ʼE Feafeaʼi ʼAkotou Felogoʼi Mo Sehova?
“Kotou fakaoviovi ki te Atua, pea e fakaoviovi atu anai ia kia koutou.”—SAKOPO 4:8.
1. He koʼe ʼe tonu ke tou taupau ʼatatou felogoʼi mo Sehova ke malohi?
NEʼE ko he meʼa ʼe lelei mo kapau neʼe papitemaʼi kotou ke kotou liliu ko he Fakamoʼoni ʼa Sehova, koteʼuhi ʼe kotou maʼu ia he ʼu felogoʼi mo Sehova. Kaʼe ʼe feala ke vaivai ʼakotou felogoʼi ʼaia ʼuhi ko te malama ʼa Satana pea mo tokotou ʼuhiga agahala. Koia, ʼe tonu ai ke tou taupau ʼatatou felogoʼi mo Sehova ke malohi.
2.(1) Kotea ia te fakaʼuhiga ʼo he ʼu felogoʼi? (Vakaʼi te kiʼi nota.) (2) ʼE tou lava fakamalohi feafeaʼi ʼatatou felogoʼi ʼae mo Sehova?
2 ʼE maʼuli moʼoni koa ia Sehova kia koutou? ʼE kotou logoʼi koa ʼe ko hokotou kaumeʼa? ʼE kotou loto koa ke malohi age ʼakotou felogoʼi mo ia? ʼE ui fenei ia Sakopo 4:8 pe kotea ʼae ʼe tonu ke tou fai: “Kotou fakaoviovi ki te Atua, pea e fakaoviovi atu anai ia kia koutou.” Koia ko ʼakotou felogoʼi mo Sehova ʼe ko koutou pe pea mo ia. * (Vakaʼi te kiʼi nota.) Kapau ʼe kotou fakaovi kia Sehova, ʼe fakaovi atu anai kia kotou. ʼI takotou faiga malohi ki te faʼahi ʼaia, ʼe liliu anai ia ʼo moʼoni kia koutou. Pea ʼe hage anai takotou fakaovi ki ai ko te ui fenei ʼa Sesu: “Ko ae nee ina fekaui mai au e mooni” pea “E au iloi ia [ia].” (Soane 7:28, 29) Kaʼe kotea ʼae ʼe tonu ke tou fai ke feala ai hatatou fakaovi kia Sehova?
3. ʼE tou lava felogoʼi feafeaʼi mo Sehova?
3 Kapau ʼe kotou loto ke kotou fakaovi kia Sehova, ʼe maʼuhiga ke kolua felogoʼi tuʼumaʼu. Kaʼe ʼe lava hoko feafeaʼi ia te faʼahi ʼaia? Kotou fakakaukauʼi age muʼa pe ʼe ke lava felogoʼi feafeaʼi mo hou kaumeʼa ʼe nofo mamaʼo. ʼE feala ke kolua fefaitohiʼaki tuʼumaʼu peʼe ke kolua fefaitelefoniʼaki. ʼE ke palalau tuʼumaʼu mo Sehova moka ke faikole. (Lau ia Pesalemo 142:3.) Kaʼe ʼe kotou lava tuku feafeaʼi ia Sehova ke palalau atu? ʼAki takotou lau ia tana folafola, te Tohi-Tapu, pea mo metitasio ki ai. (Lau ia Esaia 30:20, 21.) Tou vakaʼi pe ʼe tou lava fakamalohiʼi feafeaʼi ʼatatou felogoʼi ʼae mo Sehova pea ke liliu ia ia ko hotatou Kaumeʼa moʼoni.
TUKU IA SEHOVA KE PALALAU ATU MOKA KOTOU AKO IA TE TOHI-TAPU
4, 5. ʼE palalau feafeaʼi atu ia Sehova moka kotou ako ia te Tohi-Tapu? Tuku mai he faʼifaʼitaki.
