Te ʼu Fehuʼi Ki Te Ako ʼo Te Tohi ʼo Te ʼu Hisitolia Faka Tohi-Tapu
Te ʼu Meʼa ʼAē ʼe Kamata Fakatupu e Te ʼAtua
1. Ko ai ʼaē neʼe ina faʼu ia meʼa fuli? Koutou tuku mai he faʼifaʼitaki.
2. Koteā ʼaē neʼe ʼuluaki fakatupu e te ʼAtua?
3. He koʼe neʼe maʼuhiga ʼaupito ia te ʼuluaki ʼāselo?
4. Koutou fakamahino pe neʼe feafeaʼi te kele ʼi te kamataʼaga. (Vakaʼi ʼi te pāki.)
5. Neʼe teuteuʼi feafeaʼi e te ʼAtua ia te kele maʼa te ʼu manu pea mo te hahaʼi?
Te Tahi ʼu Fehuʼi:
1. Lau ia Selemia 10:12.
Ko te ʼu kalitātē fea ʼo te ʼAtua ʼaē ʼe hā ʼi te ʼu meʼa ʼaē neʼe ina fakatupu? (Isa. 40:26; Loma 11:33)
2. Lau ia Kolose 1:15-17.
Koteā te gāue ʼa Sesu ʼi te fakatupu, pea ʼe tonu ke malave feafeaʼi kiā tatou te faʼahi ʼaia? (Kol. 1:15-17)
3. Lau ia Senesi 1:1-10.
(a) Neʼe kamata feafeaʼi mai ia te kele? (Sen. 1:1)
(b) Koteā ʼaē neʼe hoko ʼi te ʼuluaki ʼaho fakatupu? (Sen. 1:3-5)
(c) Koutou fakamatala te meʼa ʼaē neʼe hoko ʼi te lua ʼaho fakatupu. (Sen. 1:7, 8)
Ko He ’Ōloto Taulekaleka
1. Neʼe teuteuʼi feafeaʼi e te ʼAtua ia te kele ke feala hatatou nofoʼi?
2. Koutou laulau mai ʼihi ʼu manu ʼi te ʼu manu ʼaē neʼe fakatupu e te ʼAtua. (Vakaʼi ʼi te pāki.)
3. Koteā ʼaē neʼe makehe ia te ʼōloto ʼo Eteni?
4. Neʼe loto e te ʼAtua ke liliu ʼo feafeaʼi ia te kele kātoa?
Te Tahi ʼu Fehuʼi:
1. Lau ia Senesi 1:11-25.
(a) Koteā ʼaē neʼe fakatupu e te ʼAtua ʼi te tolu ʼaho fakatupu? (Sen. 1:12)
(b) Koteā ʼaē neʼe hoko ʼi te fā ʼaho fakatupu? (Sen. 1:16)
(c) Ko te ʼu faʼahiga manu feafeaʼi ʼaē neʼe fakatupu e te ʼAtua ʼi te nima ʼaho fakatupu pea mo te ono ʼaho? (Sen. 1:20, 21, 25)
2. Lau ia Senesi 2:8, 9.
Koteā te ʼu fuʼu ʼakau makehe ʼaē e lua neʼe fakatuʼu e te ʼAtua ʼi te ʼōloto, pea koteā ʼaē neʼe nā fakatātā ai?
Te ʼUluaki Tagata Pea Mo Te ʼUluaki Fafine
1. Koteā ʼaē ʼe kehekehe ai te pāki ʼo te Hisitolia 3 pea mo te pāki ʼo te Hisitolia 2?
2. Ko ai ʼaē neʼe ina fakatupu te ʼuluaki tagata, pea neʼe ko te higoa fea ʼaē neʼe foaki ki ai?
3. Koteā te gāue neʼe tuku age e te ʼAtua kiā Atama?
4. He koʼe neʼe fakamoe e te ʼAtua ia Atama?
5. Ko temi e fia neʼe feala ai ke māʼuʼuli ia Atama mo Eva, pea koteā te gāue ʼaē neʼe loto e Sehova ke nā fai?
Te Tahi ʼu Fehuʼi:
1. Lau ia Pesalemo 83:18.
Ko ai te huafa ʼo te ʼAtua, pea koteā tona tuʼulaga ʼi te malamanei kātoa? (Sel. 16:21; Tan. 4:17)
2. Lau ia Senesi 1:26-31.
(a) Neʼe koteā te potu tāfito ʼo te fai fakatupu ʼa te ʼAtua ʼi te ono ʼaho fakatupu, pea he koʼe neʼe kehekehe mo te fakatupu ʼo te ʼu manu? (Sen. 1:26)
(b) Koteā ʼaē neʼe foaki e Sehova maʼa te tagata pea mo te ʼu manu? (Sen. 1:30)
3. Lau ia Senesi 2:7-25.
(a) Neʼe koteā ʼaē neʼe kau ki te gāue ʼa ʼAtama ʼo ʼuhiga mo tana fakahigoaʼi te ʼu manu? (Sen. 2:19)
(b) Ko te koga tohi ʼo Senesi 2:24, ʼe tokoni feafeaʼi mai ke tou mahino ki te manatu ʼa Sehova ʼo ʼuhiga mo te ʼohoana, te maʼuli tahi nofo pea mo te māvete? (Mat. 19:4-6, 9)
He Koʼe Neʼe Fakamavae Ia Nāua ʼi Tonā Nofoʼaga
1. ʼI te pāki, koteā ʼaē ʼe hoko kiā Atama mo Eva?
2. He koʼe neʼe tonu ke fakatūʼā nāua e Sehova?
3. Koteā ʼaē neʼe ʼui age e te gata kiā Eva?
4. Ko ai ʼaē neʼe ina faka palalau te gata ʼaē neʼe palalau kiā Eva?
5. He koʼe neʼe fakamavae ia Atama mo Eva ʼi tonā nofoʼaga faka Palatiso?
Te Tahi ʼu Fehuʼi:
1. Lau ia Senesi 2:16, 17 pea mo te 3:1-13, 24.
(a) He koʼe ko te fehuʼi ʼaē neʼe fai e te gata kiā Eva, ʼe ina tukugakoviʼi ia Sehova? (Sen. 3:1-5; 1 Soa. 5:3)
(b) Ko te ʼaluʼaga fea ʼaē ʼo ʼuhiga mo Eva ʼe ko he fakatokaga kiā tatou ʼi te temi nei? (Filp. 4:8; Skp. 1:14, 15; 1 Soa. 2:16)
(c) Neʼe fakahā feafeaʼi e Atama mo Eva ia tanā mole tali ʼaē ke tukugakoviʼi nāua ʼo ʼuhiga mo tanā aga? (Sen. 3:12, 13)
(d) Neʼe lagolago feafeaʼi ki te pule faʼitaliha ʼa Sehova ia te ʼu kelupimi ʼaē neʼe tutuʼu ʼi te potu esite ʼo te ʼōloto ʼo Eteni? (Sen. 3:24)
2. Lau ia Apokalipesi 12:9.
Neʼe lava feafeaʼi ia te ʼu fakahala ʼa Satana ʼaē ke fakafeagai te malamanei ki te takitaki ʼa te ʼAtua? (1 Soa. 5:19)
Ko Te Kamata ʼo He Maʼuli Kinakina
1. Neʼe feafeaʼi te maʼuli ʼo Atama mo Eva ʼi tuʼa atu ʼo te ʼōloto ʼo Eteni?
2. Koteā ʼaē neʼe kamata hoko iā nāua, pea koteā tona tupuʼaga?
3. He koʼe ko te ʼu fānau ʼa Atama mo Eva neʼe kamata mātutuʼa pea mo mamate?
4. Kanapaula neʼe fakalogo ia Atama mo Eva kiā Sehova, neʼe feafeaʼi ʼapē tonā maʼuli pea mo tanā fānau?
5. Neʼe maʼuli mamahi feafeaʼi ia Eva ʼi tana talagataʼa?
6. Neʼe ko ai te ʼu ʼuluaki tama e lua ʼa Atama mo Eva?
7. Ko ai te tahi ʼu tamaliki ʼaē ʼi te pāki?
Te Tahi ʼu Fehuʼi:
1. Lau ia Senesi 3:16-23 pea mo te 4:1, 2.
(a) Neʼe fua kovi feafeaʼi ki te maʼuli ʼo Atama ia te malaʼia ʼaē neʼe tuku ki te kele? (Sen. 3:17-19; Loma 8:20, 22)
(b) He koʼe ʼe matatonu te higoa ʼo Eva, ʼaē ko tona faka ʼuhiga ko “Maʼuli”? (Sen. 3:20)
(c) Neʼe fakahā feafeaʼi e Sehova ia tana tokagaʼi ia Atama mo Eva logola tanā kua ʼosi agahala? (Sen. 3:7, 21)
2. Lau ia Apokalipesi 21:3, 4, MN.
Koteā “te ʼu meʼa ʼāfea” ʼe koutou fakaʼamu ke foimo fakaʼauha?
Ko He Tama Agalelei, Pea Mo He Tama Agakovi
1. Koteā te ʼu gāue ʼaē neʼe fai e Kaino pea mo Apele?
2. Koteā te ʼu mōlaga ʼaē neʼe nā foaki kiā Sehova?
3. He koʼe neʼe leleiʼia e Sehova ia te mōlaga ʼa Apele, kae mole ina leleiʼia ia te mōlaga ʼa Kaino?
4. Neʼe ko te faʼahiga tagata feafeaʼi ia Kaino, pea neʼe faigaʼi feafeaʼi e Sehova ke fetogi?
5. Koteā ʼaē neʼe fai e Kaino ki tona tēhina ʼi tanā fakatahi ʼāteaina ʼi te gāueʼaga?
6. Koutou fakamatala te meʼa ʼaē neʼe hoko kiā Kaino ʼi tana ʼosi matehi tona tēhina.
Te Tahi ʼu Fehuʼi:
1. Lau ia Senesi 4:2-26.
(a) Neʼe fakahā feafeaʼi e Sehova kiā Kaino ia te tuʼutāmaki ʼaē ʼe ʼamanaki hoko kiā ia? (Sen. 4:7)
(b) Koteā ʼaē neʼe fakahā e Kaino ʼo ʼuhiga mo tona loto? (Sen. 4:9)
(c) Koteā te manatu ʼa Sehova ʼo ʼuhiga mo te liligi ʼo he toto ʼo he tahi neʼe mole ina fai he meʼa ʼe kovi? (Sen. 4:10; Isa. 26:21)
2. Lau ia 1 Soane 3:11, 12.
(a) He koʼe neʼe ʼita ʼaupito ia Kaino, pea koteā te ako kiā tatou iā ʼaho nei? (Sen. 4:4, 5; Taag. 14:30; 28:22)
(b) ʼE fakahā feafeaʼi mai ʼi te Tohi-Tapu, tatau aipe mo kapau ʼe fakafeagai mai totatou famili, kae ʼe feala pe ke tou nonofo agatonu kiā Sehova? (Pes. 27:10; Mat. 10:21, 22)
3. Lau ia Soane 11:25.
Koteā te fakapapau ʼe fai e Sehova ʼo ʼuhiga mo nātou fuli ʼaē ʼe mamate ʼuhi ko te faitotonu? (Soa. 5:24)
Ko He Tagata Lototoʼa
1. He koʼe neʼe kehe ia Enoke ʼi te ʼu hahaʼi ʼaē?
2. He koʼe ko te hahaʼi ʼi te temi ʼo Enoke neʼe nātou agakovi ʼaupito?
3. Koteā te ʼu aga kovi ʼaē neʼe fai e te hahaʼi? (Vakaʼi ʼi te pāki.)
4. He koʼe neʼe tonu ke lototoʼa ia Enoke?
5. Neʼe feafeaʼi te loaloaga ʼo te maʼuli ʼo te hahaʼi ʼo te temi muʼa, kae ko taʼu e fia ʼaē neʼe maʼuli ai ia Enoke?
6. Koteā ʼaē neʼe hoko ʼi te ʼosi mate ʼo Enoke?
Te Tahi ʼu Fehuʼi:
1. Lau ia Senesi 5:21-24, 27.
(a) Neʼe feafeaʼi te ʼu felogoi ʼa Enoke pea mo Sehova? (Sen. 5:24)
(b) ʼI te Tohi-Tapu, ko ai te tagata ʼaē neʼe maʼuli fualoa, pea neʼe mate ʼi tona taʼu fia? (Sen. 5:27)
2. Lau ia Senesi 6:5.
Neʼe feafeaʼi te maʼuli ʼi te kele ʼi te ʼosi mate ʼo Enoke, pea koteā ʼaē ʼe tatau ai mo totatou temi? (2 Tim. 3:13)
3. Lau ia Hepeleo 11:5.
Ko te kalitātē fea ʼo Enoke ʼaē “neʼe leleiʼia e te ʼAtua,” pea neʼe koteā tona fua? (Sen. 5:22)
4. Lau ia Suta 14, 15.
ʼE lava faʼifaʼitakiʼi feafeaʼi e te kau Kilisitiano ʼo te temi nei ia te lototoʼa ʼa Enoke mokā nātou fakatokaga ki te hahaʼi ia te kua ōvi mai ʼo te tau ʼo Halamaketone? (2 Tim. 4:2; Hep. 13:6)
Te ʼu Tagata Lalahi ʼAupito ʼi Te Kele
1. Koteā ʼaē neʼe hoko ʼi te temi ʼaē neʼe fakalogo ai ʼihi ʼāselo kiā Satana?
2. He koʼe neʼe līaki e te ʼu ʼāselo ʼaia tanatou gāue ʼaē neʼe foaki age e te ʼAtua kae nātou hihifo mai nātou ki te kele?
3. He koʼe neʼe kovi te hifo mai ʼa te kau ʼāselo ki te kele pea mo nātou kofuʼi te ʼu sinoʼi tagata?
4. Koteā ʼaē neʼe kehe ai te ʼu fānau ʼa te kau ʼāselo ʼi te ʼu fānau ʼaē?
5. Ohage ko takotou sio ki te pāki, koteā ʼaē neʼe fai e te ʼu fānau ʼa te kau ʼāselo ʼi tanatou liliu ko te ʼu tagata lalahi?
6. ʼI te kua ʼosi mate ʼo Enoke, ko ai te tagata agalelei ʼaē neʼe maʼuli ʼi te kele, pea he koʼe neʼe ʼofa ai ia te ʼAtua?
Te Tahi ʼu Fehuʼi:
1. Lau ia Senesi 6:1-8.
ʼE fakahā feafeaʼi iā Senesi 6:6, ko te aga ʼaē ʼe tou fai ʼe malave kiā Sehova? (Pes. 78:40, 41; Taag. 27:11)
2. Lau ia Suta 6, MN.
Koteā te fakatokaga ʼe tou maʼu iā ʼaho nei mai te kau ʼāselo ʼi tanatou “mole . . . taupau maʼu tonatou tuʼulaga olisinale”? (1 Ko. 3:5-9; 2 Pet. 2:4, 9, 10)
ʼE Faʼu e Noe Te Aleka
1. Neʼe ko te toko fia ʼo te famili ʼo Noe, pea neʼe ko ai tona ʼu foha e toko tolu?
2. Koteā te gāue makehe neʼe kole age e te ʼAtua ke fai e Noe, pea koteā tona tupuʼaga?
3. Neʼe feafeaʼi te aga ʼa te hahaʼi ʼo te temi ʼo Noe ʼi tana palalau age ʼaē ʼo ʼuhiga mo te aleka?
4. Koteā ʼaē neʼe ʼui age e te ʼAtua ke fai e Noe ʼo ʼuhiga mo te ʼu manu?
5. ʼI te ʼosi pupunu e te ʼAtua ia te matapā ʼo te aleka, koteā ʼaē neʼe tonu ke fai e Noe pea mo tona famili?
Te Tahi ʼu Fehuʼi:
1. Lau ia Senesi 6:9-22.
(a) Koteā ʼaē ʼe ʼui ai ko Noe neʼe makehe ʼaupito ʼi tana tauhi ʼaē ki te ʼAtua moʼoni? (Sen. 6:9, 22)
(b) Koteā te manatu ʼa Sehova ʼo ʼuhiga mo te agamālohi, pea ʼe tonu ke malave feafeaʼi kiā tatou mokā tou filifili he ʼu ʼaluʼaga, ohage ko te sioʼi ʼo he ʼu ʼata, ʼo he ʼu faigaoʼi peʼe ko he ʼu gaoʼi? (Sen. 6:11, 12; Pes. 11:5)
(c) ʼE tou lava faʼifaʼitakiʼi feafeaʼi ia Noe mokā takitaki tatou e te kautahi ʼa Sehova? (Sen. 6:22; 1 Soa. 5:3)
2. Lau ia Senesi 7:1-9.
Kiā Sehova, ko Noe neʼe ko he tagata faitotonu logola tona ʼuhiga agahala. ʼE fakaloto mālohiʼi feafeaʼi tatou e te faʼahi ʼaia iā ʼaho nei? (Sen. 7:1; Taag. 10:16; Isa. 26:7)
Te Tulivio Lahi
1. He koʼe neʼe mole kei feala he hū ki te loto aleka ʼi te temi ʼaē neʼe kamata tō ai te ʼua?
2. Ko ʼaho pea mo po e fia neʼe fakatō ai e Sehova ia te ʼua, pea neʼe feafeaʼi ia te māʼoluga ʼo te hake ʼo te vai?
3. Koteā ʼaē neʼe hoko ki te aleka ʼi te temi ʼaē neʼe kamata ʼaofi ai e te vai ia te kele?
4. Neʼe hāo koa ia te ʼu tagata lalahi ʼi te Tulivio, pea koteā ʼaē neʼe hoko ki tanatou ʼu tāmai?
5. Neʼe fakamaha ʼifea te aleka hili māhina e nima?
6. He koʼe neʼe tuku e Noe te kolevo ki tuʼa ʼi te aleka?
7. Neʼe ʼiloʼi feafeaʼi e Noe kua mahuʼi te vai ʼi te fuga ʼo te kele?
8. Koteā ʼaē neʼe ʼui age e te ʼAtua kiā Noe pea mo tona famili ʼi tanatou kua ʼosi nonofo ʼi te aleka ʼo fakalaka ʼi te taʼu kātoa?
Te Tahi ʼu Fehuʼi:
1. Lau ia Senesi 7:10-24.
(a) Neʼe feafeaʼi te lahi ʼo te maumauʼi ʼo te maʼuli ʼi te kele? (Sen. 7:23)
(b) Ko temi e fia neʼe ʼaoga ke mahuʼi ai te vai ʼo te Tulivio? (Sen. 7:24)
2. Lau ia Senesi 8:1-17.
ʼE fakahā feafeaʼi iā Senesi 8:17 ko te fakatuʼutuʼu ʼuluaki ʼa Sehova ʼo ʼuhiga mo te kele neʼe mole heʼeki fetogi? (Sen. 1:22)
3. Lau ia 1 Petelo 3:19, 20.
(a) ʼI te temi ʼaē neʼe toe liliu ai te kau ʼāselo agatuʼu ki te lagi, koteā te fakamāu ʼaē neʼe hoko kiā nātou? (Suta 6)
(b) ʼAki te fakamatala ʼo Noe pea mo tona famili, ʼe ina fakaloto mālohiʼi feafeaʼi tatatou falala ki te fealagia ʼaē ʼa Sehova ke ina hāofaki tana hahaʼi? (2 Pet. 2:9)
Te ʼUluaki Nuanua
1. Ohage ko tatatou sio ʼi te pāki, koteā ʼaē neʼe ʼuluaki fai e Noe ʼi tana hū ʼaē ki tuʼa mai te aleka?
2. Koteā te fakatotonu ʼaē neʼe foaki age e te ʼAtua kiā Noe pea mo tona famili ʼi te ʼosi ʼo te Tulivio?
3. Koteā te fakapapau ʼaē neʼe fai e te ʼAtua?
4. Ka tou sio ki he nuanua, koteā ʼaē ʼe tonu ke ina fakamanatuʼi mai?
Te Tahi ʼu Fehuʼi:
1. Lau ia Senesi 8:18-22.
(a) ʼE tou lava foaki feafeaʼi iā ʼaho nei kiā Sehova “he ʼaele magoni fakamālōlō”? (Sen. 8:21; Hep. 13:15, 16)
(b) Koteā te fakatokaga ʼaē neʼe fai e Sehova ʼo ʼuhiga mo te loto ʼo te tagata, pea koteā te meʼa ʼaē ʼe tonu ke tou tōkakaga kiai? (Sen. 8:21; Mat. 15:18, 19)
2. Lau ia Senesi 9:9-17.
(a) Koteā te fuakava neʼe fai e Sehova pea mo te ʼu meʼa maʼuli fuli ʼo te kele? (Sen. 9:10, 11)
(b) Ko temi e fia ʼe maʼuli ai te fuakava ʼo te nuanua? (Sen. 9:16)
ʼE Laga e Te Hahaʼi Te Tule Māʼoluga
1. Neʼe ko ai ia Nimelote, pea neʼe koteā te manatu ʼa te ʼAtua ʼo ʼuhiga mo ia?
2. ʼI te pāki, he koʼe neʼe faʼu piliki te hahaʼi?
3. He koʼe neʼe mole leleiʼia e Sehova te laga ʼo te tule?
4. Neʼe fakagata feafeaʼi e te ʼAtua ia te laga ʼo te tule?
5. Neʼe fakahigoaʼi feafeaʼi te kolo, pea neʼe koteā te faka ʼuhiga ʼo te higoa ʼaia?
6. Koteā ʼaē neʼe fai e te hahaʼi ʼi te ʼosi fakakehekeheʼi e te ʼAtua ia tanatou ʼu lea?
Te Tahi ʼu Fehuʼi:
1. Lau ia Senesi 10:1, 8-10.
Neʼe feafeaʼi te ʼulugaaga ʼo Nimelote, pea koteā te fakatokaga ʼe tou maʼu mai ʼi ai maʼa tatou? (Taag. 3:31)
2. Lau ia Senesi 11:1-9.
Koteā ʼaē neʼe ina uga te hahaʼi ke nātou laga te tule, pea he koʼe neʼe mole iku lelei te fakatuʼutuʼu ʼaia? (Sen. 11:4; Taag. 16:18; Soa. 5:44)
Ko Apalahamo—Ko Te Kaumeʼa ʼo Te ʼAtua
1. Ko te faʼahiga hahaʼi feafeaʼi ʼaē neʼe māʼuʼuli ʼi te kolo ʼo Ule?
2. Ko ai te tagata ʼaē ʼe ʼi te pāki, neʼe tupu ʼanafea, pea neʼe maʼuli ʼifea?
3. Koteā te fakatotonu ʼaē neʼe fai e te ʼAtua kiā Apalahamo?
4. He koʼe neʼe fakahigoaʼi ia Apalahamo ko te kaumeʼa ʼo te ʼAtua?
5. Ko ai ʼi tana hahaʼi neʼe mavae ʼi Ule mo Apalahamo?
6. Koteā ʼaē neʼe ʼui age e te ʼAtua kiā Apalahamo ʼi tana aʼu ki te fenua ʼo Kanaane?
7. Koteā te fakapapau neʼe fai age e te ʼAtua kiā Apalahamo ʼi tona taʼu 99?
Te Tahi ʼu Fehuʼi:
1. Lau ia Senesi 11:27-32.
(a) Neʼe ko ai ia Apalahamo kiā Lote? (Sen. 11:27)
(b) ʼE ʼui ko Tela ʼaē neʼe tupu ai te ʼolo ʼo tona famili ki Kanaane, kae ʼi tona fakahagatonu ʼe tou ʼiloʼi feafeaʼi neʼe ko Apalahamo tāfito ʼaē neʼe tupu ai tanatou ʼolo, pea koteā tona tupuʼaga? (Sen. 11:31; Gaue 7:2-4)
2. Lau ia Senesi 12:1-7.
Koteā te tahi age meʼa neʼe hilifaki e te ʼAtua ki tana fuakava ʼaē neʼe ina fai mo Apalahamo ʼi tana ʼosi aʼu ki te kele ʼo Kanaane? (Sen. 12:7)
3. Lau ia Senesi 17:1-8, 15-17.
(a) Neʼe fetogi feafeaʼi te higoa ʼo Apalamo ʼi tona taʼu 99, pea koteā tona tupuʼaga? (Sen. 17:5)
(b) Koteā te ʼu tapuakina neʼe fakapapau e Sehova kiā Sala? (Sen. 17:15, 16)
4. Lau ia Senesi 18:9-19.
(a) Iā Senesi 18:19, koteā te ʼu gāue ʼe fakamaʼua ki te ʼu tāmai? (Teu. 6:6, 7; Ef. 6:4)
(b) Koteā te meʼa neʼe fai e Sala, ʼe hā ʼaki mai ʼe mole feala ke tou fufū he meʼa kiā Sehova? (Sen. 18:12, 15; Pes. 44:21)
ʼE ʼAhiʼahiʼi e Te ʼAtua Te Tui ʼa Apalahamo
1. Koteā te fakapapau neʼe fai e te ʼAtua kiā Apalahamo, pea neʼe ina fakahoko feafeaʼi?
2. Ohage ko tona fakahā ʼi te pāki, neʼe ʼahiʼahiʼi feafeaʼi e te ʼAtua ia te tui ʼa Apalahamo?
3. Koteā ʼaē neʼe fakahoko e Apalahamo, logola tana mole mahino kātoa ki te fakatotonu ʼa te ʼAtua?
4. Koteā ʼaē neʼe hoko ʼi te temi ʼaē neʼe hiki ai e Apalahamo te hele ke ina matehi tona foha?
5. Neʼe fakahā feafeaʼi e Apalahamo te mālohi ʼo tana tui ʼaē ki te ʼAtua?
6. Koteā ʼaē neʼe foaki e te ʼAtua kiā Apalahamo moʼo fai ʼo tana sākilifisio, pea neʼe hoko feafeaʼi?
Te Tahi ʼu Fehuʼi:
1. Lau ia Senesi 21:1-7.
He koʼe neʼe silikosisioʼi e Apalahamo tona foha ʼi te valu ʼaho? (Sen. 17:10-12; 21:4)
2. Lau ia Senesi 22:1-18.
Neʼe fakahā feafeaʼi e Isaake tana fakalogo ʼaē ki tana tāmai ko Apalahamo, pea koteā te ʼaluʼaga ʼe maʼuhiga age neʼe fakatā e te ʼaluʼaga ʼaia ki te ka haʼu? (Sen. 22:7-9; 1 Ko. 5:7; Filp. 2:8, 9)
Neʼe Sio Te ʼOhoana ʼo Lote Ki Muli
1. He koʼe neʼe mavete ia Apalahamo pea mo Lote?
2. He koʼe neʼe filifili e Lote ke nofo ʼi Sotoma?
3. Neʼe feafeaʼi te aga ʼa te hahaʼi ʼo Sotoma?
4. Koteā te fakatokaga neʼe fai e te ʼu ʼāselo e lua kiā Lote?
5. He koʼe neʼe liliu te ʼohoana ʼo Lote ko te fakatātā māsima?
6. Koteā te ako ʼe tou maʼu mai te meʼa ʼaē neʼe hoko ki te ʼohoana ʼo Lote?
Te Tahi ʼu Fehuʼi:
1. Lau ia Senesi 13:5-13.
ʼO ʼuhiga mo te fakatokatoka ʼo te ʼu fihifihia, koteā te ako ʼe tou maʼu mai iā Apalahamo? (Sen. 13:8, 9; Loma 12:10; Filp. 2:3, 4)
2. Lau ia Senesi 18:20-33.
Ka tou fakatokagaʼi te ʼu felogoi ʼa Sehova pea mo Apalahamo, he koʼe ʼe tou falala ko Sehova pea mo Sesu ʼe nā fakamāu anai ʼaki te faitotonu? (Sen. 18:25, 26; Mat. 25:31-33)
3. Lau ia Senesi 19:1-29.
(a) Koteā ʼaē ʼe ʼasi ʼi te hisitolia ʼaia ʼo’ uhiga mo te manatu ʼa te ʼAtua ki te fai tagata ʼa te tagata pea mo te fai fafine ʼa te fafine? (Sen. 19:5, 13; Lev. 20:13)
(b) Koteā ʼaē neʼe kehekehe ai ia Lote pea mo Apalahamo ʼo ʼuhiga mo te takitaki ʼaē ʼa te ʼAtua, pea koteā te ako ʼe tou maʼu mai ai? (Sen. 19:15, 16, 19, 20; 22:3)
4. Lau ia Luka 17:28-32.
Neʼe feafeaʼi te loto ʼo te ʼohoana ʼo Lote ʼo ʼuhiga mo te ʼu koloā fakamālama, pea he koʼe ʼe ko he fakatokaga kiā tatou? (Luka 12:15; 17:31, 32; Mat. 6:19-21, 25)
5. Lau ia 2 Petelo 2:6-8.
ʼO mulimuli ki te faʼifaʼitaki ʼa Lote, ʼe tonu ke feafeaʼi totatou loto ʼo ʼuhiga mo te mālama agakovi ʼaenī? (Esk. 9:4; 1 Soa. 2:15-17)
ʼE Maʼu e Isaake Tona ʼOhoana Lelei
1. Ko ai te tagata pea mo te fafine ʼaē ʼi te pāki?
2. Koteā te fakatuʼutuʼu neʼe fai e Apalahamo ke maʼu e tona foha hona ʼohoana, pea koteā tona tupuʼaga?
3. Neʼe tali feafeaʼi te faikole ʼa te tagata kaugana ʼa Apalahamo?
4. Koteā te tali ʼa Lepeka ʼi te kole age peʼe fia ʼohoana mo Isaake?
5. He koʼe neʼe toe fiafia ia Isaake?
Te Tahi ʼu Fehuʼi:
1. Lau ia Senesi 24:1-67.
(a) Koteā te ʼu kalitātē lelei neʼe fakahā e Lepeka ʼi tana felāveʼi ʼaē mo te tagata kaugana ʼa Apalahamo ʼi te vai keli? (Sen. 24:17-20; Taag. 31:17, 31)
(b) Ko te ʼu fakatuʼutuʼu ʼaē neʼe fai e Apalahamo maʼa Isaake, he koʼe ʼe ko he faʼifaʼitaki lelei maʼa te kau Kilisitiano ʼo te temi nei? (Sen. 24:37, 38; 1 Ko. 7:39; 2 Ko. 6:14)
(c) He koʼe ʼe tonu ke tou maʼu he temi moʼo metitāsio ohage ko tona fai ʼaē e Isaake? (Sen. 24:63; Pes. 77:12; Filp. 4:8)
Ko Te Māhaga Neʼe Kehekehe
1. Ko ai ia Esau pea mo Sakopo, pea ko te ʼu faʼahi fea ʼaē neʼe nā kehekehe ai?
2. Neʼe taʼu fia ia Esau pea mo Sakopo ʼi te temi ʼaē neʼe mate tana kui ko Apalahamo?
3. Koteā ʼaē neʼe fai e Esau neʼe lotomamahi ʼaupito ai tana faʼē pea mo tana tāmai?
4. He koʼe neʼe ʼita ia Esau ki tona tēhina ko Sakopo?
5. Koteā te fakatotonu neʼe fai e Isaake ki tona foha ko Sakopo?
Te Tahi ʼu Fehuʼi:
1. Lau ia Senesi 25:5-11, 20-34.
(a) Koteā te fakakikite ʼaē neʼe fai e Sehova ʼo ʼuhiga mo te ʼu tama e toko lua ʼa Lepeka? (Sen. 25:23)
(b) Koteā ʼaē neʼe kehekehe ai ʼi te aga ʼa Sakopo pea mo te aga ʼa Esau ʼo ʼuhiga mo te tuʼulaga ʼuluaki tupu ʼi te famili? (Sen. 25:31-34)
2. Lau ia Senesi 26:34, 35; 27:1-46; pea mo te Sen 28:1-5.
(a) Neʼe hā feafeaʼi te mole faka maʼuhigaʼi e Esau ia te ʼu meʼa fakalaumālie? (Sen. 26:34, 35; 27:46)
(b) Ke maʼu e Sakopo ia te tapuakina ʼa te ʼAtua, koteā ʼaē neʼe fakatotonu age e Isaake ke ina fai? (Sen. 28:1-4)
3. Lau ia Hepeleo 12:16, 17.
Koteā ʼaē ʼe hā ʼaki mai ia te ʼaluʼaga ʼo Esau ʼo ʼuhiga mo nātou ʼaē ʼe nātou meʼa noaʼi te ʼu meʼa taputapu?
