Kotou Maʼuliʼi Te Faikole Tamatou Tamai ʼAe ʼi Selo —Lua Koga
“E iloi e takotou Tamai te mea ae e aoga kia koutou.”—MATEO 6:8.
1-3. He koʼe neʼe tui papau te tuagaʼane neʼe iloʼi e Sehova ia te meʼa ʼae neʼe ʼaoga ki ai?
KO LANA ko he pionie katoa, ʼe mole ina galoʼi anai ia te aluʼaga ʼae neʼe hoko ki ai ʼi tana alu ki Siamani ʼi te taʼu 2012. Neʼe ina logoʼi neʼe tali e Sehova ki ʼana faikole ʼe lua. ʼI tana toʼo ia te saliote afi ke alu ki te malaʼe vakalele, neʼe ina kole kia Sehova ke tokoni age ke ina maʼu he tahi ke faifakamafola ki ai. ʼI tana tau atu ki te malaʼe vakalele, neʼe holoʼi te vaka ʼae neʼe tonu ke alu ai ki te ala uhu ake. Neʼe kole e Lana te tokoni ʼa Sehova koteʼuhi neʼe mole kei feʼauga tana foʼi falā pea neʼe tonu ke ina kumi he koga meʼa ke alu ʼo moe ai.
2 ʼI te ʼosi fai e Lana tana faikole, neʼe logo ki he tahi neʼe ina ui fenei age: “Malō Lana, kotea ʼae ʼe ke fai ʼi hena?” Neʼe ko he tupulaga neʼe ako fakatahi mo ia ʼi te fale ako. Ko ia mo tana faʼe pea mo tana kui fafine ʼae neʼe ʼomai ʼo tuku folau ia ia koteʼuhi neʼe alu ki Afelika Saute. Pea ʼi te fakaha age e Lana ia tona aluʼaga, neʼe fakaafe ia ia e te faʼe mo te kui fafine ʼo tona kaumeʼa ke natou olo ʼo momoe ʼi tonā ʼapi. Neʼe lahi te ʼu fehuʼi neʼe nā fai ki ai ʼo ʼuhiga mo tana tui pea mo tana selevisi pionie.
3 ʼI te ʼala uhu ake hili pe te fai inu kafe, neʼe hoko atu pe e Lana tana tali ki ʼanā fehuʼi ʼo ʼuhiga mo te Tohi-Tapu. Neʼe kole age e Lana tonā tuʼasila mo tonā numelo telefoni ke haʼu he tahi ʼo ʼaʼahi naua. Neʼe toe liliu ia Lana ki tona ʼapi pea ʼe kei pionie pe. Neʼe ina logoʼi neʼe fagono ia Sehova ki ʼana faikole, mo ina iloʼi ia te meʼa ʼae neʼe ʼaoga ki ai pea neʼe tokoni ki ai.—ʼE mole tonu ke tou tuʼania ʼo ʼuhiga mo te ʼu meʼa ʼae ʼe ʼaoga kia tatou ki te ka haʼu
4. Kotea ʼae ka tou vakaʼi ʼi te alatike ʼaeni?
4 Moka tou felaveʼi mo he fihifihia fakapunamaʼuli, ʼe faigafua tatatou faikole kia Sehova ke tokoni mai pea ʼe fiafia ʼi te fagono ki ʼatatou faikole. (Pesalemo 34:16; Taaga Lea 15:8) Kaʼe ʼe akoʼi mai ʼi te faikole ʼa Sesu ia te tahi ʼu faʼahi maʼuhiga ʼe tonu ke tou kole. ʼI te alatike ʼaeni ʼe tou vakaʼi ai anai pe ʼe lava tokoni feafeaʼi mai ia te ʼu kole fakaʼosi ʼe fa ʼo te Tamai ʼae ʼi selo ke tou nonofo agatonu kia Sehova.—Lau ia Mateo 6:11-13.
