FAʼAHI 7
Mai Te Fakatuʼuake ʼo Sesu ʼo Aʼu Ki Te Pilisoniʼi ʼo Paulo
ʼI te tolu ʼaho ki te hili ʼo tona mate, neʼe fakatuʼuake ia Sesu. ʼI te ʼaho ʼaia neʼe hā tuʼa nima ia ia ki tana ʼu tisipulo ʼi te ʼu lakaga kehekehe. Neʼe hoholo atu te hā ʼa Sesu kia nātou ia ʼaho e 40. Pea lolotoga tona sioʼi e tana ʼu tisipulo, neʼe hake ia Sesu ki selo. Hili kiai ʼaho e hogofulu pea neʼe folahi ifo e te ʼAtua tona laumālie maʼoniʼoni ki te ʼu tisipulo ʼa Sesu ʼaē neʼe atalitali ʼi Selusalemi.
Ki muli age, neʼe pilisoniʼi te kau ʼapositolo e te ʼu fili ʼo te ʼAtua, kae neʼe faka ʼāteaina nātou e te ʼaselo. Neʼe taumakaʼi te tisipulo ko Setefano e tona ʼu fili. Kae ʼe tou ako ai pe neʼe fili feafeaʼi e Sesu te tahi ʼi te kau fakafeagai ʼaia ke liliu ko tana kaugana makehe, pea neʼe liliu ko te ʼapositolo ko Paulo. Pea ʼi te hili ʼo taʼu e tolu vaelua ki te mate ʼo Sesu, neʼe fekauʼi e te ʼAtua ia te ʼapositolo ko Petelo ke ʼalu ʼo fai faka mafola ki te tagata ʼe mole ko he Sutea ko Kolonelio pea mo tona loto fale.
Hili kiai taʼu e 13 pea neʼe hoko ai te ʼuluaki folau fai faka mafola ʼa Paulo. ʼI tana lua folau neʼe kau ki ai ia Timoteo. ʼE tou ako ai te ʼu fakamatala mālie neʼe hoko kia Paulo pea mo tona ʼu kaugā fagona ʼi tanatou gāue ʼaē ki te ʼAtua. Pea neʼe pilisoniʼi ia Paulo ʼi Loma. Hili kiai taʼu e lua pea fakamavae ia ia mai te fale pilisoni, pea neʼe toe pilisoniʼi pea neʼe matehi ai leva. Ko te ʼu meʼa ʼaē ʼe talanoa kiai te Faʼahi FITU neʼe hoko ia taʼu e 32.
IN THIS SECTION
HISITOLIA 102
Kua Toe Maʼuli Ia Sesu
HISITOLIA 103
ʼI Te Kogafale ʼAē Neʼe Fakamaʼumaʼu
HISITOLIA 104
ʼE Toe Liliu Ia Sesu Ki Selo
HISITOLIA 105
ʼE Nātou Talitali ʼi Selusalemi
HISITOLIA 106
ʼE Faka ʼĀteaina Ia Nātou Mai Te Fale Pilisoni
HISITOLIA 107
Neʼe Nātou Taumakaʼi Ia Setefano
HISITOLIA 108
ʼI Te Ala ʼo Tamaso
HISITOLIA 109
ʼE ʼAʼahi e Petelo Ia Kolonelio
HISITOLIA 110
Neʼe Tokoni Ia Timoteo Kia Paulo
HISITOLIA 111
Ko Te Tama Neʼe Māʼumoea
HISITOLIA 112
Neʼe Hoko Te Afā ʼi Te Motu
HISITOLIA 113