KAPITE HOGOFULU MA HIVA
Ke Ke Nofo Ovi Ia Sehova
1, 2. Ko ai ʼae ʼe ina lava puipui tatou ia ʼaho nei?
KE KE fakakaukauʼi age muʼa te aluʼaga ʼaeni: ʼE ke lolotoga haʼele ʼi tuʼa ʼi he ʼaho ʼe lalahi ai te matagi. Fokifa pe kua fakapoʼuli te lagi. Pea tapa te hila mo mana pea to he ʼua lalahi. ʼE ke kumi he koga meʼa ke ke fakamalumalu ai. Pea ʼi tau maʼu te koga meʼa ʼaia, neʼe ke fiafia leva mo fimalie.
2 ʼE hage pe te aluʼaga ʼaia ko ʼotatou maʼuli ia ʼaho nei. Kua ʼaʼasili kovi te ʼu aluʼaga ʼae ʼe hoko ʼi te malamanei. ʼE lagi ke feuiʼaki fenei: “ ʼE au lava maʼu ʼifea hoku puipuiʼaga?” Neʼe ui fenei e te tagata faipesalemo: “ ʼE au fia ui kia Sehova: ‘Ko koe ko toku holaʼaga pea mo toku tule malohi, toku ʼAtua, ʼae ʼe au falala anai ki ai.’” (Pesalemo 91:2, MN) ʼEi, ʼe foaki mai e Sehova he fimalie pea mo he ʼamanaki taulekaleka ʼi te ka haʼu.
3. Kotea ʼae ʼe tonu ke tou fai ke puipui ai tatou e Sehova?
3 ʼE puipui feafeaʼi tatou e Sehova? ʼE feala ke tokoni mai ke tou tauʼi ia he faʼahiga fihifihia pe. Pea ʼe malohi ʼaupito age ia Sehova ia natou fuli ʼae ʼe natou fia fakamamahiʼi tatou. Tatau aipe pe ʼe hoko kia tatou he aluʼaga fakalotomamahi, kaʼe ʼe tou tui papau ʼe fakatokatoka anai e Sehova ʼotatou mamahi ʼi te ka haʼu. ʼE fakalotomalohiʼi fenei tatou ʼi te Tohi-Tapu: “Kotou haga nonofo . . . ʼi te ʼofa ʼo te ʼAtua.” (Suta 21) Koia, ʼe tonu ke tou nonofo ovi ia Sehova ke tou maʼu tana tokoni ʼi te ʼu temi faigataʼa. ʼO feafeaʼi?
KE KE TALI TE ʼOFA ʼO TE ʼATUA
4, 5. ʼE fakaha feafeaʼi mai e Sehova tona ʼofa kia tatou?
4 Ke tou haga nonofo ovi ia Sehova, ʼe tonu ke tou mahino ʼe ʼofa mamahi ia tatou. Pea ʼe tonu ke ke fakakaukauʼi Soane 3:16) Koia, ʼaki te sakilifisio ʼaia, kua feala ai ke tou maʼu he ʼamanaki taulekaleka ki te ka haʼu.
te ʼu faʼahi fuli ʼae neʼe ina fai maʼa tatou. Neʼe ina foaki mai he kele matalelei pea neʼe ina fakafonu te kele ʼaki ni manu pea mo ni vao ʼakau matalelei. Neʼe ina toe foaki mai he ʼu meʼa kai ʼe kano lelei pea mo he vai ʼe maʼa. ʼAki te Tohi-Tapu, ʼe ina fakaha mai ai tona huafa pea mo ʼona kalitate fakaofoofo. Pea tahi, neʼe ina fakaha mai tona ʼofa ʼaki tana fekauʼi ifo ki te kele tona ʼAlo ʼofaina, ia Sesu, ke ina foaki tona maʼuli maʼa tatou. (5 Neʼe fakatuʼu e Sehova te Puleʼaga Fakamesia. Ko he Puleʼaga ʼe tuʼu ʼi selo pea ʼe takitaki e te Mesia. Ko te Puleʼaga ʼaia, kua ina vave pulihi pe te ʼu mamahi fuli. Pea ʼe ina fakaliliu anai te kele ko he palatiso. ʼI te palatiso ʼaia, ʼe tou maʼuʼuli fuli anai ʼi te tokalelei mo te fiafia ʼo heʼe gata. (Pesalemo 37:29) ʼE toe fakaha mai e Sehova tona ʼofa kia tatou ʼaki tana akoʼi mai te faʼahiga maʼuli ʼae ʼe lelei age. Pea tahi, ʼe ina fakaafe tatou ke tou faikole age kia te ia he ʼe fagono tuʼumaʼu ia ki ʼatatou faikole. ʼO ha mai ai ia tona ʼofa ʼae kia tatou takitokotahi.