“FOAKI MAI KIA MATOU I TE AHO NEI TE PANE O TE AHO TAKI TAHI”
5, 6. He koʼe neʼe akoʼi mai e Sesu ke tou kole ke “foaki mai kia matou . . . [“tamatou,” MN] pane” maʼia pe ʼe mahu tatatou meʼa kai?
5 Neʼe akoʼi mai e Sesu ke tou kole ke “foaki mai kia matou . . . [“tamatou,” MN] pane” kaʼe mole ko “taku pane.” ʼE fakamahino fenei e Victor ko te taupau ʼo te siliko ʼi Afelika: “ ʼE au fakamalō tuʼumaʼu kia Sehova koteʼuhi ko au mo toku ʼohoana ʼe mole ma hoha pe kotea anai tamā meʼa kai peʼe ko ai ʼae ka ina totogi anai toma ʼapi. Neʼe tokaga lelei ʼoma tehina kia maua ʼi te ʼaho fuli pe. Kaʼe ʼe au faikole maʼa natou ʼae ʼe tokoni mai ke natou lava katakiʼi ia te ʼu fihifihia fakaekonomika ʼae ka natou felaveʼi anai mo ia.”
6 ʼE feala ke mahu tatatou meʼa kai, kaʼe tokolahi ʼotatou tehina ʼe natou masisiva. Pea ko ʼihi neʼe hoko kia natou he ʼu tuʼutamaki fakanatula. ʼE mole gata ʼaki pe tatatou faikole maʼa natou kaʼe ʼe feala ke tou fai ia he meʼa moʼo tokoni kia natou. Ohage la, ʼe feala ke tou vaevae mo natou ia te ʼu meʼa ʼae ʼe tou maʼu. ʼE feala ke tou toe lagolago ki te gaue ʼae ʼe fai e te hahaʼi ʼa Sehova ʼi te malamanei katoa. ʼE tou iloʼi ko ʼatatou meʼa ʼofa ʼe tokoni ki ʼotatou tehina ʼae ʼe faigataʼaia.—1 Soane 3:17.
7. Neʼe akoʼi feafeaʼi mai e Sesu ke mole tou “tuania [ia] te apogipogi”?
7 Hili te akoʼi e Sesu ia te faikole Tamai ʼae ʼi selo, neʼe ina akoʼi mai ke ʼaua naʼa tou tokakaga ki te ʼu koloa. Neʼe ina ui kapau ʼe tokaga ia Sehova ki te ʼu fisiʼi teu ʼo te ʼu gaueʼaga, “e mole koutou mauhiga age ke ina laofi koutou, hahai tui vaivai? Aua pe naa kotou tuania, pea aua naa kotou ui: . . . Kotea anai ka tou laofi?” Pea neʼe ina ui liuliuga fenei: “Aua naa kotou tuania [ia] te apogipogi.” (Mateo 6:30-34) ʼE mole tonu ke tou tuʼania ʼo ʼuhiga mo te ʼu meʼa ʼae ʼe ʼaoga kia tatou ki te ka haʼu. Kaʼe ʼe tonu ke tou maʼuli fakafeʼauga ʼi te ʼaho fuli. Ohage la, ʼe feala ke tou faikole ke tou maʼu hotatou ʼapi, mo he gaue moʼo taupau totatou famili pea mo te poto moʼo toʼo he ʼu tonu ʼe lelei ʼo ʼuhiga mo totatou maʼuli fakasino. Kaʼe ʼe ʼi ai te tahi faʼahi maʼuhiga ʼe tonu ke tou kole.
8. Kotea ʼae ʼe fakamanatuʼi mai e te ʼu palalau ʼa Sesu ʼo ʼuhiga mo te foʼi pane ʼo te ʼaho fuli? (Vakaʼi te ʼuluaki pāki.)
8 ʼE fakamanatuʼi mai e te ʼu palalau ʼa Mateo 4:4) Koia, ʼe tonu ke tou faikole kia Sehova ke hoko atu tana akoʼi ʼo tatou pea mo tokoni mai ke tou nonofo ovi kia te ia.
