Kotou Tokakaga Ki ʼAkotou Fakakaugā ʼi Te ʼu ʼAho Fakamuli ʼAeni
“E maumaui e te u kaumea kovi te u agalelei [peʼe agamahani ʼaoga].” —1 KOLINITO 15:33.
KATIKO: 73, 119
1. Ko te temi fea ʼae ʼe tou maʼuʼuli nei ai?
ʼE TOU maʼuʼuli nei ʼi te ʼu “temi faigataa.” Talu mai te kamata ʼo te ʼu ʼaho fakamuli ʼi te taʼu 1914, kua ʼaʼasili kovi age ia te ʼu aluʼaga ʼo te malamanei. (2 Timoteo 3:1-5) Pea ʼe tou tui papau ʼe kei toe age tona ia kovi, koteʼuhi neʼe fakakikite ʼi te ʼu lea fakapolofeta Fakatohi-tapu, “ko te u tagata agakovi mo kaka e natou asilisili kovi anai.”—2 Timoteo 3:13.
2. Ko te ʼu faʼahiga fakafiafia fea ʼae ʼe leleiʼia e te hahaʼi? (Vakaʼi te ʼuluaki pāki.)
2 ʼI te ʼu temi fakafiafia, tokolahi ia ʼaho nei ʼe natou sioʼi peʼe natou fai te ʼu meʼa ʼae ʼe talanoa ki ai te Tohi-Tapu, ohage la ko te agamalohi, mo te aga heʼe ʼaoga peʼe ko te gaohi meʼa fakamanamana pea mo fakatemonio. Ohage la, ʼi te Neti, mo te televisio, mo te ʼu ʼata, mo te ʼu tohi pea mo te ʼu nusipepa, ko te agamalohi pea mo te aga heʼe ʼaoga ʼe kua leleiʼia e te tokolahi. Pea ko te ʼu aga ʼae neʼe punamaʼuli ki ai te hahaʼi, ʼe kua fakagafua e te lao ʼi ʼihi fenua. Kaʼe ʼe mole fakaʼuhiga leva ʼe tali e Sehova ia te taʼi aga ʼaia.—Lau ia Loma 1:28-32.
3. Kotea te manatu ʼa te tokolahi ʼo ʼuhiga mo natou ʼae ʼe mulimuli ki te ʼu lekula ʼa te ʼAtua?
1 Petelo 4:4) ʼE toe feia pe ia ʼaho nei, tokolahi ʼe natou manatu ko natou ʼae ʼe mulimuli ki te ʼu lekula ʼa te ʼAtua, ʼe natou aga faikehe. Pea tahi, ʼe fakatokaga mai ʼi te Tohi-Tapu, “e fakatagai anai natou” ʼae ʼe mulimuli ki te faʼifaʼitaki ʼa Sesu.—2 Timoteo 3:12.
3 ʼI te temi ʼo te kau ʼuluaki Kilisitiano, neʼe fakafiafia te hahaʼi ʼi tanatou sioʼi ia he ʼu meʼa neʼe ha ai te agamalohi pea mo te ʼu aga heʼe ʼaoga. Kaʼe neʼe mole feia ia te ʼu tisipulo ʼa Sesu, koteʼuhi neʼe natou mulimuli ki te ʼu lekula ʼa te ʼAtua. Koia neʼe “punamauli” ai te hahaʼi ʼi ʼonatou tafaʼaki. Neʼe kotea tona fua? Neʼe vaʼi pea mo fakatagaʼi e te hahaʼi ia te kau Kilisitiano. (“E MAUMAUI E TE U KAUMEA KOVI” TE ʼU AGAMAHANI ʼAOGA