4 ʼE tou iloʼi ko te Tohi-Tapu ʼe ko he logo mai te ʼAtua ki te tagata fuape. Kaʼe ʼe feala koa ke tokoni atu ia te Tohi-Tapu ke kotou fakaovi kia Sehova? ʼE mahino ia. Moka kotou lau pea mo ako tuʼumaʼu ia te Tohi-Tapu, kotou tokagaʼi ia te ʼu faʼahi ʼae ʼe kotou logoʼi. Kotou fakakaukauʼi pe ʼe feafeaʼi hakotou maʼuliʼi ia te ʼu ako ʼae neʼe kotou maʼu. Kapau ʼe kotou fai ia te faʼahi ʼaia, ʼe kotou tuku ia Sehova ke palalau atu. ʼE kua liliu ko hokotou kaumeʼa lelei ʼe tokoni atu, pea ʼe kotou fakaovi kia te ia.—Hepeleo 4:12; Sakopo 1:23-25.
5 Ohage la, kotea takotou manatu moka kotou lau ia te ʼu palalau ʼaeni ʼa Sesu: “Aua naa kotou tanaki ni koloa i te kele aeni.” Kapau ʼe kotou faiga fakamalotoloto ke kotou fakamuʼamuʼa ia Sehova ʼi tokotou maʼuli, ʼe kotou logoʼi ʼe fiafia ʼo ʼuhiga mo koutou. Kaʼe ʼe feala pe ke kotou lau ia te ʼu palalau ʼaia ʼa Sesu pea mo mahino ai, ʼe tonu ke kotou fakafaigafua tokotou maʼuli mo tokakaga tafitō ki takotou tauhi ʼae ki te ʼAtua. Kapau ko ia, Mateo 6:19, 20.
neʼe tokoni atu ia Sehova ke kotou mahino ki te faʼahi ʼae ʼe tonu ke kotou fai ke kotou fakaovi ai kia te ia.—6, 7. (1) Moka tou ako ia te Tohi-Tapu, kotea ʼae ʼe hoko ki tatatou ʼofa ʼae kia Sehova pea mo tana ʼofa ʼae kia tatou? (2) Kotea tatatou fakatuʼutuʼu tafitō moka tou ako ia te Tohi-Tapu?
6 ʼE moʼoni, moka tou ako ia te Tohi-Tapu, ʼe tou ako ai ke tou iloʼi ia te ʼu fetogi ʼae ʼe tonu ke tou fai ke lelei age tatatou tauhi ʼae kia Sehova. Kaʼe ʼe tou toe ako foki ai ke tou ʼoʼofa ki ʼana gaue pea mo tona ʼuluagaaga matalelei, ʼo feala ke tuputupu ai tatatou ʼofa ki ai. Pea ʼi te tuputupu ʼo tatatou ʼofa ʼae kia te ia, ʼe toe tuputupu ai tona ʼofa ʼae kia tatou, pea ʼe liliu ʼatatou felogoʼi ʼo malohi.—Lau ia 1 Kolinito 8:3.
7 Kapau ʼe tou loto ke tou fakaovi kia Sehova, pea ʼe tonu ke tou ako fakamalotoloto ia te Tohi-Tapu. Neʼe ui fenei e Sesu: “Pea koeni te mauli heegata, ke natou iloi koe, ia koe, ko te Atua e tahi mo mooni, pea mo ae nee ke fekaui mai, Sesu-Kilisito.” (Soane 17:3) ʼE lahi te ʼu manatu maʼuhiga pea mo foʼou ʼe feala ke tou ako moka tou lau ia te Tohi-Tapu. Kaʼe ko te fakatuʼutuʼu tafitō ʼo tatatou ako ia te Tohi-Tapu, ʼe ko tatatou fia iloʼi lelei ia te agaaga ʼo Sehova.—Lau ia Ekesote 33:13; Pesalemo 25:4.
8. (1) Kotea ʼae ʼe feala ke manatu ʼe ʼihi ʼo ʼuhiga mo te aga ʼa Sehova ki te Hau ko Asalia? (2) Kapau ʼe kotou iloʼi ia Sehova, kotea ʼae ʼe kotou manatu anai ʼo ʼuhiga mo ʼana gaue?