Sesu ʼo ʼuhiga mo tatatou foʼi pane ʼo te ʼaho fuli ia te tahi ʼu palalau neʼe ina fai. Neʼe ina ui fenei: “E mole mauli anai te tagata ki te pane pe, kae ki te u folafola fuli ae e hau mai te gutu o te Atua.” (‘FAKAMOLEMOLE MAI KI ʼOMATOU MAʼUA’
9. He koʼe ʼe fakatatau ʼatatou agahala ki he ʼu maʼua?
9 Neʼe ui fenei e Sesu: “Fakamolemole mai ki amatou agahala [peʼe maʼua].” ʼI te tahi ʼaho neʼe ina ui fenei: “Fakamolemole mai ki amatou agahala.” (Mateo 6:12; Luka 11:4) Neʼe ui e Sesu ia te ʼu palalau ʼaia koteʼuhi ʼe hage ʼatatou agahala ko he ʼu maʼua. ʼI te taʼu 1951, neʼe fakamahino ʼi Te Tule Leʼo Fakapilitania moka tou agahala ʼe hage pe ʼe tou tuʼu maʼua kia Sehova. ʼE tonu ke tou ʼofa mo fakalogo kia Sehova. Koia moka tou agahala ki te ʼAtua, ʼe mole tou foaki kia te ia te meʼa ʼae ʼe tonu ke tou foaki ki ai. Neʼe ui ʼi Te Tule Leʼo neʼe feala pe kia Sehova ke ina fakagata tatatou fakakaumeʼa mo ia mo kapau neʼe loto ki ai. Pea neʼe tohi fenei: “Moka agahala he tahi ʼe mole ʼofa ia ki te ʼAtua.”—1 Soane 5:3.
Tou fakafetaʼi tuʼumaʼu kia Sehova ʼo ʼuhiga mo te meʼa ʼofa maʼuhiga ʼae ko te totogi
10. He koʼe ʼe feala ke fakamolemole e Sehova ʼatatou agahala? Pea kotea ʼae ʼe tonu ke tou logoʼi ʼo ʼuhiga mo te faʼahi ʼaia?
10 ʼE tou lotofakafetaʼi lahi kia Sehova ʼi Pesalemo 49:8-10; 1 Petelo 1:18, 19.) Ko te ʼu palalau ʼo te faikole ʼae neʼe akoʼi e Sesu “fakamolemole mai ki amatou agahala,” ʼe ina fakamanatuʼi mai te ʼaoga ʼae ʼo te totogi kia tatou pea mo ʼotatou tehina mo tuagaʼane. ʼE toe loto e Sehova ke tou manatuʼi ia natou pea mo ʼanatou felogoʼi mo ia. Koia ʼae ʼe tonu ai ke tou foimo fakamolemole kia natou moka natou fai mai he ʼu lakahala. ʼE mahino ia ʼe lagi ko he ʼu kiʼi lakahala, kaʼe moka tou fakamolemole ki ʼotatou tehina ʼe tou fakaha ai ʼe tou ʼoʼofa ia natou. ʼE tou toe fakaha ai ʼe tou lotofakafetaʼi ki te fakamolemole mai ʼa Sehova kia tatou.—Kolose 3:13.
tana foaki mai ia te sakilifisio faitotogi ʼo Sesu moʼo fakamolemole ʼatatou agahala. ʼE ʼaoga kia tatou ia te fakamolemole ʼa Sehova ʼi te ʼaho fuli. Logo la neʼe mate Sesu maʼa tatou kua hili ki ai teitei taʼu ʼe 2 000, kaʼe ʼe kei tou maʼu te ʼu fua lelei ʼo tana sakilifisio ia ʼaho nei. ʼE tonu ke tou fakafetaʼi tuʼumaʼu kia Sehova ʼo ʼuhiga mo te meʼa ʼofa maʼuhiga ʼaia. ʼE mole feala ki he tahi ia tatou ke ina foaki he totogi moʼo fakaʼateainaʼi tatou mai te agahala pea mo te mate. (Lau ia11. He koʼe ʼe maʼuhiga ke tou fakamolemole ki ʼihi?