ʼE ʼAlu Ia Sakopo Ki Halane
1. Ko ai te taʼahine ʼaē ʼi te pāki, pea koteā te tokoni ʼaē ʼe fai e Sakopo kiā ia?
2. Koteā ʼaē neʼe lotolelei e Sakopo ke ina fakahoko ke feala hana ʼohoana mo Lasele?
3. Koteā ʼaē neʼe fai e Lapane ʼi te temi ʼaē neʼe kua tonu ke ʼohoana ia Sakopo mo Lasele?
4. Koteā ʼaē neʼe tali e Sakopo ke ina fai ke feala hana ʼohoana mo Lasele?
Te Tahi ʼu Fehuʼi:
1. Lau ia Senesi 29:1-30.
(a) Logola tona kākāʼi ʼaē e Lapane, kae neʼe fakahā feafeaʼi e Sakopo tana fakaʼapaʼapa ki ai, pea koteā te ako ʼe tou maʼu mai ai? (Sen. 25:27; 29:26-28; Mat. 5:37)
(b) Neʼe fakahā feafeaʼi e Sakopo te kehekehe ʼaē ʼo he holi faka temi pea mo te ʼofa moʼoni? (Sen. 29:18, 20, 30; Ktk. 8:6)
(c) Ko ai te ʼu fafine e toko fā ʼaē neʼe nātou kau ʼi te famili ʼo Sakopo, pea neʼe nātou fānauʼi tona ʼu foha? (Sen. 29:23, 24, 28, 29)
ʼE Lahi Te Famili ʼo Sakopo
1. Neʼe ko ai te ʼu foha e toko ono ʼo Sakopo ʼaē mo tona ʼuluaki ʼohoana ko Lea?
2. Ko ai te ʼu tama e toko lua ʼa Silipa ia te fafine kaugana ʼa Lea ʼaē neʼe ina maʼu mo Sakopo?
3. Ko ai te ʼu tama e toko lua ʼa Pila te fafine kaugana ʼa Lasele ʼaē neʼe ina maʼu mo Sakopo?
4. Neʼe ko ai te ʼu tama e toko lua ʼa Lasele, kae koteā ʼaē neʼe hoko ʼi te temi ʼaē neʼe fānauʼi ai te lua tama?
5. ʼI te pāki, neʼe ko foha e fia ʼo Sakopo, pea neʼe nātou faʼufaʼu te puleʼaga fea?
Te Tahi ʼu Fehuʼi:
1. Lau ia Senesi 29:32-35; 30:1-26; pea mo te Sen 35:16-19.
Ohage ko te ʼu foha e toko 12 ʼo Sakopo, neʼe filifili feafeaʼi te ʼu higoa ʼo te ʼu tama Hepeleo ʼi te temi muʼa?
2. Lau ia Senesi 37:35.
Logola ko te higoa pe ʼo Tina ʼaē ʼe fakahā ʼi te Tohi-Tapu, kae ʼe tou ʼiloʼi feafeaʼi neʼe ʼi ai te tahi ʼu ʼofafine ʼo Sakopo? (Sen. 37:34, 35)
ʼE Hoko Te Tuʼutāmaki Kia Tina
1. He koʼe neʼe mole tali e Apalahamo pea mo Isaake ke ʼohoana tanā fānau mo te ʼu hahaʼi ʼo te fenua ʼo Kanaane?
2. Neʼe leleiʼia koa e Sakopo te fakakaugā ʼo tona ʼofafine mo te ʼu taʼahine Kanaane?
3. Ko ai te tagata ʼaē ʼe ina lolotoga sioʼi ia Tina ʼi te pāki, pea koteā te aga kovi ʼaē neʼe ina fai?
4. Koteā ʼaē neʼe fai e te ʼu tokolua ʼo Tina ko Simeone pea mo Levi ʼi tanā logo ki te meʼa ʼaē neʼe hoko kiā ia?
5. Neʼe leleiʼia koa e Sakopo te meʼa ʼaē neʼe nā fai?
6. He koʼe neʼe hoko te ʼu malaʼia fuli ʼaia ki te famili?
Te Tahi ʼu Fehuʼi:
1. Lau ia Senesi 34:1-31.
(a) Ko te fakakaugā ʼa Tina ki te ʼu taʼahine ʼo te fenua ʼo Kanaane neʼe fua kovi pe koa kiā ia tokotahi? Koutou fakamahino. (Sen. 34:1)
(b) He koʼe neʼe ko te hala ʼa Tina ʼi te pulihi ʼaē ʼo tana nofo tāupoʼou? (Kal. 6:7)
(c) ʼE lava fakahā feafeaʼi e te kau tūpulaga ʼo te temi nei ʼe nātou tokagaʼi ia te meʼa ʼaē neʼe hoko kiā Tina? (Taag. 13:20; 1 Ko. 15:33; 1 Soa. 5:19)
ʼE Fehiʼaʼinaʼi Ia Sosefo e Tona ʼu Tēhina
1. He koʼe neʼe māheheka te ʼu tēhina ʼo Sosefo kiā ia, pea koteā ʼaē neʼe nātou fai?
2. Koteā ʼaē neʼe fia fakahoko e te ʼu tēhina ʼo Sosefo kiā ia, kae koteā ʼaē neʼe ʼui age e Lupeni kiā nātou?
3. Koteā ʼaē neʼe hoko ʼi te temi ʼaē neʼe fakalaka ai ia te fagona ʼo te ʼu Isimaelite?
4. Koteā ʼaē neʼe fai e te ʼu tēhina ʼo Sosefo ke ʼui e tanatou tāmai kua mate ia Sosefo?
Te Tahi ʼu Fehuʼi:
1. Lau ia Senesi 37:1-35.
(a) ʼE lava faʼifaʼitakiʼi feafeaʼi e te kau Kilisitiano ia Sosefo ʼo nātou tala te agahala ʼaē neʼe fai ʼi te kokelekasio? (Sen. 37:2; Lev. 5:1; 1 Ko. 1:11)
(b) Koteā ʼaē neʼe tupu ai te kākāʼi ʼo Sosefo e tona ʼu tēhina? (Sen. 37:11, 18; Taag. 27:4; Skp. 3:14-16)
(c) Koteā ʼaē neʼe fai e Sakopo, pea ʼe ko he aga ʼe fai māhani ʼuhi ko te lotomamahi? (Sen. 37:35)
ʼE ʼAve Ia Sosefo ʼo Pilisoniʼi
1. Ko te taʼu fia ʼo Sosefo ʼi tona ʼave ʼaē ki Esipito, pea koteā ʼaē neʼe hoko ki ai ʼi te fenua ʼaia?
2. He koʼe neʼe pilisoniʼi ia Sosefo?
3. Koteā te gāue ʼaē neʼe foaki age kiā ia ʼi te pilisoni?
4. ʼI te fale pilisoni, koteā ʼaē neʼe fai e Sosefo maʼa te tagata ʼaē ʼe tokaga ki te meʼa ʼinu ʼa Falaone pea mo tana tagata taʼo pane?
5. Koteā ʼaē neʼe hoko ʼi te ʼosi faka ʼāteaina mai te pilisoni ʼo te tagata ʼaē ʼe tokaga ki te meʼa ʼinu ʼa Falaone?
Te Tahi ʼu Fehuʼi:
1. Lau ia Senesi 39:1-23.
Logola neʼe mole heʼeki he lao ʼa te ʼAtua neʼe kua tohi ʼo ʼuhiga mo te tono ʼi te temi ʼo Sosefo, kae neʼe koteā ʼaē neʼe ina uga ai ia ia ke hola kehe mai te ʼohoana ʼo Potifale? (Sen. 2:24; 20:3; 39:9)
2. Lau ia Senesi 40:1-23.
(a) Koutou fakamatala fakanounou te moemisi ʼa te tagata ʼaē neʼe tokaga ki te meʼa ʼinu pea mo tona fakamahino ʼaē neʼe fakahā age e Sehova kiā Sosefo. (Sen. 40:9-13)
(b) Koteā te moemisi ʼa te tagata taʼo pane, pea neʼe koteā tona faka ʼuhiga? (Sen. 40:16-19)
(c) Neʼe faʼifaʼitakiʼi feafeaʼi te aga ʼa Sosefo e te kalasi ʼo te tagata kaugana agatonu mo poto iā ʼaho nei? (Sen. 40:8; Pes. 36:9; Soa. 17:17; Gaue 17:2, 3)
(d) ʼE tokoni feafeaʼi te koga tohi iā Senesi 40:20 ki te kau Kilisitiano ʼo ʼuhiga mo te ʼu ʼaho tupu? (Tnk. 7:1; Mko. 6:21-28)
Te ʼu Moemisi ʼa Falaone
1. Koteā ʼaē neʼe hoko kiā Falaone ʼi te tahi pō?
2. He koʼe neʼe toe manatuʼi leva e te tagata ʼaē ʼe tokaga ki te meʼa ʼinu ʼa Falaone ia Sosefo?
3. Ohage ko tona fakahā ʼi te pāki, neʼe koteā te ʼu misi e lua ʼaē neʼe fai e Falaone?
4. Koteā ʼaē neʼe ʼui e Sosefo ʼo ʼuhiga mo te ʼu fakamahino ʼo te ʼu moemisi?
5. Neʼe feafeaʼi te liliu ʼa Sosefo ko he tagata maʼuhiga ʼaupito ʼo Esipito, ʼe hoa kiā Falaone?
6. He koʼe neʼe ʼōmai te ʼu tēhina ʼo Sosefo ki Esipito, pea he koʼe neʼe mole nātou ʼiloʼi ia ia?
7. Ko te ʼu moemisi fea ʼaē neʼe toe manatuʼi e Sosefo, pea neʼe koteā leva ʼaē neʼe mahino kiai?
Te Tahi ʼu Fehuʼi:
1. Lau ia Senesi 41:1-57.
(a) Koteā ʼaē neʼe ʼui e Sosefo ke tokagaʼi tāfito ia Sehova, pea ko te ʼu ʼaluʼaga fea ʼaē ʼe feala ai ki te kau Kilisitiano iā ʼaho nei ke nātou muliʼi tana faʼifaʼitaki? (Sen. 41:16, 25, 28; Mat. 5:16; 1 Pet. 2:12)
(b) Neʼe hā feafeaʼi te ʼu taʼu ʼe mahu ai te meʼa kai ʼi Esipito ʼo hoa atu kiai te ʼu taʼu hoge, ia te kehekehe ʼo te ʼaluʼaga fakalaumālie ʼo te hahaʼi ʼa Sehova pea mo ʼaē ʼa te Keletiate? (Sen. 41:29, 30; Amosi 8:11, 12)
2. Lau ia Senesi 42:1-8 pea mo te 50:20.
ʼE kovi koa ki te kau atolasio ʼa Sehova ke nātou tulolo iā muʼa ʼo he tagata moʼo fakaʼapaʼapa ki tona tuʼulaga mo kapau ko he agaʼi fenua ʼo te fenua ʼaia? (Sen. 42:6)
ʼE ʼAhiʼahiʼi e Sosefo Tona ʼu Tēhina
1. He koʼe neʼe tukugakoviʼi e Sosefo tona ʼu tēhina ʼe ko te ʼu malomu?
2. He koʼe neʼe tuku e Sakopo tona foha muli ia Pesamino ke ʼalu ki Esipito?
3. He koʼe neʼe tuku te ʼipu siliva ʼa Sosefo ʼi te taga ʼa Pesamino?
4. Koteā ʼaē neʼe fakaʼui e Suta ke feala ai he faka ʼāteaina ʼo Pesamino?
5. Koteā ʼaē ʼe ʼiloga ai neʼe kua fetogi te ʼu tēhina ʼo Sosefo?
Te Tahi ʼu Fehuʼi:
1. Lau ia Senesi 42:9-38.
He koʼe ko te lea ʼaē ʼa Sosefo iā Senesi 42:18 ʼe ko he fakamanatu lelei ʼo ʼuhiga mo nātou ʼaē ʼe nātou takitaki ʼi te kautahi ʼa Sehova iā ʼaho nei? (Neh. 5:15; 2 Ko. 7:1, 2)
2. Lau ia Senesi 43:1-34.
(a) Logola ko Lupeni neʼe ko te ʼuluaki ʼo te famili, kae he koʼe neʼe ko Suta ʼaē neʼe fakahoko palalau maʼa tona ʼu tēhina? (Sen. 43:3, 8, 9; 44:14, 18; 1 Fkma. 5:2)
(b) Neʼe ʼahiʼahiʼi feafeaʼi e Sosefo tona ʼu tēhina, pea koteā tona tupuʼaga? (Sen. 43:33, 34)
3. Lau ia Senesi 44:1-34.
(a) Ke ʼaua naʼa ʼiloʼi e tona ʼu tēhina ia ia, koteā ʼaē neʼe fai e Sosefo? (Sen. 44:5, 15; Lev. 19:26)
(b) Neʼe fakahā feafeaʼi e te ʼu tēhina ʼo Sosefo kua puli iā nātou te maheka ʼaē neʼe nātou maʼu ʼi muʼa atu ki tonatou tēhina? (Sen. 44:13, 33, 34)
ʼE ʼOlo Te Famili Ki Esipito
1. Koteā ʼaē neʼe hoko ʼi te fakamahino age e Sosefo tona higoa ki tona ʼu tēhina?
2. Koteā ʼaē neʼe ina fakamahino age ʼaki he loto fonu ʼi te ʼofa?
3. Koteā ʼaē neʼe ʼui e Falaone ʼi tana logo ʼaē ʼo ʼuhiga mo te ʼu tēhina ʼo Sosefo?
4. Neʼe ko te toko fia te kaugamālie ʼo te famili ʼo Sakopo ʼi tanatou ʼōmai ʼaē ki Esipito?
5. Neʼe higoaʼi feafeaʼi te famili ʼo Sakopo, pea koteā tona tupuʼaga?
Te Tahi ʼu Fehuʼi:
1. Lau ia Senesi 45:1-28.
ʼE hā feafeaʼi mai ʼi te hisitolia ʼo Sosefo ʼi te Tohi-Tapu ia te lava fetogi ʼaē e Sehova he agakovi ʼe fai ki tana ʼu kaugana ke fua lelei? (Sen. 45:5-8; Isa. 8:10; Filp. 1:12-14)
2. Lau ia Senesi 46:1-27.
Koteā te fakapapau neʼe toe foaki age e Sehova kiā Sakopo ʼo ʼuhiga mo tana ʼalu ʼaē ki Esipito? (Sen. 46:1-4, kiʼi nota ʼi te lalo pasina)
ʼE Agatonu Ia Sopo Ki Te ʼAtua
1. Neʼe ko ai ia Sopo?
2. Koteā ʼaē neʼe faigaʼi e Satana ke ina fai, pea neʼe lava koa?
3. Koteā ʼaē neʼe fakagafua age e Sehova kiā Satana, pea koteā tona tupuʼaga?
4. He koʼe neʼe ʼui age e te ʼohoana ʼo Sopo kiā ia ke ‘laukovi ki te ʼAtua pea ke mate’? (Vakaʼi ʼi te pāki.)
5. ʼI te lua pāki, neʼe feafeaʼi te tapuakinaʼi e Sehova ia Sopo, pea koteā tona tupuʼaga?
6. Ohage ko Sopo, kapau ʼe tou agatonu kiā Sehova, koteā anai te ʼu tapuakina ʼaē ka tou maʼu?
Te Tahi ʼu Fehuʼi:
1. Lau ia Sopo 1:1-22.
ʼE lava faʼifaʼitakiʼi feafeaʼi ia Sopo e te kau Kilisitiano iā ʼaho nei? (Sopo 1:1; Filp. 2:15; 2 Pet. 3:14)
2. Lau ia Sopo 2:1-13.
Neʼe tali feafeaʼi e Sopo pea mo tona ʼohoana te ʼu fakataga ʼa Satana? (Sopo 2:9, 10; Taag. 19:3; Mik. 7:7; Mala. 3:14)
3. Lau ia Sopo 42:10-17.
(a) Koteā te ʼu faʼahi ʼaē ʼe tatau ai te fakapale ʼa Sopo pea mo Sesu ʼi tanā nofo agatonu? (Sopo 42:12; Filp. 2:9-11)
(b) Koteā te fakaloto mālohi ʼe tou maʼu mai te ʼu tapuakina ʼaē neʼe foaki age kiā Sopo ʼi tana nofo agatonu ki te ʼAtua? (Sopo 42:10, 12; Hep. 6:10; Skp. 1:2-4, 12; 5:11)
Ko Te Hau Agakovi ʼi Esipito
1. ʼI te pāki, ko ai te tagata ʼaē mo te huipi, pea ko ai ʼaē ʼe ina lolotoga haha?
2. ʼI te ʼosi mate ʼa Sosefo, koteā ʼaē neʼe hoko ki te kau Iselaelite?
3. He koʼe neʼe mātataku leva te kau Esipito ki te kau Iselaelite?
4. Koteā te fakatotonu ʼaē neʼe fai e Falaone ki te ʼu fafine faifānau?
Te Tahi ʼu Fehuʼi:
1. Lau ia Ekesote 1:6-22.
(a) Neʼe kamata fakahoko feafeaʼi e Sehova tana fakapapau ʼaē kiā Apalahamo? (Ek. 1:7; Sen. 12:2; Gaue 7:17)
(b) Neʼe fakahā feafeaʼi e te ʼu fafine faifānau tanatou fakaʼapaʼapa ki te taputapu ʼo te maʼuli? (Ek. 1:17; Sen. 9:6)
(c) Koteā te fakapale neʼe maʼu e te ʼu fafine ʼaē neʼe faifānau ʼi tanatou nofo agatonu ʼaē kiā Sehova? (Ek. 1:20, 21; Taag. 19:17)
(d) Koteā te puleʼaki neʼe fakatuʼutuʼu e Satana moʼo fakafeagai ki te fakatuʼutuʼu ʼa Sehova ʼo ʼuhiga mo te Hāko ʼo Apalahamo ʼaē neʼe fakapapauʼi? (Ek. 1:22; Mat. 2:16)
Neʼe Hāofaki Feafeaʼi Te Kiʼi Tamasiʼi Ko Moisese
1. Ko ai te tamasiʼi ʼi te pāki, pea ko te kauʼi tuhi ʼo ʼai ʼaē ʼe ina puke?
2. Koteā te puleʼaki neʼe fai e te faʼē ʼa Moisese ke hāo mai te mate?
3. Ko ai te kiʼi taʼahine ʼi te pāki, pea koteā ʼaē ʼe ina fai?
4. ʼI te temi ʼaē neʼe maʼu ai e te ʼofafine ʼo Falaone te tamasiʼi, koteā ʼaē neʼe ʼui age e Miliame?
5. Koteā ʼaē neʼe ʼui age e te fineʼaliki ki te faʼē ʼa Moisese?
Te Tahi Fehuʼi:
1. Lau ia Ekesote 2:1-10.
Koteā te faigamālie neʼe maʼu e te faʼē ʼa Moisese moʼo taupau pea mo akoʼi ia Moisese talu mai tana kei veliveli, pea koteā te ako ʼe maʼu mai ai e te ʼu mātuʼa ʼo te temi nei? (Ek. 2:9, 10; Teu. 6:6-9; Taag. 22:6; Ef. 6:4; 2 Tim. 3:15)
He Koʼe Neʼe Hola Ia Moisese
1. Neʼe lahilahi ake ia Moisese ʼifea, pea koteā te ʼu meʼa ʼaē neʼe ina ʼiloʼi ʼo ʼuhiga mo tana ʼu mātuʼa?
2. Koteā ʼaē neʼe fai e Moisese ʼi tona taʼu 40?
3. Koteā ʼaē neʼe ʼui age e Moisese ki te tagata Iselaelite neʼe lolotoga fuhu, pea neʼe koteā te tali age ʼa te tagata Iselaelite?
4. He koʼe neʼe hola ia Moisese ʼi Esipito?
5. Neʼe hola ia Moisese ki te fenua fea, pea ko ai ʼaē neʼe felāveʼi mo ia ʼi te fenua ʼaia?
6. Koteā te gāue neʼe fai e Moisese lolotoga taʼu e 40 ʼi tana ʼosi hola ʼaē mai Esipito?
Te Tahi ʼu Fehuʼi:
1. Lau ia Ekesote 2:11-25.
Logola te ʼu taʼu ʼaē neʼe ako ai ki te poto ʼa te kau Esipito, neʼe fakahā feafeaʼi e Moisese tana agatonu ʼaē kiā Sehova pea mo tana hahaʼi? (Ek. 2:11, 12; Hep. 11:24)
2. Lau ia Gaue 7:22-29.
Koteā te ako ʼe tou lava maʼu mai te ʼu faiga ʼaē ʼa Moisese ke ina hāofaki totonu e ia ia Iselaele mai tonatou maʼuli popūla ʼi Esipito? (Gaue 7:23-25; 1 Pet. 5:6, 10)
ʼE Ulo Te Kiʼi Fuʼu ʼAkau Talatala
1. ʼE higoa feafeaʼi ia te moʼuga ʼaē ʼi te pāki?
2. Koutou fakamahino te meʼa makehe ʼaē neʼe sio kiai ia Moisese ʼi tana ʼalu ki te moʼuga mo tana ʼu ōvi.
3. Koteā ʼaē neʼe ʼui age e te leʼo mai te kiʼi fuʼu ʼakau ʼaē ʼe ʼulo, pea neʼe ko ai ʼaē neʼe palalau?
4. Koteā te tali ʼa Moisese ʼi te ʼui age e te ʼAtua ʼe ina hāofaki anai tana hahaʼi mai Esipito?
5. Koteā ʼaē neʼe ʼui age e te ʼAtua kiā Moisese ke ina tali mo kapau ʼe fehuʼi age pe ko ai ʼaē neʼe ina fekauʼi ia ia?
6. ʼE lava fakamoʼoni feafeaʼi anai e Moisese ʼe ko te ʼAtua ʼaē neʼe ina fekauʼi ia ia?
Te Tahi ʼu Fehuʼi:
1. Lau ia Ekesote 3:1-22.
ʼE tokoni feafeaʼi mai ia te faʼahiga maʼuli ʼo Moisese, ke tou falala tuʼumaʼu ki te lagolago ʼa Sehova, tatau aipe peʼe tou manatu ʼe mole tou lavaʼi anai he gāue faka teokalatike? (Ek. 3:11, 13; 2 Ko. 3:5, 6)
2. Lau ia Ekesote 4:1-20.
(a) Koteā te fetogi neʼe fai e Moisese ʼi te ʼu taʼu e 40 ʼaē neʼe maʼuli ai ʼi Matiane, pea koteā te ako ʼe feala ke fakaʼaogaʼi e nātou ʼaē ʼe takitaki ʼi te kokelekasio? (Ek. 2:11, 12; 4:10, 13; Mik. 6:8; 1 Tim. 3:1, 6, 10)
(b) Tatau aipe peʼe fakatonutonuʼi tatou e Sehova ʼaki tana kautahi, koteā te fakamoʼoni ʼaē ʼe tou maʼu mai te faʼifaʼitaki ʼa Moisese? (Ek. 4:12-14; Pes. 103:14; Hep. 12:4-11)
ʼE ʼOlo Ia Moisese Pea Mo Alone Kia Falaone
1. Neʼe malave feafeaʼi ki te kau Iselaelite ia te ʼu milakulo ʼaē neʼe fai e Moisese pea mo Alone?
2. Koteā ʼaē neʼe ʼui e Moisese pea mo Alone kiā Falaone, pea neʼe koteā te tali ʼa Falaone kiai?
3. Ohage ko tona tuʼu ʼi te pāki, koteā ʼaē neʼe hoko ʼi te temi ʼaē neʼe lī ai ki lalo e Alone tana tokotoko?
4. Koteā ʼaē neʼe fakaʼaogaʼi e Sehova moʼo akonakiʼi ia Falaone, pea neʼe tali feafeaʼi e Falaone?
5. Koteā ʼaē neʼe hoko ʼi te ʼosi ʼo te hogofulu tautea?
Te Tahi ʼu Fehuʼi:
1. Lau ia Ekesote 4:27-31 pea mo te 5:1-23.
Koteā ʼaē neʼe fia ʼui e Falaone ʼi te temi ʼaē neʼe ina ʼui ai: “ ʼE mole au ʼiloʼi pe la peʼe ko ai ia Sehova”? (Ek. 5:2; 1 Sam. 2:12; Loma 1:21)
2. Lau ia Ekesote 6:1-13, 26-30.
(a) ʼE faka ʼuhiga feafeaʼi te mole fakahā e Sehova ʼo ia totonu kiā Apalahamo, mo Isaake, pea mo Sakopo? (Ek. 3:13, 14; 6:3; Sen. 12:8)
(b) ʼE malave feafeaʼi kiā tatou ia te fia fakaʼaogaʼi ʼaē e Sehova ia Moisese, logola ko Moisese neʼe ina ʼui age ʼe mole ina lavaʼi te gāue ʼaē neʼe ina fakatotonuʼi age? (Ek. 6:12, 30; Luka 21:13-15)
3. Lau ia Ekesote 7:1-13.
(a) ʼI te lototoʼa ʼa Moisese pea mo Alone ʼo fakahā te ʼu tautea ʼa Sehova kiā Falaone, koteā te faʼifaʼitaki ʼaē neʼe nā tuku mai ki te ʼu kaugana ʼa te ʼAtua iā ʼaho nei? (Ek. 7:2, 3, 6; Gaue 4:29-31)
(b) Neʼe fakahā feafeaʼi e Sehova tona māʼoluga age ʼaē ʼi te ʼu ʼatua ʼo Esipito? (Ek. 7:12; 1 Fkma. 29:12)
Te ʼu Tautea e 10
1. ʼI takotou fakaʼaogaʼi te ʼu pāki ʼaē ʼe tuʼu ʼi henī, koutou fakamatala te ʼu ʼuluaki tautea e tolu ʼaē neʼe fakahoko e Sehova ki Esipito.
