FAʼAHI 8
ʼE Hoko Moʼoni Te ʼu Meʼa ʼAē ʼe Fakakikite e Te Tohi-Tapu
ʼE mole gata pe te fakahā e te Tohi-Tapu te ʼu meʼa ʼaē neʼe hoko moʼoni ʼi te temi muʼa, kae ʼe ina toe fakahā mai foki mo te ʼu meʼa ka hoko anai ʼi te temi ka haʼu. ʼE mole feala ke fakahā e te tagata ia te ʼu meʼa ʼaē ka hoko ʼi te ka haʼu. Ko te tupuʼaga la ʼaia ʼo tatatou ʼiloʼi ʼaē ʼe haʼu te Tohi-Tapu mai te ʼAtua. Koteā koa te ʼu meʼa ʼaē ʼe fakahā mai e te Tohi-Tapu ʼo ʼuhiga mo te ka haʼu?
ʼE talanoa te Tohi-Tapu ki te tau lahi ʼe fakahoko anai e te ʼAtua. ʼI te tau ʼaia ʼe fakamaʼa anai e te ʼAtua te kele mai te agakovi fuli pea mo te hahaʼi agakovi, kae ʼe ina puipui anai ia nātou ʼaē ʼe tauhi kia te ia. Ko Sesu Kilisito te hau ʼaē neʼe fakanofo e te ʼAtua, ʼe ina fai anai ke maʼu e te kau kaugana ʼa te ʼAtua te tokalelei pea mo te fiafia, pea ʼe mole nātou toe mahahaki anai pea mo mamate anai.
ʼE mole tou fiafia koa la ʼi tatatou ʼiloʼi ʼaē ʼe fakatuʼu anai e te ʼAtua te palatiso foʼou ʼi te kele? Kae ʼe tonu ke tou fai he meʼa mo kapau ʼe tou fia maʼuʼuli ʼi te palatiso ʼaia. ʼI te hisitolia fakaʼosi ʼo te tohi ʼaenī, ʼe tou vakaʼi anai te meʼa ʼaē ʼe tonu ke tou fai ke tou maʼu ai te ʼu meʼa taulekaleka ʼaia, ʼaē ka foaki anai e te ʼAtua maʼa nātou ʼaē ʼe tauhi kia te ia. Koia koutou lau te Faʼahi VALU pea ʼe koutou ʼiloʼi ai anai te ʼu meʼa ʼaē neʼe fakakikite e te Tohi-Tapu ʼo ʼuhiga mo te ka haʼu.
IN THIS SECTION
HISITOLIA 114
Ko Te Fakaʼosi ʼo Te Agakovi Fuli
HISITOLIA 115
Ko He Palatiso Foʼou ʼi Te Kele
HISITOLIA 116