia te gaue faifakaliliu. Koia, ʼe feala ki te kau Fakamoʼoni ʼa Sehova ʼi te malamanei katoa ke natou mahino ki te ‘lea maʼaʼ ʼo te ʼu moʼoni Fakatohi-tapu pea ke natou logotahi.—Lau ia Sofoni 3:9.
TE ʼU LAO MO TE ʼU TONU ʼAE ʼE TOʼO ʼI TE ʼU TELEPINALE
13, 14. Neʼe tokoni feafeaʼi mai ia te ʼu lao mo te ʼu tonu ʼae ʼe toʼo ʼi te ʼu telepinale?
13 Neʼe tokoni ia te ʼu lao Loma ʼi ni aluʼaga kehekehe ki te kau Kilisitiano ʼi te temi ʼo te kau apositolo ke natou faifakamafola. Maʼia ia ʼaho nei, ʼe tokoni mai te ʼu lao ʼo ni Filipe 1:7, MN) Pea moka faigaʼi e te ʼu tuʼi fakamau mo te kutuga ʼae ʼe natou fai he tonu ke tapuʼi ia tatatou maʼua ʼae ke tou faifakamafola, ʼe tou olo ki te ʼu telepinale lalahi ʼae ʼi te agamahani ʼe tou malo ai.
fenua kehekehe kia tatou ki tatatou gaue faifakamafola. Ohage la, ʼaki te ʼu lao ʼo Amelika, neʼe feala ke filifili e te hahaʼi ia tanatou lotu, ke natou faipalalau ki te ʼu akonaki ʼae ʼe natou tui ki ai pea natou fakatahitahi. Ko tona fakaʼuhiga, ʼe tou kau faʼifaʼitaliha ki ʼatatou fono pea mo tou faifakamafola ʼi te fenua ʼaia. ʼE tou fai ʼateaina pe he ʼu fakatuʼutuʼu ki tatatou gaue faifakamafola fakamalamanei mai ʼatatou pilo lalahi ʼi Amelika. ʼE moʼoni, ʼi ʼihi temi ʼe ʼaoga ai ke tou olo ki te telepinale moʼo haofaki ia tatatou maʼua ʼae ke tou fakamafola ia te logo lelei. (14 ʼO toe feia pe ʼi ʼihi fenua, neʼe tou olo ki te telepinale moʼo tauʼi tatatou ʼateaina ʼae ke tou tauhi kia Sehova pea mo faifakamafola. Moka ʼe mole hona fua, pea ʼe tou olo ki te ʼu telepinale maʼa te ʼu puleʼaga. Ohage la, ʼe tou olo tuʼumaʼu ki te Telepinale Fakaeulopa ʼo Te ʼAlikiʼaga ʼo Te Tagata. ʼI te mahina ʼo Sunio 2014, neʼe tou malo tuʼa 57 ʼi te Telepinale ʼaia, pea neʼe lahi te ʼu fenua ʼi Eulopa neʼe tonu ke natou mulimuli ki te ʼu tonu ʼo te Telepinale ʼaia. Logo la, ‘ ʼe fehiʼaʼinaʼi tatou e te ʼu puleʼaga fuli,ʼ kaʼe ko te ʼu lao ʼo te ʼu fenua kehekehe ʼe ina fakagafua mai ke tou tauhi faʼifaʼitaliha kia Sehova.—Mateo 24:9.