2. Koteā ʼaē neʼe kehekehe ai te ʼu ʼuluaki tautea e tolu pea mo te ʼu tautea ʼaē e fitu?
3. Neʼe koteā te fā tautea, te nima tautea, pea mo te ono tautea?
4. Koutou fakamatala te fitu tautea, mo te valu tautea, pea mo te hiva tautea.
5. Koteā ʼaē neʼe kole e Sehova ki te kau Iselaelite ke nātou fai ʼi muʼa ʼo te hoko mai ʼo te hogofulu tautea?
6. Koteā te hogofulu tautea, pea koteā ʼaē neʼe hoko ki muli age?
Te Tahi ʼu Fehuʼi:
1. Lau ia Ekesote 7:19–8:23.
(a) Logola neʼe toe lava fakahoko pe e te ʼu pelepitelo ʼo Esipito ia te ʼu ʼuluaki tautea e lua ʼa Sehova, kae koteā ʼaē neʼe tonu ke nātou fakamoʼoni kiai ʼi te hili ʼo te tolu tautea? (Ek. 8:18, 19; Mat. 12:24-28)
(b) Koteā ʼaē neʼe fakahā ʼaki te fā tautea ʼo ʼuhiga mo te fealagia ʼa Sehova ke ina puipui tana hahaʼi, pea ʼe malave feafeaʼi te faʼahi ʼaia ki te hahaʼi ʼa te ʼAtua ʼaē ʼe fakalogo ki “te mamahi lahi” ʼaē neʼe fakakikite mai? (Ek. 8:22, 23; Apk. 7:13, 14, MN; 2 Fkma. 16:9)
2. Lau ia Ekesote 8:24; 9:3, 6, 10, 11, 14, 16, 23-25; pea mo te Eke 10:13-15, 21-23.
(a) Ko ai te ʼu kūtuga e lua ʼaē neʼe hoko kiai te ʼu Tautea e Hogofulu, pea ʼe malave feafeaʼi kiā tatou te faʼahi ʼaia ʼo ʼuhiga mo tatatou sio ki te ʼu kūtuga ʼaia e lua iā ʼaho nei? (Ek. 8:10, 18, 19; 9:14)
(b) ʼE tokoni feafeaʼi mai ia Ekesote 9:16, ke tou mahino ki te tupuʼaga ʼo te tuku e Sehova ia Satana ke maʼuli ʼo aʼu mai ki te temi ʼaenī? (Loma 9:21, 22)
3. Lau ia Ekesote 12:21-32.
Neʼe hāofaki feafeaʼi e te Pāsikate ia te tokolahi, pea koteā ʼaē ʼe ina fakaʼiloʼilo? (Ek. 12:21-23; Soa. 1:29; Loma 5:18, 19, 21; 1 Ko. 5:7)
ʼE Nātou Fakalaka ʼi Te Tai Kula
1. Ko te toko fia ʼi te hahaʼi tagata Iselaelite, pea mo tonatou ʼu ʼohoana pea mo tanatou ʼu tamaliki neʼe nātou mavae mai Esipito, pea ko ai ʼaē neʼe ʼolo mo nātou?
2. Neʼe feafeaʼi te loto ʼo Falaone ʼi tana ʼosi fakagafua ʼaē ke mavae ia te kau Iselaelite, pea koteā ʼaē neʼe ina fai?
3. Koteā ʼaē neʼe fai e Sehova ke ʼaua naʼa ʼohofiʼi e te kau Esipito ia tana hahaʼi?
4. Koteā ʼaē neʼe hoko ʼi te temi ʼaē neʼe faoʼi ai e Moisese tona tokotoko ki te Tai Kula, pea koteā ʼaē neʼe fai e te kau Iselaelite?
5. Koteā ʼaē neʼe hoko ki te kau Esipito ʼi te temi ʼaē neʼe nātou tuli ai ia te kau Iselaelite ʼi te lotomalie ʼo te tai?
6. Neʼe fakahā feafeaʼi e te kau Iselaelite ia tanatou fiafia pea mo tonatou loto fakafetaʼi kiā Sehova ʼi tana hāofaki ia nātou?
Te Tahi ʼu Fehuʼi:
1. Lau ia Ekesote 12:33-36.
Koteā ʼaē neʼe fai e Sehova ke totogi te ʼu taʼu fuli ʼaē neʼe māʼuʼuli popūla ai tana hahaʼi maʼa te kau Esipito? (Ek. 3:21, 22; 12:35, 36)
2. Lau ia Ekesote 14:1-31.
ʼE malave feafeaʼi iā ʼaho nei ia te ʼu palalau ʼaē neʼe fai e Moisese iā Ekesote 14:13, 14 ki te ʼu kaugana ʼa Sehova ʼaē ka hoko anai kiā nātou ia te tau ʼo Halamaketone? (2 Fkma. 20:17; Pes. 91:8)
3. Lau ia Ekesote 15:1-8, 20, 21.
(a) He koʼe ʼe tonu ki te ʼu kaugana ʼa Sehova ke nātou hiva he ʼu fakavikiviki kiā te ia? (Ek. 15:1, 2; Pes. 105:2, 3; Apk. 15:3, 4)
(b) Koteā te faʼifaʼitaki ʼe maʼu e te ʼu fafine Kilisitiano iā ʼaho nei ʼi te ʼu hiva fakavikiviki ʼaē neʼe fai e Miliame pea mo te ʼu fafine ʼi te Tai Kula? (Ek. 15:20, 21; Pes. 68:11)
Ko He Faʼahiga Meʼa Kai Foʼou
1. ʼI te pāki, koteā te meʼa ʼaē ʼe tae e te hahaʼi, pea koteā tona higoa?
2. Koteā te fakatotonu neʼe fai e Moisese ki te hahaʼi ʼaē ʼe nātou tae te mane?
3. Koteā ʼaē neʼe kole e Sehova ki te hahaʼi ke nātou fai ʼi te ono ʼaho, pea koteā tona tupuʼaga?
4. Koteā te milakulo neʼe fai e Sehova mokā taupau te mane ki te fitu ʼaho, pea he koʼe ʼe ko he milakulo?
5. Ko taʼu e fia neʼe fafaga ai e Sehova tana hahaʼi ki te mane?
Te Tahi ʼu Fehuʼi:
1. Lau ia Ekesote 16:1-36 pea mo Faka au 11:7-9.
(a) Koteā ʼaē ʼe ʼasi mai iā Ekesote 16:8 ʼo ʼuhiga mo te ʼaoga ʼaē ke tou fakaʼapaʼapa kiā nātou neʼe fakanofo faka teokalatike ʼi te kokelekasio faka Kilisitiano? (Hep. 13:17)
(b) ʼI te toafa, neʼe fakamanatuʼi feafeaʼi age ki te kau Iselaelite ʼi te ʼaho fuli ʼe fakalogo tonatou maʼuli kiā Sehova? (Ek. 16:14-16, 35; Teu. 8:2, 3)
(c) Koteā ʼaē neʼe fakatātā kiai e Sesu ia te mane, pea ʼe fua manuʼia feafeaʼi kiā tatou ia te “pane [ʼaia] mai Selo”? (Soa. 6:31-35, 40)
2. Lau ia Sosue 5:10-12.
Ko taʼu e fia neʼe kai ai te kau Iselaelite ki te mane, neʼe ʼahiʼahiʼi feafeaʼi ai ia nātou, pea koteā te ako ʼe tou lava tāʼofi mai te hisitolia ʼaia? (Ek. 16:35; Fkau. 11:4-6; 1 Ko. 10:10, 11)
ʼE Foaki e Sehova Tana ʼu Lao
1. Hili māhina e lua ki tanatou ʼosi mavae mai Esipito, neʼe fakatuʼu ʼifea e te kau Iselaelite ia tonatou nofoʼaga?
2. Koteā ʼaē neʼe kole age e Sehova ke fai e te hahaʼi, pea neʼe koteā tanatou tali kiai?
3. He koʼe neʼe foaki e Sehova ia te ʼu maka e lua kiā Moisese?
4. ʼO hilifaki ki te ʼu Folafola e Hogofulu, koteā te tahi age ʼu lao neʼe foaki e Sehova ki te kau Iselaelite?
5. Ko te ʼu lao fea e lua ʼaē neʼe tala e Sesu Kilisito ʼe maʼuhiga age?
Te Tahi ʼu Fehuʼi:
1. Lau ia Ekesote 19:1-25; 20:1-21; 24:12-18; pea mo te Ek. 31:18.
ʼE tokoni feafeaʼi mai te ʼu palalau ʼaē iā Ekesote 19:8 ke tou mahino ki te ʼu maʼua ʼaē ʼe pipiki ki te foaki ʼo totatou maʼuli kiā Sehova? (Mat. 16:24; 1 Pet. 4:1-3)
2. Lau ia Teutalonome 6:4-6; Levitike 19:18; pea mo Mateo 22:36-40.
ʼE fakahā feafeaʼi e te kau Kilisitiano ia tonatou ʼofa ki te ʼAtua pea mo tonatou ʼu tatau? (Mko. 6:34; Gaue 4:20; Loma 15:2)
Ko Te ʼUhiʼi Pipi Aulo
1. ʼI te pāki, koteā ʼaē ʼe fai e te hahaʼi, pea koteā tona tupuʼaga?
2. He koʼe ʼe ʼita ia Sehova, pea koteā ʼaē ʼe fai e Moisese ʼi tana sio ʼaē ki te meʼa ʼe fai e te hahaʼi?
3. Koteā ʼaē neʼe fakatotonu e Moisese ki ʼihi ʼi te ʼu tagata ʼaia?
4. Koteā te ako ʼe tou lava tāʼofi ʼi te hisitolia ʼaenī?
Te Tahi ʼu Fehuʼi:
1. Lau ia Ekesote 32:1-35.
(a) ʼAki te hisitolia ʼaenī, ʼe fakahā feafeaʼi e Sehova tana mole tali ʼaē ke fakatahiʼi te lotu hala pea mo te tauhi moʼoni? (Ek. 32:4-6, 10; 1 Ko. 10:7, 11)
(b) Koteā ʼaē ʼe tonu ke tōkakaga kiai te kau Kilisitiano mokā nātou filifili tanatou ʼu fakafiafia, ohage ko te ʼu hiva pea mo te ʼu meʼe? (Ek. 32:18, 19; Ef. 5:15, 16; 1 Soa. 2:15-17)
(c) Koteā te faʼifaʼitaki lelei neʼe tuku mai e te telepi ʼo Levi ʼo ʼuhiga mo te lagolago tuʼumaʼu ki te faitotonu? (Ek. 32:25-28; Pes. 18:25)
Ko Te Fale Fehikitaki Maʼa Te Tauhi
1. ʼE higoa feafeaʼi te fale ʼaē ʼe tuʼu ʼi te pāki, pea neʼe fakaʼaogaʼi moʼo fai ai teā?
2. He koʼe neʼe ʼui e Sehova kiā Moisese ke ina faʼu he fale ke faigafua hona vete pea mo hona fehikiʼaki?
3. Koteā te puha ʼaē ʼe tuku ʼi te kogafale veliveli ʼi te potu taupotu ʼo te fale fehikitaki, pea koteā ʼaē neʼe tuku ʼi te loto puha?
4. Ko ai ʼaē neʼe filifili e Sehova ke pelepitelo lahi, pea koteā te gāue ʼaē neʼe ina fakatotonu age?
5. Koutou fakahā te ʼu meʼa ʼaē e tolu ʼe tuku ʼi te kogafale lahi ʼo te fale fehikitaki.
6. Koteā te ʼu meʼa e lua ʼaē ʼi te malaʼe ʼaē ʼe ina ʼātakai te fale fehikitaki, pea neʼe fakaʼaogaʼi kiteā?
Te Tahi ʼu Fehuʼi:
1. Lau ia Ekesote 25:8-40; 26:1-37; 27:1-8; pea mo te Ek. 28:1.
Koteā ʼaē neʼe fakatātā e te ʼu kelupimi ʼaē ʼi ʼoluga ʼo “te aleka ʼo te fakamoʼoni”? (Ek. 25:20, 22; Fkau. 7:89; 2 Hau 19:15)
2. Lau ia Ekesote 30:1-10, 17-21; 34:1, 2; pea mo Hepeleo 9:1-5.
(a) He koʼe neʼe fakamaʼua e Sehova ki te kau pelepitelo ʼaē neʼe gāue ʼi te tapenakulo ke nātou maʼa ʼi te faʼahi fakasino, pea koteā te ako kiā tatou iā ʼaho nei? (Ek. 30:18-21; 40:30, 31; Hep. 10:22)
(b) Neʼe fakahā feafeaʼi e te ʼapositolo ko Paulo ʼi te temi ʼaē neʼe faitohi ai ki te kau Kilisitiano Hepeleo, neʼe mole kei ʼaoga kiā nātou ia te tapenakulo pea mo te fuakava ʼo te Lao? (Hep. 9:1, 9; 10:1)
Te ʼu Malomu e Toko 12
1. Koteā ʼaē ʼe koutou fakatokagaʼi ʼo ʼuhiga mo te fuhiga vite ʼaē ʼe tuʼu ʼi te pāki, pea neʼe ʼaumai mai fea?
2. He koʼe neʼe fekauʼi e Moisese ia te ʼu malomu e toko 12 ki te fenua ʼo Kanaane?
3. Koteā ʼaē neʼe fakamatala e te ʼu malomu e toko hogofulu kiā Moisese?
4. Neʼe fakahā feafeaʼi e te ʼu malomu e toko lua tanā falala ʼaē kiā Sehova, pea ko ai ia nāua ʼaia?
5. He koʼe neʼe ʼita ia Sehova, pea koteā ʼaē neʼe ina ʼui age kiā Moisese?
Te Tahi ʼu Fehuʼi:
1. Lau ia Faka au 13:1-33.
(a) Ko ai ia nātou ʼaē neʼe filifili ke nātou ʼolo ʼo vakaʼi te fenua, pea koteā te pilivilesio lahi ʼaē neʼe nātou maʼu? (Fkau. 13:2, 3, 18-20)
(b) He koʼe ko Sosue pea mo Kalepe neʼe mole nā manatu tahi mo te ʼu malomu e toko hogofulu, pea koteā te ako kiā tatou? (Fkau. 13:28-30; Mat. 17:20; 2 Ko. 5:7)
2. Lau ia Faka au 14:1-38.
(a) Ko te fakatokaga fea ʼaē ʼe tonu ke tou tokagaʼi ʼo ʼuhiga mo te ʼu muhumuhu ʼaē ki te kau fakafofoga ʼa Sehova ʼi te kele? (Fkau. 14:2, 3, 27; Mat. 25:40, 45; 1 Ko. 10:10)
(b) ʼE hā feafeaʼi iā Faka au 14:24 ia te tokaga ʼa Sehova ki tana ʼu kaugana takitokotahi? (1 Hau 19:18; Taag. 15:3)
ʼE Homo Te ʼu Fisiʼi Teu ʼi Te Tokotoko ʼo Alone
1. Ko ai ia nātou ʼaē neʼe fakafeagai ki te takitaki ʼa Moisese pea mo Alone, pea koteā ʼaē neʼe nātou ʼui kiā Moisese?
2. Koteā ʼaē neʼe ʼui age e Moisese kiā Kole pea mo te toko 250 ʼaē neʼe mulimuli ia ia ke nātou fai?
3. Koteā ʼaē neʼe ʼui age e Moisese ki te hahaʼi, pea koteā ʼaē neʼe hoko ʼi tana ʼosi age pe ʼo tana palalau?
4. Koteā ʼaē neʼe hoko kiā Kole pea mo te toko 250 ʼaē neʼe mulimuli ia ia?
5. Koteā ʼaē neʼe fai e Eleasale te foha ʼo Alone mo te ʼu ipu ʼaiʼaga afi ʼa te kau tagata kua mamate, pea koteā tona tupuʼaga?
6. He koʼe neʼe fakahomo e Sehova ia te ʼu fisiʼi teu ʼi te tokotoko ʼo Alone? (Vakaʼi ʼi te pāki.)
Te Tahi ʼu Fehuʼi:
1. Lau ia Faka au 16:1-49.
(a) Koteā ʼaē neʼe fai e Kole pea mo nātou ʼaē neʼe muli ia ia, pea he koʼe neʼe ko he agatuʼu kiā Sehova? (Fkau. 16:9, 10, 18; Lev. 10:1, 2; Taag. 11:2)
(b) Koteā te manatu kovi neʼe maʼu e Kole pea mo te ʼu toko 250 “pule ʼo te fakatahi”? (Fkau. 16:1-3; Taag. 15:33; Isa. 49:7)
2. Lau ia Faka au 17:1-11 pea mo te 26:10.
(a) Koteā ʼaē ʼe ʼasi mai ʼi te fisi ʼo te teu ʼi te tokotoko ʼa Alone, pea he koʼe neʼe fakatotonu e Sehova ke taupau te tokotoko ʼi te aleka? (Fkau. 17:5, 8, 10)
(b) Koteā te ako maʼuhiga ʼe tou maʼu mai te fisi ʼo te teu ʼi te tokotoko ʼo Alone? (Fkau. 17:10; Gaue 20:28; Filp. 2:14; Hep. 13:17)
Neʼe Tāʼi e Moisese Te Maka
1. Neʼe tokaga feafeaʼi ia Sehova ki te Iselaelite ʼi te toafa?
2. Koteā ʼaē neʼe meo ai ia te kau Iselaelite ʼi tanatou nonofo ʼi Katesi?
3. Neʼe foaki feafeaʼi e Sehova te vai ki te hahaʼi pea mo tanatou ʼu manu?
4. ʼI te pāki, ko ai te tagata ʼaē ʼe ina tuhiʼi pe ia ia totonu, pea he koʼe ʼe ina tuhiʼi ia ia?
5. He koʼe neʼe ʼita ia Sehova kiā Moisese pea mo Alone, pea neʼe ina fakatūʼā feafeaʼi nāua?
6. Koteā ʼaē neʼe hoko ʼi te Moʼuga ʼo Olo, pea ko ai ʼaē ka fakanofo ko te pelepitelo lahi ʼo Iselaele?
Te Tahi ʼu Fehuʼi:
1. Lau ia Faka au 20:1-13, 22-29 pea mo Teutalonome 29:5.
(a) Koteā te ako ʼe tou maʼu mai te tokaga ʼaē ʼa Sehova ki te kau Iselaelite ʼi te toafa? (Teu. 29:5; Mat. 6:31; Hep. 13:5; Skp. 1:17)
(b) Neʼe faka ʼuhiga feafeaʼi e Sehova ia te mole faka tāpuhā ʼaē e Moisese pea mo Alone ia ia iā muʼa ʼo Iselaele? (Fkau. 20:12; 1 Ko. 10:12; Apk. 4:11)
(c) Koteā te ako ʼe tou maʼu ʼi te aga ʼa Moisese ʼi te temi ʼaē neʼe fakatonutonuʼi ai e Sehova? (Fkau. 12:3; 20:12, 27, 28; Teu. 32:4; Hep. 12:7-11)
Ko Te Gata Kapa
1. ʼI te pāki, koteā ʼaē ʼe makaminomino ʼi te pou, pea he koʼe neʼe ʼui age e Sehova kiā Moisese ke ina ʼai kiai?
2. Neʼe fakahā feafeaʼi e te hahaʼi tanatou mole loto fakafetaʼi ki te ʼu meʼa fuli ʼaē neʼe fai e te ʼAtua maʼa nātou?
3. Koteā ʼaē neʼe kole e te hahaʼi kiā Moisese ʼi te ʼosi fekauʼi ʼaē e Sehova te ʼu gata ʼusiʼusi moʼo tauteaʼi ʼo nātou?
4. He koʼe neʼe ʼui e Sehova kiā Moisese ke ina faʼu he gata kapa?
5. Koteā te ako ʼe tou tāʼofi mai te hisitolia ʼaenī?
Te Tahi ʼu Fehuʼi:
1. Lau ia Faka au 21:4-9.
(a) Koteā te fakatokaga ʼe tou maʼu mai te aga ʼa Iselaele ʼo ʼuhiga mo te ʼu fakatuʼutuʼu ʼa Sehova? (Fkau. 21:5, 6; Loma 2:4)
(b) ʼI te ʼu sēkulō ki muli age, neʼe fakaʼaogaʼi feafeaʼi e te kau Iselaelite ia te gata kapa, pea koteā ʼaē neʼe fai e te Hau ko Esekiasi? (Fkau. 21:9; 2 Hau 18:1-4)
2. Lau ia Soane 3:14, 15.
Neʼe fakatātā feafeaʼi e te gata kapa ia te tutuki ʼaē ʼo Sesu Kilisito ʼi te pou? (Kal. 3:13; 1 Pet. 2:24)
Ko Te Asino Fafine ʼe Palalau
1. Ko ai ia Palake, pea he koʼe neʼe ina fekauʼi ke ʼalu age ia Palaame?
2. He koʼe ʼe takoto ia te āsino fafine ʼa Palaame ʼi te ala?
3. Koteā ʼaē ʼe logoʼi e Palaame ʼe ʼui age e te āsino fafine?
4. Koteā ʼaē ʼe ʼui age e te ʼāselo kiā Palaame?
5. Koteā ʼaē neʼe hoko ʼi te faiga ʼaē ʼa Palaame ke faitutuku ki Iselaele?
Te Tahi ʼu Fehuʼi:
1. Lau ia Faka au 21:21-35.
He koʼe neʼe mālo ia Iselaele ʼi te Hau ko Sihone ʼa te kau Amolite pea mo te Hau ko Oke ʼo Pasane? (Fkau. 21:21, 23, 33, 34)
2. Lau ia Faka au 22:1-40.
He koʼe neʼe faiga ia Palaame ke faitutuku ki Iselaele, pea koteā te ʼu ako kiā tatou? (Fkau. 22:16, 17; Taag. 6:16, 18; 2 Pet. 2:15; Suta 11)
3. Lau ia Faka au 23:1-30.
Logola ko Palaame neʼe lea ohage ko he atolasio ʼa Sehova, kae koteā ʼaē neʼe ʼasi ʼi tana ʼu fakatuʼutuʼu ʼe mole moʼoni? (Fkau. 23:3, 11-14; 1 Sam. 15:22)
4. Lau ia Faka au 24:1-25.
ʼE fakaloto mālohiʼi feafeaʼi tatou e te hisitolia ʼaenī ʼo ʼuhiga mo te fakahoko ʼo te fakatuʼutuʼu ʼa Sehova? (Fkau. 24:10; Isa. 54:17)
ʼE Liliu Ia Sosue Ko Te Tagata Takitaki
1. ʼI te pāki, ko ai te ʼu tagata e toko lua ʼaē ʼe tutuʼu ʼi te ʼu tafa ʼo Moisese?
2. Koteā ʼaē ʼe ʼui e Sehova kiā Sosue?
3. He koʼe neʼe hake ia Moisese ki te tumutumu ʼo te Moʼuga ko Nepo, pea koteā ʼaē neʼe ʼui age e Sehova kiā te ia?
4. Neʼe taʼu fia ia Moisese ʼi te temi ʼaē neʼe mate ai?
5. He koʼe neʼe lotomamahi te hahaʼi, kae he koʼe ʼe tonu ke nātou fiafia?
Te Tahi ʼu Fehuʼi:
1. Lau ia Faka au 27:12-23.
Koteā te maʼua maʼuhiga neʼe fakatotonu age e Sehova kiā Sosue, pea ʼe fakahā feafeaʼi e Sehova tana tokaga ki Tana hahaʼi iā ʼaho nei? (Fkau. 27:15-19; Gaue 20:28; Hep. 13:7)
2. Lau ia Teutalonome 3:23-29.
He koʼe neʼe mole tali e Sehova ke fakalaka ʼi te Solotane ia Moisese pea mo Alone ke nā hū ki te kele ʼo te fakapapau, pea koteā te ako kiā tatou iā ʼaho nei? (Teu. 3:25-27; Fkau. 20:12, 13)
3. Lau ia Teutalonome 31:1-8, 14-23.
ʼE ʼasi feafeaʼi mai ʼi te ʼu palalau tukumuli ʼa Moisese tana tali ʼaki he agavaivai ia tona fakatonutonuʼi ʼaē e Sehova? (Teu. 31:6-8, 23)
4. Lau ia Teutalonome 32:45-52.
ʼE tonu ke malave feafeaʼi ki totatou maʼuli ia te Folafola ʼa te ʼAtua? (Teu. 32:47; Lev. 18:5; Hep. 4:12)
5. Lau ia Teutalonome 34:1-12.
Logola ko Moisese neʼe mole heʼeki sio mata kiā Sehova, kae koteā ʼaē ʼe ʼasi mai iā Teutalonome 34:10 ʼo ʼuhiga mo tana ʼu felogoi mo Sehova? (Ek. 33:11, 20; Fkau. 12:8)
ʼE Fufū e Laape Te ʼu Malomu
1. Neʼe maʼuli ʼifea ia Laape?
2. Ko ai te ʼu tagata e toko lua ʼaē ʼi te pāki, pea koteā ʼaē ʼe nā fai ʼi Seliko?
3. Koteā te fakatotonu ʼe fai e te hau ʼo Seliko kiā Laape, pea koteā te tali ʼa Laape?
4. Neʼe tokoni feafeaʼi ia Laape ki te ʼu tagata e toko lua, pea koteā ʼaē ʼe ina kole age kiā nāua?
5. Koteā te fakapapau ʼe fai age e te ʼu malomu e toko lua kiā Laape?
Te Tahi ʼu Fehuʼi:
1. Lau ia Sosue 2:1-24.
Neʼe hoko feafeaʼi te fakapapau ʼa Sehova ʼaē iā Ekesote 23:28 ʼi te temi ʼaē neʼe ʼohofiʼi ai e te kau Iselaelite ia Seliko? (Sos. 2:9-11)
2. Lau ia Hepeleo 11:31.
ʼAki te faʼifaʼitaki ʼa Laape, ʼe hā feafeaʼi mai ia te maʼuhiga ʼaupito ʼo te tui? (Loma 1:17; Hep. 10:39; Skp. 2:25)
ʼE Nātou Fakalaka ʼi Te Vaitafe Ko Solotane
1. Koteā te milakulo neʼe fai e Sehova ke lava fakalaka te kau Iselaelite ʼi te Vaitafe ko Solotane?
2. Koteā ʼaē neʼe tonu ke fai e te kau Iselaelite moʼo fakahā ia tanatou tui ke feala ai hanatou fakalaka ʼi te Vaitafe ko Solotane?
3. He koʼe neʼe ʼui e Sehova kiā Sosue ke ina tae he ʼu foʼi maka lalahi e 12 mai te loto vaitafe?
4. Koteā ʼaē neʼe hoko ʼi te ʼosi mavae mai pe ʼa te kau pelepitelo mai te Solotane?
Te Tahi ʼu Fehuʼi:
1. Lau ia Sosue 3:1-17.
(a) Ohage ko tona fakatā ʼi te hisitolia ʼaenī, koteā ʼaē ʼe tonu ke tou fai moʼo maʼu te tokoni pea mo te tapuakina ʼa Sehova? (Sos. 3:13, 15; Taag. 3:5; Skp. 2:22, 26)
(b) Neʼe feafeaʼi te Vaitafe ko Solotane ʼi te temi ʼaē neʼe kua fakalaka ai te kau Iselaelite ki te Kele ʼo Te Fakapapau, pea neʼe feafeaʼi tana fakavikiviki ki te huafa ʼo Sehova? (Sos. 3:15; 4:18; Pes. 66:5-7)
2. Lau ia Sosue 4:1-18.
He koʼe neʼe fakatuʼu ʼi Kilekale ia te ʼu maka e 12 ʼaē neʼe toʼo mai te Solotane? (Sos. 4:4-7)
Te ʼu Kaupā ʼo Seliko
1. Koteā ʼaē neʼe ʼui e Sehova ki te ʼu tagata tau pea mo te kau pelepitelo ke nātou fai lolotoga ʼaho e ono?
2. Koteā ʼaē neʼe tonu ke fai e te hahaʼi tagata ʼi te fitu ʼaho?
3. Ohage ko takotou sio ʼi te pāki, koteā ʼaē neʼe hoko ki te ʼu kaupā ʼo Seliko?
4. He koʼe ʼe tautau te maea kula ʼi te matapā fakamālama?
5. Koteā ʼaē neʼe ʼui e Sosue ki te ʼu tagata tau ʼo ʼuhiga mo te hahaʼi pea mo te kolo, pea koteā ʼaē neʼe ina toe ʼui ʼo ʼuhiga mo te siliva, mo te aulo, mo te kapa pea mo te ukamea?
6. Koteā ʼaē neʼe ʼui age ke fai e te ʼu malomu e toko lua?
Te Tahi ʼu Fehuʼi:
1. Lau ia Sosue 6:1-25.
(a) He koʼe ko te haʼele ʼa te kau Iselaelite ʼo takafoli ia Seliko ʼi te fitu ʼaho ʼe hage ko te fai faka mafola ʼa te kau Fakamoʼoni ʼa Sehova ʼi te ʼu ʼaho fakamuli? (Sos. 6:15, 16; Isa. 60:22; Mat. 24:14; 1 Ko. 9:16)
(b) Neʼe hoko feafeaʼi te lea faka polofeta ʼaē iā Sosue 6:26 iā taʼu e 500 ki muli age, pea koteā te ako kiā tatou ʼo ʼuhiga mo te folafola ʼa Sehova? (1 Hau 16:34; Isa. 55:11)
Ko Te Tagata Kaihaʼa ʼi Iselaele
1. ʼI te pāki, ko ai te tagata ʼaē ʼe ina tanu te ʼu koloā neʼe toʼo mai Seliko, pea ko ai te ʼu hahaʼi ʼaē tokoni kiā ia?
2. He koʼe ko te meʼa ʼaē neʼe fai e Akani pea mo tona famili ʼe kovi ʼaupito?
3. Koteā ʼaē ʼe ʼui e Sehova ʼi te temi ʼaē neʼe fakalavelave age e Sosue pe koʼe neʼe mole mālo te kau Iselaelite ʼi tanatou tauʼi te kolo ko Ai?
4. ʼI te ʼaumai ʼo Akani pea mo tona famili kiā Sosue, koteā ʼaē neʼe hoko kiā nātou?
5. Koteā te ako maʼuhiga kiā tatou ʼo ʼuhiga mo te tauteaʼi ʼo Akani?
Te Tahi ʼu Fehuʼi:
1. Lau ia Sosue 7:1-26.
(a) Koteā ʼaē ʼe ʼasi ʼi te ʼu faikole ʼa Sosue ʼo ʼuhiga mo tana ʼu felogoi mo tona Tupuʼaga? (Sos. 7:7-9; Pes. 119:145; 1 Soa. 5:14)
(b) Koteā ʼaē ʼe hā ʼaki mai ʼi te meʼa ʼaē neʼe fai e Akani, pea he koʼe ʼe ko he fakatokaga kiā tatou? (Sos. 7:11, 14, 15; Taag. 15:3; 1 Tim. 5:24; Hep. 4:13)
2. Lau ia Sosue 8:1-29.
Koteā te maʼua ʼe tou maʼu takitokotahi ʼo ʼuhiga mo te kokelekasio faka Kilisitiano iā ʼaho nei? (Sos. 7:13; Lev. 5:1; Taag. 28:13)
Te Kau Kapaonite Agapoto
1. Koteā ʼaē neʼe kehe ai te hahaʼi ʼo Kapaone mo te kau Kanaane ʼaē neʼe nonofo ʼi te ʼu kolo tafaʼaki?
2. Ohage ko tona tuʼu ʼi te pāki, koteā ʼaē ʼe fai e te kau Kapaonite, pea koteā tona tupuʼaga?
3. Koteā te fakapapau neʼe fai e Sosue pea mo te kau takitaki ʼo Iselaele ki te kau Kapaonite, kae koteā ʼaē neʼe nātou mahino kiai hili ʼaho e tolu?
