KAPITE HOGOFULU MA FITU
Ko Te Faikole ʼe Ko Te Pilivilesio Mai Te ʼAtua
ʼE fia fagono ia ia “ae nee ina fakatupu te atu lagi mo te kele” ki ʼatatou faikole. —Pesalemo 115:15
1, 2. ʼI tau manatu la, he koʼe ko te faikole ʼe ko he meʼa ʼofa taulekaleka? Pea he koʼe ʼe maʼuhiga ke tou iloʼi te manatu ʼae ʼe ui ʼi te Tohi-Tapu ʼo ʼuhiga mo te faikole?
ʼE VELIVELI ʼaupito te kele moka fakatatau ki te ʼatulaulau. Moka sio ifo Sehova ki te kele, ʼe hage te ʼu puleʼaga ko he ʼu mosiʼi vai. (Pesalemo 115:15; Esaia 40:15) Logo la totatou veliveli ʼaupito, kaʼe ʼe ui fenei ia Pesalemo 145:18, 19: “E ovi [Sehova] kia natou fuli ae e fetapa kia ia, kia natou fuli ae e fetapa kia ia i te mooni. E ina fakahoko te u holi o natou ae e matataku [peʼe “manavasiʼi,” MN ] kia ia; e logo ia ia ki anatou tagi, pea e ina fakamauli natou.” ʼI pilivilesio lahi leva ʼe tou maʼu. Koia ko Sehova, te Tupuʼaga mafimafi, ʼe loto ia ke tou fakaovi age kia te ia. Pea ʼe fia fagono ki ʼatatou faikole. ʼEi, ko te faikole ʼe ko he meʼa ʼofa taulekaleka pea ʼe ko he pilivilesio neʼe foaki mai e Sehova kia tatou takitokotahi.
2 Kaʼe ʼe maʼuhiga ke tou iloʼi te manatu ʼae ʼe ui ʼi te Tohi-Tapu ʼo ʼuhiga mo te faikole. Koteʼuhi ʼe fagono pe anai ia Sehova ki ʼatatou faikole mo kapau ʼe tou fai te ʼu faʼahiga faikole ʼae ʼe ina tali lelei. Koia, ʼe tou vakaʼi anai te manatu ʼae ʼe ui ʼi te Tohi-Tapu ʼo ʼuhiga mo te faikole.
HE KOʼE ʼE TOU FAIKOLE KIA SEHOVA?
3. He koʼe ʼe tonu ke ke faikole kia Sehova?
3 ʼE loto e Sehova ke ke felogoʼi mo ia ʼi te faikole. ʼE tou iloʼi feafeaʼi te faʼahi ʼaia? Lau ia Filipe 4:6, 7. Ke ke fakakaukauʼi age muʼa te fakaafe ʼe fai atu e te ʼAtua. ʼE tokaga moʼoni te Tuʼi ʼo te ʼatulaulau kia koe. Pea ʼe loto ia ke ke fakaha age kia te ia te ʼu meʼa ʼae ʼi tou loto pea mo ʼou fihifihia.
4. He koʼe ʼe malohi anai takolua fakakaumeʼa mo Sehova?
4 ʼAki te faikole, ʼe tou maʼu ai he ʼu felogoʼi lelei mo Sehova. Tou toʼo he faʼifaʼitaki. Ka faipalalau tuʼumaʼu he ʼu kaumeʼa ʼo ʼuhiga mo ʼanā manatu, mo ʼonā fihifihia, mo te ʼu meʼa ʼae ʼi ʼonā loto, ʼe liliu anai tanā fakakaumeʼa ʼo malohi. ʼO toe feia pe moka ke faikole kia Sehova. ʼE feala ke ke palalau tuʼumaʼu mo ia pea mo fakaha kia te ia te ʼu meʼa ʼae ʼi tou loto. Pea ʼi te Tohi-Tapu, ʼe ke maʼu ai ʼana manatu, mo te ʼu meʼa ʼae ʼe ina logoʼi pea mo tana fakatuʼutuʼu ʼo ʼuhiga mo te ka haʼu. Kapau ʼe ke fai te faʼahi ʼaia, ʼe malohi anai takolua fakakaumeʼa mo Sehova.—Sakopo 4:8.