4. He koʼe ʼe mole tonu ke tou ʼoʼofa ki te malamanei?
4 Kapau ʼe tou fia fakahoko ia te finegalo ʼo te ʼAtua, ʼe mole feala ke tou “oofa ki te malamanei, pea mo te u mea ae e mau i te malamanei.” (Lau ia 1 Soane 2:15, 16.) Ko Satana, ia “te atua o te sekulo [peʼe ʼo te tuʼu ʼo te ʼu faʼahiga meʼa aeni],” ʼe ina puleʼi ia te malamanei. Pea ʼe ina fakaʼaogaʼi te ʼu kautahi fakalotu, mo fakapolitike, mo faikoloa pea mo te ʼu tala logo moʼo kakāʼi te hahaʼi. (2 Kolinito 4:4; 1 Soane 5:19) ʼE mole tou loto ke fakahalaʼi tatou e te malamanei, koia ʼae ʼe tonu ai ke tou tekeʼi ia te ʼu fakakaugā kovi. Pea ʼe fakatokaga lelei fenei mai ʼi te Tohi-Tapu: “Aua naa kotou faihala: E maumaui e te u kaumea kovi te u agalelei [peʼe agamahani ʼaoga].”—1 Kolinito 15:33.
5, 6. Ko ai ʼae ʼe mole tonu ke tou fakakaugā ki ai? Kotea tona tupuʼaga?
5 Ke feala hatatou taupau ʼatatou felogoʼi ʼae mo Sehova, ʼe mole tou fakakaugā anai mo he tahi ʼe ko tana agamahani ia te fai ʼo te meʼa ʼe kovi. ʼE kau ki ai te hahaʼi ʼae ʼe natou lau ʼe natou tauhi kia Sehova kaʼe ʼe natou talagataʼa kia te ia. Kapau ʼe fai e te hahaʼi ʼaia ia he agahala mamafa pea ʼe mole natou fakahemala, ʼe tou fakagata anai tatatou fakatahi mo natou.—Loma 16:17, 18.
6 ʼI te agamahani, ʼe loto e te hahaʼi ke leleiʼia pea mo tali natou e ʼonatou kaumeʼa. Koia kapau ʼe tou fakakaugā mo natou ʼae ʼe talagataʼa ki te ʼAtua, ʼe feala ke tou fia fai te ʼu faʼahi ʼae ʼe natou fai. Ohage la, kapau ʼe tou fakakaugā tuʼumaʼu mo natou ʼae ʼe natou fai ni aga heʼe ʼaoga, ʼe feala anai ke tou hage ko natou. Ko he aluʼaga neʼe hoko ki ʼihi ʼi ʼotatou tehina mo tuagaʼane. Pea ko natou ʼae ʼe mole fakahemala, ʼe fakamavae anai natou. (1 Kolinito 5:11-13) Kapau ʼe mole natou fakahemala, pea ʼe feala ke tatau tonatou aluʼaga mo te faʼahi ʼae ʼe talanoa ki ai Petelo.—Lau ia 2 Petelo 2:20-22.
7. Ko ai ʼae ʼe tonu ke tou filifili ke liliu ko ʼotatou kaumeʼa lelei?
7 Logo la ʼe tou fia agalelei ki te hahaʼi fuli, kaʼe ʼe mole tonu ke tou fakakaumeʼa lelei mo natou ʼae ʼe talagataʼa ki te ʼAtua. ʼE mole ko he agafakapotopoto anai mo kapau ʼe lue he koga fale peʼe ko he ʼapi e he Fakamoʼoni ʼa Sehova ʼe selipatea mo he tahi ʼe mole fakaʼapaʼapa pea mole ina maʼuliʼi Maleko 3:35.
te ʼu lekula ʼa Sehova. ʼO toe feia pe, ʼe mole lelei ke fakatahi he Fakamoʼoni ʼa Sehova mo he tahi ʼe mole tauhi agatonu kia Sehova. ʼE maʼuhiga age ia tatatou maʼu te ʼofa ʼo te ʼAtua ʼi te tali ʼo tatou e te hahaʼi ʼae ʼe mole ʼoʼofa ia te ia. Pea ʼe tonu ke tou fakakaumeʼa lelei mo natou pe ʼae ʼe natou fakahoko ia te finegalo ʼo te ʼAtua. Neʼe ui fenei e Sesu: “Ko ae e ina fai te finegalo o te Atua, ko ia aia ko toku tehina, mo toku tuagaane, pea mo taku fae.”—ʼE maʼuhiga age ia tatatou maʼu te ʼofa ʼo te ʼAtua ʼi te tali ʼo tatou e te hahaʼi ʼae ʼe mole ʼoʼofa ia te ia
