ʼE Feafeaʼi Hatatou Taupau He Manatu ʼe Lelei ʼo ʼUhiga Mo Te Kava?
ʼE Feafeaʼi Hatatou Taupau He Manatu ʼe Lelei ʼo ʼUhiga Mo Te Kava?
NEʼE tou palalau kiā Tony ʼi te ʼuluaki ʼalatike, neʼe feala pē ke ina maʼu ia he tahi age faʼahiga maʼuli, mo kanapau lā neʼe ina tali fakalelei ʼe ko tona fihifihia ia te ʼinu kava fakavalevale. Kae ʼi tana ʼinu lahi te kava kae mole konahia pē lā, lagi ʼi tana manatu ʼe ina lava puleʼi tona maʼuli. He koʼē neʼe hala tana manatu?
Neʼe hala tana manatu ʼuhi pē ko te lahi fau ʼo tana ʼinu kava. Tatau aipē pe neʼe mahino peʼe kailoa ia Tony ki tona fihifihia, kae ko tona ʼuto ʼaē ʼe ina takitaki tona sino, tona ʼatamai, pea mo tona loto, neʼe mole kei lelei tana gāue ʼi te lahi fau ʼo tana ʼinu kava. ʼI te lahi ʼo tana ʼinu, neʼe faigataʼa ki tona ʼuto ia hana fakafuafua lelei ia te ʼu gāue ʼo tona sino kātoa.
Lua tupuʼaga ʼo te manatu hala ʼa Tony, neʼe ko tana holi ʼaē ke ina hoko atu pē ia tana agamāhani ʼaē ko te ʼinu. Ko Allen ʼaē neʼe tou vakaʼi ʼi te ʼu ʼalatike ʼaē kua hili, neʼe mole ina tali ʼi te kamata ʼe ʼi ai tona fihifihia mo te kava. ʼE ina ʼui fakahagatonu fēnei: “ ʼE au fufū anai taku ʼu kava, pea ʼe au fai fakalelei anai pea ʼe au faiga anai ke au meʼa noaʼi taku ʼinu kava fakavalevale. Neʼe ko taku fakatuʼutuʼu pē e tahi, ke au fufū taku ʼu kava.” Logolā te sio ʼaē ʼa ʼihi ko te kava neʼe kua ina puleʼi ia te maʼuli ʼo Tony pea mo Allen, kae neʼe nā ʼui pē nāua ʼe lelei tonā maʼuli. Neʼe ʼaoga ki te ʼu tagata ʼaia e toko lua ke nā fai he puleʼaki mālohi moʼo tāʼofi ia tanā ʼinu. Neʼe koteā ia te puleʼaki ʼaia?
Tou Fai He Fakatuʼutuʼu!
Tokolahi iā nātou ʼaē neʼe natou tuku ia tanatou ʼinu kava fakavalevale he neʼe natou mulimuli ki te ʼu palalau ʼaenī ʼa Sesu: “Koia, kapau ko tou mata mataʼu ʼe ina fakatūkia koe, kapeʼi ia pea ke lī ke mamaʼo iā te koe. Heʼe lelei age kiā te koe ke Mateo 5:29.
puli he koga e tahi ʼo tou ʼu koga ʼi he lī ʼo tou sino kātoa ki te Seʼeni.”—Koia, neʼe mole fakatotonu mai e Sesu ke tou hifi totatou sino. Kae ʼaki he lea fakatā neʼe fakahā lelei mai e Sesu ʼe tonu ke tou tali fakalelei ke tou sītuʼa ki he faʼahi ʼi totatou maʼuli ʼe ina lava fakatupu tuʼutāmaki kiā tātou ʼi te faʼahi fakalaumālie. ʼE moʼoni, ko te fetogi ʼaē kā tou fai ʼe lagi feala ke fakatupu lotomamahi, kae ko he faʼahi ia kā ina puipui anai tātou mai he faʼahiga manatu pea mai he ʼu ʼaluʼaga ʼe feala ke iku ki he fakaʼaogaʼi fakavalevale ʼo te kava. Koia, kapau ʼe fakahā atu e niʼihi kua lahi fau takotou ʼinu kava, pea ʼe tonu ke kotou fai he ʼu puleʼaki moʼo tāʼofi te faʼahi ʼaia. * Kapau ʼe mole kotou lava lolomi takotou ʼinu kava fakavalevale, pea ʼe lagi lelei age pē hona tuku fakalelei. Logolā te fakatupu lotomamahi mokā tuku e he tahi ia tana ʼinu, kae kapau ʼe hoko atu aipē tana ʼinu ke maʼu ai hona fīmālie pea ʼe feala ke tuʼutāmaki ai tona maʼuli.