KOTEA ʼE TONU KE TOU FAI KE FAGONO MAI TE ʼATUA?
5. ʼE tou iloʼi feafeaʼi ʼe mole fagono ia Sehova ki te ʼu faikole fuli?
5 ʼE fagono koa ia Sehova ki te ʼu faikole fuli? Kailoa ia. ʼI te temi ʼo te polofeta ko Esaia, neʼe ui fenei e Sehova ki te kau Iselaele: “Ka kotou liuliuga te u faikole, e mole au Esaia 1:15) Koia, kapau ʼe mole tou nonofo tokakaga, ʼe feala ke tou fai he ʼu meʼa ʼe ina fakamamaʼo ai tatou mai ia Sehova. Pea ʼe mole fagono anai ia ki ʼatatou faikole.
fagono atu kia koutou: E fonu okotou nima i te toto.” (6. He koʼe ʼe maʼuhiga te tui? ʼE ke lava fakaha feafeaʼi ʼe ke tui ki te ʼAtua?
6 Kapau ʼe tou loto ke fagono mai ia Sehova ki ʼatatou faikole, ʼe tonu ke tou tui kia te ia. (Maleko 11:24) ʼE fakamahino fenei e te apositolo ko Paulo: “ ʼE mole feala ke leleiʼia e te ʼAtua he tahi ʼe mole tui, koteʼuhi ko ia ʼae ʼe fakaovi ki te ʼAtua ʼe tonu ke tui ʼe maʼuli ia ia pea ʼe ina fakapale ia natou ʼae ʼe natou kumi fakamalotoloto ia ia.” (Hepeleo 11:6) Kaʼe, ʼe mole gata ʼaki pe tatatou ui ʼae ʼe tou tui ki te ʼAtua. ʼE tonu foki ke iloga tatatou tui ʼaki tatatou fakalogo kia Sehova ʼi te ʼaho fuli.—Lau ia Sakopo 2:26.
7. (1) He koʼe ʼe tonu ke tou agavaivai mo aga fakaʼapaʼapa moka tou faikole kia Sehova? (2) ʼE tou fakaha feafeaʼi ʼe tou faikole fakamalotoloto?
7 Ka tou faikole kia Sehova, ʼe tonu ke tou agavaivai mo aga fakaʼapaʼapa. Kotea tona tupuʼaga? Tou toʼo he faʼifaʼitaki. Kapau ʼe tonu ke tou olo ʼo palalau ki te hau peʼe ko te pelesita, ʼe tou palalau fakaʼapaʼapa anai. Koia, ʼe mole tonu koa la ke lahi age tatatou fakaʼapaʼapa mo agavaivai moka tou palalau kia Sehova ʼae ko te ʼAtua Mafimafi? (Senesi 17:1; Pesalemo 138:6) ʼE tonu foki ke tou faikole fakamalotoloto kia Sehova, ʼo mole tou lau liuliuga pe te ʼu kole ʼae kua ʼosi lau.—Mateo 6:7, 8.
8. Ka tou faikole ʼo ʼuhiga mo he aluʼaga, kotea ʼae ʼe tonu ke tou fai?
8 Kapau neʼe tou kole he faʼahi ʼi tatatou faikole, ʼe tonu foki ke tou fakaalu tahi totatou maʼuli mo te meʼa ʼae neʼe tou kole. Ohage la, kapau ʼe tou faikole kia Sehova ʼo ʼuhiga mo te ʼu meʼa ʼae ʼe ʼaoga kia tatou ʼi te ʼaho fuli, ʼe tonu foki ke tou gaue kinakina. ʼE mole tou fakatalitali anai ke foaki mai e Sehova ia meʼa fuli kaʼe ʼe feala pe tatatou olo ʼo gaue. ʼE tonu ke tou gaue kinakina pea mo tali ia he faʼahiga gaue Mateo 6:11; 2 Tesalonika 3:10) Pea kapau ʼe tou faikole kia Sehova ke tokoni mai ke tou liakī te fai ʼo he meʼa ʼe kovi, ʼe tonu anai ke tou fakamamaʼo mai te ʼu aluʼaga ʼae ʼe feala ke fakahala ai tatou. (Kolose 3:5) Tou vakaʼi ʼihi fehuʼi ʼe fai mahani ʼo ʼuhiga mo te faikole.