8 Moka ʼe tou iloʼi ʼe tou kaumeʼa lelei mo Sehova, pea ʼe mole tou tuʼania anai mo kapau ʼe mole fakamahino tuʼumaʼu mai ʼi te Tohi-Tapu ia te tupuʼaga ʼo te fai e Sehova he meʼa. Ohage la, ʼi te temi ʼae neʼe hau ai ia Asalia ʼi Suta, neʼe tauhi te hahaʼi ki te ʼu ʼatua hala. Kaʼe neʼe mole kau ki ai ia Asalia. ʼE ui fenei ʼi te Tohi-Tapu: “Nee fai e Asalia te mea ae e totonu ia mua o [Sehova].” (2 Hau 15:1-5) Kaʼe neʼe tauteaʼi e Sehova ia Asalia ʼaki te kilia. Kotea tona tupuʼaga? ʼE mole fakaha mai ʼi te fakamatala. Kaʼe kotea takotou manatu ʼo ʼuhiga mo te aga ʼa Sehova? ʼE kotou hoha koa pea mo kotou manatu neʼe mole faitotonu ia Sehova, ʼi tana tauteaʼi ia Asalia kaʼe neʼe mole ina fai he meʼa ʼe kovi? Kailoa ia. Kapau ʼe kotou iloʼi lelei ia Sehova, ʼe kotou iloʼi ko tana fakatonutonu ʼe faitotonu tuʼumaʼu pe. ʼE ina fakatonutonuʼi tuʼumaʼu pe “i te faitotonu.” (Selemia 30:11) Koia, tatau aipe pe ʼe mole kotou iloʼi pe koʼe neʼe tauteaʼi e Sehova ia Asalia, kaʼe ʼe kotou tui papau neʼe ina fai ʼi te faitotonu.
9. Kotea ia te ʼu fakamatala ʼe tokoni mai ke tou mahino ki te tupuʼaga ʼo te tauteaʼi e Sehova ia Asalia ʼaki te kilia?
9 ʼE lahi te ʼu aluʼaga ʼe fakamatala ʼi te Tohi-Tapu ʼo ʼuhiga mo te maʼuli ʼo te Hau ko Asalia, ʼae neʼe toe higoa ko te Hau ko Osiasi. (2 Hau 15:7, 32) ʼI te hisitolia ʼae ʼe tuʼu ia 2 Koloniko 26:3-5, 16-21, ʼe ui ai neʼe ina fai ia “te mea ae e totonu ia mua o [Sehova].” Kaʼe ʼe toe ui, ki muli age “nee malaga leva tona loto o tupu ai tona to.” Neʼe loto e te hau ke ina fai he gaue neʼe fakagafua ʼateaina pe ki te kau pelepitelo. Neʼe ui age e te toko 81 kau pelepitelo neʼe mole lelei ia tana aga pea neʼe natou faigaʼi ke natou taʼofi ia ia. Kotea ʼae neʼe ina fai? ʼI te lahi ʼo tana fiatuʼu, neʼe ita ai kia natou. ʼAki te ʼu fakamatala ʼaia, kua tou mahino ai leva ki te tupuʼaga ʼo te tauteaʼi e Sehova ia te hau ʼaki te kilia.
Kapau ʼe kotou iloʼi lelei ia te agaaga ʼo Sehova pea ʼe kotou ʼoʼofa pea mo falala anai kia te ia
10. He koʼe ʼe mole ʼaoga ke tou iloʼi ia te ʼu tupuʼaga ʼo ʼuhiga mo te ʼu faʼahi fuli ʼe fai e Sehova? ʼE tou lava falala feafeaʼi ko Sehova ʼe ina fai tuʼumaʼu pe ia te faitotonu?
Tetelonome 32:4) Kapau ʼe kotou iloʼi lelei ia te agaaga ʼo Sehova pea ʼe kotou ʼoʼofa pea mo falala anai kia te ia. Pea tahi, ʼe mole ʼaoga anai ke kotou iloʼi ia te ʼu tupuʼaga ʼo tana fai ia he ʼu gaue. ʼAki takotou ako ia te Tohi-Tapu, ʼe liliu anai ia Sehova ko he tahi ʼe maʼuli moʼoni pea ʼe kotou fakaovi anai kia te ia.—Pesalemo 77:13, 14.