ʼE TOKONI MAI TE ʼU MEʼA FOʼOU ʼAE NEʼE FAʼU
15. Neʼe fetogi feafeaʼi ia te faʼahiga ta ʼo te ʼu tohi, pea neʼe tokoni feafeaʼi mai te faʼahi ʼaia kia tatou?
15 Ko te ʼu faʼahiga ta tohi foʼou, neʼe tokoni mai ke tou fakamafola te logo lelei ki te hahaʼi tokolahi. Lolotoga te ʼu taʼu ʼe lauʼi teau, neʼe fakaʼaogaʼi e te hahaʼi ia he masini ta tohi neʼe faʼu ʼe te tagata ko Johannes
Gutenberg ʼi te teitei taʼu 1450. Kaʼe ʼi te ʼu taʼu ʼe 200 kua hili, neʼe fetogi ia te ʼu masini ta tohi ʼi he ʼu aluʼaga kehekehe. Neʼe faʼu ki muli age ia te masini ta tohi offset, pea neʼe vave mo lelei ai te ta ʼo te ʼu tohi. Pea tahi, neʼe liliu ʼo totogi lelei ia te faʼu ʼo te pepa pea mo te fakapipiki ʼo te ʼu tohi. Neʼe kotea te ʼu fua ʼo te ʼu fetogi ʼaia ki ʼatatou tohi? ʼI te taʼu 1879, neʼe ta ai ia te ʼuluaki Tule Leʼo ʼi te lea Fakapilitania. Neʼe mole ʼi ai hona ʼu pāki, pea neʼe ko Tule Leʼo ʼe 6 000 ʼae neʼe ta. Ia ʼaho nei, kua ta ia Te Tule Leʼo ia lea ʼe 200 tupu. Kua matalelei mo lanu te ʼu pāki, pea ko Tule Leʼo ʼe 50 miliona ʼape ʼae ʼe ta.16. Kotea te ʼu meʼa foʼou ʼae neʼe faʼu neʼe tokoni mai ke tou faifakamafola ʼi te malamanei katoa? (Vakaʼi te ʼuluaki pāki.)
16 Neʼe lahi te ʼu meʼa foʼou neʼe faʼu lolotoga te ʼu taʼu ʼe 200 kua hili. Pea neʼe tokoni ia te aluʼaga ʼaia ki te hahaʼi ʼa Sehova ki tanatou fakamafola ia te logo lelei. Neʼe kua tou talanoa ki te ʼu saliote afi, mo te ʼu motoka pea mo te ʼu vakalele. Kaʼe neʼe ʼi ai pe la mo te ʼu lelue, mo te ʼu masini ta, mo te ʼu masini ta tohi maʼa te kau kivi, mo te télégraphe, mo te ʼu telefoni, mo te ʼu kamela, mo te ʼu puke leʼo, mo te ʼu viteo, mo te latio, mo te televisio, mo te ʼu ʼata, mo te ʼu olotinatea pea mo te Neti. Logo la, neʼe mole faʼu e te hahaʼi ʼa Sehova ia te ʼu meʼa ʼaia, kaʼe ʼe natou fakaʼaogaʼi moʼo fai te Tohi-Tapu mo ʼihi atu tohi ʼi he ʼu lea kehekehe pea mo faifakamafola ʼi te malamanei katoa. Pea ohage pe ko tona fakakikite fenei ia Esaia 60:16, MN: “ ʼE ke inu moʼoni anai te huʼa pipi ʼo te ʼu puleʼaga, pea ʼe fafaga anai koe ʼi te ʼu fatafata ʼo te ʼu hau; pea ʼe ke iloʼi papau anai ko au Sehova tou Haofakiʼaga, pea ko te Mafimafi ʼo Sakopo ʼe ko tou Tagata Totogi.”
ʼE ʼofa ia Sehova ia tatou pea ʼe ina loto ke tou gaue fakatahi mo ia
17. (1) Kotea ʼae ʼe ha lelei mai kia tatou ʼo ʼuhiga mo te gaue faifakamafola? (2) He koʼe ʼe loto e Sehova ke tou gaue fakatahi mo ia?
17 ʼE ha lelei mai, ko Sehova ʼae ʼe ina takitaki ia tatatou gaue faifakamafola. Neʼe foaki mai e Sehova ia te gaue ʼaia, ʼo mole ʼuhi he ʼe ʼaoga kia te ia ia tatatou tokoni, kaʼe ʼuhi he ʼe ʼofa ia tatou pea ʼe ina loto ke tou gaue fakatahi mo ia. ʼAki tatatou faifakamafola, ʼe tou fakaha ai ʼe tou ʼoʼofa ia te ia pea ʼe tou ʼoʼofa ki te hahaʼi. (Maleko 12:28-31; 1 Kolinito 3:9) ʼE tou lotofakafetaʼi lahi kia Sehova ʼi tana tokoni mai ʼae ke tou faifakamafola ʼi te kele katoa. Koia ʼofa pe ke tou fakaʼaogaʼi ia te ʼu faigamalie fuli ʼae ʼe tou maʼu moʼo faifakamafola ʼo ʼuhiga mo Sehova pea mo tona Puleʼaga.
^ pal. 1 ʼI te teitei taʼu 1870, neʼe iloʼi ia te kau Fakamoʼoni ʼa Sehova ʼi te temi ʼaia ko te Kau Ako ʼo Te Tohi-Tapu. Pea ʼi te taʼu 1931, neʼe natou kamata fakaʼaogaʼi ai ia te higoa ʼae ko te kau Fakamoʼoni ʼa Sehova.—Esaia 43:10.