8. Neʼe fakatupu kovi feafeaʼi ia te ʼu fakakaugā kovi ki te hahaʼi ʼo Iselaele ʼi te temi muʼa?
8 ʼE iku te ʼu fakakaugā kovi ki te malaʼia. Ohage la ko te aluʼaga ʼae neʼe hoko ki te kau Iselaele. ʼI muʼa ʼo tanatou ulu ki te Kele ʼo Te Fakapapau, neʼe foaki e Sehova he ʼu fakatokaga kia natou ʼo ʼuhiga mo te hahaʼi ʼae neʼe kua maʼuʼuli ʼi ai. Neʼe ina ui fenei: “E mole ke punou anai i mua o onatou atua, pea e mole ke tauhi anai kia natou; e mole ke fakatatau anai mo te u aga o te hahai aia, kae e ke maumaui anai natou pea e ke fasifasii anai anatou fakatata. E kotou tauhi anai [kia Sehova], tokotou Atua.” (Ekesote 23:24, 25) Kaʼe tokolahi ʼi te kau Iselaele neʼe natou talagataʼa ki te ʼu fakatotonu ʼa te ʼAtua ʼo mole natou nonofo agatonu ai kia te ia. (Pesalemo 106:35-39) Neʼe kotea tona fua? Ki muli age, neʼe liakī e Sehova te puleʼaga ʼo Iselaele kaʼe neʼe ina filifili ia te kokelekasio Fakakilisitiano ke liliu ko tana hahaʼi.—Mateo 23:38; Gaue 2:1-4.
KOTOU TOKAKAGA KI TE ʼU MEʼA ʼAE ʼE KOTOU LAU PEA MO SISIO KI AI
9. He koʼe ʼe feala ke fakatupu tuʼutamaki te ʼu polokalama ʼi te televisio, mo te ʼu tuʼasila ʼi te Neti pea mo te ʼu tohi?
9 ʼE feala ki te ʼu polokalama ʼi te televisio, mo te ʼu tuʼasila ʼi te Neti pea mo te ʼu tohi, ke ina maumauʼi ʼatatou felogoʼi mo Sehova. Pea neʼe mole fakatuʼutuʼu te ʼu faʼahi ʼaia ke tokoni ki te kau Kilisitiano ke natou tui kia Sehova pea mo ʼana fakapapau. Kaʼe ʼe ina fakalotomalohiʼi te hahaʼi ke natou falala ki te malama agakovi ʼa Satana. Koia ʼe tonu ke tou tokakaga ki te ʼu meʼa ʼae ʼe tou sisio, mo lau peʼe tou fagono ki ai, koteʼuhi ʼe feala ke fakatupu ia tatou “te u holi fakamalama.”—Tito 2:12.
10. Kotea anai ʼae ka hoko ki te haʼuʼaga fuli ʼo te ʼu logo ʼo te malamanei?
10 Kua vave pulihi pe anai ia te malama ʼa Satana pea mo te haʼuʼaga fuli ʼo te ʼu logo fakatupu tuʼutamaki. ʼE ui fenei ʼi te Tohi-Tapu: “E puli te malamanei, mo ona holi foki; kae e nofo o heegata ae e ina fai te finegalo o te Atua.” (1 Soane 2:17) Neʼe toe hiva fenei foki mo te tagata faipesalemo: “E motuhi anai te kau agakovi. . . . E mau e te kau masiva te fenua, pea e natou fiafia lahi i te tokalelei.” Kaʼe ʼe fualoa anai koa? “E mau anai e te kau agatonu te fenua, pea e natou nonofo anai i ai o heegata.”—Pesalemo 37:9, 11, 29.
11. ʼE tokoni feafeaʼi mai ia te ʼAtua ke tou haga nonofo agatonu kia te ia?
