Kotea tau manatu?

• ʼEi

• ʼOho

• Mahalo pe

ʼE ui ʼi te Tohi-Tapu

“E au iloi e faitotonu [Sehova] ki ae e mamahi, e agatonu ia ia ki te kau masiva.” (Pesalemo 140:13) ʼE ʼaumai anai e te Puleʼaga ʼo te ʼAtua ia te faitotonu ki te kele.

Kotea ʼae ʼe toe ui ʼi te Tohi-Tapu?

• ʼE sio te ʼAtua ki te ʼu aga heʼe faitotonu ʼae ʼi te malamanei pea ʼe ina pulihi anai. —Ekelesiasi 5:7.

• Ko te faitotonu ʼa te ʼAtua, ʼe ina ʼaumai anai te tokalelei mo te maʼuli fimalie ki te kele.—Esaia 32:16-18.

Ko ʼihi hahaʼi ʼe natou manatu ko te ʼAtua ʼe ina tapuakinaʼi peʼe tauteaʼi ia he faʼahiga hahaʼi. Kaʼe ko ʼihi ʼe natou manatu, ʼe ʼofa fakatatau te ʼAtua ki te hahaʼi fuli. Kotea tau manatu?

ʼE ui ʼi te Tohi-Tapu

“ ʼE mole fakapalatahi te ʼAtua, kaʼe ʼi te ʼu puleʼaga fuli pe, ko te tagata ʼae ʼe manavasiʼi kia te ia pea mo ina maʼuliʼi te faitotonu, ʼe ina tali leleiʼi ia ia.” (Gaue 10:34, 35) ʼE mole fakakehekeheʼi e te ʼAtua ia te hahaʼi fuli.

Kotea ʼae ʼe toe ui ʼi te Tohi-Tapu?

• ʼE maʼu ʼi te Tohi-Tapu ia he “logo lelei” ki “te ʼu puleʼaga fuli, mo te ʼu telepi fuli, mo te ʼu lea fuli, pea mo te hahaʼi fuli.” —Fakaha 14:6.