4. Koteā ʼaē neʼe hoko ʼi te ʼiloʼi ʼaē e te ʼu hau ʼo te ʼu kolo ʼaē, neʼe fai e te kau Kapaonite ia te fuakava mo te kau Iselaelite?
Te Tahi ʼu Fehuʼi:
1. Lau ia Sosue 9:1-27.
(a) Mai tona ʼaluʼaga ʼaē neʼe fakatotonu e Sehova ki te puleʼaga ʼo Iselaele ke nātou “fakaʼauha te hahaʼi fuli ʼo te fenua,” ko te ʼu kalitātē fea ʼaē neʼe ina fakahā ʼi tana fakahāo te kau Kapaonite? (Sos. 9:22, 24; Mat. 9:13; Gaue 10:34, 35; 2 Pet. 3:9)
(b) ʼI tana agatonu ki te fuakava ʼaē neʼe ina fai mo te kau Kapaonite, koteā te faʼifaʼitaki lelei neʼe tuku e Sosue ki te kau Kilisitiano iā ʼaho nei? (Sos. 9:18, 19; Mat. 5:37; Ef. 4:25)
2. Lau ia Sosue 10:1-5.
ʼE faʼifaʼitakiʼi feafeaʼi iā ʼaho nei ia te kau Kapaonite e te hahaʼi tokolahi, ʼo tupu ai teā kiā nātou? (Sos. 10:4; Sakl. 8:23; Mat. 25:35-40; Apk. 12:17)
ʼE Tuʼu Maʼu Te Laʼā
1. ʼI te pāki, koteā ʼaē ʼe ʼui e Sosue, pea koteā tona tupuʼaga?
2. Neʼe hāofaki feafeaʼi e Sehova ia Sosue pea mo tana ʼu tagata tau?
3. Ko te ʼu hau e toko fia neʼe mālo ai Sosue, pea neʼe loaloaga koa ia tana tauʼi ʼo nātou?
4. He koʼe neʼe vahe e Sosue te fenua ʼo Kanaane?
5. Neʼe taʼu fia ia Sosue ʼi te temi ʼaē neʼe mate ai, pea koteā ʼaē neʼe hoko ki te hahaʼi ʼi tana ʼosi mate?
Te Tahi ʼu Fehuʼi:
1. Lau ia Sosue 10:6-15.
ʼI tatatou ʼiloʼi ʼaē neʼe fakatuʼu e Sehova te laʼā pea mo te māhina ke mālo te kau Iselaelite, koteā ʼaē ʼe tou falala kiai iā ʼaho nei? (Sos. 10:8, 10, 12, 13; Pes. 18:3; Taag. 18:10)
2. Lau ia Sosue 12:7-24.
Ko ai moʼoni koa ʼaē neʼe ina faka fealagia te mālo ʼi te ʼu hau e toko 31 ʼi Kanaane, pea he koʼe ʼe maʼuhiga kiā tatou te faʼahi ʼaia iā ʼaho nei? (Sos. 12:7; 24:11-13; Teu. 31:8; Luka 21:9, 25-28)
3. Lau ia Sosue 14:1-5.
Neʼe vahe feafeaʼi te fenua ʼi te ʼu telepi ʼo Iselaele, pea koteā ʼaē ʼe ʼasi mai ai ʼo ʼuhiga mo te ʼu tofiʼa ʼi te Palatiso? (Sos. 14:2; Isa. 65:21; Esk. 47:21-23; 1 Ko. 14:33)
4. Lau te tohi ʼo te Kau Tuʼi Fakamāu 2:8-13.
Ohage ko Sosue ʼi Iselaele, ko ai iā ʼaho nei ʼe fakafeagai ki te ʼapositasia? (Ktf. 2:8, 10, 11; Mat. 24:45-47; 2 Tes. 2:3-6; Tito 1:7-9; Apk. 1:1; 2:1, 2)
Te ʼu Fafine Lototoʼa e Lua
1. Ko ai te ʼu tuʼi fakamāu, pea ko ai te ʼu higoa ʼo ʼihi iā nātou ʼaia?
2. Koteā te pilivilesio makehe neʼe foaki age kiā Tepola, pea koteā ʼaē ʼe fakamaʼua kiai?
3. ʼI te temi ʼaē neʼe ʼamanaki ʼohofiʼi ai Iselaele e te Hau ko Sapini pea mo tona pule kautau ko Sisela, koteā te logo neʼe foaki e Sehova kiā Tepola ke ina fakahā ki te Tuʼi Fakamāu ko Palake, pea neʼe ina fakahā ko ai anai ʼaē ka ina maʼu te mālo?
4. Neʼe fakahā feafeaʼi e Saele ko ia neʼe ko te fafine lototoʼa?
5. Koteā ʼaē neʼe hoko ʼi te ʼosi mate ʼo te Hau ko Sapini?
Te Tahi ʼu Fehuʼi:
1. Lau te tohi ʼo te Kau Tuʼi Fakamāu 2:14-22.
Koteā ʼaē neʼe fai e te kau Iselaelite ke malaga ai te ʼita ʼo Sehova kiā nātou, pea koteā te ako ʼe tou tāʼofi mai te hisitolia ʼaia? (Ktf. 2:20; Taag. 3:1, 2; Esk. 18:21-23)
2. Lau te tohi ʼo te Kau Tuʼi Fakamāu 4:1-24.
Koteā te ʼu ako ʼo ʼuhiga mo te tui pea mo te lototoʼa ʼa Tepola pea mo Saele ʼe feala ke faʼifaʼitakiʼi e te ʼu fafine Kilisitiano iā ʼaho nei? (Ktf. 4:4, 8, 9, 14, 21, 22; Taag. 31:30; 1 Ko. 16:13)
3. Lau te tohi ʼo te Kau Tuʼi Fakamāu 5:1-31.
ʼE lava fakaʼaogaʼi feafeaʼi te hiva mālo ʼo Palake pea mo Tepola ohage ko he faikole ʼo ʼuhiga mo te tau ʼaē ka hoko anai ʼi Halamaketone? (Ktf. 5:3, 31; 1 Fkma. 16:8-10; Apk. 7:9, 10; 16:16; 19:19-21)
Ko Lute Pea Mo Naomi
1. He koʼe neʼe nofo ia Naomi ʼi te fenua ʼo Moape?
2. Ko ai ia Lute pea mo Olipa?
3. ʼI te ʼui age e Naomi kiā Lute pea mo Olipa ke nā liliu ki tonā ʼu ʼapi, neʼe koteā tanā tali ki ai?
4. Ko ai ia Poase, pea neʼe tokoni feafeaʼi kiā Lute pea mo Naomi?
5. Ko ai te tamasiʼi ʼa Poase pea mo Lute, pea he koʼe ʼe tonu ke tou manatuʼi te tamasiʼi ʼaia?
Te Tahi ʼu Fehuʼi:
1. Lau ia Lute 1:1-17.
(a) Neʼe fakahā feafeaʼi e Lute ia tona ʼofa agatonu ʼaē kiā Naomi? (Lute 1:16, 17)
(b) He koʼe ko te aga ʼa Lute ʼe tatau mo te aga ʼaē ʼe fai e te “tahi ʼu ōvi” ki te kau Kilisitiano fakanofo ʼaē ʼi te lalo kele nei iā ʼaho nei? (Soa. 10:16, MN; Sakl. 8:23)
2. Lau ia Lute 2:1-23.
Koteā te faʼifaʼitaki lelei ʼaē ʼe tuku e Lute ki te ʼu fafine ʼaē kei finemui iā ʼaho nei? (Lute 2:17, 18; Taag. 23:22; 31:15)
3. Lau ia Lute 3:5-13.
(a) Neʼe koteā te manatu ʼa Poase ʼo ʼuhiga mo Lute ʼi tana fia ʼohoana ʼaē mo ia kae mole ina kumi he tahi kei talavou?
(b) Koteā te ako ʼe tou maʼu ʼaki te aga ʼa Lute ʼo ʼuhiga mo te ʼofa agatonu? (Lute 3:10; 1 Ko. 13:4, 5)
4. Lau ia Lute 4:7-17.
E feafeaʼi ki te kau Kilisitiano hanatou faʼifaʼitakiʼi ia Poase iā ʼaho nei? (Lute 4:9, 10; 1 Tim. 3:1, 12, 13; 5:8)
Ko Seteone Pea Mo Tana Toko 300 Tagata
1. Neʼe koteā te fihifihia lahi ʼaē neʼe felāveʼi mo te kau Iselaele pea koteā tona tupuʼaga?
2. He koʼe ʼe ʼui e Sehova kiā Seteone ʼe kei kaugamālie fau tana kautau?
3. Ko te tokofia ʼaē neʼe kei nonofo mo Seteone ʼi te ʼosi ʼui age ki te ʼu tagata ʼaē ʼe mātataku ke nātou liliu ki tonatou ʼu ʼapi?
4. ʼAki te pāki, koutou fakamatala pe neʼe ko te puleʼaki fea ʼaē neʼe fai e Sehova moʼo fakasiʼisiʼi ia te kaugamālie ʼo te kautau ʼa Seteone ke aʼu ki toko 300 tagata.
5. Koteā te fakatuʼutuʼu ʼaē neʼe fai e Seteone ʼaki tana ʼu tagata e toko 300, pea neʼe feafeaʼi te mālo ʼa Iselaele ʼi te tau?
Te Tahi ʼu Fehuʼi:
1. Lau ia te tohi ʼo te Kau Tuʼi Fakamāu 6:36-40.
(a) Koteā ʼaē neʼe fai e Seteone ke ina ʼiloʼi papau ia te finegalo ʼo Sehova?
(b) E feafeaʼi hatatou ʼiloʼi iā ʼaho nei ia te finegalo ʼo Sehova? (Taag. 2:3-6; Mat. 7:7-11; 2 Tim. 3:16, 17)
2. Lau ia te tohi ʼo te Kau Tuʼi Fakamāu 7:1-25.
(a) Koteā te ako ʼe tou tāʼofi mai te kehekehe ʼo te ʼu tagata e toko 300 ʼaē neʼe nonofo tōkakaga pea mo nātou ʼaē neʼe fakaʼaoʼaoganoa? (Ktf. 7:3, 6; Loma 13:11, 12; Ef. 5:15-17)
(b) Ohage pe ko te ʼu tagata e toko 300 ʼaē neʼe nātou sioʼi ia Seteone, koteā anai ʼaē ka tou fai mo kapau ʼe tou sioʼi ia Sesu Kilisito, ia te Seteone Lahi? (Ktf. 7:17; Mat. 11:29, 30; 28:19, 20; 1 Pet. 2:21)
(c) ʼE tokoni feafeaʼi mai ia te vaega ʼa te Kau Tuʼi Fakamāu 7:21 ke tou tahi nofo fiafia ʼo fakahoko te ʼu maʼua ʼaē ʼe tuku mai ʼi te kautahi ʼa Sehova? (1 Ko. 4:2; 12:14-18; Skp. 4:10)
3. Lau ia te tohi ʼo te Kau Tuʼi Fakamāu 8:1-3.
Ka tou fihifihia mo hotatou tēhina peʼe ko hotatou tuagaʼane, koteā te ako ʼe tou tāʼofi mai te faʼahiga fakatokatoka ʼaē neʼe fai e Seteone ʼo ʼuhiga mo tanatou tokakovi ʼaē mo te kau Efalaime? (Taag. 15:1; Mat. 5:23, 24; Luka 9:48)
Ko Te Fakapapau ʼa Sefeteo
1. Ko ai ia Sefeteo, pea neʼe maʼuli ʼi te temi fea?
2. Koteā te fakapapau neʼe fai e Sefeteo kiā Sehova?
3. He koʼe neʼe lotomamahi ia Sefeteo ʼi tana liliu mai ki tona ʼapi ʼi tana ʼosi mālo ʼi te kau Amonite?
4. Koteā ʼaē neʼe ʼui e te ʼofafine ʼo Sefeteo ʼi tana ʼiloʼi ia te fakapapau ʼaē neʼe fai e tana tāmai?
5. He koʼe neʼe ʼoʼofa ia te hahaʼi ki te ʼofafine ʼo Sefeteo?
Te Tahi ʼu Fehuʼi:
1. Lau ia te tohi ʼo te Kau Tuʼi Fakamāu 10:6-18.
Koteā te fakatokaga ʼe tonu ke tou tāʼofi mai te heʼe agatonu ʼa Iselaele kiā Sehova? (Ktf. 10:6, 15, 16; Loma 15:4; Apk. 2:10)
2. Lau ia te tohi ʼo te Kau Tuʼi Fakamāu 11:1-11, 29-40.
(a) He koʼe ʼe tou ʼiloʼi ko te foaki e Sefeteo ia tona ʼofafine ohage ko “he holokoseta,” neʼe mole faka ʼuhiga ko hana tutu ohage ko he sākilifisio? (Ktf. 11:31; Lev. 16:24; Teu. 18:10, 12)
(b) Neʼe sākilifisioʼi feafeaʼi e Sefeteo ia tona ʼofafine?
(c) Koteā tatatou mahino ki te aga ʼa Sefeteo ʼo ʼuhiga mo tana fakapapau ʼaē neʼe ina fai kiā Sehova? (Ktf. 11:35, 39; Tnk. 5:4, 5; Mat. 16:24)
(d) Koteā te faʼifaʼitaki lelei ʼaē neʼe tuku mai e te ʼofafine ʼo Sefeteo ki te kau tūpulaga Kilisitiano ʼo ʼuhiga mo te selevisi pionie kātoa? (Ktf. 11:36; Mat. 6:33; Filp. 3:8)
Te Tagata Mālohi ʼe Mole Hona Fakatatau
1. Ko ai te tagata ʼaē neʼe mālohi tokotahi ʼi te kele, pea ko ai ʼaē neʼe ina foaki age tona mālohi?
2. Ohage ko tona tuʼu ʼi te pāki, koteā ʼaē neʼe fai e Samisoni ʼi te tahi ʼaho ki te laione lahi?
3. ʼI te pāki, koteā te meʼa fakalilo ʼaē neʼe fakahā e Samisoni kiā Talila, pea neʼe tupu feafeaʼi ai tona puke e te kau Filisitini?
4. Neʼe matehi feafeaʼi e Samisoni ia te toko 3 000 Filisitini fakafeagai ʼi te ʼaho ʼaē neʼe mate ai?
Te Tahi ʼu Fehuʼi:
1. Lau ia te tohi ʼo te Kau Tuʼi Fakamāu 13:1-14.
Koteā te faʼifaʼitaki lelei ʼaē neʼe tuku mai e Manoa pea mo tona ʼohoana ki te ʼu mātuʼa, ʼo ʼuhiga mo te akoʼi ʼo tanatou fānau? (Ktf. 13:8; Pes. 127:3; Ef. 6:4)
2. Lau ia te tohi ʼo te Kau Tuʼi Fakamāu 14:5-9 pea mo te 15:9-16.
(a) ʼI te ʼu fakamatala ʼo ʼuhiga mo Samisoni, koteā ʼaē ʼe hā ʼaki mai ʼo ʼuhiga mo te gāue ʼa te laumālie maʼoniʼoni ʼa Sehova, ʼi tana matehi ia te laione, tana motuhi ia te ʼu maʼea foʼou ʼaē neʼe haʼi ʼaki ia ia, pea mo tana matehi ia te toko 1 000 tagata ʼaki te kaugao ʼo te āsino?
(b) ʼE tokoni feafeaʼi mai te laumālie maʼoniʼoni kiā tatou iā ʼaho nei? (Ktf. 14:6; 15:14; Sakl. 4:6; Gaue 4:31)
3. Lau ia te tohi ʼo te Kau Tuʼi Fakamāu 16:18-31.
Koteā ʼaē neʼe hoko kiā Samisoni ʼuhi ko tana ʼu fakakaugā kovi, pea koteā te ako kiā tatou? (Ktf. 16:18, 19; 1 Ko. 15:33)
Ko Te Kiʼi Tama Veliveli ʼe Tauhi Ki Te ʼAtua
1. Ko ai te kiʼi tama ʼaē ʼe tuʼu ʼi te pāki, pea ko ai ia nātou ʼaē ʼe tutuʼu mo ia?
2. ʼI te tahi ʼaho, neʼe koteā te kole ʼaē neʼe fai e Ana ʼi te tapenakulo ʼo Sehova, pea fakahoko feafeaʼi e Sehova tana kole?
3. Neʼe taʼu fia ia Samuele ʼi te temi ʼaē neʼe kamata gāue ai ʼi te falelā ʼo Sehova, pea koteā ʼaē neʼe fai e tana faʼē maʼa ia ʼi te taʼu fuli?
4. Ko ai te ʼu foha ʼa Elia, pea neʼe feafeaʼi te aga ʼa te ʼu tama ʼaia?
5. Neʼe pāuiʼi feafeaʼi e Sehova ia Samuele, pea koteā te fakatotonu neʼe Ina foaki age kiā ia?
6. Koteā ʼaē neʼe fai e Samuele ʼi tana lahilahi ake, pea koteā ʼaē neʼe hoko kiā ia ʼi tona temi matuʼa?
Te Tahi ʼu Fehuʼi:
1. Lau ia 1 Samuele 1:1-28.
(a) Koteā te faʼifaʼitaki lelei ʼaē neʼe tuku e Elekana ki te ʼu pule famili ʼo ʼuhiga mo tanatou maʼumaʼua ʼi te tauhi moʼoni? (1 Sam. 1:3, 21; Mat. 6:33; Filp. 1:10)
(b) Koteā te ako ʼe tou maʼu mai te faʼifaʼitaki ʼa Ana ʼo ʼuhiga mo tana vevete ia te fihifihia neʼe fakatupu loto hoha kiā ia? (1 Sam. 1:10, 11; Pes. 55:22; Loma 12:12)
2. Lau ia 1 Samuele 2:11-36.
Koteā ʼaē ʼe ʼasi mai neʼe lahi age te ʼofa ʼa Elia ki tona ʼu foha iā Sehova, pea he koʼe ʼe ko he fakatokaga kiā tatou? (1 Sam. 2:22-24, 29; Teu. 21:18-21; Mat. 10:36, 37)
3. Lau ia 1 Samuele 4:16-18.
Koteā te ʼu malaʼia e fā ʼaē neʼe hoko ʼi te tau, pea neʼe malave feafeaʼi kiā Elia?
4. Lau ia 1 Samuele 8:4-9.
Neʼe fakaloto mamahiʼi feafeaʼi e Iselaele ia Sehova, pea e feafeaʼi hatatou lagolago agatonu ki tona Puleʼaga iā ʼaho nei? (1 Sam. 8:5, 7; Soane 17:16; Skp. 4:4)
Ko Saulo —Te ʼUluaki Hau ʼo Iselaele
1. ʼI te pāki, koteā ʼaē ʼe fai e Samuele, pea koteā tona tupuʼaga?
2. He koʼe neʼe ʼofa ia Sehova kiā Saulo, pea neʼe feafeaʼi te tagata ʼaia?
3. Ko ai te foha ʼo Saulo, pea koteā ʼaē neʼe fai e tona foha?
4. He koʼe neʼe momoli e Saulo ia te sākilifisio kae neʼe mole fakatalitali ke haʼu ia Samuele ʼo fai ia te faʼahi ʼaia?
5. Koteā te ʼu ako ʼe tou maʼu mai te faʼahiga aga ʼa Saulo?
Te Tahi ʼu Fehuʼi:
1. Lau ia 1 Samuele 9:15-21 pea mo te 10:17-27.
Ko te agavaivai ʼa Saulo, neʼe tokoni feafeaʼi kiā ia ke mole ina tali koviʼi tona moamoagaʼi e ʼihi tagata? (1 Sam. 9:21; 10:21, 22, 27; Taag. 17:27)
2. Lau ia 1 Samuele 13:5-14.
Neʼe koteā te agahala ʼaē neʼe fai e Saulo ʼi Kilekale? (1 Sam. 10:8; 13:8, 9, 13)
3. Lau ia 1 Samuele 15:1-35.
(a) Koteā te agahala mamafa ʼaē neʼe fai e Saulo ʼo ʼuhiga mo Akake, te hau ʼo Amaleke? (1 Sam. 15:2, 3, 8, 9, 22)
(b) Koteā ʼaē neʼe ʼui e Saulo moʼo faka lākatonuʼi tana ʼu aga pea mo tuku te hala ki ʼihi hahaʼi? (1 Sam. 15:24)
(c) Koteā te fakatokaga ʼe tonu ke tou manatuʼi iā ʼaho nei mokā tokoniʼi tatou? (1 Sam. 15:19-21; Pes. 141:5; Taag. 9:8, 9; 11:2)
ʼE Fili e Te ʼAtua Ia Tavite
1. Ko ai te kiʼi tama ʼaē ʼe tuʼu ʼi te pāki, pea he koʼe ʼe tou ʼui neʼe lototoʼa?
2. Neʼe nofo ʼifea ia Tavite, pea ko ai tana tāmai pea mo tana kui tagata?
3. He koʼe neʼe ʼui e Sehova kiā Samuele ke ʼalu ki te ʼapi ʼo Sese ʼi Petelehemi?
4. Koteā ʼaē neʼe hoko ʼi te temi ʼaē neʼe ʼaumai ai e Sese tona ʼu foha e toko fitu kiā Samuele?
5. ʼI te ʼaumai ʼo Tavite, koteā ʼaē neʼe ʼui age e Sehova kiā Samuele?
Te Tahi ʼu Fehuʼi:
1. Lau ia 1 Samuele 17:34, 35.
ʼE hā feafeaʼi ʼi te ʼu meʼa ʼaē neʼe hoko ia te lototoʼa ʼa Tavite pea mo tana falala ʼaē kiā Sehova? (1 Sam. 17:37)
2. Lau ia 1 Samuele 16:1-14.
(a) Ko te ʼu palalau ʼa Sehova iā 1 Samuele 16:7, ʼe tokoni feafeaʼi mai ke mole tou fakapalatahi pea ke ʼaua naʼa tou sioʼi pe te ʼu meʼa ʼaē ʼe hā mai ki tuʼa? (Gaue 10:34, 35; 1 Tim. 2:4)
(b) ʼE hā feafeaʼi mai ʼi te faʼifaʼitaki ʼa Saulo, ka toʼo e Sehova tona laumālie maʼoniʼoni, pea ʼe feala ke gāueʼi tatou e he laumālie kovi, ʼo ina ʼeke tatou ke tou fai he meʼa kovi pea mo fetogi te nofoʼaga ʼo te laumālie maʼoniʼoni ʼaē kua toʼo? (1 Sam. 16:14; Mat. 12:43-45; Kal. 5:16)
Ko Tavite Pea Mo Koliate
1. Koteā te laga tau ʼaē neʼe fai e Koliate ki te kautau ʼo Iselaele?
2. Neʼe feafeaʼi te lahi ʼaē ʼo Koliate, pea koteā te fakapale ʼaē neʼe fakapapau e te Hau ko Saulo ki te tagata ʼaē ka ina matehi anai ia Koliate?
3. Koteā te tali ʼa Tavite ki te ʼui age ʼaē ʼa Saulo ʼe mole feala ke felāveʼi mo Koliate heʼe kei veliveli?
4. ʼI te tali ʼaē neʼe ina fai kiā Koliate, neʼe fakahā feafeaʼi e Tavite ia tana falala ʼaē kiā Sehova?
5. Ohage ko tona tuʼu ʼi te pāki, koteā ʼaē neʼe fakaʼaogaʼi e Tavite moʼo matehi ʼo Koliate, pea koteā ʼaē neʼe hoko ki te kau Filisitini ʼi te ʼosi mate ʼa Koliate?
Te Tahi ʼu Fehuʼi:
1. Lau ia 1 Samuele 17:1-54.
(a) Ko ai ʼaē neʼe tupu ai te lototoʼa ʼa Tavite, pea ʼe feafeaʼi hatatou faʼifaʼitakiʼi tona lototoʼa? (1 Sam. 17:37, 45; Ef. 6:10, 11)
(b) He koʼe ʼe mole tonu ke fakataupiepie te kau Kilisitiano ohage ko Koliate, mokā nātou fai he ʼu gaoʼi? (1 Sam. 17:8; Kal. 5:26; 1 Tim. 4:8)
(c) ʼE hā feafeaʼi mai ʼi te ʼu palalau ʼaē neʼe fai e Tavite neʼe faka tui moʼoni ki te tokoni ʼa te ʼAtua? (1 Sam. 17:45-47; 2 Fkma. 20:15)
(d) ʼE ʼiloga feafeaʼi ʼi te fehōkosi, neʼe mole ko he fehōkosi pe ʼa he ʼu foʼi kautau e lua, kae neʼe ko te fehōkosi ʼa te ʼu ʼatua loi ki te ʼAtua moʼoni ko Sehova? (1 Sam. 17:43, 46, 47)
(e) ʼE faʼifaʼitakiʼi feafeaʼi e te toe ʼo te kau Kilisitiano fakanofo ia te loto falala ʼa Tavite kiā Sehova? (1 Sam. 17:37; Sel. 1:17-19; Apk. 12:17)
He Koʼe ʼe Tonu Ke Hola Ia Tavite
1. He koʼe neʼe maheka ia Saulo kiā Tavite, pea koteā ʼaē neʼe nā kehekehe ai mo tona foha ko Sonatane?
2. ʼI te tahi ʼaho, koteā te meʼa ʼaē neʼe fai e Saulo ʼi te lolotoga māholo ʼa Tavite ʼaki tana ʼalepa?
3. ʼI muʼa ʼo he ʼohoanaʼi e Tavite ia Mikale ia te ʼofafine ʼo Saulo, koteā ʼaē neʼe ʼui age e Saulo kiā Tavite ke ina fai, pea koteā ʼaē neʼe fakaʼamu kiai?
4. Ohage ko tona tuʼu ʼi te pāki, koteā ʼaē neʼe hoko tuʼa tolu kiā Tavite ʼi tana lolotoga māholo ʼaki tana ʼalepa maʼa Saulo?
5. Neʼe hāofaki feafeaʼi e Mikale ia Tavite, pea koteā ʼaē neʼe fai e Tavite lolotoga taʼu e fitu?
Te Tahi ʼu Fehuʼi:
1. Lau ia 1 Samuele 18:1-30.
(a) Neʼe fakatātā feafeaʼi e te ʼofa lahi ʼa Sonatane kiā Tavite te feʼofaʼaki ʼa te “tahi ʼu ōvi” pea mo te “kiʼi faga ōvi”? (1 Sam. 18:1; Soa. 10:16, MN; Luka 12:32, MN; Sakl. 8:23)
(b) Logola neʼe ko Sonatane ʼaē neʼe tonu ke nofo hau he neʼe ko te foha ʼo Saulo, kae ʼe hā feafeaʼi mai iā 1 Samuele 18:4 ia te loto mahino ʼa Sonatane ʼo lagolago kātoa ki te hau ʼaē neʼe fili?
(c) Koteā ʼaē neʼe hā ʼaki ia Saulo, ko te maheka ʼe ina taki kita ki he agahala mamafa, pea koteā te fakatokaga kiā tatou? (1 Sam. 18:7-9, 25; Skp. 3:14-16)
2. Lau ia 1 Samuele 19:1-17.
Koteā te tuʼutāmaki ʼaē neʼe feala ke hoko kiā Sonatane ʼi tana ʼalu ʼo palalau fakahagatonu mo Saulo? (1 Sam. 19:1, 4-6; Taag. 16:14)
Ko Apikaela Pea Mo Tavite
1. Ko ai te fafine ʼaē ʼi te pāki, neʼe haʼu ʼo fakafetaulaki kiā Tavite, pea neʼe feafeaʼi te aga ʼa te fafine ʼaia?
2. Ko ai ia Napale?
3. He koʼe neʼe fekauʼi e Tavite tana ʼu tagata ke nātou ʼolo ʼo kole he tokonaki kiā Napale?
4. Koteā ʼaē neʼe ʼui age e Napale ki te ʼu tagata ʼa Tavite, pea neʼe koteā ʼaē neʼe fai e Tavite?
5. Koteā ʼaē neʼe fai e Apikaela ʼe ʼiloga ai tana agapoto?
Te Tahi ʼu Fehuʼi:
1. Lau ia 1 Samuele 22:1-4.
Koteā te faʼifaʼitaki lelei neʼe tuku mai e te famili ʼo Tavite, ʼo ʼuhiga mo tatatou fetokoniʼaki faka tautēhina Kilisitiano? (Taag. 17:17; 1 Tes. 5:14)
2. Lau ia 1 Samuele 25:1-43.
(a) He koʼe ʼe ʼui ko Napale neʼe ko he tagata aga fakalialia? (1 Sam. 25:2-5, 10, 14, 21, 25)
(b) Koteā te faʼifaʼitaki lelei ʼaē neʼe tuku e Apikaela ki te ʼu fafine ʼohoana Kilisitiano? (1 Sam. 25:32, 33; Taag. 31:26; Ef. 5:24)
(c) Koteā te ʼu meʼa kovi e lua ʼaē neʼe ʼamanaki ke fai e Tavite kae neʼe tāʼofi e Apikaela? (1 Sam. 25:31, 33; Loma 12:19; Ef. 4:26)
(d) Ko te tali ʼa Tavite ia te ʼu palalau ʼa Apikaela ʼe tokoni feafeaʼi ki te hahaʼi tagata iā ʼaho nei ke nātou maʼu te manatu ʼa Sehova ʼo ʼuhiga mo te hahaʼi fafine? (Gaue 21:8, 9; Loma 2:11; 1 Pet. 3:7)
Kua Nofo Hau Ia Tavite
1. Koteā ʼaē neʼe fai e Tavite pea mo Apisai ʼi te lolotoga moe ʼa Saulo ʼi tona nofoʼaga?
2. Koteā te ʼu fehuʼi ʼaē neʼe fai e Tavite kiā Saulo?
3. ʼI tana ʼosi mavae mai ia Saulo, neʼe ʼalu kifea ia Tavite?