Tatau aipē mo kapau ʼe mole kotou fakaʼaogaʼi tuʼumaʼu te kava, kae ʼi ihi temi ʼe lahi koa takotou ʼinu? Kapau ko he faʼahi ʼe kotou tautau fai, koteā anai he ʼu puleʼaki ʼe lava tokoni atu ke kotou fakamamaʼo ai mai te kava?
ʼE Kotou Kumi Tokoni Anai Kifea?
1. Kotou tui ki te mālohi ʼo te faikole tuʼumaʼu pea mo fakamālotoloto. ʼE foaki mai ʼi te Tohi-Tapu te tokoni ʼaenī kiā nātou fuli ʼaē ʼe natou fia fakafiafia ia Sehova ʼAtua: “ ʼI te faʼahi fuli, ʼaki te faikole pea mo te ʼu kole mamahi ʼaki te fakafetaʼi, kotou fakahā ki te ʼAtua takotou ʼu kole; pea ko te tokalelei ʼa te ʼAtua, ʼaē ʼe māʼoluga ake ʼi te ʼu manatu fuli, ʼe ina taupau anai tokotou ʼu loto pea mo tokotou ʼu ʼatamai ʼaki ia Kilisito Sesu.” (Filipe 4:6, 7) Koteā ʼaē ʼe feala ke kotou kole moʼo maʼu ia te ʼatamai tokalelei ʼaia?
Ko takotou tali lelei ʼaē ko tokotou fihifihia ia te kava, ʼe fakalogo pē kiā koutou ia te faʼahi ʼaia. Ko takotou fakahā ki te ʼAtua ʼe kotou fia tauʼi ia te fihifihia ʼaia pea ʼe ina tapuakinaʼi anai takotou ʼu faiga ʼaē ke kotou maʼu ia he fīmālie, pea mo kotou tekeʼi ia he tahi age ʼu fihifihia ʼe lahi age. “Ko ʼaē ʼe ina ʼuʼufi tana ʼu agahala ʼe mole tapuakina anai ia, kae ko ʼaē ʼe ina kofesioʼi pea mo situʼa kiai, ʼe fakahā anai kiā ia ia te manavaʼofa.” (Tāʼaga Lea 28:13) Neʼe toe ʼui e Sesu ʼe feala ke tou faikole fēnei: “ ʼAua naʼa ke tuku mātou ki te fakahala, kae ke ke fakamaʼuli mātou mai te agakovi.” (Mateo 6:13; nota ʼi te lalo pāsina) ʼE feafeaʼi hakotou fakaʼalutahi tokotou maʼuli pea mo te ʼu tai faikole ʼaia, pea kofea ʼaē kā kotou maʼu ai anai te ʼu tali ki takotou ʼu kole mamahi ʼaia?
2. Kotou maʼu he mālohi mai te Folafola ʼa te ʼAtua. “Ko te folafola ʼa te ʼAtua ʼe maʼuli pea mo mālohi . . . pea ʼe feala ke ina ʼiloʼi lelei te ʼu manatu pea mo te ʼu fakatuʼutuʼu ʼo te loto.” (Hepeleo 4:12) Tokolahi te hahaʼi neʼe natou ʼinu kava ki muʼa atu, neʼe tokoni kiā nātou tanatou lau pea mo metitāsioʼi te ʼu vaega Fakatohi-tapu ʼo te ʼaho fuli. Neʼe tohi fēnei e te tagata fai pesalemo neʼe manavasiʼi ki te ʼAtua: “Manūʼia te tagata ʼaē neʼe mole haʼele ʼi te tokoni ʼa te kau agakovi, . . . kae ko tona fiafia ʼe ʼi te lao ʼa Sehova, pea ʼi tana lao ʼe ina lau leʼo veliveli ʼi te ʼaho mo te pō. . . . Ko meʼa fuli ʼaē ʼe ina fai ʼe lava anai.”—Pesalemo 1:1-3.