pe ʼe tou lavaʼi. (HE ʼU FEHUʼI ʼE TAU FAI ʼO ʼUHIGA MO TE FAIKOLE
9. Ko ai ʼae ʼe tonu ke tou faikole ki ai? Kotea ʼe tou ako ia Soane 14:6 ʼo ʼuhiga mo te faikole?
9 Ko ai ʼae ʼe tonu ke tou faikole ki ai? Neʼe akoʼi e Sesu ki ʼana tisipulo ke natou faikole ki ‘tatatou Tamai ʼae ʼe ʼi selo.’ (Mateo 6:9) Neʼe ina toe ui fenei: “Ko au te ala, mo te moʼoni pea mo te maʼuli. ʼE mole he tahi ʼe haʼu ki te Tamai kaʼe ʼe mole fakalaka ia te au.” (Soane 14:6) Koia, ʼe tonu ke tou faikole ʼateaina pe kia Sehova ʼaki ia Sesu peʼe ʼi tona huafa. Kotea tona fakaʼuhiga? ʼE tonu ke tou fakaʼapaʼapa ki te tuʼulaga ʼae neʼe foaki e Sehova kia Sesu ke feala hana tali ʼatatou faikole. Ohage ko tatatou kua ako, neʼe haʼu ia Sesu ki te kele ʼo haofaki tatou mai te agahala mo te mate. (Soane 3:16; Loma 5:12) Pea neʼe fakanofo foki ia Sesu e Sehova ko te Pelepitelo Lahi pea mo Tuʼi Fakamau.—Soane 5:22; Hepeleo 6:20.
ʼE feala ke ke faikole ʼi te temi fuli
10. Ka tou faikole, ʼe tonu koa ke tou tuʼutuli, peʼe heheka peʼe tutuʼu? Fakamahino.
10 Ka tou faikole, ʼe tonu koa ke tou tuʼutuli, peʼe heheka peʼe tutuʼu? Kailoa. ʼE mole kole mai e Sehova ke tou tuʼutuli, mo heheka peʼe tou tutuʼu moka tou faikole. Kaʼe ʼe ui ʼi te Tohi-Tapu ʼe feala ke tou faikole kia Sehova ʼi he faʼahiga agaaga pe, kaʼe ke fai ʼaki te fakaʼapaʼapa. (1 Koloniko 17:16; Neemia 8:6; Taniela 6:10; Maleko 11:25) He ʼe ko te faʼahi ʼae ʼe maʼuhiga kia Sehova, ko te agaaga ʼo totatou loto, kaʼe ʼe mole ko tatatou faʼahiga faikole. ʼE feala ke tou faikole leʼo lahi peʼe fakalogologo tatau aipe pe ʼe kofea he koga meʼa ʼe tou nonofo ai ʼi te ʼaho peʼe ko te poʼuli. ʼE mahino papau ia, ʼe fagono anai Sehova ki ʼatatou faikole, tatau aipe pe ʼe mole logo mai he tahi.—Neemia 2:1-6.