4. He koʼe neʼe lotomamahi ʼaupito ia Tavite, ʼo tupu ai tana faʼu te hiva matalelei?
5. Neʼe taʼu fia ia Tavite ʼi te temi ʼaē neʼe fakanofo ke hau ʼi Hepelone, pea neʼe ko ai ʼihi ʼo tona ʼu foha?
6. Ko te kolo fea ʼaē neʼe toe ʼafio ai ia Tavite?
Te Tahi ʼu Fehuʼi:
1. Lau ia 1 Samuele 26:1-25.
(a) Koteā ʼaē ʼe ʼiloga ʼi te ʼu palalau ʼa Tavite iā 1 Samuele 26:11, ʼo ʼuhiga mo tana manatu ki te ʼu fakatuʼutuʼu faka teokalatike? (Pes. 37:7; Loma 13:2)
(b) Ka tou faiga fakamalotoloto ke tou fakahā totatou loto manavaʼofa ki he tahi kae mole ina tokagaʼi, ʼe tokoni feafeaʼi mai te ʼu palalau ʼa Tavite ʼaē ʼe tuʼu iā 1 Samuele 26:23 ke tou taupau te manatu ʼaē ʼe lelei? (1 Hau 8:32; Pes. 18:20)
2. Lau ia 2 Samuele 1:26.
ʼE lava faʼifaʼitakiʼi feafeaʼi e te kau Kilisitiano iā ʼaho nei ia te “feʼofaʼofani” ʼa Tavite pea mo Sonatane? (1 Pet. 4:8, MN; Kol. 3:14; 1 Soa. 4:12)
3. Lau ia 2 Samuele 5:1-10.
(a) Neʼe taʼu fia te nofo hau ʼa Tavite, pea ko taʼu e fia ʼaē neʼe hau ai ki Hepelone pea mo Selusalemi? (2 Sam. 5:4, 5)
(b) Koteā ʼaē neʼe tupu ai te ʼiloa ʼo Tavite, pea iā ʼaho nei, koteā ʼaē ʼe tou manatuʼi ʼo ʼuhiga mo te faʼahi ʼaia? (2 Sam. 5:10; 1 Sam. 16:13; 1 Ko. 1:31; Filp. 4:13)
Te ʼu Malaʼia ʼi Te ʼApi ʼo Tavite
1. ʼAki te tokoni ʼa Sehova, koteā ʼaē neʼe hoko ʼi te fenua ko Kanaane?
2. Koteā ʼaē neʼe hoko ʼi te tahi afiafi ʼi te ʼevaʼeva ʼa Tavite ʼi te fakaheketālaʼa ʼo tona fale hau?
3. He koʼe neʼe ʼita ʼaupito ia Sehova kiā Tavite?
4. Ohage ko tona tuʼu ʼi te pāki, ko ai ʼaē neʼe fekauʼi e Sehova ke ʼalu ʼo fakahā kiā Tavite tana ʼu agahala, pea koteā ʼaē neʼe tala e te tagata kiā Tavite ʼo ʼuhiga mo tona ka haʼu?
5. Koteā te ʼu malaʼia ʼaē neʼe hoko kiā Tavite?
6. Ko ai ʼaē neʼe nofo hau ʼi Iselaele ʼi te ʼosi mate ʼa Tavite?
Te Tahi ʼu Fehuʼi:
1. Lau ia 2 Samuele 11:1-27.
(a) He koʼe ʼe ko he puipui kiā tatou mo kapau ʼe tou nonofo maʼumaʼua ʼi te ʼu gāue ʼa Sehova?
(b) He koʼe neʼe agahala ia Tavite, pea koteā te fakatokaga ʼaē ʼe maʼu ai e te ʼu kaugana ʼa Sehova iā ʼaho nei? (2 Sam. 11:2; Mat. 5:27-29; 1 Ko. 10:12; Skp. 1:14, 15)
2. Lau ia 2 Samuele 12:1-18.
(a) Koteā te ako ʼe lava tāʼofi e te ʼu tagata ʼāfea pea mo te ʼu mātuʼa ʼo ʼuhiga mo Natane ʼi tana faʼahiga fai tokoni ʼaē kiā Tavite? (2 Sam. 12:1-4; Taag. 12:18; Mat. 13:34)
(b) He koʼe neʼe loto fakamolemole ia Sehova kiā Tavite? (2 Sam. 12:13; Pes. 32:5; 2 Ko. 7:9, 10)
Ko Te Hau Poto Ko Salomone
1. Koteā ʼaē neʼe kole e Sehova kiā Salomone, pea koteā tana tali ki ai?
2. ʼUhi ko te leleiʼia ʼa Sehova ia te kole ʼa Salomone, koteā te fakapapau ʼaē neʼe ina fai age kiā ia?
3. Koteā te fihifihia faigataʼa ʼaē neʼe loto e te ʼu fafine e toko lua ke fakatokatoka e Salomone?
4. Ohage ko tona tuʼu ʼi te pāki, koteā te puleʼaki ʼaē neʼe fai e Salomone moʼo fakatokatoka ia te fihifihia?
5. Neʼe feafeaʼi te agaaga ʼo te maʼuli ʼi te temi hau ʼo Salomone, pea koteā tona tupuʼaga?
Te Tahi ʼu Fehuʼi:
1. Lau ia 1 Hau 3:3-28.
(a) ʼI te ʼu palalau ʼaē neʼe fai e Salomone ʼaki tona loto kātoa, ʼaē ʼe tuʼu iā 1 Hau 3:7, koteā te ako ki te ʼu tagata ʼāfea ʼi te kautahi ʼa te ʼAtua iā ʼaho nei? (Pes. 119:105; Taag. 3:5, 6)
(b) He koʼe ko te faikole ʼa Salomone ʼe ko he faʼifaʼitaki lelei kiā tatou ʼo ʼuhiga mo te ʼu meʼa ʼaē ʼe tou lava kole ʼi tatatou ʼu faikole? (1 Hau 3:9, 11; Taag. 30:8, 9; 1 Soa. 5:14)
(c) He koʼe ʼaki te puleʼaki ʼaē neʼe fai e Salomone moʼo fakatokatoka ia te fihifihia ʼa te ʼu fafine e toko lua, ʼe tou lava falala ki te takitaki ʼa te Salomone Lahi ko Sesu Kilisito? (1 Hau 3:28; Isa. 9:6, 7; 11:2-4)
2. Lau ia 1 Hau 4:29-34.
(a) Koteā te tali ʼa Sehova ki te kole age e Salomone ke ina foaki age he loto fakalogo? (1 Hau 4:29)
(b) Ohage pe ko te ʼu faiga ʼa te hahaʼi ke nātou logo ki te poto ʼo Salomone, koteā ʼaē ʼe tonu ke tou fai ʼo ʼuhiga mo te ako ʼo te Folafola ʼa te ʼAtua? (1 Hau 4:29, 34; Soa. 17:3; 2 Tim. 3:16)
ʼE Laga e Salomone Te Fale Lotu
1. Ko taʼu e fia ʼaē neʼe laga ai e Salomone te fale lotu ʼo Sehova, pea he koʼe neʼe lahi te ʼu koloā ʼaē neʼe fakaʼaogaʼi moʼona laga?
2. Neʼe ko te ʼu kogafale tāfito e fia ʼo te fale lotu, pea koteā ʼaē neʼe tuku ʼi te kogafale taupotu?
3. ʼI te ʼosi laga ʼo te fale lotu, neʼe koteā ʼaē neʼe ʼui e Salomone ʼi tana faikole?
4. Koteā ʼaē neʼe fai e Sehova moʼo fakahā neʼe ina leleiʼia te faikole ʼa Salomone?
5. Koteā ʼaē neʼe fai e Salomone ʼi tona fakaneke e tona ʼu ʼohoana, pea koteā ʼaē neʼe hoko kiā Salomone?
6. He koʼe neʼe ʼita ia Sehova kiā Salomone, pea koteā ʼaē neʼe ina ʼui age?
Te Tahi ʼu Fehuʼi:
1. Lau ia 1 Fakamatala 28:9, 10.
ʼO mulimuli ki te ʼu palalau ʼa Tavite iā 1 Fakamatala 28:9, 10, koteā ʼaē ʼe tonu ke tou faiga ʼo fai ʼi te ʼaho fuli? (Pes. 19:14; Filp. 4:8, 9)
2. Lau ia 2 Fakamatala 6:12-21, 32-42.
(a) Koteā ʼaē neʼe ʼui e Salomone moʼo fakahā ʼe mole lava nofo te ʼAtua Māʼoluga ʼi he fale neʼe faʼu e te tagata? (2 Fkma. 6:18; Gaue 17:24, 25)
(b) ʼI te ʼu palalau ʼa Salomone ʼaē ʼe tuʼu iā 2 Fakamatala 6:32, 33, koteā ʼaē ʼe mahino mai ʼo ʼuhiga mo Sehova? (Gaue 10:34, 35; Kal. 2:6)
3. Lau ia 2 Fakamatala 7:1-5.
Ohage ko te fakavikiviki ʼa te ʼu foha ʼo Iselaele kiā Sehova ʼi tanatou sisio ki tona kolōlia, koteā ʼaē ʼe tonu ke tou fai iā ʼaho nei ʼi tatatou sisio ki te ʼu tapuakina ʼaē ʼe foaki mai e Sehova ki tana hahaʼi? (2 Fkma. 7:3; Pes. 22:22; 34:1; 96:2)
4. Lau ia 1 Hau 11:9-13.
Koteā ʼaē ʼe ʼiloga mai ʼi te maʼuli ʼo Salomone, ʼe maʼuhiga ke tou nonofo agatonu ʼo aʼu ki te fakaʼosi? (1 Hau 11:4, 9; Mat. 10:22; Apk. 2:10)
Kua Vaevae Te Puleʼaga
1. Ko ai te ʼu tagata ʼaē ʼi te pāki, pea koteā tonā ʼu tuʼulaga?
2. He koʼe neʼe hae e Aisa tona kofu, pea koteā tona faka ʼuhiga?
3. Koteā ʼaē neʼe faigaʼi e Salomone ke ina fai kiā Selopoame?
4. He koʼe neʼe fakanofo e te hahaʼi ia Selopoame ke hau ki te ʼu telepi hogofulu?
5. He koʼe neʼe faʼu e Selopoame ia te ʼu ʼuhiʼi pipi aulo e lua, pea koteā ʼaē neʼe hoko ʼi te fenua ki muli age?
6. Koteā ʼaē neʼe hoko ki te puleʼaga ʼo te ʼu telepi e lua pea mo te fale lotu ʼo Sehova ʼi Selusalemi?
Te Tahi ʼu Fehuʼi:
1. Lau ia 1 Hau 11:26-43.
Neʼe feafeaʼi te tagata ko Selopoame, pea koteā ʼaē neʼe fakapapauʼi age e Sehova mo kapau ʼe ina taupau maʼu tana ʼu lao? (1 Hau 11:28, 38)
2. Lau ia 1 Hau 12:1-33.
(a) ʼO ʼuhiga mo te takitaki mālohi ʼa Lopoame, koteā te ako ki te ʼu mātuʼa pea mo te ʼu tagata ʼāfea ʼo ʼuhiga mo te takitaki mālohi? (1 Hau 12:13; Tnk. 7:7; 1 Pet. 5:2, 3)
(b) Ko ai ʼaē ʼe tonu ke falala ki ai te kau tūpulaga mokā nātou fai he ʼu tonu maʼuhiga ʼi tonatou maʼuli? (1 Hau 12:6, 7; Taag. 1:8, 9; 2 Tim. 3:16, 17; Hep. 13:7)
(c) He koʼe neʼe faʼu e Selopoame te ʼu potu e lua ke fai ai te tauhi ki te ʼuhiʼi pipi, pea ʼe ʼiloga feafeaʼi mai neʼe mole falala kiā Sehova? (1 Hau 11:37; 12:26-28)
(d) Ko ai ʼaē neʼe ina taki te hahaʼi ʼo te puleʼaga ʼo te ʼu telepi e hogofulu ke fakafeagai ki te tauhi moʼoni? (1 Hau 12:32, 33)
Ko Sesapele—Ko He Fineʼaliki Agakovi
1. Ko ai ia Sesapele?
2. He koʼe ʼi te tahi ʼaho, neʼe lotomamahi ai te Hau ko Akape?
3. Koteā ʼaē neʼe fai e Sesapele ke maʼu e tona ʼohoana ko Akape ia te gāueʼaga vite ʼa Napote?
4. Ko ai ʼaē neʼe fekauʼi e Sehova moʼo fakatūʼā ia Sesapele?
5. Ohage ko tona tuʼu ʼi te pāki, koteā ʼaē neʼe fai e Sehu ʼi tana kaku ki te fale hau ʼo Sesapele?
Te Tahi ʼu Fehuʼi:
1. Lau ia 1 Hau 16:29-33 pea mo 18:3, 4.
ʼI te temi hau ʼo Akape, neʼe feafeaʼi te kovi ʼo te maʼuli ʼo te hahaʼi Iselaele? (1 Hau 14:9)
2. Lau ia 1 Hau 21:1-16.
(a) Neʼe fakahā feafeaʼi e Napote ia tana lototoʼa pea mo tana tui ʼaē kiā Sehova? (1 Hau 21:1-3; Lev. 25:23-28)
(b) Ka tou lotomamahi, koteā ʼaē ʼe mole tonu ke tou fai ohage ko Akape? (1 Hau 21:4; Loma 5:3-5)
3. Lau ia 2 Hau 9:30-37.
Koteā te ako ʼe tou lava tāʼofi mai te faʼafai ʼa Sehu moʼo fakahoko ʼo te finegalo ʼo Sehova? (2 Hau 9:4-10; 2 Ko. 9:1, 2; 2 Tim. 4:2)
ʼE Falala Ia Sosafate Kia Sehova
1. Ko ai ia Sosafate, pea neʼe maʼuli ʼi te temi fea?
2. He koʼe neʼe mātataku te kau Iselaele, pea koteā ʼaē neʼe fai e te tokolahi iā nātou?
3. Koteā te tali ʼa Sehova ki te faikole ʼa Sosafate?
4. Koteā ʼaē neʼe fakahoko e Sehova ʼi muʼa ʼo te kamata ʼo te tau?
5. Koteā te ako ʼaē ʼe tou maʼu mai te faʼifaʼitaki ʼa Sosafate?
Te Tahi ʼu Fehuʼi:
1. Lau ia 2 Fakamatala 20:1-30.
(a) Koteā te aga ʼa Sosafate ʼe tonu ke mulimuli kiai te ʼu kaugana agatonu ʼa te ʼAtua mokā nātou felāveʼi mo he ʼu ʼaluʼaga fakamataku? (2 Fkma. 20:12; Pes. 25:15; 62:1)
(b) Neʼe fakaʼaogaʼi tuʼumaʼu e Sehova tana ʼu tagata moʼo faka felogoi mo tana hahaʼi, ko ai ʼaē ʼe ina fakaʼaogaʼi iā ʼaho nei? (2 Fkma. 20:14, 15; Mat. 24:45-47; Soa. 15:15)
(c) Ka fakahoko anai e te ʼAtua te “tau ʼo te ʼaho lahi ʼo te ʼAtua te Māfimāfi,” ʼe tatau feafeaʼi anai totatou ʼaluʼaga pea mo te meʼa ʼaē neʼe hoko kiā Sosafate? (2 Fkma. 20:15, 17; 32:8; Apk. 16:14, 16, MN )
(d) ʼO mulimuli ki te faʼifaʼitaki ʼa te kau Levite, koteā te faʼahiga lagolago ʼaē ʼe fai e te kau pionie pea mo te kau misionea ki te gāue fai faka mafola faka malamanei iā ʼaho nei? (2 Fkma. 20:19; Loma 10:13-15; 2 Tim. 4:2)
Ko Te ʼu Tamaliki e Lua Neʼe Toe Fakatuʼuake
1. Ko ai te toko tolu ʼaē ʼe tutuʼu ʼi te pāki, pea koteā ʼaē neʼe hoko ki te kiʼi tama?
2. He koʼe neʼe faikole ia Elia ʼo ʼuhiga mo te kiʼi tama, pea koteā ʼaē neʼe hoko?
3. Ko ai te tahi polofeta ʼaē neʼe tatau tona ʼu fealagia mo Elia?
4. He koʼe neʼe fekauʼi ia Eliseo ke ʼalu ki te ʼapi ʼo te fafine ʼi Sunemi?
5. Koteā ʼaē neʼe fai e Eliseo, pea koteā ʼaē neʼe hoko ki te kiʼi tama ʼaē neʼe kua mate?
6. Koteā te mālohi ʼa Sehova ʼaē neʼe fakaʼaogaʼi e Elia pea mo Eliseo?
Te Tahi ʼu Fehuʼi:
1. Lau ia 1 Hau 17:8-24.
(a) Neʼe ʼahiʼahi feafeaʼi te fakalogo pea mo te tui ʼa Elia? (1 Hau 17:9; 19:1-4, 10)
(b) He koʼe neʼe fakaofoofo te tui ʼa te fafine vītua ʼo Salefate? (1 Hau 17:12-16; Luka 4:25, 26)
(c) Ko te meʼa ʼaē neʼe hoko ki te fafine vītua ʼo Salefate, ʼe ina fakamoʼoni feafeaʼi te moʼoni ʼo te ʼu palalau ʼa Sesu iā Mateo 10:41, 42? (1 Hau 17:10-12, 17, 23, 24)
2. Lau ia 2 Hau 4:8-37.
(a) Koteā te ako ʼe tou maʼu mai te tali kāiga ʼa te fafine ʼo Sunemi? (2 Hau 4:8; Luka 6:38; Loma 12:13; 1 Soa. 3:17)
(b) Ko te ʼu ʼaluʼaga fea ʼaē ʼe feala ai ke tou agalelei ki te ʼu hahaʼi kaugana ʼa te ʼAtua iā ʼaho nei? (Gaue 20:35; 28:1, 2; Kal. 6:9, 10; Hep. 6:10)
Ko Te Kiʼi Taʼahine ʼe Tokoni Ki Te Tagata Mālohi
1. ʼI te pāki, koteā ʼaē ʼe ʼui age e te kiʼi taʼahine ki te fafine?
2. Ko ai te fafine ʼaē ʼi te pāki, pea he koʼe ʼe nofo te kiʼi taʼahine ʼi tona ʼapi?
3. Koteā te puleʼaki ʼaē neʼe tala age e Eliseo ki tana kaugana ke ina tala age kiā Naamane, pea he koʼe neʼe ʼita ia Naamane?
4. Koteā ʼaē neʼe hoko ʼi te fakalogo ʼa Naamane ki tana ʼu kaugana?
5. He koʼe neʼe fakafisi ia Eliseo ki te meʼa ʼofa ʼa Naamane, kae koteā ʼaē neʼe fai e Keasi?
6. Koteā ʼaē neʼe hoko kiā Keasi, pea koteā te ako kiā tatou?
Te Tahi ʼu Fehuʼi:
1. Lau ia 2 Hau 5:1-27.
(a) Koteā te fakaloto mālohi ʼaē ʼe maʼu e te kau tūpulaga iā ʼaho nei, ʼaki te faʼifaʼitaki ʼaē neʼe tuku mai e te kiʼi taʼahine Iselaele? (2 Hau 5:3; Pes. 8:2; 148:12, 13)
(b) Ka fai mai he tokoni faka Tohi-Tapu, he koʼe ʼe lelei ke tou manatuʼi ia te faʼifaʼitaki ʼa Naamane? (2 Hau 5:15; Hep. 12:5, 6; Skp. 4:6)
(c) Koteā te ʼu ako ʼe tou maʼu mokā tou fakatatau te aga ʼa Eliseo pea mo te aga ʼa Keasi? (2 Hau 5:9, 10, 14-16, 20; Mat. 10:8; Gaue 5:1-5; 2 Ko. 2:17)
Ko Sonasi Pea Mo Te Ika Lahi
1. Ko ai ia Sonasi, pea koteā te gāue ʼaē neʼe fakatotonu age e Sehova?
2. Koteā ʼaē neʼe fai e Sonasi ʼi tana mole fia ʼalu ki te kolo ʼaē neʼe fekauʼi e Sehova ke ʼalu kiai?
3. Koteā ʼaē neʼe ʼui age e Sonasi ki te kau tautai ke nātou fai moʼo fakagata ia te afā?
4. Ohage ko tona tuʼu ʼi te pāki, koteā ʼaē neʼe hoko ʼi te temi ʼaē neʼe lī ifo ai ia Sonasi ki te tai?
5. Ko ʼaho e fia ʼaē neʼe nofo ai ia Sonasi ʼi te loto fatu ʼo te foʼi ika, pea koteā ʼaē neʼe ina fai?
6. Neʼe ʼalu ia Sonasi kifea ʼi tona ʼosi luaʼi mai ki tuʼa e te foʼi ika, pea koteā te ako kiā tatou?
Te Tahi ʼu Fehuʼi:
1. Lau ia Sonasi 1:1-17.
Neʼe mahino feafeaʼi kiā Sonasi te fakatotonu ʼaē neʼe fai age ke ʼalu ʼo fai faka mafola ki te kau Ninive? (Son. 1:2, 3; Taag. 3:7; Tnk. 8:12)
2. Lau ia Sonasi 2:1, 2, 10.
ʼI te ʼaluʼaga ʼaē neʼe hoko kiā Sonasi, he koʼe ʼe tou falala ʼe tali anai ia Sehova ki tatatou ʼu faikole? (Pes. 22:24; 34:6; 1 Soa. 5:14)
3. Lau ia Sonasi 3:1-10.
(a) Koteā te fakaloto mālohi ʼaē ʼe tou maʼu ʼi te haga ʼa Sehova ʼo toe fakaʼaogaʼi tuʼumaʼu ia Sonasi, logola tana mole fakalogo ʼi tona ʼuluaki fekauʼi? (Pes. 103:14; 1 Pet. 5:10)
(b) ʼI te aga ʼaē ʼa Sonasi ki te kau Ninive, koteā te ako maʼa tatou ʼo ʼuhiga mo te hahaʼi ʼaē ʼo totatou telituale? (Son. 3:6-9; Tnk. 11:6; Gaue 13:48)
ʼE Fakapapauʼi Mai e Te ʼAtua Te Palatiso
1. Neʼe ko ai ia Isaia, ko te temi fea ʼaē neʼe maʼuli ai, pea koteā ʼaē neʼe fakahā age e Sehova?
2. Koteā te faka ʼuhiga ʼo te kupu “palatiso,” pea koteā ʼaē ʼe ina fakamanatuʼi atu?
3. Koteā ʼaē neʼe ʼui age e Sehova kiā Isaia ke ina tohi ʼo ʼuhiga mo te Palatiso foʼou?
4. He koʼe neʼe mole kei māʼuʼuli ia Atama mo Eva ʼi tona nofoʼaga matalelei?
5. Koteā te fakapapau ʼaē ʼe fai e Sehova kiā nātou ʼaē ʼe ʼoʼofa kiā te ia?
Te Tahi ʼu Fehuʼi:
1. Lau ia Isaia 11:6-9.
(a) ʼE fakamatala feafeaʼi ʼi te Folafola ʼa te ʼAtua ʼo ʼuhiga mo te tokalelei anai ʼa te ʼu manu pea mo te tagata ʼi te mālama foʼou? (Pes. 148:10, 13; Isa. 65:25; Esk. 34:25)
(b) Ko te fakahoko fakalaumālie fea ʼo te ʼu palalau ʼa Isaia ki te hahaʼi ʼa Sehova iā ʼaho nei? (Loma 12:2; Ef. 4:23, 24)
(c) Ko ai ʼaē ʼe ina fetogi te ʼulugaaga ʼa te hahaʼi ʼi te temi nei pea mo ʼi te mālama foʼou? (Isa. 48:17, 18; Kal. 5:22, 23; Filp. 4:7)
2. Lau ia Apokalipesi 21:3, 4.
(a) ʼE fakahā feafeaʼi ʼi te Tohi-Tapu, ko te nofo ʼo te ʼAtua ʼi te malamanei ʼe ko he nofo fakatātā, kae ʼe mole ko he nofo moʼoni mo nātou ʼi te kele? (Lev. 26:11, 12; 2 Fkma. 6:18; Isa. 66:1; Apk. 21:2, 3, 22-24)
(b) Ko te faʼahiga loʼimata fea pea mo te faʼahiga mamahi fea ʼaē ka pulihi anai? (Luka 8:49-52; Loma 8:21, 22; Apk. 21:4)
ʼE Tokoni Te ʼAtua Ki Te Hau Ko Esekiasi
1. Ko ai te tagata ʼaē ʼi te pāki, pea he koʼe neʼe nofo ʼi te tuʼania lahi?
2. Koteā te ʼu tohi ʼaē neʼe folahi e Esekiasi iā muʼa ʼo te ʼAtua, pea koteā ʼaē neʼe faikole ai?
3. Neʼe feafeaʼi te hau ko Esekiasi, pea ʼaki te polofeta ko Isaia, koteā te logo ʼaē neʼe fakahā age e Sehova kiā ia?
4. Ohage ko tona tuʼu ʼi te pāki, koteā ʼaē neʼe fai e te ʼāselo ʼa Sehova ki te kau Asilia?
5. Logola neʼe tokalelei ʼi he kiʼi temi ia te puleʼaga ʼo te ʼu telepi e lua, kae koteā ʼaē neʼe hoko ʼi te ʼosi mate ʼa Esekiasi?
Te Tahi ʼu Fehuʼi:
1. Lau ia 2 Hau 18:1-36.
(a) Koteā ʼaē neʼe fai e Lapisake, tagata fakafofoga ʼo Asilia, moʼo fakavaivaiʼi te tui ʼa te kau Iselaele? (2 Hau 18:19, 21; Ek. 5:2; Pes. 64:3)
(b) Ka nātou felāveʼi mo ni ʼu fakafeagai, koteā te faʼifaʼitaki ʼa Esekiasi, ʼe mulimuli kiai ia te kau Fakamoʼoni ʼa Sehova? (2 Hau 18:36; Pes. 39:1; Taag. 26:4; 2 Tim. 2:24)
2. Lau ia 2 Hau 19:1-37.
(a) Ko te hahaʼi ʼa Sehova ʼo te temi nei, ʼe nātou faʼifaʼitakiʼi feafeaʼi ia Esekiasi ʼi te ʼu temi faigataʼa? (2 Hau 19:1, 2; Taag. 3:5, 6; Hep. 10:24, 25; Skp. 5:14, 15)
(b) Koteā te ʼu ʼaluʼaga e tolu ʼaē neʼe mole mālo ai te Hau ko Senakelipe, pea ko ai ʼaē ʼe ina fakatātā? (2 Hau 19:32, 35, 37; Apk. 20:2, 3)
3. Lau ia 2 Hau 21:1-6, 16.
He koʼe ʼe tou lava ʼui ko Manase neʼe kau ʼi te ʼu hau ʼaē neʼe agakovi ʼaupito ʼi te temi ʼaē neʼe pule ai ʼi Selusalemi? (2 Fkma. 33:4-6, 9)
Ko Te Hau Agalelei Fakaʼosi ʼi Iselaele
1. Neʼe taʼu fia ia Sosiasi ʼi te temi ʼaē neʼe hau ai, pea koteā ʼaē neʼe ina kamata fai ʼi te lolotoga valu taʼu ʼo tana nofo hau?
2. ʼI te pāki, koteā ʼaē ʼe lolotoga fai e Sosiasi?
3. Koteā ʼaē neʼe maʼu e te pelepitelo lahi ʼi te temi ʼaē neʼe toe gaohi ai te fale lotu?
4. He koʼe neʼe hae e Sosiasi tona ʼu mutuʼi meʼa?
5. Koteā te logo mai iā Sehova, neʼe fakahā e te fafine polofeta ko Ulita kiā Sosiasi?
Te Tahi ʼu Fehuʼi:
1. Lau ia 2 Fakamatala 34:1-28.
(a) Koteā te faʼifaʼitaki lelei ʼaē neʼe tuku e Sosiasi kia nātou ʼaē ʼe lagi nātou tau mo he ʼu faigataʼaʼia ʼi tanatou kei liliki? (2 Fkma. 33:21-25; 34:1, 2; Pes. 27:10)
(b) Koteā te ʼu faʼahi maʼuhiga ʼaē neʼe fai e Sosiasi moʼo toe fakatuʼu ia te tauhi moʼoni, ʼi te 8, mo te 12 pea mo te 18 taʼu ʼo tona temi hau? (2 Fkma. 34:3, 8)
(c) Koteā te ako ʼaē ʼe tou lava tāʼofi ʼi te faʼifaʼitaki ʼaē neʼe tuku mai e te Hau ko Sosiasi pea mo te pelepitelo lahi ko Ilikia ʼo ʼuhiga mo te taupau ʼo totatou Fale ʼo te Puleʼaga? (2 Fkma. 34:9-13; Taag. 11:14; 1 Ko. 10:31)
Ko Te Tagata Neʼe Mole Mataku
1. Ko ai te tama ʼaē ʼi te pāki?
2. Koteā te manatu ʼa Selemia ʼo ʼuhiga mo tona fili ʼaē ke polofeta, kae koteā ʼaē neʼe ʼui age e Sehova kiā ia?
3. Koteā te logo ʼaē neʼe tonu ke haga fakahā e Selemia ki te hahaʼi?
4. Neʼe faiga feafeaʼi e te ʼu pelepitelo ke nātou fakagata te fai faka mafola ʼa Selemia, pea neʼe ina fakahā feafeaʼi ia tana mole mataku?
