He Koʼe Ko Te Fakamavae ʼo He Tahi ʼe Ko He Fakatuʼutuʼu Fonu ʼi Te ʼOfa?
ʼE MANATUʼI e Julian pe kotea ʼae neʼe ina logoʼi ʼi tana logo ki te tala ifo ʼo te fakamavae ʼo tona foha mai te Kau Fakamoʼoni ʼa Sehova. ʼE ina ui fenei: “ ʼE hage kia au neʼe mole kei au iloʼi pe kotea ʼae ʼe tonu ke au fai. Neʼe ko toku ʼuluaki foha pea neʼe ma felogoʼi lelei. Neʼe lahi te ʼu gaue neʼe ma fai fakatahi.” ʼE fakamahino e Julian neʼe lelei tuʼumaʼu te aga ʼo tona foha, kaʼe neʼe fetogi leva pea neʼe ina kamata fai ia he ʼu meʼa ʼe kovi. Neʼe tagi tuʼumaʼu pe ia te ʼohoana ʼo Julian pea neʼe mole ina iloʼi pe ʼe feafeaʼi hona fakapelepeleʼi. ʼE ui fenei e Julian: “ ʼE ma feʼekeʼaki pe, pe neʼe mole ma fakahoko lelei toma ʼuhiga matuʼā.”
Kotea te ʼu tupuʼaga ʼe foaki mai ʼi te Tohi-Tapu moʼo fakamavae ʼo he tahi? Logo la ʼe ko he meʼa fakalotomamahi, kaʼe he koʼe ʼe feala ke tou ui ko te fakamavae ʼo he tahi ʼe ko he fakatuʼutuʼu ʼofa?
HE KOʼE ʼE TONU KE FAKAMAVAE HE TAHI?
Kapau ko he Fakamoʼoni ʼa Sehova ʼe ina fai he agahala mamafa pea ʼe mole fakahemala, ʼe fakamavae anai.
ʼE mole kole mai e Sehova ke tou haohaoa, kaʼe ʼe ina kole ki ʼana kaugana ke natou fakalogo ki ʼana lao pea mo nonofo maʼa. Ohage la, ʼe fakatotonu e Sehova ki ʼana kaugana ke ʼaua naʼa natou fai ia he agahala mamafa ohage ko te aga heʼe ʼaoga, mo te tauhi taulaʼatua, mo te kaihaʼa, mo te agakakā, mo te faifakapo pea mo te gaohi meʼa faifakalauʼakau.—1 Kolinito 6:9, 10; Apokalipisi 21:8.
Ko te faʼahi ʼae ʼe kole mai e Sehova ʼe fakapotopoto pea ʼe ina puipui tatou. Ohage la, ʼe tou fia maʼuʼuli fuli mo he ʼu hahaʼi tokalelei, mo agalelei pea mo agafakahagatonu pea ko te faʼahi ʼaia ʼe tou maʼu ʼi ʼotatou tehina mo tuagaʼane fakalaumalie. He koʼe kua natou feia? Koteʼuhi kua natou foaki ʼonatou maʼuli kia Sehova pea neʼe natou fakapapau ke natou mulimuli ki te ʼu faʼahi ʼae ʼe tuʼu ʼi te Tohi-Tapu.
Kaʼe ʼe feafeaʼi mo kapau la ʼe fai e he Kilisitiano ia he agahala mamafa ʼuhi ko he vaivaiʼaga? Ko te aluʼaga ʼaia neʼe hoko ki ʼihi kaugana ʼa Sehova ʼi te temi muʼa, kaʼe neʼe mole liakī ʼosi natou e Sehova. Ohage la, neʼe 2 Samuele 12:13.
tono ia te Hau ko Tavite pea neʼe faifakapo, kaʼe neʼe ui age e te polofeta ko Natane neʼe fakamolemole e Sehova ia tana agahala.—He koʼe neʼe fakamolemole ia Sehova kia Tavite? Koteʼuhi neʼe mahino ia Sehova neʼe fakahemala moʼoni ia Tavite. (Pesalemo 32:1-5) Ia ʼaho nei, ko he tahi neʼe ina fai he agahala ʼe fakamolemole anai mo kapau ʼe fakahemala moʼoni pea mo liakī tana fai ia te ʼu meʼa ʼae ʼe kovi. (Gaue 3:19, 20; 26:20) Kapau ʼe tokagaʼi e te kau tagata ʼafeā ʼae ʼe natou kau ʼi he komite faifakamau, ʼe mole fakahemala moʼoni ia te kilisitiano ʼaia pea ʼe tonu ke fakamavae.