11 ʼE mole tatau ia te malama ʼa Satana mo te kautahi ʼa Sehova. ʼE tokoni mai te kautahi ʼa Sehova ke tou maʼu te faʼahiga maʼuli ʼae ʼe ina taki tatou ki te maʼuli heʼe gata. Neʼe faikole fenei ia Sesu kia Sehova: “Koeni te mauli heegata, ke natou iloi koe, ia koe, ko te Atua e tahi mo mooni, pea mo ae nee ke fekaui mai, Sesu-Kilisito.” (Soane 17:3) ʼE fakaʼaogaʼi e Sehova ia tana kautahi ke ina foaki mai ia meʼa fuli ʼae ʼe ʼaoga ke tou iloʼi ai ia ia. Ohage la, ʼe lahi te ʼu nusipepa ʼe tou maʼu, mo te ʼu kaupepa, mo te ʼu tohi, mo te ʼu ʼata viteo pea mo te Neti, ʼe tokoni mai ke tou haga tauhi ki te ʼAtua. Pea ʼe fakatuʼutuʼu tuʼumaʼu e tana kautahi mo te ʼu fono ia kokelekasio ʼe 110 000 tupu ʼi te malamanei katoa. Ko te ʼu moʼoni ʼae ʼe tou ako mai te Tohi-Tapu ʼi te ʼu fono pea mo te ʼu fakatahi lalahi ʼaia, ʼe fakamalohi’i ai ia tatatou tui kia Sehova pea mo ʼana fakapapau.—Hepeleo 10:24, 25.
ʼOHOANA, KAʼE “I TE ʼALIKI” PE
12. Kotou fakamahino ia te fakatotonu Fakatohi-tapu ʼae ke ʼohoana pe “i te Aliki.”
12 Ko te kau Kilisitiano ʼae ʼe fia ʼohoana, ʼe ʼaoga ke natou tokakaga pe ʼe ko ai ʼae ka natou fakatahi anai mo ia. ʼE fakatokaga fenei mai ʼi te Folafola ʼa te ʼAtua: “ʼAua naʼa kotou kaugā ʼamo fakatahi mo te hahaʼi ʼae ʼe mole tui. Koteʼuhi, ʼe fakatahi feafeaʼi te faitotonu pea mo te meʼa noaʼi ʼo te lao? Peʼe feafeaʼi te felogoʼi ʼa te malama pea mo te fakapoʼuli?” (2 Kolinito 6:14, MN) ʼE fakatotonu ʼi te Tohi-Tapu ki te ʼu kaugana ʼa te ʼAtua ke natou ʼohoana pe “i te Aliki,” ko tona fakaʼuhiga, ke natou ʼohoana pe mo he tahi kua ina foaki tona maʼuli kia Sehova mo papitema pea mo mulimuli ki te ʼu lekula ʼa Sehova. (1 Kolinito 7:39) Kapau ʼe kotou ʼohoana mo he tahi ʼe ʼofa kia Sehova, ʼe kotou maʼu ai hokotou hoa ʼe tokoni atu anai ke kotou nonofo agatonu ki te ʼAtua.
Kapau ʼe kotou ʼohoana mo he tahi ʼe ʼofa kia Sehova, ʼe kotou maʼu ai hokotou hoa ʼe tokoni atu anai ke kotou nonofo agatonu ki te ʼAtua
13. Kotea te fakatotonu neʼe foaki e te ʼAtua ki te kau Iselaele ʼo ʼuhiga mo te ʼohoana?
13 ʼE iloʼi e Sehova pe kotea ʼae ʼe lelei kia tatou, pea ko tana fakatotonu ʼae ke tou ʼohoana pe “i te Aliki,” ʼe mole ko he aluʼaga foʼou. Ohage la, tou vakaʼi age muʼa ia te fakatotonu neʼe fai e Sehova ki te kau Iselaele ʼo ʼuhiga mo te hahaʼi ʼae ʼe mole tauhi kia te ia. Neʼe ina ui fenei ʼaki ia Moisese: “E mole ke fai anai he ohoana mo te u puleaga aena: E mole ke foaki anai ou ofafine ki onatou foha, pea e mole ke too anai onatou ofafine ki ou foha; koteuhi e natou fakamaliu anai ou foha maia au, o natou tauhi anai ki ni atua kehe, pea e mu anai te hauhau o [Sehova] kia koutou: pea e ina maumaui fakapunamauli anai koutou.”—Tetelonome 7:3, 4.