Ko Allen, ʼaē neʼe ako pea mo te kau Fakamoʼoni ʼa Sehova, ʼo ina maʼu ai ia te mālohi ʼaē moʼo tekeʼi tana ʼinu kava fakavale, ʼe ina ʼui fēnei: “ ʼE au ʼiloʼi papau kanapau lā neʼe mole tokoni mai ia te Tohi-Tapu pea mo te ʼu pelesepeto Fakatohi-tapu ke au tuku taku ʼinu, kua au mate nei au.”
3. Kotou fakatuputupu ia he loto lolomi. ʼI te Tohi-Tapu ʼe fakamatala neʼe ʼi ai ʼi te kōkelekāsio Fakakilisitiano ia te hahaʼi neʼe ʼinu kava fakavalevale ki muʼa atu, kae neʼe kua fakamaʼa nātou “ ʼaki te laumālie ʼo totatou ʼAtua.” (1 Kolonito 6:9-11) ʼO feafeaʼi? ʼUluaki, neʼe tokoni kiā nātou ke tuku tanatou kōnahihia pea mo tanatou kau ki te ʼu fakafiafia fakavalevale ʼaki hanatou fakatuputupu ia te loto lolomi, ʼaē ko he kalitātē ʼe maʼu ʼaki te tokoni ʼa te laumālie māʼoniʼoni ʼo te ʼAtua. “ ʼAua naʼa kotou kōnahihia ʼi te vino, ʼaē ʼe maʼu ai te aga fakalialia; kae ke kotou haga fakafonu ia koutou ʼaki te laumālie.” (Efesi 5:18; Kalate 5:21-23) Neʼe fakapapau e Sesu Kilisito ‘ ʼe foaki anai e te Tamai ʼaē ʼi selō ia te laumālie māʼoniʼoni kiā nātou ʼaē ʼe natou kole kiā te ia.’—Luka 11:9, 13.
Ko nātou ʼaē ʼe fia ʼatolasio fakalelei kiā Sehova ʼe feala hanatou fakatuputupu ia te loto lolomi ʼaki hanatou lau pea mo ako ia te Tohi-Tapu, pea mo hanatou faikole tuʼumaʼu ʼaki he loto kātoa. Ke mole tou lotovaivai, tou tali ia te fakapapau ʼaenī ʼe Kalate 6:8, 9.
tou maʼu ʼi te Folafola ʼa te ʼAtua: “Ko ʼaē ʼe ina tō ʼuhi ko te laumālie, ʼe ina utu anai mai te laumālie te maʼuli heʼegata. ʼAua naʼa tou fiu ʼi te fai ʼo te meʼa ʼaē ʼe lelei, heʼe tou utu anai ʼi tona temi totonu, mo kapau ʼe mole tou fiu.”—4. Kotou fili he ʼu fakakaugā ʼe lelei. “Ko ʼaē ʼe haʼele mo te kau poto ʼe liliu anai ia ʼo poto, kae ko ʼaē ʼe fakatahi mo te kau vale, ʼe fua kovi anai kiā ia.” (Tāʼaga Lea 13:20) Kotou tala ki tokotou ʼu kaumeʼa takotou loto moʼoni ʼaē ke kotou fakamamaʼo mai te kava. Logolā ia te fakatokaga mai ʼi te Folafola ʼa te ʼAtua mokā kotou fakafisi ki ‘te ʼinu fakavalevale ʼo te vino, mo te ʼu fakafiafia fakavalevale, pea mo te ʼu konahia,’ ko ʼihi fakakaugā ʼāfea ʼe natou “punamaʼuli [anai] pea natou talanoa kovi ʼo ʼuhiga mo koutou.” (1 Petelo 4:3, 4) Kotou fakagata takotou fakakaugā mo te hahaʼi ʼaē ʼe mole lagolago atu anai kiā koutou ki te fakagata ʼaē ʼo takotou ʼinu kava.