10 Kotea ia te ako maʼuhiga ʼe tou maʼu mai ai? ʼI te hisitolia ʼa te Hau ko Asalia, ʼe tou maʼu ai he ʼu fakamatala ʼe tokoni mai ke tou mahino ki te tupuʼaga ʼo te haga ʼa Sehova ʼo tauteaʼi ia ia. Kaʼe ka na pau la neʼe mole fakaha fuli mai ʼi te Tohi-Tapu ia te ʼu aluʼaga ʼae neʼe hoko, kotea anai takotou manatu? ʼE kotou feʼekeʼaki anai koa pe neʼe fai e Sehova ia te faitotonu? Peʼe ʼe kotou manatu koa kotou kua maʼu ia he ʼu fakamatala ʼi te Tohi-Tapu ʼe fakamoʼoni ai ʼe fakahoko tuʼumaʼu e te ʼAtua ia te faitotonu? (KOTOU PALALAU KIA SEHOVA ʼI TE FAIKOLE
11-13. ʼE tou lava iloʼi feafeaʼi ʼe fagono ia Sehova ki te ʼu faikole? (Vakaʼi te ʼuluaki pāki.)
11 Moka tou faikole ʼe tou fakaovi ai kia Sehova. ʼE tou fakavikiviki mo tou fakafetaʼi kia te ia, pea mo tou kole ia tana tokoni. (Pesalemo 32:8) Kaʼe kapau ʼe kotou fia felogoʼi lelei mo Sehova, ʼe tonu ke kotou tui papau ʼe fagono ki ʼatatou faikole.
12 Ko ʼihi ʼe natou lau, ʼe mole fagono te ʼAtua ki te ʼu faikole pea ʼe natou ui ko te ʼu faikole ʼe ko he ʼu palalau ʼe tou fai ke tou logo fimalie ai. ʼE natou ui ʼe tokoni mai pe ʼatatou faikole ke tou fakakaukauʼi
ʼotatou fihifihia pea mo maʼu ʼona puleʼaki. ʼE moʼoni ʼe feala ke tokoni mai ʼatatou faikole ʼi te ʼu aluʼaga ʼaia. Kaʼe moka tou palalau kia Sehova ʼi te faikole, ʼe fagono moʼoni mai kia tatou. ʼE tou lava iloʼi feafeaʼi ia te faʼahi ʼaia?ʼE tonu ke tou tui papau ʼe fagono ia Sehova ki ʼatatou faikole
13 Kotou fakakaukauʼi age muʼa ia te faʼahi ʼaeni: ʼI muʼa ʼo te hifo mai ʼa Sesu ki te kele, neʼe sio ki te tali ʼa Sehova ki te ʼu faikole ʼo ʼAna kaugana. Pea ʼi tana ʼi te kele, neʼe faikole ia Sesu ki tana Tamai ʼae ʼi selo, ʼo fakaha age ʼana manatu pea mo te ʼu meʼa ʼae ʼe ina logoʼi. ʼI te tahi lakaga, neʼe faikole ia Sesu ʼi te po katoa. (Luka 6:12; 22:40-46) Neʼe feala koa ke fai e Sesu ia te faʼahi ʼaia mo ka na pau la neʼe manatu ʼe mole fagono moʼoni ia Sehova ki tana faikole? Neʼe akoʼi e Sesu ki ʼana tisipulo pe ʼe feafeaʼi tanatou faikole kia Sehova. Neʼe feala koa ke ina fai ia te faʼahi ʼaia mo ka na pau la neʼe manatu e mole fagono ki te ʼu faikole? ʼE mahino ia, neʼe iloʼi e Sesu ʼe fagono moʼoni ia Sehova ki te ʼu faikole. Koia neʼe ina ui fenei ai: “Tamai, ʼe au fakafetaʼi kia te koe ʼi tau kua fagono mai kia au. ʼE moʼoni, neʼe au iloʼi pe ʼe ke fagono tuʼumaʼu kia au.” ʼO toe feia pe mo tatou, ʼe tonu ke tou tui papau ʼe fagono ia Sehova ki ʼatatou faikole.—Soane 11:41, 42, MN; Pesalemo 65:3.