5. Koteā ʼaē neʼe hoko ʼi te mole fetogi e te kau Iselaele ʼo tanatou ʼu aga ʼaē ʼe kovi?
Te Tahi ʼu Fehuʼi:
1. Lau ia Selemia 1:1-8.
(a) Ohage ko Selemia, koteā ʼaē ʼe ina faka fealagia ki he tahi ki te gāue ʼa Sehova? (2 Ko. 3:5, 6)
(b) ʼAki te faʼifaʼitaki ʼa Selemia, koteā te fakaloto mālohi ʼaē ʼe maʼu e te kau Kilisitiano tūpulaga ʼo te temi nei? (Tnk. 12:1; 1 Tim. 4:12)
2. Lau ia Selemia 10:1-5.
Koteā te lea fakatātā mālohi neʼe fakaʼaogaʼi e Selemia moʼo fakahā te vaʼiganoa ʼo te falala ʼaē ki te ʼu tamapua? (Sel. 10:5; Isa. 46:7; Hap. 2:19)
3. Lau ia Selemia 26:1-16.
(a) ʼI tanatou tala ia te fakatokaga iā ʼaho nei, ʼe mulimuli feafeaʼi ia te Kilisitiano fakanofo ki te fakatotonu ʼaē neʼe fai e Sehova kiā Selemia ke ‘ ʼaua naʼa ina pulihi he folafola’? (Sel. 26:2; Teu. 4:2; Gaue 20:27)
(b) Koteā te faʼifaʼitaki lelei ʼaē neʼe tuku e Selemia ki te kau Fakamoʼoni ʼa Sehova ʼaē ʼe nātou tala te ʼu fakatokaga ʼa Sehova ki te ʼu puleʼaga? (Sel. 26:8, 12, 14, 15; 2 Tim. 4:1-5)
4. Lau ia 2 Hau 24:1-17.
Neʼe koteā te ʼu fua kovi ʼo te talagataʼa ʼa Suta kiā Sehova? (2 Hau 24:2-4, 14)
Te ʼu Tama e Toko Fā ʼi Papiloni
1. Ko ai te ʼu tama e toko fā ʼaē ʼi te pāki, pea he koʼe neʼe nātou nonofo ʼi Papiloni?
2. Koteā ʼaē neʼe fakatuʼutuʼu e Nepukanesa ʼo ʼuhiga mo te toko fā, pea koteā te fakatotonu ʼaē neʼe ina fai?
3. Koteā te kole ʼaē neʼe fai e Taniela maʼa ia pea mo tona ʼu kaumeʼa e toko tolu ʼo ʼuhiga mo te meʼa kai pea mo te meʼa ʼinu?
4. Hili ʼaho e hogofulu ʼi tanatou kai te ʼu lauʼakau, neʼe feafeaʼi ia Taniela pea mo tona ʼu kaumeʼa e toko tolu ʼi te kau tamaliki ʼaē?
5. He koʼe neʼe gāue ia Taniela pea mo tona ʼu kaumeʼa e toko tolu ki te hau, pea koteā ʼaē neʼe nātou lelei age ʼi te kau pelepitelo pea mo te ʼu tagata popoto?
Te Tahi ʼu Fehuʼi:
1. Lau ia Taniela 1:1-21.
(a) Koteā ʼaē ʼe tonu ke tou fai mo kapau ʼe tou fia tekeʼi te ʼu fakahala pea mo totatou ʼu vaivaiʼaga? (Tan. 1:8; Sen. 39:7, 10; Kal. 6:9)
(b) Ko te ʼu ʼaluʼaga fea ʼaē ʼe feala ai ki te kau tūpulaga ʼo te temi nei ke ʼahiʼahiʼi ai nātou peʼe fakahalaʼi nātou ʼaki ‘te ʼu meʼa ʼaē ʼui e te mālama ʼe lelei’? (Tan. 1:8; Taag. 20:1; 2 Ko. 6:17–7:1)
(c) ʼE tokoni feafeaʼi mai te hisitolia ʼo te ʼu tūpulaga Hepeleo e toko fā ʼo ʼuhiga mo te ako fakamālama? (Tan. 1:20; Isa. 54:13; 1 Ko. 3:18-20)
Te Fakaʼauha ʼo Selusalemi
1. ʼI te pāki, koteā ʼaē neʼe hoko ki Selusalemi pea mo te kau Iselaele?
2. Ko ai ia Esekiele, pea koteā te ʼu meʼa fakalialia ʼaē neʼe fakahā age e Sehova ke sio kiai?
3. Koteā te fakapapau ʼaē neʼe fai e Sehova ki te kau Iselaele ʼi tanatou mole fakaʼapaʼapa age kiā te ia?
4. Koteā ʼaē neʼe fai e te Hau ko Nepukanesa ʼi te ʼosi fakafeagai ʼa te kau Iselaele kiā te ia?
5. He koʼe neʼe fakagafua e Sehova ke hoko te fakaʼauha fakamataku ʼaia ki te kau Iselaele?
6. He koʼe neʼe liliu te fenua ʼo Iselaele ke tuʼu lāvaki, pea lolotoga taʼu e fia?
Te Tahi ʼu Fehuʼi:
1. Lau ia 2 Hau 25:1-26.
(a) Neʼe ko ai ia Setesiasi, pea koteā ʼaē neʼe hoko kiā ia, pea neʼe ina fakahoko feafeaʼi ia te lea faka polofeta faka Tohi-Tapu? (2 Hau 25:5-7; Esk. 12:13-15)
(b) Ko ai ʼaē neʼe tukugakoviʼi e Sehova ʼo ʼuhiga mo te ʼu aga heʼe agatonu fuli ʼaē neʼe fai e Iselaele? (2 Hau 25:9, 11, 12, 18, 19; 2 Fkma. 36:14, 17)
2. Lau ia Esekiele 8:1-18.
Neʼe faʼifaʼitakiʼi feafeaʼi e te Keletiate ia te kau Iselaele ʼaposita ʼaē neʼe nātou tauhi ki te laʼā? (Esk. 8:16; Isa. 5:20, 21; Soa. 3:19-21; 2 Tim. 4:3)
ʼE Mole Nātou Fia Tulolo
1. Koteā te fakatotonu ʼaē neʼe fai e te hau ʼo Papiloni ko Nepukanesa ki te hahaʼi ʼaē neʼe ina fekauʼi?
2. He koʼe ko te ʼu kaumeʼa e toko tolu ʼo Taniela neʼe mole nātou tuʼutuli ʼi muʼa ʼo te fakatātā aulo?
3. ʼI te toe faka fealagia ʼaē e Nepukanesa ki te ʼu Hepeleo e toko tolu ke nātou tuʼutuli, neʼe nātou fakahā feafeaʼi tanatou falala ʼaē kiā Sehova?
4. Koteā ʼaē neʼe kole e Nepukanesa ke fai e tana hahaʼi kiā Satalake, Mesake pea mo Apeteneko?
5. Koteā ʼaē neʼe sio kiai ia Nepukanesa ʼi tana sioʼi ia te loto gutuʼumu?
6. He koʼe neʼe vikiʼi e te hau ia te ʼAtua ʼo Satalake, mo Mesake pea mo Apeteneko, pea koteā te ako kiā tatou?
Te Tahi ʼu Fehuʼi:
1. Lau ia Taniela 3:1-30.
(a) Koteā te aga ʼa te ʼu tūpulaga Hepeleo e toko tolu, ʼe tonu anai ke faʼifaʼitakiʼi e te ʼu kaugana fuli ʼa te ʼAtua mokā ʼahiʼahiʼi tanatou agatonu? (Tan. 3:17, 18; Mat. 10:28; Loma 14:7, 8)
(b) Koteā te ako maʼuhiga ʼaē neʼe ako e Sehova ʼAtua kiā Nepukanesa? (Tan. 3:28, 29; 4:34, 35)
Ko Te Faitohi ʼi Te Kaupā
1. Koteā ʼaē neʼe hoko ʼi te kaitahi lahi ʼaē neʼe fai e te hau ʼo Papiloni, ʼi te temi ʼaē neʼe ina fakaʼaogaʼi ai te ʼu ipu ʼaē mai te fale lotu ʼo Sehova ʼi Selusalemi?
2. Koteā ʼaē neʼe ʼui e Pelesasā ki tana ʼu tagata popoto, pea koteā ʼaē neʼe mole feala ke nātou fakahoko?
3. Koteā ʼaē neʼe ʼui age e te faʼē ʼa te hau ke ina fai?
4. Ohage ko tona ʼui age e Taniela ki te Hau, he koʼe neʼe fekauʼi e te ʼAtua ki te nima ke faitohi ʼi te kaupā?
5. Neʼe fakamahino feafeaʼi e Taniela te ʼu kupu ʼaē neʼe tohi ʼi te kaupā?
6. Koteā ʼaē neʼe hoko ʼi te lolotoga palalau ʼa Taniela?
Te Tahi ʼu Fehuʼi:
1. Lau ia Taniela 5:1-31.
(a) Koutou fakamahino ia te kehekehe ʼo te manavasiʼi ki te ʼAtua pea mo te manavasiʼi ʼa Pelesasā ʼi tana sio ki te faitohi ʼi te kaupā. (Tan. 5:6, 7; Pes. 19:9; Loma 8:35-39)
(b) Neʼe hā feafeaʼi te lototoʼa ʼa Taniela ʼi tana palalau ʼaē ki te hau ko Pelesasā pea mo tana ʼu hahaʼi lalahi? (Tan. 5:17, 18, 22, 26-28; Gaue 4:29)
(c) ʼE fakahā feafeaʼi ʼi te kapite 5 ʼo Taniela ia te pule faʼitaliha ʼa Sehova ki te ʼatulaulau? (Tan. 4:17, 25; 5:21)
Ko Taniela ʼi Te Luo ʼo Te ʼu Laione
1. Neʼe ko ai ia Taliusi, pea koteā tana manatu ʼo ʼuhiga mo Taniela?
2. Koteā te fakaneke ʼaē neʼe fai kiā Taliusi e te ʼu tagata ʼaē neʼe mānumānu ki te tuʼulaga ʼo Taniela?
3. Koteā ʼaē neʼe fai e Taniela ʼi tana ʼiloʼi ʼaē kua tohi te lao foʼou?
4. He koʼe neʼe mole mamoe ia Taliusi, pea koteā ʼaē neʼe ina fai ʼi te ʼala uhu ake?
5. Koteā te tali ʼa Taniela kiā Taliusi?
6. Koteā ʼaē neʼe fai ki te ʼu tagata agakovi ʼaē neʼe nātou faiga ke matehi ia Taniela, pea koteā te tohi ʼaē neʼe fai e Taliusi ki te hahaʼi fuli ʼo tona puleʼaga?
Te Tahi ʼu Fehuʼi:
1. Lau ia Taniela 6:1-28.
(a) Ohage ko te fonofono ʼaē neʼe fai ke matehi ia Taniela, koteā ʼaē neʼe faigaʼi e te ʼu fili moʼo fakagata te gāue ʼa te kau Fakamoʼoni ʼa Sehova ʼo totatou temi? (Tan. 6:7; Pes. 94:20; Isa. 10:1; Loma 8:31)
(b) ʼE lava faʼifaʼitakiʼi feafeaʼi e te ʼu kaugana ʼa te ʼAtua ʼo te temi nei ia Taniela ʼi tanatou fakalogo ki “te ʼu pule maʼoluga”? (Tan. 6:5, 10; Loma 13:1, MN; Gaue 5:29)
(c) E feafeaʼi hatatou faʼifaʼitakiʼi ia Taniela ʼaē neʼe “tauhi tuʼumaʼu” kiā Sehova? (Tan. 6:16, 20; Filp. 3:16; Apk. 7:15)
ʼE Mavae Te Hahaʼi ʼa Te ʼAtua ʼi Papiloni
1. ʼI te pāki, koteā ʼaē ʼe fai e te kau Iselaele?
2. Neʼe fakahoko feafeaʼi e Siliusi ia te lea faka polofeta ʼaē neʼe tala e Sehova ʼaki te polofeta ko Isaia?
3. Koteā ʼaē neʼe fakatotonu e Siliusi ki te kau Iselaele ʼaē ʼe mole feala anai hanatou toe liliu ki Selusalemi?
4. Koteā ʼaē neʼe liufaki e Siliusi ki te kau Iselaele ʼaē neʼe toe liliu ki Selusalemi?
5. Neʼe māhina fia te fagona ʼa te kau Iselaele ki Selusalemi?
6. Neʼe ko taʼu e fia ʼaē neʼe lāvaki ai ia te fenua?
Te Tahi ʼu Fehuʼi:
1. Lau ia Isaia 44:28 pea mo te 45:1-4.
(a) Neʼe fakaʼiloga feafeaʼi e Sehova ia te hoko moʼoni anai ʼo tana lea faka polofeta ʼo ʼuhiga mo Siliusi? (Isa. 55:10, 11; Loma 4:17)
(b) ʼI te lea faka polofeta ʼa Isaia ʼo ʼuhiga mo Siliusi, koteā ʼaē ʼe hā ʼaki mai ai ʼo ʼuhiga mo te fealagia ʼa te ʼAtua ke ina fakahā fakatomuʼa ia te ka haʼu? (Isa. 42:9; 45:21; 46:10, 11; 2 Pet. 1:20)
2. Lau ia Esitalasi 1:1-11.
ʼO mulimuli ki te faʼifaʼitaki ʼo te hahaʼi ʼaē neʼe mole feala hanatou liliu ki Selusalemi, koteā ʼaē ʼe feala ke tou fai iā ʼaho nei moʼo fakaloto mālohiʼi ia nātou ʼaē ʼe gāue temi kātoa maʼa Sehova? (Esita. 1:4, 6; Loma 12:13; Kol. 4:12)
ʼE Nātou Falala Ki Te Tokoni ʼa Te ʼAtua
1. Ko te toko fia ʼaē neʼe fagona loaloaga mai Papiloni ki Selusalemi, pea ʼi tanatou tau atu neʼe feafeaʼi ia te fenua?
2. Koteā ʼaē neʼe kamata laga e te kau Iselaele ʼi tanatou tau atu ki Selusalemi, kae koteā ʼaē neʼe fai e tonatou ʼu fili?
3. Ko ai ia Asea pea mo Sakalia, pea neʼe nā fakaloto mālohiʼi te hahaʼi kiteā?
4. He koʼe neʼe momoli e Tatenai te tohi ki Papiloni, pea koteā te tali ʼaē neʼe ina maʼu?
5. Koteā ʼaē neʼe fai e Esitalasi ʼi tana ʼiloʼi ʼaē ʼe tonu ke toe laga te fale lotu ʼo te ʼAtua?
6. ʼI te pāki, koteā ʼaē neʼe kole e Esitalasi ʼi tana faikole, pea neʼe koteā te tali ʼaē neʼe ina maʼu, pea koteā te ako kiā tatou?
Te Tahi ʼu Fehuʼi:
1. Lau ia Esitalasi 3:1-13.
Kapau ʼe tou nonofo ʼi he koga meʼa ʼe mole ʼi ai he kokelekasio ʼa te hahaʼi ʼa te ʼAtua, koteā ʼaē ʼe tonu ke tou haga fai? (Esita. 3:3, 6; Gaue 17:16, 17; Hep. 13:15)
2. Lau ia Esitalasi 4:1-7.
ʼAki te faʼifaʼitaki ʼa Solopapele, ʼe feala koa ki te hahaʼi ʼa Sehova ke nātou tauhi fakatahi mo te tahi ʼu lotu? (Ek. 34:12; 1 Ko. 15:33; 2 Ko. 6:14-17)
3. Lau ia Esitalasi 5:1-5, 17 pea mo te 6:1-22.
(a) He koʼe neʼe mole feala ki te hahaʼi fakafeagai ke nātou tāʼofi te laga ʼo te fale lotu? (Esita. 5:5; Isa. 54:17)
(b) Ko te gāue ʼa te ʼu tagata ʼāfea ʼa te kau Sutea, ʼe nātou fakaloto mālohiʼi feafeaʼi te kau tagata ʼāfea ʼo te kokelekasio faka Kilisitiano ke nātou kumi te takitaki ʼa Sehova mokā nātou felāveʼi mo ni ʼu kau fakafeagai? (Esita. 6:14; Pes. 32:8; Loma 8:31; Skp. 1:5)
4. Lau ia Esitalasi 8:21-23, 28-36.
ʼI muʼa ʼo hatatou fai he fakatuʼutuʼu, koteā te faʼifaʼitaki lelei ʼaē neʼe tuku mai e Esitalasi? (Esita. 8:23; Pes. 127:1; Taag. 10:22; Skp. 4:13-15)
Ko Maletokeo Pea Mo Esitele
1. Ko ai ia Maletokeo pea mo Esitele?
2. He koʼe neʼe fili e te hau ko Asuelusi hona tahi ʼohoana, pea ko ai ʼaē neʼe ina fili?
3. Ko ai ia Amane, pea he koʼe neʼe ʼita ʼaupito?
4. Koteā te lao ʼaē neʼe fai, pea koteā ʼaē neʼe fai e Esitele ʼi tana ʼosi maʼu te logo mai iā Maletokeo?
5. Koteā ʼaē neʼe hoko kiā Amane, pea koteā ʼaē neʼe hoko kiā Maletokeo?
6. Neʼe hāofaki feafeaʼi ia te kau Iselaele mai tonatou ʼu fili?
Te Tahi ʼu Fehuʼi:
1. Lau ia Esitele 2:12-18.
Neʼe fakahā feafeaʼi e Esitele ia te maʼuhiga ʼo he “loto tokalelei pea mo mālū”? (Esite. 2:15; 1 Pet. 3:1-5)
2. Lau ia Esitele 4:1-17.
Ohage ko Esitele, koteā te fealagia ʼaē ʼe tou maʼu moʼo fakahā tatatou pipiki maʼu kiā Sehova pea mo tatatou agatonu ʼaē kiā te ia? (Esite. 4:13, 14; Mat. 5:14-16; 24:14)
3. Lau ia Esitele 7:1-6.
Ohage ko te meʼa ʼaē neʼe fai e Esitele, neʼe tali feafeaʼi e te tokolahi ʼo te ʼu kaugana ʼo te ʼAtua ʼo totatou temi, ke fakatagaʼi nātou? (Esite. 7:4; Mat. 10:16-22; 1 Pet. 2:12)
Ko Te ʼu Kaupā ʼo Selusalemi
1. Koteā te manatu ʼa te kau Iselaele ʼi te mole heʼeki laga ʼo tonatou ʼu kaupā moʼo puipui tonatou kolo?
2. Ko ai ia Nehemia?
3. Koteā te gāue ʼa Nehemia, pea he koʼe neʼe maʼuhiga?
4. Koteā te ʼu logo ʼaē neʼe tupu ai te lotomamahi ʼa Nehemia, pea koteā ʼaē neʼe ina fai?
5. Neʼe fakahā feafeaʼi e te Hau ko Artaxerxès tana agalelei ʼaē kiā Nehemia?
6. Koteā te puleʼaki ʼaē neʼe fai e Nehemia ke mole tāʼofi e te ʼu fili ia te gāue ʼa te kau Iselaele?
Te Tahi ʼu Fehuʼi:
1. Lau ia Nehemia 1:4-6 pea mo te 2:1-20.
Neʼe kumi feafeaʼi e Nehemia ia te takitaki ʼa Sehova? (Neh. 2:4, 5; Loma 12:12; 1 Pet. 4:7)
2. Lau ia Nehemia 3:3-5.
Koteā te ako ʼaē ʼe maʼu e te kau tagata ʼāfea pea mo te ʼu tagata faifekau minisitelio mai te kehekehe ʼa te kau Tekoite pea mo tonatou “kau ʼaliki”? (Neh. 3:5, 27; 2 Tes. 3:7-10; 1 Pet. 5:5)
3. Lau ia Nehemia 4:1-23.
(a) Logola te ʼu fakafeagai, he koʼe neʼe lotomālohi te kau Iselaele ke nātou hoko atu tanatou gāue? (Neh. 4:6, 8, 9; Pes. 50:15; Isa. 65:13, 14)
(b) Koteā te faʼifaʼitaki lelei ʼaē neʼe tuku mai e te kau Iselaele kiā tatou iā ʼaho nei?
4. Lau ia Nehemia 6:15.
Koteā ʼaē ʼe mahino mai kiā tatou ʼo ʼuhiga mo te mālohi ʼo te tui, ʼi te lava fakaʼosi ʼo te ʼu kaupā e te kau Iselaele kae heʼeki kātoa kiai māhina e lua? (Pes. 56:3, 4; Mat. 17:20; 19:26)
ʼE ʼAʼahi Ia Malia e Te ʼAselo
1. Ko ai ia te fafine ʼaē ʼi te pāki?
2. Koteā ʼaē neʼe ʼui age e Kapeliele kiā Malia?
3. Neʼe fakamahino feafeaʼi e Kapeliele kiā Malia ʼo ʼuhiga mo te kiʼi tamasiʼi ʼaē ka ina fuafatuʼi, logola neʼe mole heʼeki nofo mo he tagata?
4. Koteā ʼaē neʼe hoko ʼi te temi ʼaē neʼe ʼalu ai ia Malia ʼo ʼaʼahi tona kāiga ko Elisapeta?
5. Neʼe koteā te manatu ʼa Sosefo ʼi tana ʼiloʼi ʼaē kua faitama ia Malia, kae he koʼe leva neʼe ina fetogi tana manatu?
Te Tahi ʼu Fehuʼi:
1. Lau ia Luka 1:26-56.
(a) Logola te ʼuhiga heʼe haohaoa ʼo Malia, kae koteā ʼaē ʼe hā mai iā Luka 1:35, neʼe tokaga te ʼAtua ki tona ʼAlo ʼaē neʼe fuafatuʼi e Malia? (Asea 2:11-13; Soa. 6:69; Hep. 7:26; 10:5)
(b) Neʼe feafeaʼi te fakaʼapaʼapaʼi ʼo Sesu logola tana heʼeki tupu? (Luka 1:41-43)
(c) Koteā te faʼifaʼitaki lelei ʼaē neʼe tuku mai e Malia ki te kau Kilisitiano ʼo te temi nei ʼaē ʼe tuku age kiā nātou he ʼu pilivilesio ʼo ʼuhiga mo te tauhi? (Luka 1:38, 46-49; 17:10; Taag. 11:2)
2. Lau ia Mateo 1:18-25.
Logola neʼe mole fakahigoaʼi ia Sesu ko Emanuele, kae ʼi tona maʼuli fakatagata neʼe ina fakahoko feafeaʼi ia te faka ʼuhiga ʼo te higoa ʼaia? (Mat. 1:22, 23; Soa. 14:8-10; Hep. 1:1-3)
Neʼe Tupu Ia Sesu ʼi Te Falemanu
1. Ko ai ia te kiʼi tamasiʼi veliveli ʼaē ʼi te pāki, pea ʼe fakatakoto ia ia e Malia kifea?
2. He koʼe neʼe tupu Sesu ʼi te falemanu?
3. ʼI te pāki, ko ai te ʼu tagata ʼaē neʼe ʼōmai ʼo fakasiosio ia Sesu, pea koteā ʼaē neʼe ʼui age e te ʼāselo kiā nātou?
4. He koʼe ʼe makehe ʼaupito ia Sesu?
5. He koʼe neʼe feala ke fakahigoaʼi ia Sesu ko te ʼAlo ʼo te ʼAtua?
Te Tahi ʼu Fehuʼi:
1. Lau ia Luka 2:1-20.
(a) Koteā ʼaē neʼe fai e Sesale ʼAukusitō, ʼo ina fakahoko ai ia te lea faka polofeta ʼo ʼuhiga mo te tupu ʼa Sesu? (Luka 2:1-4; Mik. 5:2)
(b) Koteā ʼaē ʼe tonu ke fai e he tahi ke feala hana kau iā nātou ʼaē ʼe fakahigoaʼi ko “te ʼu tagata ʼo te finegaloʼofa”? (Luka 2:14, MN; Mat. 16:24; Soa. 17:3; Gaue 3:19; Hep. 11:6)
(c) Kapau ko te kau tagata tauhi ōvi Sutea neʼe nātou fiafia ʼi te tupu ʼo te Fakamaʼuli, pea koteā te ʼu tupuʼaga ʼe maʼuhiga age ki te ʼu kaugana ʼo te ʼAtua ʼo te temi ʼaenī ke nātou fiafia ai? (Luka 2:10, 11; Ef. 3:8, 9; Apk. 11:15; 14:6)
Neʼe Taki Te ʼu Tagata e Te Fetuʼu
1. Ko ai te ʼu tagata ʼaē ʼi te pāki, pea he koʼe ko te tahi iā nātou neʼe ina fakahinohino ia te fetuʼu ʼaē ʼe gigila?
2. He koʼe neʼe hoha te loto ʼo te Hau ko Helote, pea koteā ʼaē neʼe ina fai?
3. Ko te fetuʼu neʼe ina taki te ʼu tagata kifea, pea he koʼe neʼe nātou ʼolo ki tonatou fenua ʼi he tahi ala?
4. Koteā ʼaē neʼe fakatotonu e Helote, pea koteā tona tupuʼaga?
5. Koteā ʼaē neʼe fakahā e Sehova kiā Sosefo ke ina fai?
6. Ko ai ʼaē neʼe ina fakagigila ia te fetuʼu foʼou, pea koteā tona tupuʼaga?
Te Tahi Fehuʼi:
1. Lau ia Mateo 2:1-23.
Neʼe taʼu fia ia Sesu ʼi te temi ʼaē neʼe ʼaʼahi ai ia ia e te ʼu tagata sivi fetuʼu pea neʼe nonofo ʼifea? (Mat. 2:1, 11, 16)
Ko Te Kiʼi Tama Ko Sesu ʼi Te Fale Lotu
1. Kua taʼu fia ia Sesu ʼi te pāki, pea kofea ʼaē ʼe fai palalau ai?
2. Koteā ʼaē neʼe fai e Sosefo mo tona famili ʼi te taʼu fuli?
3. Hili te ʼaho kātoa ki tanatou liliu ki tonatou fenua, he koʼe neʼe toe liliu ia Sosefo mo Malia ki Selusalemi?
4. Neʼe maʼu atu e Sosefo mo Malia ia Sesu kifea, pea he koʼe neʼe ōfo te ʼu hahaʼi ʼaē neʼe fai palalau mo ia?
5. Koteā te tali neʼe fai e Sesu kiā Malia, tana faʼē?
6. E feafeaʼi hatatou lava faʼifaʼitakiʼi ia Sesu ʼo ʼuhiga mo te ako ʼo te ʼiloʼi te ʼAtua?
Te Tahi ʼu Fehuʼi:
1. Lau ia Luka 2:41-52.
(a) Logola neʼe fakamaʼua tāfito pe ki te hahaʼi tagata ke nātou kau ki te ʼu ʼaho lalahi ʼaē ʼe fai ʼi te taʼu fuli, kae koteā te faʼifaʼitaki lelei neʼe tuku mai e Sosefo pea mo Malia ki te ʼu mātuʼa iā ʼaho nei? (Luka 2:41; Teu. 16:16; 31:12; Taag. 22:6)
(b) Koteā te faʼifaʼitaki lelei neʼe tuku mai e Sesu ki te kau tūpulaga iā ʼaho nei ʼo ʼuhiga mo te fakalogo ki tanatou ʼu mātuʼa? (Luka 2:51; Teu. 5:16; Taag. 23:22; Kol. 3:20)
2. Lau ia Mateo 13:53-56.
Ko ai te toko fā ʼu tēhina ʼo Sesu ʼe tuʼu ʼonatou higoa ʼi te Tohi-Tapu, pea ko ai te toko lua ʼaē neʼe gāue ki muli age ʼi te kokelekasio faka Kilisitiano? (Mat. 13:55; Gaue 12:17; 15:6, 13; 21:18; Kal. 1:19; Skp. 1:1; Suta 1)
ʼE Papitemaʼi e Soane Ia Sesu
1. Ko ai te ʼu tagata e toko lua ʼaē ʼi te pāki?
2. E feafeaʼi te papitema ʼo he tahi?
3. Ko ai te hahaʼi ʼaē ʼe papitemaʼi e Soane ʼi te agamāhani?
4. Koteā te tupuʼaga maʼuhiga ʼaē neʼe kole ai e Sesu kiā Soane ke ina papitemaʼi ia ia?
5. Neʼe fakahā feafeaʼi e te Atua neʼe Ina leleiʼia ia te papitema o Sesu?
6. Koteā ʼaē neʼe hoko kiā Sesu ʼi tana ʼalu ʼo nofo tokotahi iā ʼaho e 40?
7. Ko ai ia te ʼu ʼuluaki tisipulo ʼa Sesu, pea neʼe koteā tana ʼuluaki milakulo?
Te Tahi ʼu Fehuʼi:
1. Lau ia Mateo 3:13-17.
Koteā ia te faʼifaʼitaki ʼaē neʼe tuku e Sesu ki tana ʼu ʼuluaki tisipulo ʼo ʼuhiga mo te papitema? (Pes. 40:7, 8; Mat. 28:19, 20; Luka 3:21, 22)
2. Lau ia Mateo 4:1-11.
Koteā te fakaloto mālohi ʼe tou maʼu ʼaki te faiva ʼa Sesu ʼi te fakaʼaogaʼi ʼo te Tohi-Tapu ke tupu ai hatatou ako tuʼumaʼu te Tohi-Tapu? (Mat. 4:5-7; 2 Pet. 3:17, 18; 1 Soa. 4:1)
3. Lau ia Soane 1:29-51.
Neʼe taki e Soane Patita tana kau tisipulo ke nātou ʼolo kiā ʼai, pea ʼe tou lava faʼifaʼitaki feafeaʼi ia ia iā ʼaho nei? (Soa. 1:29, 35, 36; 3:30; Mat. 23:10)
4. Lau ia Soane 2:1-12.
ʼE hā feafeaʼi ʼi te ʼuluaki milakulo ʼa Sesu ko Sehova ʼe mole ina fakafisi he meʼa ʼe lelei ki Tana ʼu kaugana? (Soa. 2:9, 10; Pes. 84:11; Skp. 1:17)
ʼE Fakamaʼa e Sesu Te Fale Lotu
1. He koʼe neʼe fakatau te ʼu manu ʼi te fale lotu?
2. Koteā ʼaē neʼe ʼita ai ia Sesu?
3. Ohage ko tona fakahā ʼi te pāki, koteā ʼaē neʼe fai e Sesu, pea koteā ʼaē neʼe ina fakatotonu age ki te ʼu tagata faifakatau lupe?