5. Kotou fakafuafua lelei takotou ʼinu. “Kotou fakagata takotou muliʼi te tuʼu ʼo te ʼu faʼahiga meʼa ʼaenī, kae ke kotou fetogi ia koutou ʼo fakafoʼou tokotou ʼatamai, ke feala ai hakotou ʼiloʼi papau peʼe koteā te finegalo ʼo te ʼAtua, tona lelei, tona tali lelei, pea mo tona haohaoa.” (Loma 12:2) Kapau ʼe kotou tuku ia te ʼu pelesepeto ʼo te Folafola ʼa te ʼAtua ke tokoni atu kiā koutou, kae ʼaua naʼa kotou tuku ia tokotou ʼu kaumeʼa peʼe ko “te tuʼu ʼo te ʼu faʼahiga meʼa ʼaenī” ke natou fai te faʼahi ʼaia, ʼe kotou maʼu ai anai ia te faʼahiga maʼuli ʼaē ʼe leleiʼia e te ʼAtua. Kae ʼe feafeaʼi hakotou lava fakafuafua ia te ʼu tuʼakoi ʼo takotou ʼinu?
Kapau kua haga ia te kava ʼo pulihi māmālie tokotou ʼatamai pea mo fakavaivaiʼi tokotou ʼu fealagia fakakaukau, pea ʼi te temi ʼaia kua fakaʼuhiga kua lahi takotou ʼinu. Koia, kapau e kotou fakatotonu ke kotou ʼinu, ʼe lelei age hakotou fakagata tautonu takotou ʼinu, ke ʼaua naʼa kotou aʼu ki te temi ʼaē ʼe mole kei ʼiloʼi ai peʼe kua kotou konahia peʼe kailoa. Kotou tōkakaga ʼo tuku fakalelei ia takotou ʼinu. Kotou fai he tuʼakoi ki takotou ʼinu ke mole feala ai hakotou tō ki te ʼinu kava fakavalevale.
6. Kotou popoto ʼi te fakafisi. “Ke fakaʼuhiga lelei takotou ʼEī ko te ʼEī, pea ko takotou ʼOho, Mateo 5:37) Kotou fakafisi ʼaki he aga fakaʼapaʼapa ki he ʼu fakaafe fakakinau ʼa he tahi ʼe agalelei kae ʼe feala ke fua kovi kiā koutou. “Kotou fai ke lelei tuʼumaʼu takotou ʼu palalau pea ke konakonaʼi ʼaki te māsima, ke kotou ʼiloʼi te tali ʼaē ʼe tonu ke kotou fai ki te hahaʼi takitokotahi.”—Kolose 4:6.
ko te ʼOho.” (7. Kotou kumi tokoni. Kotou kole tokoni ki he ʼu kaumeʼa ʼe feala anai ke tokoni atu ke kotou lava tuku takotou ʼinu pea mo tokoni atu ʼi te faʼahi fakalaumālie. “ ʼE lelei age he toko lua ʼi he tokotahi, heʼe lelei tonā totogi ʼi tanā gāue kinakina. Heʼe kapau ʼe tō he tahi iā nāua, ʼe feala ki ʼaē ke ina fakatuʼuake tona hoa.” (Tagata Tānaki 4:9, 10; Sake 5:14, 16) ʼE toe tokoni fēnei mai ia te kautahi (Institut national américain pour la prévention de lʼalcoolisme): “ ʼE lagi faigataʼa ʼi ʼihi temi ia te fakagata ʼo takotou ʼinu. Kotou kolekole ki tokotou fāmili pea mo tokotou ʼu kaumeʼa ke tokoni atu ke lava lelei takotou fakatuʼutuʼu ʼaē ke tuku takotou ʼinu.”
8. Kotou taupau maʼu ia takotou loto moʼoni ʼaē ke tuku takotou ʼinu. “Ke kotou liliu ko he ʼu hahaʼi ʼe natou maʼuliʼi te folafola, kae mole ko he ʼu hahaʼi ʼe natou fagono pē kiai, ʼo kotou kākāʼi pē ia koutou totonu ʼaki he ʼu fakakaukau hala. Ko ia ʼaē ʼe sio loloto ki te lao haohaoa ʼo te ʼāteaina, pea mo haga nofo ai, ko te tagata ʼaia ʼe fiafia anai ʼi tona maʼuliʼi, koteʼuhi ʼe mole ko he tagata fagono ʼe loto galogalo, kae ko he tahi ʼe ina fai te gāue.”—Sake 1:22, 25.