11 ʼI ʼihi temi ʼe faigataʼa te fakamolemole kia natou neʼe lakahala mai koteʼuhi ʼe tou heʼe haohaoa. (Levitiko 19:18) Kapau ʼe tou kamata palalau ki te ʼu meʼa neʼe natou fai mai, ʼe feala ki ʼihi ʼo te kokelekasio ke natou palalau ki te faʼahi ʼaia pea ʼe feala anai ke fakatupu kovi ki te logotahi ʼo te kokelekasio. Kapau ʼe tou fai ia te faʼahi ʼaia, ʼe tou fakaha ʼe mole maʼuhiga kia tatou ia te meʼa ʼofa ʼa te ʼAtua ʼae ko te totogi pea ʼe mole feala anai ke tou maʼu ʼona fua lelei. (Mateo 18:35) Kapau ʼe mole tou fakamolemole ki ʼihi, ʼe mole feala ke fakamolemole mai ia Sehova. (Lau ia Mateo 6:14, 15.) Pea kapau ʼe tou loto ke fakamolemole mai te ʼAtua, ʼe mole tonu ke tou fai ia te ʼu aga ʼae ʼe fehiʼa ki ai.—1 Soane 3:4, 6.
Kapau ʼe tou loto ke fakamolemole mai te ʼAtua, ʼe tonu ke tou fakamolemole ki ʼihi (Vakaʼi te palakalafe 11)
“AUA NAA KE TUKU MATOU KI TE FAKAHALA”
12, 13. (1) Kotea ʼae neʼe hoko kia Sesu hili tana papitema? (2) He koʼe ʼe mole tonu ke tou tukugakoviʼi ʼihi mo kapau neʼe tou to ki te fakahala? (3) Kotea ʼae neʼe fakaha e Sesu ʼi tana nofo agatonu ʼo kaku ki te mate?
12 Ko te ʼu palalau ʼo te faikole ʼae neʼe akoʼi e Sesu “aua naa ke tuku matou ki te fakahala,” ʼe ina fakamanatuʼi mai te aluʼaga ʼae neʼe hoko kia Sesu hili pe tona papitema. Neʼe taki ia ia e te laumalie ʼo te ʼAtua ki te toafa “ke fakahalai [ai] e te Tiapolo.” (Mateo 4:1; 6:13) He koʼe neʼe tuku e Sehova ke hoko ia te aluʼaga ʼaia? Neʼe fekauʼi ifo e Sehova ia Sesu ki te kele, moʼo fakatokatoka ia te fihifihia ʼae neʼe hoko ʼi te temi ʼae neʼe liakī ai e Atama mo Eva ia te takitaki ʼa Sehova. Pea ʼi tanā agatuʼu ʼaia, neʼe lagaʼi ai te ʼu fehuʼi neʼe ʼaoga ki ai he temi moʼo tali ki ai. Ohage la, neʼe kovi koa ia te faʼahiga fakatupu e te ʼAtua ia te tagata? ʼE feala koa ki he tagata haohaoa ke nofo agatonu kia Sehova moka fakahalaʼi e te ‘agakovi’? ʼE lelei age koa ke takitaki ʼe te tagata ia ia totonu? (Senesi 3:4, 5) ʼI te ka haʼu, moka tali anai ki te ʼu fehuʼi fuli ʼaia moʼo fakafiafiaʼi te loto ʼo Sehova, ʼe iloʼi anai e te hahaʼi fuli ʼo te lagi mo te kele ʼe ko te faʼahiga takitaki pe ʼa Sehova ʼae ʼe lelei tukupau.