Kapau neʼe fakamavae he tahi ʼo tokotou famili peʼe ko hokotou kaumeʼa lelei, ʼe lagi mole kotou tali anai ia te tonu ʼaia pea mo kotou manatu neʼe fefeka fau. Kaʼe ʼe fakaha leleiʼi mai ʼi te Folafola ʼa Sehova ko te fakamavae ʼo he tahi ʼe ko he fakatuʼutuʼu ʼofa.
TE ʼU FUA LELEI ʼO TE FAKAMAVAE ʼO HE TAHI
Neʼe ui e Sesu “kua fakatonuhia te poto e ana gaue.” (Mateo 11:19) Tou vakaʼi ia tupuʼaga ʼe tolu pe koʼe ʼe fakapotopoto ia te fakamavae ʼo he tahi mo kapau ʼe mole fakahemala.
Ko te fakamavae ʼo he tahi ʼe ina fakakololiaʼi te huafa ʼo Sehova. ʼE feala ki te ʼu faʼahi ʼae ʼe tou fai ke ina fakakololiaʼi peʼe fakalainoaʼi ia Sehova, koteʼuhi ko tatou ko ʼana fakamoʼoni pea ʼe tou fua ia tona huafa. (Esaia 43:10) Ohage pe ko te aga ʼo he foha ʼe feala pe ke ina fakamaʼuhigaʼi peʼe fakalainoaʼi ʼana matuʼā, ʼo toe feia pe ki te aga ʼa te ʼu kaugana ʼa Sehova. ʼI te temi ʼo Esekiele, neʼe iloʼi e te hahaʼi ʼo te ʼu puleʼaga neʼe ʼi ai te pikipikiga ʼo te huafa ʼo Sehova mo te kau Sutea. (Esekiele 36:19-23) ʼO toe feia pe ʼi te temi nei, ʼe iloʼi e te hahaʼi ʼe ʼi ai te pikipikiga ʼo te huafa ʼo Sehova mo te kau Fakamoʼoni ʼa Sehova. Koia, kapau ʼe tou fakalogo ki te ʼu lao ʼa Sehova, ʼe tou fakakololiaʼi anai ia ia.
Neʼe foaki e te apositolo ko Petelo ia te tokoni ʼaeni ki te kau Kilisitiano: “O hage ko ni fanau logogafua, ke aua naa kotou fakatatau ki te u holi ae nee kotou mau i mua, i te temi ae nee kotou nonofo ai i te fakapouli. Kae, koteuhi ko ae nee ina paui koutou e maonioni, ko koutou foki, ke kotou maonioni i tokotou mauli katoa, o mulimuli ki te mea ae kua tohi: E koutou maonioni anai, koteuhi e au maonioni.” (1 Petelo 1:14-16) Ohage la, kapau ʼe tou fai ia he aga heʼe ʼaoga, ʼe tou fakalainoaʼi ai te huafa ʼo te ʼAtua. Kaʼe kapau ʼe tou taupau ke maʼa tatatou aga, ʼe tou fakakololiaʼi ai ia Sehova.
Kapau ʼe fai e he Fakamoʼoni ʼa Sehova ia he meʼa ʼe kovi, ʼe mahino ia ʼe iloʼi anai e ʼona kaumeʼa pea mo tona famili ia te aga ʼae neʼe ina fai. Koia, moka natou logo ʼe mole kei kau ki te kau Fakamoʼoni ʼa Sehova, ʼe natou mahino anai ʼe fakalogo ia te hahaʼi ʼa Sehova ki te ʼu faʼahi ʼe tuʼu ʼi te Tohi-Tapu pea mo haga taupau ia te maʼa ʼo te kokelekasio. Ohage la, neʼe haʼu he tagata ki te fono ʼi Suisse pea neʼe ina ui ʼe fia liliu ko he Fakamoʼoni ʼa Sehova. Koteʼuhi neʼe fakamavae ia tona tokolua he neʼe ina fai he aga heʼe ʼaoga pea ʼi te temi nei ʼe fia kau ia te tagata ʼaia ki he kautahi “ ʼe mole tali ai he aga ʼe kovi.”
Ko te fakamavae ʼo he tahi ʼe ina puipui te maʼa ʼo te kokelekasio Fakakilisitiano. Neʼe fakatokaga e te apositolo ko Paulo ia te kau Kolonito ia te tuʼutamaki ʼe feala ke hoko mo kapau ʼe natou fakagafua ki he tahi neʼe mole fakahemala ki ʼana agahala ke nofo ʼi te kokelekasio. Neʼe ina fakatatau ia te ʼu fakaneke kovi ʼa te kau agahala ʼaia ki he meʼa fakatupu ʼe feala ke ina fakatupu ia te falaoa katoa. Neʼe ui fenei e Paulo: “Ko he kii moi fakatupu e ina fakatupu te falaoa katoa.” Pea neʼe ina foaki kia natou ia te tokoni ʼaeni: “Kotou too kehe maia koutou te tagata agahala [peʼe agakovi].”—1 Kolinito 5:6, 11-13.