ʼĀteaina Mai Te Maʼuli Pōpula ʼAē Ki Te Kava
ʼE mole ko te hahaʼi fuli ʼaē ʼe ʼinu kava fakavalevale ʼaē ʼe natou liliu ko he ʼu hahaʼi ʼe ʼinu kava tuʼumaʼu. Kae ko ʼihi ʼe natou ʼinu kava fakavalevale—peʼe ʼinu tuʼumaʼu—ʼo natou manako ai ki te kava. Mai tona ʼaluʼaga ʼaē, ko te manako ki te kava ʼe fakaʼuhiga kua pōpula te sino pea mo te ʼatamai ki he meʼa mālohi, ʼo ʼaoga ai ki te hahaʼi ʼaia ia he meʼa ʼe mālohi age pea mo he tokoni fakalaumālie ke natou ʼāteaina ai mai te kava. ʼE manatuʼi e Allen: “ ʼI te temi ʼaē neʼe au lolotoga tuku ai ia taku ʼinu, neʼe au logoʼi ʼi toku kakano ia te toe mamahi lahi ʼi taku mole kei ʼinu haku moʼi kava. ʼO mahino ai kiā au ia te ʼaoga ʼaē ke fai hoku faitoʼo, neʼe mole feʼauga pē ia te tokoni fakalaumālie ʼaē neʼe au maʼu.”
ʼE lahi te hahaʼi ʼinu ʼe ʼaoga kiā nātou he faitoʼo moʼo fakamālohiʼi tanatou tau fakalaumālie ʼaē ke * Ko ʼihi ʼe tonu ke leletakiʼi ki te lōpitali ʼuhi ko te fia fai ʼaē ia tonatou sino ki he moʼi kava peʼe ke foaki age kiā nātou he faitoʼo moʼo tekeʼi ia tanatou fia ʼinu kava pea mo tokoni kiā nātou ke natou fakamamaʼo mai te kava. Ko te ʼAlo ʼo te ʼAtua ʼaē neʼe fai milakulo neʼe ina ʼui fēnei: “ ʼE mole ko te hahaʼi mālolohi ʼaē ʼe ʼaoga ki ai he tōketā, kā ko te hahaʼi māhahaki.”—Maleko 2:17.
natou ʼāteaina mai te kava pea mo natou fakamamaʼo mai te fakaʼaogaʼi fakavalevale ʼo te kava.Te ʼu Fua Lelei ʼo Te Fakalogo ʼAē Ki Te ʼu Fakatotonu ʼa Te ʼAtua
Ko te tokoni fakapotopoto ʼi te Tohi-Tapu ʼo ʼuhiga mo te kava ʼe hau mai te ʼAtua moʼoni, ʼaē ʼe loto ke tou maʼuli fīmālie ʼi te temi nei kae ke tou toe maʼu he ʼu tapuakina fualoa. Kua taʼu fāgofulu-mā-fā ia te tuku ʼo te ʼinu kava ʼa Allen, pea ʼe ina manatuʼi fēnei: “Neʼe ko he meʼa fakaofoofo taku ʼiloʼi ʼaē neʼe feala haku fetogi ia toku maʼuli, ʼo fēia mo taku ʼiloʼi ʼaē ia te loto ʼo Sehova ke tokoni mai ke au fakatonutonuʼi ia te meʼa ʼaē ʼe kovi ʼi toku maʼuli, he ko ia ʼaē . . . ” pea nofo fakalogologo ia Allen he neʼe fia tagi ʼi tana manatuʼi ia te temi ʼaia. “ ʼE mole he kupu ʼe au maʼu ʼi taku ʼiloʼi ʼaē ko Sehova ʼe loto mahino pea mo loto tokaga pea mo ina foaki mai te tokoni ʼaē ʼe ʼaoga kiā tātou.”
Koia, kapau ko hokotou fihifihia ia te kava, ʼaua takotou foimo ʼui ʼe mole kei feala hakotou tuku te faʼahi ʼaia peʼe kotou ʼui ʼe mole kei ʼi ai he puleʼaki kiai. Ko Allen pea mo ʼihi atu hahaʼi neʼe hagē pē tonatou ʼaluʼaga ko koutou, pea ko te ʼu puleʼaki ʼaē neʼe natou fai, neʼe natou tuku māmālie tanatou ʼinu pe neʼe natou fakagata ʼosi tanatou ʼinu. Neʼe mole natou fakahemala, ʼe mole kotou fakagata anai koa lā te ʼinu kava fakavalevale?
