ʼE ʼIfea Koa Te ʼAtua?

LAU

ʼE ʼIfea Koa Te ʼAtua?

ʼAho 11 ʼo Sepetepeli 2001: ʼI te hola 8:46, neʼe fakapaʼulu te vakalele ki te tule noleto ʼo te World Trade Center ʼi te Kolo ʼo New York, pea neʼe ko te kamataʼaga ʼaia ʼo te ʼu ʼohofi fakapō agamālohi. ʼI te ʼu minuta e 102 ʼaē neʼe muli mai kiai, neʼe mamate ai te teitei toko 3 000 hahaʼi.

ʼAho 26 ʼo Tesepeli 2004

Neʼe hoko te mafuike mālohi ʼaupitō ʼi te Tai Initia, pea mafuta ake ai te ʼu peau fakamataku neʼe natou aʼu ki te ʼu fenua e 11, ʼo kau ai ia Afelika, ʼaē ʼe vaha mamaʼo iā kilometa e 5 000. ʼI te ʼaho ʼaia, ko te hahaʼi e toko 150 000 neʼe mamate pe neʼe pupuli, pea ko te hahaʼi e toko miliona tupu neʼe mole kei ʼi ai honatou ʼapi.

ʼAho 1 ʼo ʼAukusitō 2009: Ko te tagata taʼu 42 mo tona foha ʼaē ʼe taʼu 5, ʼe nā gaoʼi ʼi te foʼi masini ʼe ʼalu ʼi te vai, ko te jet-ski, pea neʼe nā ʼī ki te fale papa ʼi te kauvai. Neʼe mate ai te tamai. Ko tona foha neʼe maʼuli kae neʼe mate leva ia ʼi te ʼaho ake. Neʼe ʼui fēnei e te tahi ʼo te fāmili: “Neʼe matou fakaʼamu ʼe toe lelei anai pea ʼe hoko anai he milakulo.”

Kā kotou lau he ʼu ʼohofi fakapō peʼe ko he ʼu tuʼutāmaki fakanātulā peʼe kā hoko kiā koutou he ʼaluʼaga fakaʼofaʼofa, ʼe kotou feʼekeʼaki koa peʼe sio ifo koa te ʼAtua ki te ʼu meʼa ʼaē ʼe hoko? ʼE kotou feʼekeʼaki koa peʼe kua ina liʼaki tātou? ʼE tou vakaʼi anai te tali fakalotofīmālie ʼaē ʼe foaki mai ʼi te Tohi-Tapu.

[Haʼuʼaga ʼo te ʼu paki pasina 3]

PRAKASH SINGH/AFP/Getty Images

TE TULE LE’O