6. ʼE tonu ke ke tali feafeaʼi te ʼofa ʼo Sehova?
6 ʼE tonu ke ke tali feafeaʼi te ʼofa ʼo Sehova? ʼAki tau fakaha kia te ia tau lotofakafetaʼi ki te ʼu meʼa fuli neʼe ina fai maʼa koe. Kaʼe, tokolahi ia ʼaho nei ʼe mole natou maʼu te lotofakafetaʼi. Neʼe hoko he aluʼaga feia ʼi te temi ʼae neʼe maʼuli ai Sesu ʼi te kele. ʼI te tahi ʼaho, neʼe fakamalolo e Sesu ia te kau kilia ʼe toko 10, kaʼe neʼe ko te tokotahi pe ʼae neʼe ina maʼu te lotofakafetaʼi kia te ia. (Luka 17:12-17) ʼEi, ʼe tou fia hage ko te tagata ʼaia. ʼE tou fia fakaha tuʼumaʼu tatatou lotofakafetaʼi kia Sehova.
7. ʼE tonu ke tou fakaha feafeaʼi totatou ʼofa ʼae kia Sehova?
7 ʼE tonu ke tou toe fakaha totatou ʼofa kia Sehova. Neʼe ui e Sesu ki ʼana tisipulo, ʼe tonu ke natou ʼofa kia Sehova ʼaki tonatou loto katoa, mo tonatou maʼuli katoa pea mo Mateo 22:37.) Kotea tona fakaʼuhiga?
tonatou ʼatamai katoa. (Lau ia8, 9. ʼE tou fakaha feafeaʼi kia Sehova ʼe tou ʼoʼofa ia te ia?
8 ʼE feʼauga pe koa mo tatatou ui ʼae ʼe tou ʼoʼofa ia Sehova? Kailoa ia. Kapau ʼe tou ʼoʼofa kia Sehova ʼaki totatou loto katoa, mo totatou maʼuli katoa pea mo totatou ʼatamai katoa, ʼe tou fakaha anai ʼaki ʼatatou gaue. (Mateo 7:16-20) ʼE fakaha lelei mai ʼi te Tohi-Tapu, kapau ʼe tou ʼoʼofa ki te ʼAtua, ʼe tou fakalogo anai ki ʼana fakatotonu. ʼE faigataʼa koa tatatou fakalogo ki ʼana fakatotonu? Kailoa. Kotea tona tupuʼaga? Koteʼuhi “ko ana fakatotonu ʼe mole faigataʼa fau.”—Lau ia 1 Soane 5:3.
9 Kapau ʼe tou fakalogo kia Sehova, ʼe tou maʼuli fiafia anai. (Esaia 48:17, 18) Kaʼe, kotea ka tokoni mai anai ke tou nonofo ovi ia Sehova?
KE KE FAKAOVI TUʼUMAʼU KIA SEHOVA
10. He koʼe ʼe tonu ke ke haga ako ke ke iloʼi ia Sehova?
10 Neʼe ke liliu feafeaʼi ko te kaumeʼa ʼo Sehova? ʼI tau ako te Tohi-Tapu, neʼe ke ako ai ke ke iloʼi ia Sehova pea neʼe tuputupu ai ʼakolua felogoʼi lelei. ʼE hage te fakakaumeʼa ʼaia ko he afi. ʼE tonu ke hokohokoʼi te afi ke haga ulo. ʼO toe feia pe, ʼe tonu ke ke haga ako ke ke iloʼi ia Sehova ke malohi tuʼumaʼu ʼakolua felogoʼi.—Taaga Lea 2:1-5.
11. Kotea ka ke logoʼi anai ʼo ʼuhiga mo te ʼu akonaki Fakatohi-tapu?
11 ʼI te hoko atu ʼo tau ako te Tohi-Tapu, ʼe ke mahino ai anai ki he ʼu manatu ʼe malave ki tou loto. Ohage la, ko te ʼu tisipulo ʼa Sesu, neʼe malave ʼi ʼonā loto te fakamahino age e Sesu te ʼu lea fakapolofeta ʼo te Tohi-Tapu. Neʼe nā ui fenei: “Neʼe mole vela koa la ʼotā loto ʼi tana palalau mai ʼi te ala pea mo tana fakamahino lelei mai te ʼu Tohi Taputapu?”—Luka 24:32.
12, 13. (1) Kotea ʼe feala ke hoko ki totatou ʼofa ʼae ki te ʼAtua? (2) Kotea ʼae ʼe tonu ke tou fai ke malohi tuʼumaʼu ai totatou ʼofa ki te ʼAtua?