1 Kolinito 5:1, 2) Neʼe ko he aluʼaga fakatupu tuʼutamaki ʼaia, koteʼuhi neʼe feala ke fakatupu kovi ki ʼihi kilisitiano ia te maʼuli heʼe ʼaoga ʼae neʼe fai ʼi Kolonito. ʼO toe feia pe ʼi te temi nei, kapau ʼe meʼa noaʼi ʼi te kokelekasio ia he agahala mamafa, ʼe feala ke mole kei maʼuhiga ki ʼihi ia te ʼu pelesepeto ʼa Sehova. (Ekelesiasi 8:11) Pea tahi, ʼe lava maumauʼi e te kau agahala ʼae ʼe mole fakahemala ia te tui ʼa ʼihi ʼo te kokelekasio, ohage pe ko te fakatupu tuʼutamaki ʼo “te ʼu maka ʼae ʼe u ʼi te lalo vai.”—Suta 4, 12, MN.
Neʼe fai e te ‘tagata agakovi’ ʼaia ia te aga heʼe ʼaoga kaʼe neʼe mole ufiufi. Ko ʼihi ʼo tana kokelekasio neʼe natou ui neʼe mole faʼa kovi ia tana aga. (Ko te fakamavae ʼo he tahi ʼe feala ke tokoni kia ia ʼae neʼe agahala ke mahino ko ia ʼae ʼe hala. Neʼe fakaʼaogaʼi e Sesu ia te hisitolia ʼo te tupulaga ʼae neʼe mavae mai te ʼapi ʼo tana tamai pea neʼe ina pulihi fuli ʼona koloa ʼaki tona maʼuli aga fakalialia. Neʼe mahino leva ki te tupulaga ʼaia ko te maʼuli mamaʼo mai te ʼapi ʼo tana tamai neʼe mole ʼi ʼai hona ʼuhiga. Koia, neʼe fakahemala ai pea neʼe toe liliu mai ki tona famili. Neʼe fiafia lahi ia tana tamai ʼi tana sio ki te fetogi ʼo te aga ʼo tona foha pea neʼe ina fakatalitali lelei ia ia. (Luka 15:11-24) Ko te hisitolia ʼaia, ʼe tokoni mai ke tou mahino pe kotea ʼae ʼe logoʼi e Sehova moka fakahemala he tahi. ʼE ina ui fenei: “Ko te mea ae e au loto ki ai, e mole ko te mate a te tagata agahala, kae ke fetogi tona mauli pea ke mauli ia ia.”—Esekiele 33:11.
Ko te kokelekasio Fakakilisitiano ʼe ko totatou famili fakalaumalie. Moka fakamavae he tahi, ʼe mole kei kau ki te famili ʼaia. ʼI te hili ʼo tana mahino ki te kovi ʼo tana aga, ʼe lagi mahino ko ia ʼae neʼe hala pea mo ina manatuʼi ia tana fiafia ʼi te temi ʼae neʼe ina maʼu ai he ʼu felogoʼi lelei mo Sehova pea mo te kokelekasio. ʼE ko te fakalotomalohiʼi ʼaia ʼo ia ke toe liliu mai ki tona famili fakalaumalie.
Kapau ʼe tou fia tokoni ki he tahi neʼe fakamavae ke toe liliu mai ki te kokelekasio, ʼe tonu ke tou fakaha ki ai ʼe tou ʼoʼofa ai ʼaki tatatou fakatotonu malohi ʼae ke tou nonofo agatonu kia Sehova. Ohage la, kotou fakakaukauʼi age ia he ʼu tagata haʼele ʼe nā fakatalitali ke haofaki naua ʼi te temi momoko. ʼI te lahi fau ʼo te momoko, ko te tahi tagata haʼele ʼe kua gaʼegaʼe pea ʼe fia moe. Kaʼe kapau ʼe maʼumoea ʼi te nive, ʼe feala anai ke mate. Moʼo tokoni ki ai ke nofo ʼalaʼala, ʼe haga tona kaumeʼa ʼo pāki tona kauʼahe. Maʼia pe ʼe mamahi kaʼe ʼe feala ke haofaki ai tona maʼuli. Neʼe fakaha e Tavite ʼe tatau ia te faʼahi ʼaia ʼi tana ui fenei: “Ke taai au e te tagata agatonu, ko he kalasia ia.” (Pesalemo 141:5) Neʼe mahino kia Tavite logo la ʼe mamahi ia te fakatonutonu kaʼe ʼe tokoni anai ki ai.