Tou nonofo agatonu kia Sehova maʼia ʼi te ʼu aluʼaga faigataʼa ʼaupito
13 Ko Sehova ʼe maʼoniʼoni pea ʼe mole feala ke ina fakahalaʼi he tahi ʼaki he ʼu meʼa ʼe kovi. ʼE ko Satana ia “te fakahala.” (Mateo ) ʼE faiga ia Satana ke ina fakahalaʼi tatou ʼi te ʼu aluʼaga kehekehe. Kaʼe ʼe feala kia tatou takitokotahi ke tou filifili pe ʼe tou tekeʼi ia te fakahala peʼe kailoa. (Lau ia 4:3Sakopo 1:13-15.) ʼI te temi ʼae neʼe fakahalaʼi e Satana ia Sesu, neʼe ina foimo tekeʼi atu aipe ʼaki tana talanoa ki te Folafola ʼa te ʼAtua. Neʼe agatonu ia Sesu ki te ʼAtua. Kaʼe neʼe mole gata ia te fai fakahala ʼa Satana. Neʼe fakatalitali “o kaku ki he tahi temi faigamalie” moʼo fakahalaʼi ʼo Sesu. (Luka 4:13) Tatau aipe pe kotea neʼe fai e Satana kaʼe neʼe fakalogo tuʼumaʼu ia Sesu ki te ʼuhiga Pule ʼa te ʼAtua. Neʼe ina fakaha ʼe feala ki he tagata haohaoa ke nofo agatonu kia Sehova maʼia ʼi te ʼu aluʼaga faigataʼa ʼaupito. ʼE faiga ia Satana ke ina fakahalaʼi te ʼu tisipulo ʼa Sesu ʼo toe feia pe mo koutou ke mole kotou fakalogo kia Sehova.
ʼE falala Sehova ʼe feala hatatou nonofo agatonu kia te ia pea ʼe fia tokoni mai kia tatou
14. Kotea ʼae ʼe tonu ke tou fai ke mole tou to ki te fakahala?
14 Neʼe heʼeki maʼu he ʼu tali ki te ʼu fehuʼi ʼae neʼe lagaʼi ʼo ʼuhiga mo te takitaki ʼa Sehova. Koia ʼi te temi nei, ʼe fakagafua e Sehova kia Satana ke ina fakahalaʼi tatou. Kaʼe ʼe mole ‘tuku tatou ki te fakahala’ e Sehova. ʼE mahino ia, ʼe falala Sehova ʼe feala hatatou nonofo agatonu kia te ia pea ʼe fia tokoni mai kia tatou. Kaʼe ʼe mole ina fakakinauʼi tatou ke tou fai ia te meʼa ʼae ʼe totonu. ʼE fakaʼapaʼapa ia ki totatou loto faʼitaliha. Koia, ʼe ina tuku ke tou filifili e tatou totonu pe ʼe tou nonofo agatonu kia te ia peʼe kailoa. Pea ke mole tou to ki te fakahala, ʼe ʼaoga kia tatou te ʼu faʼahi ʼaeni ʼe lua: Ke tou nonofo ovi kia Sehova pea mo haga kole ia tana tokoni. ʼE tali feafeaʼi ia Sehova ki ʼatatou faikole ke mole tou to ki te fakahala?
Kotou nonofo ovi kia Sehova pea mo faʼafai ʼi te minisitelio (Vakaʼi te palakalafe 15)
15, 16. (1) Kotea ʼihi fakahala ʼe tonu ke tou tauʼi? (2) Kapau ʼe tou to ki te fakahala, ko ai koa ʼae ʼe tou tukugakoviʼi?
15 ʼE foaki mai e Sehova ia tona laumalie maʼoniʼoni moʼo tokoni mai ke tou tauʼi te ʼu fakahala ʼa Satana. Neʼe toe foaki mai e Sehova ia te Tohi-Tapu pea mo te kokelekasio moʼo fakatokaga mai kia tatou ia te ʼu tuʼutamaki. Ohage la, ʼe ina fakatokaga mai ke ʼaua naʼa tou fakaʼaoga lahi totatou temi, mo tatatou foʼi falā pea mo totatou malohi ki he ʼu meʼa ʼe mole hona ʼaoga moʼoni kia tatou. ʼE maʼuʼuli ia Espen pea mo Janne ʼi Eulopa ʼi he fenua koloaʼia. Lolotoga ni lauʼi taʼu, neʼe nā pionie katoa ʼi he kolo neʼe ʼaoga lahi ki ai he kau faifakamafola. ʼI te temi ʼae neʼe nā maʼu ai tanā tamasiʼi, neʼe nā tuku ai tanā selevisi pionie pea ko ʼanā fanau ʼe toko lua ʼi te temi nei. ʼE ui fenei e Espen: “ ʼE ma faikole tuʼumaʼu kia Sehova ke tokoni mai ke ʼaua naʼa ma to ki te fakahala. Koteʼuhi ʼi te temi nei ʼe mole kei lahi tamā kau ki te ʼu gaue fakateokalatike ohage ko te temi muʼa. ʼE ma kole kia Sehova ke tokoni mai ke ma malolohi ʼi te faʼahi fakalaumalie pea mo faʼafai ʼi te minisitelio.”