Peʼe kotou fakatotonu takitokotahi ke kotou ʼinu fakapotopoto peʼe ke mole kotou ʼinu, kotou fakatokagaʼi te fakamanatu ʼofa ʼa te ʼAtua: “Ke fēia age lā ʼe ke tokagaʼi moʼoni taku ʼu fakatotonu! Ko tau tokalelei ʼe liliu anai ohagē ko he vaitafe, pea ko tau faitotonu ʼe liliu anai ohagē ko te ʼu peau ʼo te tai.”—Isaia 48:18.
[ʼU nota]
^ Vakaʼi ia te fakamatala ʼaē ʼe ʼātakai “ ʼE Au Maʼu Koa Te Loto Lolomi Mokā Au ʼInu Kava?” ʼi te pāsina 8.
^ ʼE lahi te ʼu fale faifaitoʼo, mo te ʼu lōpitali, pea mo te ʼu fakatuʼutuʼu faitoʼo ʼe feala ke tokoni ki te faʼahiga ʼaia. Ko te ʼu Tule Leʼo ʼe mole ina fakamālohiʼi he faʼahiga faifaitoʼo. ʼE ʼa tātou takitokotahi te vakaʼi fakalelei he faʼahiga faifaitoʼo pea ʼosi ʼaia tou fai ia he tonu ʼe mole fakafeagai mo te ʼu pelesepeto ʼo te Tohi-Tapu.
[Talanoa/Paki ʼo te pasina 8]
ʼE Au Maʼu Koa Te Loto Lolomi Mokā Au ʼInu Kava?
ʼE feala ke kotou fai kiā koutou ia te ʼu fehuʼi ʼaenī:
• Kua lahi age koa ia taku ʼinu kava ʼi te agamāhani?
• Kua au ʼinu tuʼumaʼu age koa ʼi te agamāhani?
• Kua mālohi age koa te ʼu kava ʼaē ʼe au ʼinu?
• ʼE au ʼinu koa ke feala ai haku galoʼi ia toku lotohoha peʼe ko toku ʼu fihifihia?
• Kua tokoniʼi mai koa au e hoku kaumeʼa peʼe ko he tahi ʼi toku fāmili ʼo ʼuhiga mo taku ʼinu kava?
• ʼE au fihifihia koa mo toku loto fale, mo taku gāue peʼe ko te temi ʼaē ʼe au taki motokā ai ʼuhi pē ko te kava?
• ʼE faigataʼa koa kiā au haku mole ʼinu ʼi he vāhaʼa?
• ʼE au ufiufi koa mokā ʼe mole ʼinu kava ʼihi?
• ʼE au fufū koa ki ʼihi taku ʼinu kava lahi?
Kapau ʼe kotou ʼio ki he fehuʼi e tahi peʼe laka atu, ʼe ʼaoga anai ke kotou fai he ʼu fakatuʼutuʼu ke kotou maʼu te loto lolomi mokā ʼe kotou ʼinu kava.
[Talanoa/Paki ʼo te pasina 9]
ʼE Feafeaʼi Anai Hatatou Fai He ʼu Tonu ʼe Fakapotopoto ʼo ʼUhiga Mo Te Kava?
ʼI muʼa ʼo te ʼinu ʼo he moʼi kava, kotou fakakaukauʼi age muʼa:
• ʼE lelei koa kiā au te ʼinu kava peʼe tonu anai koa ke au fakamamaʼo mai ai?
Te tokoni: Ki he tahi ʼe mole ina lava tāʼofi tana ʼinu kava, ʼe tonu anai ke fakamamaʼo mai ai.
• Ko ʼipu kava ʼe fia ʼe tonu ke au ʼinu?
Te tokoni: Fai he tuʼakoi ʼo takotou ʼinu ia te kava ʼi muʼa ʼo he pulinoa ʼo tokotou ʼatamai.
• Ko te temi fea ʼaē ʼe tonu ai anai ke au ʼinu kava?
