HEKA’AGA Kotou manatuʼi ʼokotou tehina mo tuagaʼane. Kotou taʼofi pe te ʼu hekaʼaga ʼo tokotou kiʼi famili, pe ʼe ko natou ʼae ʼe nonofo ʼio koutou, peʼe ko natou ʼae neʼe kotou kaugā ʼomai fakatahi mo natou peʼe ko ʼokotou kau ako. ʼAua naʼa kotou tuku he meʼa ʼi te hekaʼaga.

KAU GAUE Kapau ʼe kotou fia lagolago ki te ʼu gaue ʼo te fakatahi, kotou olo ki te selevisi ʼae ʼe tokaga ki te kau gaue.

MEʼA NEʼE MAʼU Ko te ʼu meʼa fuli ʼae ʼe maʼu ʼe tonu ke ʼave ʼo tuku ki te selevisi ʼaia. Koia kapau neʼe puli hakotou meʼa kotou olo ki te selevisi ʼaia. Kapau neʼe puli hakotou kiʼi fanau ʼe kotou olo anai ki te selevisi ʼaia. Kae ʼe lelei age ke kotou taupau lelei ʼakotou fanau pea mo leʼoleʼo lelei natou.

MEʼA ʼOFA Neʼe teuteuʼi te fale ʼo te fakatahi ke maʼu feʼauga ia te ʼu hekaʼaga pea mo te ʼu fakatagi ke feala ai ke tou fakahoko lelei tatatou tauhi kia Sehova. Neʼe ʼaoga he toe falā lahi moʼo fakapaʼaga te ʼu koga fuli ʼaia. Koia ʼe ʼaoga ʼokotou meʼa ʼofa moʼo totogi te ʼu maʼua ʼaia pea mo lagolago ki te ʼu gaue ʼa te kautahi ʼi te malamanei katoa. Koia neʼe fakapipiki ai te ʼu puha meʼa ʼofa ʼi te ʼu kaupa ʼo te Fale Fono. ʼE toe feala pe ke kotou fai ni meʼa ʼofa ʼi te Neti ʼi te donate.pr418.com. ʼE fakafetaʼi atu ki ʼokotou meʼa ʼofa. ʼE fia fakamalo atu te Kolesi Pule ki takotou lagolago lelei ki te ʼu gaue ʼe te Puleʼaga ʼo te ʼAtua.

PAPITEMA ʼE taʼofi anai te ʼu hekaʼaga ʼo te kau papitema ʼi te muʼa faiakonakiʼaga. ʼE tonu anai kia natou ʼae ka papitema ke natou heheka ai ʼi te Moeaki uhu ʼi muʼa ʼo te kamata ʼo te akonaki ʼo te papitema. ʼE tonu anai ke tahi haʼu mo tona tauveli pea mo hona teu maʼanu ʼe fakapoipoi.

SELEVISI HAOFAKI MAʼULI ʼE tokaga pe te selevisi ʼaia ki te ʼu tuʼutamaki ʼae ʼe hoko fakafokifa.

SELEVISI TALI KAIGA ʼE feala ke tokoni atu te ʼu tehina ʼae ʼe gaue ʼi te selevisi tali kaiga. ʼE kolekole atu ke kotou mulimuli fakalelei ki tanatou takitaki ʼi te ʼu taulaga motoka, peʼe ko takotou feoloʼaki ʼi te fale ʼo te fakatahi, peʼe ko takotou taʼofi ʼokotou hekaʼaga.