14, 15. (1) He koʼe ʼe lelei ke tou palalau fakahagatonu moka tou faikole? (2) Neʼe tokoni feafeaʼi kia Kathy ia te ʼu faikole ʼae neʼe ina fai ke fakaovi ai kia Sehova?
14 ʼE mole tou lava iloʼi papau te ʼu tali ki ʼatatou faikole. Kaʼe ka tou palalau fakahagatonu ʼi ʼatatou faikole, ʼe faigafua ai tatatou tokagaʼi ia te tali mai ʼa Sehova pea ʼe liliu anai ko he tahi ʼe maʼuli moʼoni kia tatou. Kapau ʼe kotou palalau fakahagatonu kia Sehova ʼo ʼuhiga mo ʼakotou tuʼania, ʼe fakaovi atu anai kia koutou.
* (Vakaʼi te kiʼi nota.) Neʼe ina ui fenei: “Neʼe mole au fiafia ʼi te gaue faifakamafola. Neʼe mole au fia fai moʼoni ki ai.” Pea ʼi tana letelete leva mai tana gaue, neʼe fakalotomalohiʼi ia ia e te tagata ʼafeā ke liliu ko he pionie katoa. Neʼe ina ui fenei: “Neʼe ina fakatoʼo mai he pepa fakaui ʼo te selevisi pionie. Neʼe au toʼo ai te tonu ʼae ke au pionie, pea neʼe au kamata faikole ai kia Sehova ke tokoni mai ke au fia fai ki te gaue faifakamafola.” Neʼe tali koa ia Sehova ki taku faikole? Hili ki ai taʼu ʼe tolu ʼo tana kua pionie, ʼe ina ui fenei leva: “ ʼAki taku kau tuʼumaʼu ki te gaue faifakamafola pea mo taku ako mai ʼihi tehina, neʼe au liliu ai ʼo faiva. ʼI te temi nei, kua au manako ki te gaue faifakamafola. Pea tahi, kua liliu ʼaku felogoʼi mo Sehova ʼo lelei age.” Koia, neʼe tokoni ia te ʼu faikole ʼae neʼe fai e Kathy ke fakaovi ai kia Sehova.
15 Ohage la ko Kathy, neʼe kau tuʼumaʼu ki te gaue faifakamafola, kaʼe neʼe mole fiafia.KOTOU FAI TOKOTOU MAʼUA
16, 17. (1) Kotea ʼae ʼe tonu ke tou fai ke tou taupau ai ʼatatou felogoʼi mo Sehova ke malohi? (2) Kotea ʼae ka tou vakaʼi anai ʼi te alatike ʼae ka hoa mai?
16 ʼE feala ke tou nofo ovi kia Sehova ʼo talu ai. Koia tou haga fakalogo tuʼumaʼu kia te ia ʼaki tatatou lau tuʼumaʼu ia te Tohi-Tapu. Tou haga palalau kia te ia ʼi te faikole. Kapau ʼe tou fai ia te faʼahi ʼaia, ʼe liliu anai ʼatatou felogoʼi ʼae mo Sehova ʼo malohi. Pea ʼe feala ai ke tou katakiʼi te ʼu fihifihia.
ʼE feala ke tou nofo ovi kia Sehova ʼo talu ai
17 Kaʼe ʼi ʼihi temi ʼe tou tau mo he ʼu fihifihia, logo la ʼe tou haga faikole kia Sehova. ʼI te ʼu temi ʼaia, ʼe feala ai ke mole kei tou falala kia Sehova. ʼE feala ke tou manatu ʼe mole kei fagono ia Sehova ki ʼatatou faikole pea mo tou feʼekeʼaki pe ʼe kei tou kaumeʼa mo ia. Kapau ʼe kotou kamata maʼu ia te manatu ʼaia, kotea ʼae ʼe feala ke kotou fai? ʼE tokoni atu anai ia te alatike ʼae ka hoa mai.