11. Kotea ʼae ʼe feala ke tou kole kia Sehova?
11 Kotea ʼae ʼe tou kole ʼi ʼatatou faikole? ʼE lahi te ʼu faʼahi ʼe feala ke tou kole kia Sehova. Ko te faʼahi ʼae ʼe maʼuhiga ke alu tahi ʼatatou kole mo te finegalo ʼo Sehova. ʼE ui fenei ʼi te Tohi-Tapu: “Ko he meʼa pe ʼe tou kole ki te ʼAtua ʼo mulimuli ki tona finegalo, ʼe fagono mai kia tatou.” (1 Soane 5:14) ʼE feala koa ke tou kole he meʼa ʼe ʼaoga kia tatou totonu? ʼEi. ʼE hage pe tatatou faikole kia Sehova ko hatatou palalau ki hotatou kaumeʼa lelei. ʼE feala ke tou fakaha kia te ia ʼotatou tuʼania pea mo meʼa fuli ʼe tou logoʼi ʼi ʼotatou loto. (Pesalemo 62:9) ʼE feala ke tou kole ia tona laumalie maʼoniʼoni ke tokoni mai ke tou fai te meʼa ʼae ʼe lelei. (Luka 11:13) ʼE toe feala foki ke tou kole kia Sehova te poto ke tou toʼo he ʼu tonu ʼe lelei pea mo te malohi ke tou tauʼi te ʼu faigataʼaʼia. (Sakopo 1:5) ʼE tonu ke tou kole kia Sehova te fakamolemole ʼo ʼatatou agahala. (Efeso 1:3, 7) Pea ʼe tonu foki ke tou hufakiʼi niʼihi, ohage la ko ʼotatou famili pea mo ʼotatou tehina mo tuagaʼane ʼi te kokelekasio.—Gaue 12:5; Kolose 4:12.
12. Kotea ʼae ʼe tonu ke maʼuhiga ʼi ʼatatou faikole?
12 Kotea ʼae ʼe tonu ke maʼuhiga ʼi ʼatatou faikole? Ko Sehova pea mo tona finegalo. ʼE tonu ke tou fakamalō kia te ia mo totatou loto katoa ʼo ʼuhiga mo te ʼu meʼa fuli ʼae neʼe ina fai maʼa tatou. (1 Koloniko 29:10-13) He koʼe ʼe tou iloʼi te faʼahi ʼaia? Koteʼuhi ʼi te maʼuli ʼa Sesu ʼi te kele, neʼe ina akoʼi ki ʼana tisipulo pe ʼe feafeaʼi te faikole. (Lau ia Mateo 6:9-13.) Neʼe ina ui ʼe tonu muʼa ke natou kole ke fakatapuha te huafa ʼo te ʼAtua, ko tona fakaʼuhiga, ke fakamaʼoniʼoniʼi. Pea neʼe fakaha e Sesu ʼe tonu ke tou faikole ke hoko mai te Puleʼaga ʼo te ʼAtua pea ke fai tona finegalo ʼi te kele. Neʼe ina fakamahino, ʼe hoki tou kole pe anai te ʼu meʼa ʼae ʼe ʼaoga kia tatou totonu moka kua tou ʼosi kole te ʼu faʼahi maʼuhiga ʼaia. Koia, kapau ʼe tou fakamuʼamuʼa ia Sehova mo tona finegalo ʼi ʼatatou faikole, pea ʼe tou fakaha ai te ʼu faʼahi ʼae ʼe maʼuhiga age kia tatou.
13. ʼE tonu ke loaloaga feafeaʼi ʼatatou faikole?
13 ʼE tonu ke loaloaga feafeaʼi ʼatatou faikole? ʼE mole fakaha mai ʼi te Tohi-Tapu. ʼE feala pe ke nounou peʼe loaloaga, kaʼe kehe pe ke mulimuli ki te faʼahi peʼe ko te aluʼaga ʼae ʼe tou faikole ai. Ohage la, ʼe feala ke nounou ʼatatou faikole ʼi muʼa ʼo te kakai. Kaʼe, ʼe feala ke loaloaga moka tou 1 Samuele 1:12, 15) ʼE mole tou faikole loaloaga anai ke tokagaʼi ai tatou e niʼihi, ohage ko tona fai e ʼihi ʼi te temi ʼo Sesu. (Luka 20:46, 47) ʼE mole maʼuhiga ia kia Sehova te taʼi ʼu faikole ʼaia. Kaʼe, ko te faʼahi ʼae ʼe maʼuhiga kia te ia, ʼe ko ʼatatou faikole ʼae ʼe haʼu mai ʼotatou loto.
fakafetaʼi kia Sehova peʼe moka tou fakaha kia te ia ʼotatou fihifihia. (14. ʼE tonu koa ke tou faikole tuʼumaʼu? Pea kotea ʼe tou ako ʼo ʼuhiga mo Sehova?