12 Neʼe malave ki te ʼu loto ʼo te ʼu tisipulo ʼa Sesu ʼi tanā Mateo 24:12.
kua mahino ʼae ki te Tohi-Tapu. ʼE mahino ia, ʼe lagi neʼe ke toe logoʼi pe la mo koe te fiafia ʼaia ʼi tau kamata mahino ki te Tohi-Tapu. Pea neʼe tokoni atu ke ke iloʼi ia Sehova pea ke ke ʼofa kia te ia. Koia, ʼaua naʼa ke tuku ke momoko te ʼofa ʼaia.—13 ʼE tonu ke ke faiga fakamalotoloto ke malohi takolua fakakaumeʼa mo te ʼAtua. ʼE tonu ke hoko atu tau ako ʼo ʼuhiga mo ia pea mo Sesu. Pea ʼe tonu ke ke fakakaukauʼi te faʼahiga maʼuliʼi ʼo te ʼu faʼahi ʼae ʼe ke ako. (Soane 17:3) Ka ke lau peʼe ke ako te Tohi-Tapu, ke ke fai kia koe te ʼu fehuʼi ʼaeni: “Kotea te ako ʼe au maʼu ʼo ʼuhiga mo Sehova ʼAtua? He koʼe ʼe tonu ke au ʼofa kia te ia ʼaki toku loto katoa pea mo toku maʼuli katoa?”—1 Timoteo 4:15.
14. He koʼe ko te faikole ʼe tokoni mai anai ke malohi tuʼumaʼu totatou ʼofa kia Sehova?
14 Ka ʼi ai hou kaumeʼa lelei, ʼe ke faipalalau tuʼumaʼu anai mo ia. Koia ʼae ʼe malohi tuʼumaʼu ai anai takolua fakakaumeʼa. ʼO toe feia pe, ka tou palalau tuʼumaʼu kia Sehova ʼi te faikole, ʼe malohi tuʼumaʼu anai totatou ʼofa kia te ia. (Lau ia 1 Tesalonika 5:17.) Ko te faikole ʼe ko he meʼa ʼofa taulekaleka ia mai tatatou Tamai ʼae ʼe ʼi selo. ʼE tonu ke tou palalau tuʼumaʼu kia te ia mo te loto katoa. (Pesalemo 62:9) ʼE mole tonu ke tou lau fakaʼatamai ʼatatou faikole kia te ia. Kaʼe ʼe tonu ke ʼi ai he ʼuhiga moʼoni ʼo te ʼu palalau ʼae ʼe tou fai. ʼEi, kapau ʼe tou haga ako te Tohi-Tapu pea mo faikole mo totatou loto katoa, ʼe malohi tuʼumaʼu anai totatou ʼofa kia Sehova.
KE KE PALALAU KI NIʼIHI ʼO ʼUHIGA MO SEHOVA
15, 16. Kotea tau manatu ʼo ʼuhiga mo te gaue faifakamafola?
15 Kapau ʼe tou fia nonofo ovi tuʼumaʼu kia Sehova, ʼe tonu foki ke tou palalau ki ʼihi ʼo ʼuhiga mo tatatou tui. Ko te palalau ki niʼihi ʼo ʼuhiga mo Sehova ʼe ko he pilivilesio lahi ia. (Luka 1:74) Pea ʼe ko te fakamaʼua neʼe foaki e Sesu ki te kau Kilisitiano moʼoni fuli. ʼE tonu kia tatou fuli ke tou fakamafola te logo lelei ʼo te Puleʼaga ʼo te ʼAtua. ʼE kua ke fai koa te faʼahi ʼaia?—Mateo 24:14; 28:19, 20.
16 Neʼe maʼuhiga ʼaupito ki te apositolo ko Paulo ia te gaue faifakamafola, he neʼe ina fakahigoaʼi ʼe ko he “koloa.” (2 Kolonito 4:7) Ko tau palalau ki niʼihi ʼo ʼuhiga mo Sehova pea mo ʼana fakatuʼutuʼu, ʼe ko te gaue maʼuhiga pe ʼaia ʼe tahi ʼe feala ke ke fai. Kotea tona tupuʼaga? Koteʼuhi ʼe ko hau faʼahiga tauhi ʼaia kia Sehova. Pea ʼe maʼuhiga kia te ia te ʼu faʼahi ʼae ʼe ke fai maʼa ia. (Hepeleo 6:10) Pea tahi, ko te gaue faifakamafola ʼe ʼi ai ʼona fua lelei kia natou ʼae ʼe fakalogo atu pea mo koe totonu. Kotea tona tupuʼaga? Koteʼuhi ʼe ke tokoni ki niʼihi pea mo koe totonu ke kotou fakaovi ai kia Sehova pea mo maʼu te maʼuli heʼe gata. (Lau ia 1 Kolonito 15:58) ʼE ʼi ai koa he tahi age gaue ʼe feala ke lahi age ai tou fiafia?