4. Koteā ʼaē neʼe manatuʼi e te ʼu tisipulo ʼa Sesu ʼi tanatou sio ki te meʼa ʼaē neʼe ina fai?
5. Ko te tisitilike fea ʼaē neʼe fakalaka ai ia Sesu ʼi tana liliu ki Kalilea?
Te Tahi Fehuʼi:
1. Lau ia Soane 2:13-25.
ʼI tatatou sio ki te ʼita ʼa Sesu ki te kau fetogi paʼaga, ʼe tonu koa ke tou fai fakatau koloā ʼi te Fale ʼo Te Puleʼaga? (Soa. 2:15, 16; 1 Ko. 10:24, 31-33)
Ko Sesu Mo Te Fafine ʼi Te Vai Keli
1. He koʼe neʼe tuʼu ia Sesu ʼi te vai keli ʼi Samalia, pea koteā ʼaē neʼe ina ʼui age ki te fafine ʼaē neʼe haʼu ʼo ʼohu vai?
2. He koʼe neʼe punamaʼuli ia te fafine, pea koteā ʼaē neʼe ʼui age e Sesu, pea koteā tona tupuʼaga?
3. ʼI te manatu ʼa te fafine, neʼe koteā te faʼahiga vai ʼaē neʼe talanoa age kiai ia Sesu, kae neʼe koteā te vai ʼaē neʼe fia palalau kiai ia Sesu?
4. He koʼe neʼe punamaʼuli ia te fafine ki te ʼu meʼa ʼaē neʼe ʼiloʼi e Sesu ʼo ʼuhiga mo ia, pea neʼe ina ʼiloʼi feafeaʼi te maʼuli ʼo te fafine?
5. Koteā te ʼu ako ʼe tou tāʼofi mai te hisitolia ʼo te fafine ʼi te vai keli?
Te Tahi ʼu Fehuʼi:
1. Lau ia Soane 4:5-43.
(a) Ohage ko te faʼifaʼitaki ʼa Sesu, ʼe tonu ke feafeaʼi tatatou aga ki te hahaʼi ʼe lanu kehe pea mo maʼuli kehekehe? (Soa. 4:9; 1 Ko. 9:22; 1 Tim. 2:3, 4; Tito 2:11)
(b) Koteā te ʼu tapuakina fakalaumālie ʼaē ʼe maʼu e he tahi ʼe liliu ko he tisipulo ʼa Sesu? (Soa. 4:14; Isa. 58:11; 2 Ko. 4:16)
(c) E feafeaʼi hatatou loto fakafetaʼi ohage ko te fafine Samalitana ʼaē neʼe ina vaevae ʼaki he lotofiafia ki te hahaʼi, te meʼa ʼaē neʼe fakamahino age ki ai? (Soa. 4:7, 28; Mat. 6:33; Luka 10:40-42)
ʼE Faiakonaki Ia Sesu ʼi Te Moʼuga
1. ʼI te pāki, ʼe faiakonaki ia Sesu ʼifea, pea ko ai ia nātou ʼaē ʼe heheka ʼi ʼona tafa?
2. Ko ai te ʼu higoa ʼo te ʼu ʼapositolo e toko 12?
3. Ko te Puleʼaga fea ʼaē neʼe faka mafola e Sesu?
4. Neʼe akoʼi e Sesu te hahaʼi ke nātou faikole ʼo ʼuhiga mo teā?
5. Koteā te faʼahiga aga ʼaē neʼe akoʼi e Sesu ki te hahaʼi ke nātou fai ki te hahaʼi?
Te Tahi ʼu Fehuʼi:
1. Lau ia Mateo 5:1-12.
Ko te ʼu faʼahiga ʼaluʼaga fea ʼaē ʼe feala ai ke tou fakahā ʼe tou mahino ki totatou masiva fakalaumālie? (Mat. 5:3; Loma 10:13-15; 1 Tim. 4:13, 15, 16)
2. Lau ia Mateo 5:21-26.
ʼE hā feafeaʼi iā Mateo 5:23, 24 ko tatatou ʼu felogoi mo ʼotatou tēhina ʼe malave ki tatatou ʼu felogoi mo Sehova? (Mat. 6:14, 15; Pes. 133:1; Kol. 3:13; 1 Soa. 4:20)
3. Lau ia Mateo 6:1-8.
Ko te ʼu faʼahiga aga fia faitotonu loi fea ʼaē ʼe mole tonu ke fai e te kau Kilisitiano? (Luka 18:11, 12; 1 Ko. 4:6, 7; 2 Ko. 9:7)
4. Lau ia Mateo 6:25-34.
Koteā ʼaē neʼe akoʼi mai e Sesu ʼo ʼuhiga mo tatatou falala ʼaē kiā Sehova ʼo ʼuhiga mo te ʼu meʼa fakasino? (Ek. 16:4; Pes. 37:25; Filp. 4:6)
5. Lau ia Mateo 7:1-11.
Koteā te ako maʼuhiga ʼe tou maʼu ʼi te lea fakatātā ʼo Mateo 7:5? (Taag. 26:12; Loma 2:1; 14:10; Skp. 4:11, 12)
ʼE Fakatuʼuake e Sesu Te Kau Mate
1. Ko ai te tāmai ʼa te kiʼi taʼahine ʼaē ʼi te pāki, pea he koʼe neʼe lotomamahi ʼaupito ia ia mo tona ʼohoana?
2. Koteā ʼaē neʼe fai e Sailusi ʼi tana maʼu ia Sesu?
3. Koteā ʼaē neʼe hoko ʼi te lolotoga fagona ʼa Sesu ki te ʼapi ʼo Sailusi, pea koteā te logo ʼaē neʼe tala age kiā Sailusi?
4. He koʼe neʼe vāʼi ia Sesu e te hahaʼi ʼaē neʼe nonofo ʼi te ʼapi ʼo Sailusi?
5. ʼI tana ʼosi fakahū te ʼu mātuʼa ʼa te kiʼi taʼahine ki te kogafale pea mo te ʼu ʼapositolo e toko tolu, koteā ʼaē neʼe ina fai?
6. Ko ai ʼihi age neʼe fakatuʼuake e Sesu, pea koteā ʼaē ʼe nātou fakamoʼoni?
Te Tahi ʼu Fehuʼi:
1. Lau ia Luka 8:40-56.
Neʼe fakahā feafeaʼi e Sesu tana ʼofa ki te fafine ʼaē neʼe maligi te toto iā ia, pea koteā te ako ʼe feala ke tāʼofi e te kau tagata ʼāfea iā ʼaho nei? (Luka 8:43, 44, 47, 48; Lev. 15:25-27; Mat. 9:12, 13; Kol. 3:12-14)
2. Lau ia Luka 7:11-17.
ʼAki te tali ʼaē neʼe fai e Sesu ki te fafine vītua ʼo Naini, he koʼe ʼe lava maʼu he loto fīmālie e nātou ʼaē neʼe kua mate he tahi neʼe nātou ʼoʼofa mamahi ai? (Luka 7:13; 2 Ko. 1:3, 4; Hep. 4:15)
3. Lau ia Soane 11:17-44.
Neʼe fakahā feafeaʼi e Sesu ʼe tou lava tagiʼi hatatou mate neʼe tou ʼoʼofa ai? (Soa. 11:33-36, 38; 2 Sam. 18:33; 19:1-4)
ʼE Fafaga e Sesu Te Kaugamālie
1. Koteā te meʼa fakamataku ʼaē neʼe hoko kiā Soane Patita, pea neʼe malave feafeaʼi kiā Sesu ia te faʼahi ʼaia?
2. Koteā ʼaē neʼe fai e Sesu moʼo fafaga ia te hahaʼi kaugamālie ʼaē neʼe mulimuli iā te ia, pea neʼe lahi koa te meʼa kai ʼaē neʼe toe?
3. Koteā ʼaē neʼe mātataku ai ia te ʼu tisipulo ʼi te tahi pōʼuli, pea koteā ʼaē neʼe hoko kiā Petelo?
4. ʼI tona tuʼa lua, koteā ʼaē neʼe toe fai e Sesu moʼo fafaga ia te hahaʼi?
5. He koʼe ʼe lelei anai mokā ʼe puleʼi anai e Sesu ia te kele ʼi tona ʼuhiga Hau ʼo te ʼAtua?
Te Tahi ʼu Fehuʼi:
1. Lau ia Mateo 14:1-32.
(a) Koteā ʼaē ʼe tou mahino kiai ʼo ʼuhiga mo te ʼulugaaga ʼo Petelo mokā tou lau ia Mateo14:23-32?
(b) ʼE fakahā feafeaʼi ʼi te Tohi-Tapu neʼe kua fakapotopoto pea mo fetogi te aga ʼohoʼoho ʼa Petelo? (Mat. 14:27-30; Soa. 18:10; 21:7; Gaue 2:14, 37-40; 1 Pet. 5:6, 10)
2. Lau ia Mateo 15:29-38.
Neʼe fakahā feafeaʼi e Sesu tana fakaʼapaʼapa ki te meʼa kai ʼaē neʼe foaki age e tana Tāmai? (Mat. 15:37; Soa. 6:12; Kol. 3:15)
3. Lau ia Soane 6:1-21.
Iā ʼaho nei, ʼe lava muliʼi feafeaʼi e te kau Kilisitiano ia te aga fakaʼapaʼapa ʼa Sesu ki te ʼu puleʼaga? (Soa. 6:15; Mat. 22:21; Loma 12:2; 13:1-4)
ʼE ʼOfa Ia Ki Te Tamaliki Liliki
1. Koteā te meʼa ʼaē neʼe fetalanoaʼaki kiai ia te ʼu ʼapositolo ʼi tanatou liliu mai tanatou fagona mai mamaʼo?
2. He koʼe neʼe pāui e Sesu te kiʼi tamasiʼi pea ina fakatuʼu iā muʼa ʼo te kau ʼapositolo?
3. Ko te ʼu ʼaluʼaga fea ʼaē neʼe tonu ai ki te kau ʼapositolo ke nātou hage ko he ʼu kihiʼi tamaliki?
4. Hili kiai ni ʼu māhina, neʼe fakahā feafeaʼi e Sesu ʼe ʼofa ki te ʼu kihiʼi tamaliki?
Te Tahi ʼu Fehuʼi:
1. Lau ia Mateo 18:1-4.
He koʼe neʼe fakaʼaogaʼi e Sesu te ʼu lea fakatātā ʼi tana ʼu faiakonaki? (Mat. 13:34, 36; Mko. 4:33, 34)
2. Lau ia Mateo 19:13-15.
Koteā te ʼu kalitātē ʼa te ʼu kihiʼi tamaliki ʼe tonu ke tou faʼifaʼitakiʼi mo kapau ʼe tou fia maʼu te ʼu tapuakina ʼo te Puleʼaga? (Pes. 25:9; 138:6; 1 Ko. 14:20)
3. Lau ia Maleko 9:33-37.
Koteā ʼaē neʼe akoʼi e Sesu ki tana ʼu tisipulo ʼo ʼuhiga mo tanatou fia maʼu tuʼulaga? (Mko. 9:35; Mat. 20:25, 26; Kal. 6:3; Filp. 2:5-8)
4. Lau ia Maleko 10:13-16.
Neʼe feafeaʼi te aga ʼa Sesu ki te hahaʼi, pea koteā te ako ʼe maʼu e te kau tagata ʼāfea mai tana faʼifaʼitaki? (Mko. 6:30-34; Filp. 2:1-4; 1 Tim. 4:12)
Ko Te Faʼahiga Faiakonaki ʼa Sesu
1. Koteā te fehuʼi neʼe lagaʼi e te tagata kiā Sesu pea koteā tona tupuʼaga?
2. ʼI ʼihi temi, koteā ʼaē neʼe fakaʼaogaʼi e Sesu ʼi tana ʼu faiakonaki, pea koteā ʼaē neʼe kua tou ʼosi vakaʼi ʼo ʼuhiga mo te kau Sutea pea mo te kau Samalitana?
3. ʼI te hisitolia ʼaē neʼe fakamatala e Sesu, koteā ʼaē neʼe hoko ki te tagata Sutea neʼe fagona ʼi te ala ki Seliko?
4. Koteā ʼaē neʼe fai e te pelepitelo Sutea pea mo te Levite neʼe nā tauʼaki fakalaka pe ʼi te ala ʼaia?
5. ʼI te pāki, ko ai ʼaē ʼe tokoni ki te tagata Sutea ʼaē ʼe lavea?
6. ʼI te ʼosi fakamatala ʼa Sesu ia te hisitolia, koteā te fehuʼi ʼaē neʼe ina fai ki te tagata, pea neʼe koteā te tali ʼa te tagata?
Te Tahi ʼu Fehuʼi:
1. Lau ia Luka 10:25-37.
(a) Neʼe mole tali fakahagatonu age Sesu ki te fehuʼi, kae koteā ʼaē neʼe ina fai moʼo tokoni ki te tagata poto ʼi te Lao ke fakakaukau ki he faʼahiga fakamatala? (Luka 10:26; Mat. 16:13-16)
(b) Neʼe fakaʼaogaʼi feafeaʼi e Sesu ia te ʼu lea fakatātā moʼo tokoni ki te hahaʼi ke mole nātou fakapalatahi? (Luka 10:36, 37; 18:9-14; Tito 1:9)
ʼE Fakamālōlō e Sesu Te ʼu Mahaki
1. Koteā ʼaē neʼe fai e Sesu ʼi tana feʼaluʼaki ʼi te fenua?
2. Hili taʼu e tolu ki te papitema ʼo Sesu, koteā ʼaē neʼe ina fakahā ki tana kau ʼapositolo?
3. Ko ai te hahaʼi ʼi te pāki, pea koteā ʼaē neʼe fai e Sesu maʼa te fafine?
4. He koʼe neʼe ufiufi ia te kau takitaki lotu ʼi te tali ʼaē neʼe fai age e Sesu ʼo ʼuhiga mo ʼanatou ʼu meomeo?
5. ʼI te kua ōvi ʼa Sesu mo tana kau ʼapositolo ki Seliko, koteā ʼaē neʼe fai e Sesu maʼa te ʼu tagata kivi e toko lua?
6. He koʼe neʼe fakahoko e Sesu ia te ʼu milakulo fuli ʼaenī?
Te Tahi ʼu Fehuʼi:
1. Lau ia Mateo 15:30, 31.
Ko te mālohi fakaofoofo fea ʼo Sehova ʼaē neʼe fakahā e Sesu, pea ʼe tonu ke malave feafeaʼi ki tatatou mahino ki te ʼu fakapapau ʼa Sehova ʼo ʼuhiga mo te mālama foʼou? (Pes. 37:29; Isa. 33:24)
2. Lau ia Luka 13:10-17.
Koteā ʼaē ʼe hā mai ʼi te ʼu milakulo ʼaē neʼe fakahoko e Sesu ʼi te Sapato ʼo ʼuhiga mo te ʼu milakulo ʼaē ka ina fakahoko anai lolotoga te ʼu Taʼu e Afe? (Luka 13:10-13; Pes. 46:9; Mat. 12:8; Kol. 2:16, 17; Apk. 21:1-4)
3. Lau ia Mateo 20:29-34.
ʼE ʼasi feafeaʼi mai ʼi te hisitolia ʼaenī ko Sesu neʼe mole maʼumaʼua fau moʼo tokoni ki te hahaʼi, pea koteā te ako ʼe tou tāʼofi mai ai? (Teu. 15:7; Skp. 2:15, 16; 1 Soa. 3:17)
ʼE Haʼu Ia Sesu ʼi Tona ʼUhiga Hau
1. ʼI te aʼu ʼa Sesu ki te kiʼi kolo veliveli ʼe ōvi ki Selusalemi, koteā ʼaē neʼe ʼui age e Sesu ki tana ʼu tisipulo ke nātou fai?
2. ʼI te pāki, koteā ʼaē neʼe hoko kiā Sesu ʼi tana fakaōvi ki Selusalemi?
3. Koteā ʼaē neʼe fai e te kihiʼi tamaliki ʼi tanatou sisio kiā Sesu neʼe ina fakamālōlō te hahaʼi kivi pea mo māʼimoa?
4. Koteā te tali ʼaē neʼe fai age e Sesu ki te kau pelepitelo ʼaē neʼe ʼiʼita?
5. ʼE tou lava faʼifaʼitaki feafeaʼi te ʼu kihiʼi tamaliki ʼaē neʼe nātou vikiviki ia Sesu?
6. Koteā ʼaē neʼe fia ʼiloʼi e te ʼu tisipulo ʼa Sesu?
Te Tahi ʼu Fehuʼi:
1. Lau ia Mateo 21:1-17.
(a) ʼI te hū ʼa Sesu ki Selusalemi ʼi tona ʼuhiga Hau, koteā ʼaē neʼe kehekehe ai mo te hū ʼa te ʼu pule ʼo te temi ʼo te kau Loma? (Mat. 21:4, 5; Sakl. 9:9; Filp. 2:5-8; Kol. 2:15)
(b) Koteā te ako ʼe lava tāʼofi e te kau tūpulaga mai te ʼu kihiʼi tamaliki ʼaē neʼe nātou lau te Pesalemo 118, ʼi te hū ʼa Sesu ki te fale lotu? (Mat. 21:9, 15; Pes. 118:25, 26; 2 Tim. 3:15; 2 Pet. 3:18)
2. Lau ia Soane 12:12-16.
Koteā ʼaē ʼe fakatātā e te ʼu pālema ʼaē neʼe fakaʼaogaʼi e te hahaʼi moʼo vikiviki ʼo Sesu? (Soa. 12:13; Filp. 2:10; Apk. 7:9, 10)
ʼI Te Moʼuga ʼo Oliveto
1. ʼI te pāki, ʼe nofo Sesu ʼifea pea ko ai ʼaē ʼi ʼona tafa?
2. Koteā ʼaē neʼe faiga e te ʼu pelepitelo ke nātou fai kiā Sesu ʼi te fale lotu, pea koteā ʼaē neʼe ina ʼui age kiā nātou?
3. Koteā te fehuʼi ʼaē neʼe fai e te ʼu ʼapositolo kiā Sesu?
4. He koʼe neʼe tala age e Sesu ki tana ʼu ʼapositolo te ʼu meʼa ʼaē ka hoko anai ʼi te kele ʼi tona temi Hau ʼi selo?
5. Koteā ʼaē neʼe ʼui e Sesu ʼe hoko anai ki te kele ʼi muʼa ʼo tana pulihi ia te ʼu meʼa kovi fuli ʼi te kele?
Te Tahi ʼu Fehuʼi:
1. Lau ia Mateo 23:1-39.
(a) Koteā ʼaē ʼe ʼasi mai ʼi te ʼu palalau ʼa Sesu iā Mateo 23:8-11 ʼo ʼuhiga mo te fakaʼaogaʼi ʼo he ʼu higoa faka tuʼulaga ʼi te kokelekasio, logola ʼe ʼui ʼi te Tohi-Tapu ʼe feala ke fakaʼaogaʼi he ʼu higoa faka tuʼulaga? (Gaue 26:25; Loma 13:7; 1 Pet. 2:13, 14)
(b) Koteā ʼaē neʼe fakaʼaogaʼi e te kau Faliseo moʼo tāʼofi ia te hahaʼi ke mole nātou liliu ko he kau Kilisitiano, pea iā ʼaho nei koteā ʼaē ʼe fai e te kau takitaki lotu ʼe tatau mo te kau Faliseo? (Mat. 23:13; Luka 11:52; Soa. 9:22; 12:42; 1 Tes. 2:16)
2. Lau ia Mateo 24:1-14.
(a) ʼE hā feafeaʼi te maʼuhiga ʼo te faʼa kātaki iā Mateo 24:13?
(b) Koteā te faka ʼuhiga ʼo te kupu “te fakaʼosi” iā Mateo 24:13, MN? (Mat. 16:27; Loma 14:10-12; 2 Ko. 5:10)
3. Lau ia Maleko 13:3-10.
ʼE hā feafeaʼi iā Maleko 13:10 te maʼuhiga ʼaē ke foimo faka mafola ia te logo lelei, pea ʼe tonu ke malave feafeaʼi kiā tatou ia te ʼu palalau ʼaia ʼa Sesu? (Loma 13:11, 12; 1 Ko. 7:29-31; 2 Tim. 4:2)
ʼI Te Kogafale Fata
1. Ohage ko tona fakahā ʼi te pāki, he koʼe neʼe nonofo ia Sesu mo tana ʼu ʼapositolo e toko 12 ʼi te kogafale fata?
2. Ko ai te tagata ʼaē ʼe hū ki tuʼa, pea koteā ʼaē ka ina fai?
3. ʼI te hili ʼo te kaitahi ʼo te Pāsikate, koteā te kaitahi makehe ʼaē neʼe kamata fai e Sesu?
4. Koteā ʼaē neʼe fakamanatu e te kau Iselaele ʼi tanatou fai ia te Pāsikate, pea ko te kaitahi makehe ʼaia ʼe ina fakamanatuʼi age anai teā ki te ʼu tisipulo ʼa Sesu?
5. ʼI te ʼosi ʼo te Ōmoe ʼa te ʼAliki, koteā ʼaē neʼe ʼui age e Sesu ki tana ʼu tisipulo, pea koteā ʼaē neʼe nātou fai?
Te Tahi ʼu Fehuʼi:
1. Lau ia Mateo 26:14-30.
(a) ʼE hā feafeaʼi iā Mateo 26:15 ko te lavakiʼi ʼo Sesu e Sutasi, neʼe ko he meʼa neʼe ina fai ʼaki he loto mahino lelei?
(b) Koteā te ʼu faʼahi e lua ʼaē ʼe ʼaoga kiai ia te taʼataʼa ʼaē neʼe liligi e Sesu? (Mat. 26:27, 28; Sel. 31:31-33; Ef. 1:7; Hep. 9:19, 20)
2. Lau ia Luka 22:1-39.
Neʼe faka ʼuhiga feafeaʼi ia te hū ʼa Satana kiā Sutasi? (Luka 22:3; Soa. 13:2; Gaue 1:24, 25)
3. Lau ia Soane 13:1-20.
(a) Ka tou lau ia Soane 13:2, ʼe feala koa hatatou ʼui ko te meʼa ʼaē neʼe fai e Sutasi ʼe ko tana hala, pea koteā te ako ki te ʼu kaugana ʼa te ʼAtua? (Sen. 4:7; 2 Ko. 2:11; Kal. 6:1; Skp. 1:13, 14)
(b) Koteā te ako mālohi neʼe tuku mai e Sesu? (Soa. 13:15; Mat. 23:11; 1 Pet. 2:21)
4. Lau ia Soane 17:1-26.
ʼE tou mahino feafeaʼi ki te faikole ʼaē ʼa Sesu ke “tahi” tana ʼu tisipulo? (Soa. 17:11, 21-23; Loma 13:8; 14:19; Kol. 3:14)
Ko Sesu ʼi Te ’Ōloto
1. ʼI tanatou ʼosi mavae mai te kogafale fata, neʼe ʼolo kifea ia Sesu mo tana kau ʼapositolo, pea koteā ʼaē neʼe ina ʼui age kiā nātou?
2. ʼI te toe liliu ʼa Sesu, neʼe ina maʼu atu koteā ʼaē neʼe fai e te kau ʼapositolo, pea neʼe hoko tuʼa fia ia te faʼahi ʼaia?
3. Ko ai ʼaē neʼe ʼōmai ki te ʼōloto, pea ʼi te pāki koteā ʼaē neʼe fai e Sutasi Isikaliote?
4. He koʼe neʼe fekita ia Sutasi kiā Sesu, pea koteā ʼaē neʼe fai e Petelo?
5. Koteā ʼaē neʼe ʼui e Sesu kiā Petelo, kae he koʼe neʼe mole kole e Sesu ki te ʼAtua ke ina fekauʼi ifo he ʼu ʼāselo?
Te Tahi ʼu Fehuʼi:
1. Lau ia Mateo 26:36-56.
(a) ʼO ʼuhiga mo te faʼahiga fai tokoni ʼa Sesu ki tana ʼu tisipulo, he koʼe ʼe ko he faʼifaʼitaki lelei ki te kau tagata ʼāfea iā ʼaho nei? (Mat. 20:25-28; 26:40, 41; Kal. 5:17; Ef. 4:29, 31, 32)
(b) Koteā ʼaē neʼe ʼui e Sesu ʼo ʼuhiga mo te fakaʼaogaʼi ʼo te ʼu mahafu moʼo fakafeagai ki he tahi? (Mat. 26:52; Luka 6:27, 28; Soa. 18:36)
2. Lau ia Luka 22:39-53.
Ko te haʼu ʼa te ʼāselo kiā Sesu ʼi te ʼōloto ʼo Setesemane, ʼe hā ʼaki ai koa neʼe kua tui vaivai? Koutou fakamahino. (Luka 22:41-43; Isa. 49:8; Mat. 4:10, 11; Hep. 5:7)
3. Lau ia Soane 18:1-12.
Neʼe hāofaki feafeaʼi e Sesu ia tana ʼu tisipulo mai tana kau fakafeagai, pea koteā te ako kiā tatou? (Soa. 10:11, 12; 18:1, 6-9; Hep. 13:6; Skp. 2:25)
Ko Te Matehi ʼo Sesu
1. Ko ai tāfito ʼaē neʼe tupu ai te matehi ʼo Sesu?
2. Koteā ʼaē neʼe fai e te ʼu ʼapositolo ʼi te puke ʼo Sesu e te kau takitaki lotu?
3. Koteā ʼaē neʼe hoko ʼi te ʼapi ʼo te pelepitelo lahi ko Kaifa?
4. He koʼe neʼe ʼalu ki tuʼa ia Petelo ʼo tagi?
5. ʼI te toe ʼave ʼo Sesu kiā Pilato, neʼe koteā te kalaga ʼaē neʼe fai e te kau pelepitelo pule?
6. Koteā ʼaē neʼe hoko kiā Sesu ʼi te Feliaono hōʼata, pea koteā te fakapapau ʼaē neʼe ina fai ki te tagata agakovi ʼaē neʼe haʼi ki te pou ʼi ʼona tafa?
7. ʼE tuʼu anai ʼifea ia te Palatiso ʼaē neʼe talanoa kiai ia Sesu?
Te Tahi ʼu Fehuʼi:
1. Lau ia Mateo 26:57-75.
Neʼe fakahā feafeaʼi e te kau fono fai fakamāu ʼa te kau Sutea, neʼe kovi tonatou loto? (Mat. 26:59, 67, 68)
2. Lau ia Mateo 27:1-50.
He koʼe ʼe tou lava ʼui neʼe mole fakahemala moʼoni ia Sutasi? (Mat. 27:3, 4; Mko. 3:29; 14:21; 2 Ko. 7:10, 11)
3. Lau ia Luka 22:54-71.
Koteā te ako kiā tatou ʼi te fakafisi ʼa Petelo kiā Sesu ʼi te po ʼaē neʼe lavakiʼi pea mo puke ai? (Luka 22:60-62; Mat. 26:31-35; 1 Ko. 10:12)
4. Lau ia Luka 23:1-49.
Neʼe tali feafeaʼi e Sesu te ʼu mamahi ʼaē neʼe fai age kiā ia, pea koteā te ako kiā tatou? (Luka 23:33, 34; Loma 12:17-19; 1 Pet. 2:23)
5. Lau ia Soane 18:12-40.
Logola neʼe mataku faka temi ia Petelo ki te tagata, ʼe hā feafeaʼi mai neʼe liliu ki muli age ko he ʼapositolo makehe? (Soa. 18:25-27; 1 Ko. 4:2; 1 Pet. 3:14, 15; 5:8, 9)
6. Lau ia Soane 19:1-30.
(a) Neʼe koteā te manatu fakapotopoto ʼaē neʼe maʼu e Sesu ʼo ʼuhiga mo te ʼu koloā faka mālama? (Soa. 2:1, 2, 9, 10; 19:23, 24; Mat. 6:31, 32; 8:20)
(b) ʼE hā feafeaʼi ʼi te ʼu palalau fakaʼosi ʼa Sesu ʼi muʼa ʼo tana mate, neʼe mālo pea ʼe ko he fakamoʼoni ʼaia ʼo tana lagolago mālohi ki te pule faʼitaliha ʼa Sehova? (Soa. 16:33; 19:30; 2 Pet. 3:14; 1 Soa. 5:4)
Kua Toe Maʼuli Ia Sesu
1. Ko ai te fafine pea mo te toko lua tagata ʼaē ʼi te pāki, pea ʼe nātou ʼifea?
2. He koʼe neʼe ʼui age e Pilato ki te kau pelepitelo ke nātou fekauʼi he kau solia ke nātou ʼolo ʼo leʼoleʼo te falemaka ʼo Sesu?
3. Koteā ʼaē neʼe fai e te ʼāselo ʼi te māfoatā ʼi te tolu ʼaho ʼo te ʼosi mate ʼa Sesu, kae koteā ʼaē neʼe fai e te kau pelepitelo?