14 ʼE tonu koa ke tou faikole tuʼumaʼu? ʼEi, ʼe fakaafe tatou e Sehova ke tou faikole tuʼumaʼu age kia te ia. ʼE ui ʼi te Tohi-Tapu ʼe tonu ke tou “faikole tuʼumaʼu,” pea mo “kataki ʼi te faikole.” (Mateo 26:41; Loma 12:12; 1 Tesalonika 5:17) ʼE lotolelei tuʼumaʼu ia Sehova ke fagono ki ʼatatou faikole. ʼE feala ke tou fakamalō kia te ia ʼi te ʼaho fuli ki tona ʼofa pea mo te ʼu faʼahi fuli ʼe ina fai maʼa tatou. Pea ʼe feala ke tou toe kole kia te ia ke ina takitaki tatou, mo fa kalotofimalieʼi tatou pea mo foaki mai te malohi. Kapau ʼe maʼuhiga kia tatou te pilivilesio ʼae ko te faikole, ʼe tou fakaʼaogaʼi anai te ʼu faigamalie fuli moʼo faikole kia Sehova.
15. He koʼe ʼe tonu ke tou ui “ameni” ʼi te fakaʼosi ʼo he faikole?
15 He koʼe ʼe tonu ke tou ui “ameni” ʼi te fakaʼosi ʼo he faikole? Ko te kupu “ameni,” ko tona fakaʼuhiga, ʼe tou “ ʼio” peʼe tou ui “fai ki ai.” ʼE ko he faʼahiga fakaha ʼaia, ʼe moʼoni mo alu tahi totatou loto mo te kole ʼae neʼe tou fai. (Pesalemo 41:14) ʼE akoʼi mai ʼi te Tohi-Tapu ʼe toe lelei age tatatou ui “ameni” leʼo lahi peʼe ʼi ʼotatou loto moka ʼosi he faikole ʼi muʼa o te kaugā malie. Kotea tona tupuʼaga? Koteʼuhi ʼe tou fakaha ai foki ʼe tou manatu tahi mo te ʼu faʼahi ʼae neʼe ui ʼi te faikole.—1 Koloniko 16:36; 1 Kolonito 14:16.
ʼE TALI FEAFEAʼI TE ʼATUA KI ʼATATOU FAIKOLE?
16. ʼE tali moʼoni koa ia Sehova ki ʼatatou faikole? Fakamahino.
16 ʼE tali moʼoni koa ia Sehova ki ʼatatou faikole? ʼEi. ʼE ui ʼi te Tohi-Tapu ko ia “ae e fakalogo ki te kole.” (Pesalemo 65:3) Koia, ʼe fagono Sehova ki te ʼu faikole fakamalotoloto ʼa te toko lauʼi miliona hahaʼi. Pea ʼe tali ki te ʼu faikole ʼaia ʼi he ʼu aluʼaga kehekehe.
17. ʼE fakaʼaogaʼi feafeaʼi e Sehova te kau ʼaselo pea mo ʼana kaugana ʼae ʼi te kele moʼo tali ki ʼatatou faikole?
17 ʼE fakaʼaogaʼi e Sehova te kau ʼaselo mo ʼana kaugana ʼae ʼi te kele moʼo tali ki ʼatatou faikole. (Hepeleo 1:13, 14) Ohage la, tokolahi neʼe natou faikole ki te ʼAtua ke natou mahino ki te Tohi-Tapu. Kotea ʼae neʼe hoko? Mole faʼa fualoa ki ai, ko he Fakamoʼoni ʼa Sehova ʼe haʼu ʼo ʼaʼahi natou. ʼI te ʼu aluʼaga ʼaia, ʼe ha ai ko te tala ʼo te “logo lelei” ʼi te kele katoa ʼe takitaki e te kau ʼaselo. (Lau ia Fakaha 14:6.) Pea tahi, tokolahi ia tatou neʼe tou faikole kia Sehova ʼo ʼuhiga mo he fihifihia peʼe ko he meʼa ʼe ʼaoga tafito kia tatou. Kotea ʼae neʼe hoko? Neʼe tou maʼu te tokoni ʼae neʼe ʼaoga kia tatou mai he tehina peʼe ko he tuagaʼane.—Taaga Lea 12:25; Sakopo 2:16.