16 Ko te tahi fakahala ʼe tonu ke tou tauʼi, ʼe ko te sioʼi ʼo ni pāki peʼe ko ni ʼata ʼe ʼasi ai ni felaveʼi fakasino heʼe ʼaoga. Kapau ʼe tou to ki te fakahala ʼaia, ʼe mole feala ke tou tukugakoviʼi ia Satana. Kotea tona tupuʼaga? Koteʼuhi ʼe mole fakakinauʼi tatou e Satana pea mo tona malama ke tou fai ia he meʼa ʼe kovi. Ko ʼihi ʼe natou sioʼi ni pāki peʼe ko ni ʼata ʼe ʼasi ai ni felaveʼi fakasino heʼe ʼaoga koteʼuhi ʼe mole natou liakī ia te ʼu manatu ʼae ʼe kovi. Kaʼe ko te tokolahi ʼo ʼotatou tehina mo tuagaʼane neʼe natou lava tauʼi ia te fakahala ʼaia pea ʼe toe feala mo tatou ke tou fai ia te faʼahi ʼaia.—1 Kolinito 10:12, 13.
‘FAKAʼATEAINAʼI MATOU MAI TE AGAKOVI’
17. (1) ʼE tou lava fakaha feafeaʼi ʼe fia ‘fakaʼateainaʼi tatou e Sehova mai te agakovi’? (2) Kotea ia te fakalotofimalie ʼae kua vave hoko mai?
17 ʼE tou lava fakaha feafeaʼi ʼe fia ‘fakaʼateainaʼi tatou e Sehova mai te agakovi’? ʼE mole tonu ke tou ‘kau ki te malamanei’ pea “aua naa kotou oofa ki te malamanei, pea mo te u mea ae e mau i te malamanei.” (Soane 15:19; 1 Soane 2:15-17) ʼE ko he meʼa fakalotofimalie anai moka fakaʼauha e Sehova ia Satana pea mo tona malama agakovi. Kaʼe moʼo fakatalitali ki ai, ʼe tonu ke tou manatuʼi ʼe nofo ia Satana mo hona “ita lahi, koteuhi e ina iloi kua nounou pe tona temi.” ʼE ina fai anai ia meʼa fuli moʼo fakagata tatatou tauhi ʼae kia Sehova. Koia, ʼe tonu ke tou faikole tuʼumaʼu kia Sehova ke ina puipui tatou mai ia Satana.—Apokalipisi 12:12, 17.
18. Kapau ʼe tou fia hao mai te fakaʼosi ʼo te malama ʼa Satana, kotea ʼae ʼe tonu ke tou fai?
18 ʼE kotou fia maʼuʼuli koa ʼi he malama ʼe kua pulihi ai ia Satana? Koia, kotou faikole ke hoko mai ia te Puleʼaga ʼo te ʼAtua, ke fakatapuha te huafa ʼo te ʼAtua pea ke fai tona finegalo ʼi te kele. Kotou falala tuʼumaʼu kia Sehova koteʼuhi ʼe tokaga kia koutou pea mo ina foaki atu ia te ʼu meʼa ʼae ʼe ʼaoga kia koutou ke kotou nonofo agatonu kia te ia. ʼEi, kotou fai ia meʼa fuli ʼe kotou fealagia moʼo maʼuliʼi ia te faikole Tamai ʼae ʼi selo.