14, 15. Kotea ʼae neʼe hoko kia Salomone ʼi tana meʼa noaʼi te fakatotonu ʼa Sehova?
14 Hili pe te fakanofo Hau ʼo Salomone ki Iselaele, neʼe ina kole ia te poto pea neʼe tali e Sehova ia tana faikole. Koia neʼe iloa ai ia Salomone ʼi tona ʼuhiga takitaki poto ʼo he puleʼaga maʼu koloa. Pea ʼi te lahi ʼae ʼo te punamaʼuli ʼo te Hau fafine ʼo Sepa ki te poto ʼo Salomone, neʼe ina ui fenei ki ai: “Nee mole au tui ki ai, ia mua o taku hau o sio mata totonu. Pea koeni, nee mole fakamatala mai kia au tona vaelua. E lahi age tou poto mo tou mau koloa i te mea ae nee au logo ki ai.” (1 Hau 10:7) Kaʼe ʼe tou toe ako mai te faʼifaʼitaki ʼa Salomone, pe kotea ʼae ʼe feala ke hoko mo kapau ʼe meʼa noaʼi e he tahi ia te ʼu fakatotonu ʼa te ʼAtua pea mo ʼohoana mo he tahi ʼe mole tauhi kia Sehova.—Ekelesiasi 4:13.
1 Hau 11:1-6) Neʼe fakahalaʼi ai Salomone e ʼona fakakaugā kovi pea neʼe mole nofo agatonu kia Sehova. Kapau neʼe feala ke hoko ia te aluʼaga ʼaia kia Salomone, pea ʼe feafeaʼi age la kia tatou. Koia, ʼaua pe naʼa tou manatu ke tou ʼohoana mo he tahi ʼe mole ʼofa kia Sehova.
15 Logo la neʼe tapuakinaʼi ia ia e Sehova, kaʼe neʼe talagataʼa ia Salomone ki te fakatotonu ʼa te ʼAtua. Neʼe ʼofa ia Salomone “ki ni fafine toko lahi o ni puleaga kehe,” ʼae neʼe mole tauhi kia Sehova pea neʼe ina maʼu ki muli age ʼona ʼohoana ʼe 700 pea mo fafine ʼe 300 neʼe nonofo feia mo ia. Neʼe kotea ʼona fua? ʼI te temi matuʼa ʼo Salomone, “nee fakamaliu leva e ona ohoana tona loto ki ni ihi ake atua; . . . Pea nee fai leva e Salomone te mea ae e kovi kia mata o [Sehova].” (16. Kotea te tokoni ʼae ʼe foaki ʼi te Tohi-Tapu ki he tahi ʼe ʼohoana mo he tahi ʼe mole tauhi kia Sehova?
16 Kaʼe ʼe feafeaʼi la ki he tahi neʼe liliu ko he kaugana ʼa Sehova ʼe ʼohoana mo he tahi ʼe mole ko he Fakamoʼoni? ʼE ui fenei ʼi te Tohi-Tapu: “Fafine ohoana, kotou fakamalalo i te u mea fuli ki okotou ohoana, koteuhi, kapau e mole fakalogo ni ihi ki te folafola, ke aumai natou ki te tui e te aga a te fafine, hala folafola.” (1 Petelo 3:1) ʼE moʼoni, ʼe toe fakaʼuhiga foki ki he tagata ʼohoana mo kapau ʼe mole tauhi tona ʼohoana kia Sehova. ʼE fakaha lelei ʼi te Folafola ʼa te ʼAtua: ʼE tonu ke kotou liliu ko he tagata peʼe ko he fafine ʼohoana lelei, pea mo kotou maʼuliʼi te ʼu lekula ʼa te ʼAtua ʼo ʼuhiga mo te maʼuli fakataumatuʼa. Pea ka fakatokagaʼi leva e tokotou ʼohoana ia te ʼu fetogi ʼae neʼe kotou fai, ʼe lagi toe fia tauhi anai mo ia kia Sehova. ʼE ko he aluʼaga ia neʼe hoko ki te ʼu taumatuʼa ʼe tokolahi.