ʼE tali ia Sehova ki ʼatatou faikole ʼaki tana ʼekenaki ʼihi Kilisitiano ke natou tokoni mai
18. ʼE fakaʼaogaʼi feafeaʼi e Sehova tona laumalie maʼoniʼoni pea mo te Tohi-Tapu moʼo tali ki ʼatatou faikole?
2 Kolonito 4:7) ʼE toe fakaʼaogaʼi e Sehova te Tohi-Tapu moʼo tali ki ʼatatou faikole pea mo tokoni mai ke tou toʼo he ʼu tonu ʼe lelei. ʼO feafeaʼi? Ka tou lau te Tohi-Tapu, ʼe feala ke tou maʼu ai he ʼu vaega ʼe tokoni mai anai. Pea tahi, ʼe feala ke ʼekenaki e Sehova he tahi ke ina fai he tali ʼi he fono ʼo fakaha ai he manatu ʼe feala ke tokoni mai. Peʼe ina ʼekenaki he tagata ʼafeā ke ina fakaha mai he manatu ʼo te Tohi-Tapu ʼe ʼaoga anai kia tatou.—Kalate 6:1.
18 ʼE fakaʼaogaʼi e Sehova tona laumalie maʼoniʼoni moʼo tali ki ʼatatou faikole. ʼO feafeaʼi? Ohage la, ka tou kole kia te ia ke tokoni mai ke tou tauʼi he fihifihia, ʼe ina fakaʼaogaʼi tona laumalie maʼoniʼoni moʼo takitaki tatou pea mo foaki mai te malohi. (19. He koʼe ʼi ʼihi temi ʼe tou manatu ʼe mole tali e Sehova ʼatatou faikole?
19 ʼI ʼihi temi, ʼe feala ke tou fai te fehuʼi ʼaeni: “He koʼe koa heʼeki tali mai e te ʼAtua ki ʼaku faikole?” Tou manatuʼi, ʼe iloʼi e Sehova te temi ʼae ʼe hoki ina tali ai ki ʼatatou faikole. Pea ʼe ina iloʼi pe ʼe tali feafeaʼi anai ki ʼatatou faikole. ʼE ina iloʼi te meʼa ʼae ʼe ʼaoga kia tatou. Koia, ʼe tonu ai ke tou faikole tuʼumaʼu kia te ia. Kotea tona tupuʼaga? Koteʼuhi ke tou fakaha kia te ia ʼe tou fakamalotoloto pea ʼe tou tui moʼoni kia te ia. (Luka 11:5-10) ʼI ʼihi temi, ʼe tali e Sehova ki ʼatatou faikole ʼi he aluʼaga ʼe mole tou ʼamanaki ki ai. Ohage la, kapau ʼe tou faikole ki he aluʼaga faigataʼa, ʼe mole ina pulihi anai te aluʼaga ʼaia. Kaʼe, ʼe ina foaki mai anai te malohi ke tou maʼu te faʼa kataki.—Lau ia Filipe 4:13.
20. He koʼe ʼe tonu ke tou faikole tuʼumaʼu kia Sehova?
20 ʼI pilivilesio lahi leva ʼe tou maʼu ke tou palalau ai kia Sehova ʼi te faikole. ʼEi, ʼe tou tui papau ʼe fagono mai anai kia tatou. (Pesalemo 145:18) Pea ka tou faikole tuʼumaʼu kia te ia mo totatou loto katoa, ʼe toe malohi age anai tatatou fakakaumeʼa mo Sehova.