4. He koʼe neʼe punamaʼuli ʼihi fafine ʼi tanatou ʼolo ʼo fakasiosio ia te falemaka ʼo Sesu?
5. He koʼe neʼe feleleʼi ia Petelo mo Soane ki te falemaka ʼo Sesu, pea koteā ʼaē neʼe nā maʼu atu?
6. Koteā ʼaē neʼe hoko ki te sino ʼo Sesu, pea koteā ʼaē neʼe ina fai moʼo fakahā ki tana ʼu tisipulo ʼe kua maʼuli?
Te Tahi ʼu Fehuʼi:
1. Lau ia Mateo 27:62-66 pea mo te 28:1-15.
ʼI te temi ʼaē neʼe fakatuʼuake ai Sesu, neʼe agahala feafeaʼi ki te laumālie maʼoniʼoni ia te kau pelepitelo pule, mo te kau Faliseo pea mo te ʼu tagata ʼāfea? (Mat. 12:24, 31, 32; 28:11-15)
2. Lau ia Luka 24:1-12.
ʼI te hisitolia ʼo te fakatuʼuake ʼo Sesu, ʼe hā feafeaʼi mai ʼe tokagaʼi e Sehova te ʼu fai fakamoʼoni ʼa te hahaʼi fafine? (Luka 24:4, 9, 10; Mat. 28:1-7)
3. Lau ia Soane 20:1-12.
Ko te koga tohi ʼo Soane 20:8, 9 ʼe tokoni feafeaʼi mai ke tou faʼa kātaki, mo kapau ʼe mole tou mahino kātoa ki he lea faka polofeta faka Tohi-Tapu? (Taag. 4:18; Mat. 17:22, 23; Luka 24:5-8; Soa. 16:12)
ʼI Te Kogafale ʼAē Neʼe Fakamaʼumaʼu
1. Koteā ʼaē neʼe ʼui e Malia ki te tagata ʼaē neʼe ina ʼui ʼe ko te tagata gaohi ʼōloto, pea koteā ʼaē neʼe ina ʼiloʼi ai leva neʼe ko Sesu?
2. Koteā ʼaē neʼe hoko ki te ʼu tisipulo e toko lua ʼaē neʼe fagona ki te kolo ko Emausi?
3. Koteā te meʼa fakapunamaʼuli neʼe hoko kae lolotoga fakamatala e te ʼu tisipulo e toko lua ki te kau ʼapositolo, neʼe nā sio kiā Sesu?
4. Neʼe hā tuʼa fia ia Sesu ki tana ʼu tisipulo?
5. Koteā ʼaē neʼe ʼui e Tomasi ʼi tana logo ʼaē ko te ʼu tisipulo neʼe nātou sio ki te ʼAliki, pea koteā ʼaē neʼe hoko hili kiai ʼaho e valu?
Te Tahi ʼu Fehuʼi:
1. Lau ia Soane 20:11-29.
Ko te ʼu palalau ʼa Sesu ʼaē iā Soane 20:23 ʼe ina fia ʼui koa ʼe tou lava fakamolemole te ʼu agahala? Koutou fakamahino. (Pes. 49:2, 7; Isa. 55:7; 1 Tim. 2:5, 6; 1 Soa. 2:1, 2)
2. Lau ia Luka 24:13-43.
Koteā ʼaē ʼe tou lava fai moʼo teuteuʼi totatou loto ke ina tali ia te ʼu moʼoni ʼa te Tohi-Tapu? (Luka 24:32, 33; Esita. 7:10; Mat. 5:3; Gaue 16:14; Hep. 5:11-14)
ʼE Toe Liliu Ia Sesu Ki Selo
1. Ko tisipulo e toko fia ʼaē neʼe sisio kiā Sesu ʼi te lakaga e tahi, pea koteā ʼaē neʼe talanoa kiai ia Sesu?
2. Koteā te Puleʼaga ʼo te ʼAtua, pea e feafeaʼi anai ia te kele ʼi te temi Hau ʼo Sesu lolotoga taʼu e afe?
3. Ko ʼaho e fia ʼaē neʼe hā ai ia Sesu ki tana ʼu tisipulo, pea koteā ʼaē kua hoko tona temi?
4. ʼI muʼa ʼo tana mavae ʼi tana ʼu tisipulo, koteā ʼaē neʼe fakapotopotoʼi age e Sesu ke nātou fai?
5. Koteā ʼaē ʼe tou sio kiai ʼi te pāki, pea he koʼe neʼe mole kei feala hanatou sio ki ai?
Te Tahi ʼu Fehuʼi:
1. Lau ia 1 Kolonito 15:3-8.
He koʼe neʼe feala ke palalau ia te ʼapositolo ko Paulo ʼaki he loto falala ʼo ʼuhiga mo te fakatuʼuake ʼo Sesu, pea iā ʼaho nei koteā te ʼu meʼa ʼaē ʼe lava palalau kiai ia te kau Kilisitiano ʼaki he loto falala? (1 Ko. 15:4, 7, 8; Isa. 2:2, 3; Mat. 24:14; 2 Tim. 3:1-5)
2. Lau ia Gaue 1:1-11.
Kua lahi feafeaʼi koa te mafola ʼo te gāue fai faka mafola ohage ko tona fakakikite iā Gaue 1:8? (Gaue 6:7; 9:31; 11:19-21; Kol. 1:23)
ʼE Nātou Talitali ʼi Selusalemi
1. Ohage ko tona fakahā ʼi te pāki, koteā ʼaē neʼe hoko ki te ʼu tisipulo ʼa Sesu ʼaē neʼe fakatalitali ʼi Selusalemi?
2. Koteā ʼaē neʼe punamaʼuli ai te kau matāpule ʼaē neʼe ʼōmai ki Selusalemi?
3. Koteā ʼaē neʼe fakamahino e Petelo ki te hahaʼi?
4. Neʼe malave feafeaʼi ki te tokolahi ia te ʼu palalau ʼa Petelo, pea koteā ʼaē neʼe ina ʼui age ke nātou fai?
5. Ko te tokofia ʼaē neʼe papitema ʼi te ʼaho ʼo te Penikosite ʼo te taʼu 33 ʼo totatou temi?
Te Tahi ʼu Fehuʼi:
1. Lau ia Gaue 2:1-47.
(a) ʼE hā feafeaʼi ʼi te ʼu palalau ʼa Petelo ʼaē iā Gaue 2:23, 36, neʼe tupu te mate ʼo Sesu ʼuhi ko te kau Sutea fuli? (1 Tes. 2:14, 15)
(b) Koteā te faʼifaʼitaki lelei ʼaē neʼe tuku mai e Petelo ʼo ʼuhiga mo te fakamahino ʼaki te fakaʼaogaʼi ʼo te Tohi-Tapu? (Gaue 2:16, 17, 29, 31, 36, 39; Kol. 4:6)
(c) Neʼe fakaʼaogaʼi feafeaʼi e Petelo ia te ʼuluaki kalavī ʼo “te u kalavi o te Puleaga o Selo,” ʼaē neʼe fakapapau age e Sesu ʼe ina foaki age anai kiā te ia? (Gaue 2:14, 22-24, 37, 38; Mat. 16:19)
ʼE Faka ʼĀteaina Ia Nātou Mai Te Fale Pilisoni
1. Koteā ʼaē neʼe hoko kiā Petelo pea mo Soane ʼi te tahi hoʼatā ʼi tanā hake ki te fale lotu?
2. Koteā ʼaē neʼe ʼui e Petelo ki te tagata māʼimoa, pea koteā ʼaē neʼe ina foaki age kiā ia ʼe maʼuhiga age ʼi te paʼaga?
3. He koʼe neʼe ʼiʼita ia te kau takitaki lotu, pea koteā ʼaē neʼe nātou fai kiā Petelo pea mo Soane?
4. Koteā ʼaē neʼe ʼui e Petelo ki te kau takitaki lotu, pea koteā ʼaē neʼe nātou tapuʼi age ki te ʼu ʼapositolo?
5. He koʼe neʼe maheka te kau takitaki lotu, pea koteā ʼaē neʼe hoko ʼi tanatou pilisoniʼi tuʼa lua ia te kau ʼapositolo?
6. Koteā te tali ʼaē neʼe fai e te kau ʼapositolo ʼi te Sanetualio?
Te Tahi ʼu Fehuʼi:
1. Lau ia Gaue 3:1-10.
Logola ʼe mole feala ke tou fai ni ʼu milakulo, kae ʼe hā feafeaʼi mai ʼi te ʼu palalau ʼa Petelo iā Gaue 3:6 ʼe maʼuhiga te logo ʼo te Puleʼaga? (Soa. 17:3; 2 Ko. 5:18-20; Filp. 3:8)
2. Lau ia Gaue 4:1-31.
Ka tou tau mo he ʼu fakafeagai ʼi te minisitelio, ʼe tou faʼifaʼitakiʼi feafeaʼi anai totatou ʼu tēhina Kilisitiano ʼo te ʼuluaki sēkulō? (Gaue 4:29, 31; Ef. 6:18-20; 1 Tes. 2:2)
3. Lau ia Gaue 5:17-42.
Neʼe fakahā feafeaʼi e ʼihi hahaʼi ʼaē ʼe mole ko he kau Fakamoʼoni ʼa Sehova, ʼi te temi muʼa pea mo te temi nei, tanatou fakaʼapaʼapa ki te gāue fai faka mafola? (Gaue 5:34-39)
Neʼe Nātou Taumakaʼi Ia Setefano
1. Ko ai ia Setefano, pea neʼe tokoni age te ʼAtua ke ina fai teā?
2. Koteā te ʼu palalau ʼa Setefano ʼaē neʼe tupu ai te ʼiʼita ʼaupito ʼa te kau takitaki lotu?
3. ʼI tanatou ʼosi ʼave ia Setefano ki te tuʼa kolo, koteā ʼaē neʼe nātou fai ki ai?
4. ʼI te pāki, ko ai te tūpulaga ʼaē ʼe leʼoleʼo ki te ʼu pulupulu?
5. ʼI muʼa ʼo tana mate, koteā te kole ʼaē neʼe fai e Setefano kiā Sehova?
6. Ohage ko Setefano, koteā ʼaē ʼe tonu ke tou fai mokā fai mai e he tahi he aga ʼe kovi?
Te Tahi ʼu Fehuʼi:
1. Lau ia Gaue 6:8-15.
Koteā te aga fakakākā ʼaē neʼe fai e te kau takitaki lotu moʼo fakagata ia te gāue fai faka mafola ʼa te kau Fakamoʼoni ʼo Sehova? (Gaue 6:9, 11, 13)
2. Lau ia Gaue 7:1-60.
(a) Koteā ʼaē neʼe tokoni kiā Setefano ke lelei tana hāofaki ia te logo lelei ʼi te Sanetualio, pea koteā te faʼifaʼitaki neʼe ina tuku mai kiā tatou? (Gaue 7:51-53; Loma 15:4; 2 Tim. 3:14-17; 1 Pet. 3:15)
(b) ʼE tonu ke feafeaʼi tatatou aga kiā nātou ʼaē ʼe fakafeagai ki tatatou gāue? (Gaue 7:58-60; Mat. 5:44; Luka 23:33, 34)
ʼI Te Ala ʼo Tamaso
1. Koteā ʼaē neʼe fai e Saulo ʼi te ʼosi fakapogi ʼo Setefano?
2. ʼI te ala ʼo Tamaso, koteā te meʼa fakapunamaʼuli ʼaē neʼe hoko kiā Saulo?
3. Koteā ʼaē neʼe ʼui age e Sesu kiā Saulo ke ina fai?
4. Koteā te ʼu fakatotonu ʼaē neʼe tuku age e Sesu kiā Ananiasi, pea he koʼe neʼe toe lava sio ia Saulo?
5. Ki muli age neʼe ko ai leva ia te higoa ʼo Saulo, pea koteā te gāue ʼaē neʼe fakatotonuʼi age?
Te Tahi ʼu Fehuʼi:
1. Lau ia Gaue 8:1-4.
He koʼe neʼe feala ʼaki te ʼu fakatagaʼi ʼo te kokelekasio faka Kilisitiano ke faka mafola ia te lotu faka Kilisitiano, pea neʼe hoko feafeaʼi ia te faʼahi feiā ʼi totatou temi? (Gaue 8:4; Isa. 54:17)
2. Lau ia Gaue 9:1-20.
Koteā te ʼu fakatuʼutuʼu gāue e tolu ʼaē neʼe fia foaki e Sesu kiā Paulo? (Gaue 9:15; 13:5; 26:1; 27:24; Loma 11:13)
3. Lau ia Gaue 22:6-16.
ʼE tou lava faʼifaʼitakiʼi feafeaʼi ia Ananiasi, pea he koʼe ʼe maʼuhiga ia te faʼahi ʼaia? (Gaue 22:12; 1 Tim. 3:7; 1 Pet. 1:14-16; 2:12)
4. Lau ia Gaue 26:8-20.
Koteā te fakaloto mālohi ʼe maʼu e nātou ʼe mole tauhi tahi tonatou ʼu ʼohoana mo nātou ʼi te maliu ʼa Saulo ki te Lotu Faka Kilisitiano? (Gaue 26:11; 1 Tim. 1:14-16; 2 Tim. 4:2; 1 Pet. 3:1-3)
ʼE ʼAʼahi e Petelo Ia Kolonelio
1. Ko ai te tagata ʼaē ʼe tuʼutuli ʼi te pāki?
2. Koteā ʼaē neʼe ʼui e te ʼāselo kiā Kolonelio?
3. Koteā te meʼa ʼaē neʼe fakahā age e te ʼAtua ke sio kiai Petelo ʼi tana tuʼu ʼi te ʼato ʼo te fakaheketālaʼā ʼo te ʼapi ʼo Simone ʼi Sope?
4. He koʼe neʼe ʼui age e Petelo kiā Kolonelio ʼe mole tonu ke tuʼutuli pea mo atolasio kiā ia?
5. He koʼe neʼe punamaʼuli ia te ʼu tisipulo Sutea mo Petelo?
6. Koteā te ako maʼuhiga ʼe tou maʼu mai te ʼaʼahi ʼaē neʼe fai e Petelo kiā Kolonelio?
Te Tahi ʼu Fehuʼi:
1. Lau ia Gaue 10:1-48.
Koteā ʼaē ʼe hā mai ʼi te ʼu palalau ʼa Petelo iā Gaue 10:42 ʼo ʼuhiga mo te faka mafola ʼo te logo lelei ʼo te Puleʼaga? (Mat. 28:19; Mko. 13:10; Gaue 1:8)
2. Lau ia Gaue 11:1-18.
Neʼe feafeaʼi ia Petelo ʼi te temi ʼaē neʼe tali lelei ai e Sehova ia te kau Senitile, pea e feafeaʼi hatatou lava faʼifaʼitaki ia ia? (Gaue 11:17, 18; 2 Ko. 10:5; Ef. 5:17)
Neʼe Tokoni Ia Timoteo Kia Paulo
1. Ko ai te tūpulaga ʼaē ʼi te pāki, ʼe nofo ʼifea, pea ko ai ia tana faʼē pea mo tana kui fafine?
2. Koteā te tali ʼa Timoteo ʼi te fakalavelave age e Paulo peʼe fia ʼalu mo ia pea mo Silasi ʼo fai faka mafola ki te hahaʼi ʼaē ʼe nonofo ʼi te ʼu potu mamaʼo?
3. Ko te kolo fea ʼaē neʼe ʼuluaki fakahigoaʼi ai ia te ʼu tisipulo ʼa Sesu ko te kau Kilisitiano?
4. Ko te ʼu kolo fea ʼaē neʼe ʼaʼahi e Paulo mo Silasi pea mo Timoteo ʼi tanatou ʼosi mavae mai Lusitala?
5. Koteā ʼaē neʼe fai e Timoteo mo Paulo, pea koteā te fehuʼi ʼaē ʼe tonu ke fai e te kau tūpulaga iā ʼaho nei?
Te Tahi ʼu Fehuʼi:
1. Lau ia Gaue 9:19-30.
Neʼe feafeaʼi te aga fakaʼeteʼete ʼa te ʼapositolo ko Paulo ʼi te ʼu temi ʼaē neʼe hoko ai te ʼu fakafeagai ki te logo lelei? (Gaue 9:22-25, 29, 30; Mat. 10:16)
2. Lau ia Gaue 11:19-26.
ʼE hā feafeaʼi iā Gaue 11:19-21, 26 ko te laumālie ʼo Sehova ʼe ina takitaki ia te gāue fai faka mafola?
3. Lau ia Gaue 13:13-16, 42-52.
ʼE hā feafeaʼi iā Gaue 13:51, 52 neʼe mole lotovaivai ia te ʼu tisipulo ʼi te ʼu fakafeagai ʼaē neʼe hoko kiā nātou? (Mat. 10:14; Gaue 18:6; 1 Pet. 4:14)
4. Lau ia Gaue 14:1-6, 19-28.
ʼAki te palalau “neʼe nātou momoli ia nātou kiā Sehova,” ʼe tokoni feafeaʼi mai kiā tatou ke ʼaua naʼa tou tuʼania fau mokā tou tokoni ki te hahaʼi ʼaē ʼe foʼofoʼou? (Gaue 14:21-23, MN; Gaue 20:32; Soa. 6:44)
5. Lau ia Gaue 16:1-5.
ʼO ʼuhiga mo te tali leleiʼi ʼaē e Timoteo ke silikosisioʼi ia ia, koteā te meʼa maʼuhiga ʼe ʼasi mai ai kiā tatou ʼo ʼuhiga mo te fai “ia meʼa fuli . . . ʼuhi ko te logo lelei”? (Gaue 16:3; 1 Ko. 9:23, MN; 1 Tes. 2:8)
6. Lau ia Gaue 18:1-11, 18-22.
ʼE hā feafeaʼi mai iā Gaue 18:9, 10 ʼe takitaki e Sesu ia te gāue fai faka mafola, pea koteā ʼaē ʼe tou lava falala kiai iā ʼaho nei? (Mat. 28:20)
Ko Te Tama Neʼe Māʼumoea
1. ʼI te pāki, ko ai te tama ʼaē ʼe tuku ʼi lalo, pea koteā ʼaē neʼe hoko ki ai?
2. Koteā ʼaē neʼe fai e Paulo ʼi tana sio ʼaē kua mate te tama?
3. ʼE ʼolo kifea ia Paulo, mo Timoteo, pea mo ʼonā kaugā fagona, pea koteā ʼaē neʼe hoko ʼi tanatou tau atu ki Mile?
4. Koteā te fakatokaga ʼaē neʼe fai e te polofeta ko Akapo kiā Paulo, pea neʼe hoko feafeaʼi tana fakakikite ʼaia?
Te Tahi ʼu Fehuʼi:
1. Lau ia Gaue 20:7-38.
(a) Ohage ko tona ʼui e Paulo iā Gaue 20:26, 27, MN, e feafeaʼi hatatou “maʼa ʼi te toto ʼo te tagata fuape”? (Esk. 33:8; Gaue 18:6, 7)
(b) Ka faiakonaki ia te kau tagata ʼāfea, he koʼe ʼe tonu ke “pipiki maʼu ki te folafola agatonu”? (Gaue 20:17, 29, 30; Tito 1:7-9; 2 Tim. 1:13)
2. Lau ia Gaue 26:24-32.
Neʼe fakaʼaogaʼi feafeaʼi e Paulo ia tona ʼuhiga Loma moʼo fai tana gāue fai faka mafola ʼaē neʼe fakatotonu age e Sesu? (Gaue 9:15; 16:37, 38; 25:11, 12; 26:32; Luka 21:12, 13)
Neʼe Hoko Te Afā ʼi Te Motu
1. Koteā ʼaē neʼe hoko ki te vaka ʼaē neʼe ʼalu ai Paulo ʼi tanatou fakalaka ʼi te motu ko Kelete?
2. Koteā ʼaē neʼe ʼui age e Paulo ki te hahaʼi ʼo te vaka?
3. Neʼe maumau feafeaʼi te vaka?
4. Koteā ʼaē neʼe fakatotonu e te ofisie ʼo te vaka, pea ko te toko fia ʼaē neʼe kaku haohaoa ki te mataʼone?
5. Kofea te motu ʼaē neʼe nātou tau kiai, pea koteā ʼaē neʼe fai kiā Paulo hili kiai māhina e tolu?
Te Tahi ʼu Fehuʼi:
1. Lau ia Gaue 27:1-44.
ʼE toe mālohi feafeaʼi tatatou falala ki te Tohi-Tapu mokā tou sio ʼe totonu te ʼu fakamatala ʼa te Tohi-Tapu ʼo ʼuhiga mo te folau ʼa Paulo ki Loma? (Gaue 27:16-19, 27-32; Luka 1:3; 2 Tim. 3:16, 17)
2. Lau ia Gaue 28:1-14.
Kapau neʼe “agalelei ʼaupito” ia te hahaʼi pagani ʼo Maleta ki te ʼapositolo ko Paulo pea mo te ʼu hahaʼi ʼo te vaka, pea ʼe tonu ke feafeaʼi te aga ʼa te kau Kilisitiano pea tāfito ʼi te potu fea? (Gaue 28:1, 2, MN; Hep. 13:1, 2; 1 Pet. 4:9)
Ko Paulo ʼi Loma
1. Ko ai te hahaʼi ʼaē neʼe fai faka mafola ki ai ia Paulo ʼi tana lolotoga pilisoni ʼi Loma?
2. Ko ai te tagata faitohi ʼaē ʼi te pāki, pea koteā ʼaē ʼe ina fai maʼa Paulo?
3. Ko ai ia Epafolotito, pea koteā ʼaē neʼe ina ʼave mo ia ʼi tana liliu ki Filipe?
4. He koʼe neʼe faitohi ia Paulo ki tona kaumeʼa ko Filemone?
5. Koteā ʼaē neʼe fai e Paulo ʼi tana ʼosi mavae ʼi te fale pilisoni, pea koteā ʼaē neʼe hoko kiā ia ki muli age?
6. Ko ai ʼaē neʼe fakaʼaogaʼi e Sehova moʼo tohi ia te ʼu tohi fakaʼosi ʼo te Tohi-Tapu, pea koteā ʼaē ʼe talanoa kiai ia te tohi ʼo Fakahā, peʼe ko Apokalipesi?
Te Tahi ʼu Fehuʼi:
1. Lau ia Gaue 28:16-31 pea mo Filipe 1:13.
Neʼe fakaʼaogaʼi feafeaʼi e Paulo tona temi ʼi tana nofo pilisoni ʼi Loma, pea neʼe malave feafeaʼi tana tui mālohi ki te kokelekasio faka Kilisitiano? (Gaue 28:23, 30; Filp.1:14)
2. Lau ia Filipe 2:19-30.
Kotea te ʼu fakafetaʼi ʼaē neʼe fai e Paulo ʼo ʼuhiga mo Timoteo pea mo Epafolotito, pea ʼe tou lava muliʼi feafeaʼi tana faʼifaʼitaki? (Filp. 2:20, 22, 25, 29, 30; 1 Ko. 16:18; 1 Tes. 5:12, 13)
3. Lau ia Filemone 1-25.
(a) Koteā te kalitātē ʼaē neʼe fakaʼaogaʼi e Paulo moʼo tokoniʼi ia Filemone ki te aga ʼaē ʼe tonu ke ina fai, pea koteā te ako ki te kau tagata ʼāfea iā ʼaho nei? (Film. 9; 2 Ko. 8:8; Kal. 5:13)
(b) ʼE hā feafeaʼi ʼi te ʼu palalau ʼa Paulo iā Filemone 13, 14, neʼe fakaʼapaʼapa ki te leʼo ʼo loto ʼo nātou ʼo te kokelekasio? (1 Ko. 8:7, 13; 10:31-33)
4. Lau ia 2 Timoteo 4:7-9.
Ohage ko te ʼapositolo ko Paulo, ʼe tou lava tui papau feafeaʼi ko Sehova ʼe ina fakapale anai tatou mo kapau ʼe tou nonofo agatonu ʼo aʼu ki te fakaʼosi? (Mat. 24:13; Hep. 6:10)
Ko Te Fakaʼosi ʼo Te Agakovi Fuli
1. He koʼe ʼe talanoa ia te Tohi-Tapu ʼo ʼuhiga mo te ʼu hōsi ʼi te lagi?
2. ʼE higoa feafeaʼi te tau ʼaē ka fakahoko e te ʼAtua ki te hahaʼi agakovi ʼo te kele, pea koteā anai te fua ʼo te tau ʼaia?
3. ʼI te pāki, ko ai anai ʼaē ka ina kamata ia te tau, he koʼe koa ʼe ʼi ai te kolona ʼi tona ʼulu, pea koteā te faka ʼuhiga ʼo te heletā?
4. Ohage ko tatatou vakaʼi ʼi te ʼu Hisitolia 10 pea mo te 15 pea mo te 33, he koʼe ʼe mole tonu ke tou punamaʼuli ʼe fakaʼauha anai e te ʼAtua ia te hahaʼi agakovi?
5. ʼE hā feafeaʼi ʼi te ʼu Hisitolia 36, pea mo te 76 ʼe fakaʼauha anai e te ʼAtua ia te hahaʼi agakovi, tatau aipe peʼe nātou ʼui ʼe nātou atolasio kiā te ia?
Te Tahi ʼu Fehuʼi:
1. Lau ia Apokalipesi 19:11-16.
(a) ʼE hā lelei feafeaʼi ʼi te Tohi-Tapu, ko Sesu Kilisito ʼaē ʼe heka ʼi te hōsi hina? (Apk. 1:5; 3:14; 19:11; Isa. 11:4)
(b) ʼE fakamoʼoni feafeaʼi ʼaki te toto ʼaē ʼe pipiki ʼi tona kofu tuʼa, ko tana mālo ʼe totonu pea mo kātoa anai? (Apk. 14:18-20; 19:13; Isa. 63:1-6)
(c) Ko ai ʼapē ʼe kau anai ki te ʼu kautau ʼe mulimuli ia Sesu ʼaē ʼe heka ʼi tana hōsi hina? (Apk. 12:7; 19:14; Mateo 25:31, 32)
Ko He Palatiso Foʼou ʼi Te Kele
1. ʼI te Tohi-Tapu, ʼe feafeaʼi anai totatou maʼuli ʼi te Palatiso ʼi te kele?
2. Koteā te fakapapau ʼaē ʼe tuʼu ʼi te Tohi-Tapu ʼo ʼuhiga mo nātou ʼaē ka māʼuʼuli anai ʼi te Palatiso?
3. Ko ʼafea ʼaē ka fakahoko anai e Sesu ia te ʼu fetogi taulekaleka ʼaia?
4. ʼI te kei nofo ʼa Sesu ʼi te kele, koteā ʼaē neʼe ina fai moʼo fakahā te ʼu gāue ʼaē ka ina fai anai ʼi tona tuʼulaga Hau ʼo te Puleʼaga ʼo te ʼAtua?
5. Koteā ʼaē ka fai anai e Sesu pea mo tona ʼu kaugā hau mokā nātou puleʼi anai ia te kele?
Te Tahi ʼu Fehuʼi:
1. Lau ia Apokalipesi 5:9, 10.
He koʼe ʼe tou lava falala, ko te ʼu hau pea mo te ʼu pelepitelo ʼaē ka nātou takitaki anai te kele lolotoga te ʼu Tau e Afe, ʼe nātou agalelei anai pea mo lotomahino? (Ef. 4:20-24; 1 Pet. 1:7; 3:8; 5:6-10)
2. Lau ia Apokalipesi 14:1-3.
Koteā te faka ʼuhiga ʼo te tohi ʼo te huafa ʼo te Tāmai pea mo te huafa ʼo te akeno ʼi te ʼu laʼe ʼo te toko 144 000? (1 Ko. 3:23; 2 Tim. 2:19; Apk. 3:12)
ʼE Lava Feafeaʼi Hatatou Maʼu Te Maʼuli Heʼegata
1. Koteā ʼaē ʼe tonu ke tou ʼiloʼi mo kapau ʼe tou fia maʼu te maʼuli heʼegata?
2. ʼE lava feafeaʼi hatatou ʼiloʼi ia Sehova ʼAtua pea mo Sesu, ohage ko tona fai e te kiʼi taʼahine pea mo tona ʼu kaumeʼa ʼaē ʼi te pāki?
3. Koteā te tahi tohi ʼaē ʼe tou sio kiai ʼi te pāki, pea he koʼe ʼe tonu ke tou lau tuʼumaʼu?
4. ʼO hilifaki ki te maʼua ʼaē ke tou ʼiloʼi ia Sehova pea mo Sesu, koteā te tahi meʼa ʼaē ʼe tonu ke tou fai ke tou maʼu ia te maʼuli heʼegata?
5. Koteā te ako ʼe tou tāʼofi ʼi te Hisitolia 69?
6. Koteā te faʼifaʼitaki lelei ʼaē neʼe tuku mai e te kiʼi tama ko Samuele ʼi te Hisitolia 55?
7. E feafeaʼi hatatou mulimuli ki te faʼifaʼitaki ʼa Sesu Kilisito, pea kapau ʼe tou fai feiā, koteā ʼaē ka tou maʼu anai ʼi te ka haʼu?
Te Tahi ʼu Fehuʼi:
1. Lau ia Soane 17:3.
ʼE fakahā feafeaʼi ʼi te Tohi-Tapu, ʼe mole feʼauga pe tatatou ʼiloʼi feiā ia Sehova ʼAtua pea mo Sesu Kilisito? (Mat. 7:21; Skp. 2:18-20; 1 Soa. 2:17)
2. Lau ia Pesalemo 145:1-21.
(a) Koteā te ʼu tupuʼaga kehekehe ʼaē ʼe feala ai ke tou vikiviki ia Sehova? (Pes. 145:8-11; Apk. 4:11)
(b) ʼE fakahā feafeaʼi e Sehova ʼe “agalelei ki te hahaʼi fuape,” pea ʼaki te faʼahi ʼaia e feafeaʼi hatatou fakaōvi age kiā ia? (Pes. 145:9; Mat. 5:43-45)
(c) Kapau ʼe tou ʼofa lahi kiā Sehova, koteā ʼaē ka tou fai anai? (Pes. 119:171, 172, 175; 145:11, 12, 21)