Ko te fakamavae ʼo he tahi ʼe hage pe neʼe pāki kita, pea ʼe ko he faʼahi ʼe ʼaoga tuʼumaʼu ki he tahi ke toe liliu mai kia Sehova. Ko te foha ʼo Julian, ʼae neʼe tou talanoa ki ai ʼi te kamata ʼo te alatike ʼaeni, neʼe fetogi tona maʼuli pea neʼe toe liliu mai ki te kokelekasio hili ki ai taʼu ʼe hogofulu ki tona fakamavae. ʼI te temi nei kua tagata ʼafeā. Pea ʼe ina ui fenei: “Lolotoga te temi ʼae neʼe fakamavae ai au, neʼe au sio tonu ai ki te ʼu fua kovi ʼo toku faʼahiga maʼuli. Pea neʼe ʼaoga kia au ia te taʼi fakatonutonu ʼaia.”—Hepeleo 12:7-11, MN.
ʼE TOU LAVA FAKAHA FEAFEAʼI ʼE TOU ʼOʼOFA IA NATOU ʼAE NEʼE FAKAMAVAE
ʼE ko he aluʼaga faigataʼa moka fakamavae he tahi. Kaʼe ʼe mole fakaʼuhiga leva ʼe mole feala ke toe liliu mai kia Sehova. ʼE maʼuhiga kia tatou takitokotahi ke tou tuku ke fai ia te fakatonutonu. ʼE tou lava fakahoko feafeaʼi ia te faʼahi ʼaia?
ʼE ʼaoga he ʼu fakalotomalohi moʼo tokoni kia natou ʼae neʼe fakahemala ke natou toe liliu mai kia Sehova
ʼE faiga tuʼumaʼu ia te kau tagata ʼafeā ke natou faʼifaʼitakiʼi te ʼofa ʼo Sehova, tafitō la moka natou tala ifo he tahi ʼe mole kei kau ki te Kau
Fakamoʼoni ʼa Sehova. ʼE natou fakamahino ʼaki he agalelei pe kotea ʼae ʼe tonu ke ina fai ke toe liliu mai kia Sehova pea ke toe kau ki te kokelekasio. Kapau ko he tahi neʼe fakamavae ʼe ina fakaha ʼe fia liliu mai ki te kokelekasio, ʼe feala ʼi ʼihi temi ki te kau tagata ʼafeā ke natou ʼaʼahi ia ia moʼo fakamanatuʼi ki ai, pe kotea ʼae ʼe feala ke ina fai ke toe liliu mai kia Sehova.ʼE fakaha e te famili tonatou ʼofa ʼae ki te kokelekasio pea mo ia ʼae neʼe fakamavae moka natou lagolago ki te tonu ʼae neʼe toʼo e te kau tagata ʼafeā. ʼE fakamahino fenei e Julian: “ ʼE moʼoni ʼe ko toku foha, kaʼe neʼe ko tona faʼahiga maʼuli ʼae neʼe ina taʼofi ʼama felogoʼi.”
ʼE fakaha e te kokelekasio ia tanatou ʼofa moʼoni kia ia ʼae neʼe fakamavae ʼaki tanatou lagolago ki te fakatonutonu ʼa Sehova ʼae neʼe ina tuku ki te kau tagata ʼafeā. Ko tona fakaʼuhiga ʼe mole tonu ke natou fakatahi peʼe faipalalau mo ia. (1 Kolinito 5:11; 2 Soane 10, 11) Pea tahi, ʼe tonu anai ki te kokelekasio ke natou fakaha tonatou ʼofa pea mo lagolago ki te famili ʼo ia ʼae neʼe fakamavae. ʼE ko he temi faigataʼa maʼa te famili. ʼE mole tonu anai ke tou fai ia he meʼa ke logoʼi ai e te famili ʼe hage neʼe fakamavae mo natou mai te kokelekasio.—Loma 12:13, 15.
ʼE ui fenei e Julian: “Ko te fakamavae ʼo he tahi ʼe ko he fakatuʼutuʼu ʼe ʼaoga kia tatou, pea ʼe tokoni mai ke tou fakaalu tahi totatou maʼuli mo te ʼu pelesepeto ʼa Sehova. ʼAki te temi, logo la neʼe faigataʼa kaʼe neʼe ʼi ai ʼona fua lelei. Ka na pau la neʼe au tali ia te aga ʼae ʼe kovi ʼo toku foha, neʼe mole toe liliu mai anai.”