KOTOU FAKAKAUGĀ MO NATOU ʼAE ʼE ʼOʼOFA IA SEHOVA
17, 18. Kotea ʼae neʼe tokoni kia Noe ke hao mai te Tulivio? Pea kotea ʼae neʼe tokoni ki te kau ʼuluaki Kilisitiano ke natou hao ʼi te fakaʼauha ʼo Selusalemi?
17 ʼE feala ke fakahalaʼi koutou e te ʼu fakakaugā kovi ke kotou talagataʼa ai kia Sehova, kaʼe ʼe feala ke tokoni atu te ʼu fakakaugā lelei ke kotou nonofo agatonu kia te ia. Pea ko Noe ʼe ko he faʼifaʼitaki lelei kia tatou. ʼI tona temi maʼuli, neʼe “lahi te agakovi a te tagata i te kele,” pea “kua alu pe te manatu fuli o tona loto i te aho fuli ki te mea ae e kovi.” (Senesi 6:5) Neʼe kua lahi fau te agakovi ʼa te hahaʼi, koia ʼae neʼe fakatotonu ai e Sehova ke ina pulihi ia te malama agakovi ʼaia. Kaʼe neʼe kehe te aga ʼa Noe. Koteʼuhi ʼe fakahigoaʼi ia ia ʼi te Tohi-Tapu ko “he tagata agatonu,” neʼe ‘haʼele mo te ʼAtua moʼoni.’—Senesi 6:7-9.
18 Neʼe mole fakakaugā ia Noe mo te hahaʼi ʼae neʼe mole ʼoʼofa ia Sehova. Neʼe maʼumaʼua pea mo tona famili ki te faʼu ʼo te aleka, pea neʼe ko he ‘tagata faifakamafola ʼo te faitotonu.’ (2 Petelo 2:5) Pea neʼe felogoʼi lelei ia Noe, mo tona ʼohoana, mo ʼona foha ʼe toko tolu pea mo ʼonatou ʼohoana. Neʼe natou maʼumaʼua ʼi te fai ʼo te meʼa ʼae ʼe lelei kia mata ʼo te ʼAtua, ʼo feala ai ke natou hao fuli mai te Tulivio. Koia, tou lotofakafetaʼi kia Noe pea mo tona famili koteʼuhi ʼe tou haʼu fuli mai ia natou. Pea neʼe feala ia te faʼahi ʼaia, koteʼuhi neʼe natou fakalogo kia Sehova pea neʼe natou tekeʼi ia te ʼu fakakaugā kovi. ʼO toe feia pe, neʼe mole fakakaugā ia te kau ʼuluaki Kilisitiano mo te hahaʼi ʼae neʼe mole ʼoʼofa ia Sehova. Neʼe natou fakalogo kia Sehova ʼo natou hao ai ʼi te fakaʼauha ʼo Selusalemi ʼi te taʼu 70 H.T.S. *—Luka 21:20-22.
19. Kotea ʼae ka tokoni mai anai ke tou nonofo agatonu kia Sehova?
19 Ohage pe ko Noe, mo tona famili pea mo te kau ʼuluaki Kilisitiano, ʼe mole tou fakakaugā mo he tahi ʼe mole ʼofa ia Sehova. ʼE feala ke tou filifili ʼotatou kaumeʼa ʼi te toko lauʼi miliona tehina mo tuagaʼane. Koteʼuhi ʼe natou tokoni mai anai ke tou “tuu mau i te tui” lolotoga te ʼu temi faigataʼa ʼaeni. (1 Kolinito 16:13; Taaga Lea 13:20) Pea ʼe ko he aluʼaga fakaofoofo anai hatatou hao mai te fakaʼosi ʼo te malama agakovi ʼaeni pea mo tou maʼuʼuli ʼi te malama foʼou ʼa Sehova. Koia ʼofa pe ke tou tekeʼi ia te ʼu fakakaugā kovi ʼi te temi nei.
[Nota]
^ pal. 18 Ko te ʼu mata ʼi tohi ʼaeni H.T.S. ko tona fakaʼuhiga: Hili te Temi ʼo Sesu.