Te ʼu tokoni: ʼE mole tonu ke kotou ʼinu ʼi muʼa ʼo takotou ʼuli motokā peʼe ʼi muʼa ʼo hakotou fai he ʼu gāue ʼe fakamaʼua kiai he loto tokaga; peʼe ʼi muʼa ʼo hakotou fai he ʼu gāue fakateokalatike, peʼe ko he fafine ʼe faitama peʼe kotou toʼo he ʼu faitoʼo.
• Ko te koga meʼa fea ʼaē ʼe tonu ai anai ke au ʼinu kava?
Te ʼu tokoni: ʼI he ʼaluʼaga ʼe mole feala ai anai hakotou ʼinu kava fakafufū, kae ʼaua naʼa kotou ʼinu ʼi muʼa ʼo he ʼu hahaʼi ʼe ko honatou vaivaiʼaga ʼaia.
• Ko ai anai ʼaē kā ʼinu mo au?
Te’ u tokoni: Ko he ʼu kaumeʼa pea mo he ʼu kāiga ʼe feala anai hanatou tokoni atu ke kotou ʼinu fakapotopoto, kae ʼaua naʼa kotou ʼinu mo niʼihi ʼe natou ʼinu kava fakavalevale.
[Talanoa/Paki ʼo te pasina 10]
ʼE Tokoni Te Folafola ʼa Te ʼAtua Ki Te Tagata Neʼe ʼInu Kava Fakavalevale
Ko Supot, ʼi Tailani, neʼe ʼinu kava fakavalevale. ʼI te kamata, neʼe ʼinu pē ia ʼi te ʼu afiafi. Pea ʼaki te temi neʼe kua ʼinu leva ia ʼi te ʼuhu fuli, ʼo toe fēia ʼi te ʼu temi kai. Neʼe ʼinu pē ia ke konā. Kae neʼe ina kamata ako leva ia te Tohi-Tapu pea mo te kau Fakamoʼoni ʼa Sehova. ʼI tana ʼiloʼi ʼaē ko Sehova ʼAtua ʼe mole ina tali te hahaʼi ʼinu kava fakavalevale, neʼe tuku ai leva e Supot tana ʼinu. Kae hili ʼaia te kiʼi temi, pea neʼe toe tō ki te ʼinu. Neʼe lotomamahi ʼaupitō ai ia tona fāmili.
Kae neʼe kei ʼofa pē ia Supot kiā Sehova pea neʼe fia tauhi fakalelei kiā te ia. Ko te ʼu kaumeʼa ʼo Supot neʼe natou tokoni aipē kiā ia pea mo natou fakalotomālohiʼi tona ʼohoana pea mo tanā ʼu toe e toko lua ke lahi age te temi ʼaē ke natou nonofo ai mo ia pea ke natou tokoniʼi ia ia ke mole lotovaivai. ʼI temi ʼaia, ko te ʼu palalau fakahagatonu ʼaē ʼe tou maʼu iā 1 Kolonito 6:10, ‘ko te hahaʼi kōnahihia ʼe mole natou maʼu anai ia te puleʼaga ʼo te ʼAtua’ neʼe tokoni kiā Supot ke mahino ki te kovi ʼaē ʼo tona maʼuli. Neʼe mahino kiā ia ʼe tonu ke faiga mālohi ke ina tauʼi tona fihifihia ʼaē ʼo ʼuhiga mo te kava.
Neʼe kua fakatotonu leva e Supot ʼi te temi ʼaia ke ina tuku ʼosi ia tana ʼinu. Ki muli age, ʼaki te mālohi ʼo te laumālie māʼoniʼoni ʼo te ʼAtua, mo te takitaki ʼa te Folafola ʼa te ʼAtua, pea mo te tokoni ʼo tona fāmili pea mo te kōkelekāsio, neʼe maʼu ai e Supot ia te mālohi fakalaumālie moʼo tauʼi tana holi ʼaē ki te kava. Neʼe fiafia tona fāmili ʼi te temi ʼaē neʼe papitema ai ʼo foaki ai ia tona maʼuli ki te ʼAtua. ʼI te temi nei kua fiafia ia Supot ʼi tana maʼu he ʼu felōgoi lelei pea mo te ʼAtua ʼaē neʼe loto tuʼumaʼu kiai, pea ʼe ina fakaʼaogaʼi tona temi ke tokoni ki niʼihi ʼi te faʼahi fakalaumālie.