17. He koʼe ko te gaue faifakamafola ʼe tonu ke fakahoko fakavilivili?
2 Timoteo 4:2) ʼE tonu ke logo te hahaʼi ki te logo lelei ʼo te Puleʼaga ʼo te ʼAtua. Kotea tona tupuʼaga? Koteʼuhi ʼe ui fenei ʼi te Tohi-Tapu: “Kua ovi te aho lahi o [Sehova], kua ovi mai ia ia, pea e hau fakavilivili ia ia.” Pea ko te ʼaho fakaʼosi “ ʼe mole tauhala anai ia.” (Sofoni 1:14; Hapakuke 2:3, MN) ʼEi, kua vave pulihi pe e Sehova ia te malama agakovi ʼa Satana. Koia, ʼi muʼa ʼo te hoko mai ʼo te ʼaho ʼaia, ʼe tonu ke tou fakatokaga te hahaʼi o ʼuhiga mo te aluʼaga ka hoko anai. Pea ke feala ai hanatou filifili ke natou tauhi kia Sehova.
17 Ko te gaue faifakamafola ʼe tonu ke fakahoko fakavilivili. ʼE tonu ke tou “fakamafola ʼaki he faʼafai ia te folafola.” (18. He koʼe ʼe tonu ke tou tauhi kia Sehova ʼo fakatahi mo te kau Kilisitiano moʼoni?
18 ʼE loto e Sehova ke tou atolasio age kia te ia ʼo fakatahi mo te kau Kilisitiano moʼoni. ʼE ui fenei ʼi te Tohi-Tapu: “Tou fetokagaʼaki ke tou feugaʼaki ki te ʼofa pea mo te ʼu gaue lelei, ʼo mole tou liakī tatatou fakatahi, ohage ko te agamahani ʼa ʼihi, kaʼe ke tou fefakalotomalohiʼaki, pea ke laka age tatatou fai te ʼu faʼahi ʼaia koteʼuhi kua ovi mai te ʼaho ʼo te ʼAtua.” (Hepeleo 10:24, 25) Koia, ʼe tonu ai ke tou fai ia meʼa fuli ʼe tou lavaʼi ke tou kau ai ki te ʼu fono fuli. Koteʼuhi ʼe tokoni mai anai ke tou fefakalotomalohiʼaki.
19. Kotea ʼae ʼe tokoni mai anai ke tou ʼoʼofa ki ʼotatou tehina mo tuagaʼane?
19 ʼI tau kau ki te ʼu fono, ʼe ke maʼu ai anai ʼou kaumeʼa lelei ʼe tokoni atu anai ke ke tauhi kia Sehova. ʼE ke felaveʼi anai mo te ʼu tehina mo tuagaʼane ʼe natou kehekehe. Ohage pe ko koe, ʼe natou fai ia te meʼa ʼae ʼe natou lavaʼi moʼo tauhi ki te ʼAtua. ʼE mole heʼeki natou haohaoa kaʼe ʼe kei natou lakahala pe. Koia, ke ke lotomahino ʼo fakamolemole kia natou. (Lau ia Kolose 3:13.) Tokagaʼi tuʼumaʼu ʼona tou kalitate. He ʼe tokoni atu anai te faʼahi ʼaia ke ke ʼofa kia natou pea ke ke fakaovi lahi age kia Sehova.
TE MAʼULI MOʼONI
20, 21. Kotea ia te “maʼuli moʼoni”?
20 ʼE loto e Sehova ke maʼu e ʼona kaumeʼa fuli te maʼuli ʼae ʼe lelei tokotahi. ʼE akoʼi mai ʼi te Tohi-Tapu, ʼe kehe age anai totatou maʼuli ʼi te ka haʼu.
21 ʼI te ka haʼu, ʼe tou maʼu anai te “maʼuli heʼe gata.” ʼE mole tou maʼuli pe anai ia taʼu ʼe 70 peʼe 80. Kaʼe ʼe tou maʼuli haohaoa anai pea mo maʼuli fiafia mo tokalelei ʼi te palatiso. He ʼe ui ʼi te Tohi-Tapu ʼe ko te “maʼuli moʼoni” ʼaia. ʼE fakapapauʼi mai e Sehova ʼe ina foaki mai anai te maʼuli moʼoni. Kaʼe ʼe tonu foki ke tou fai ia meʼa fuli ʼe tou lavaʼi ke tou “puke maʼu” ai te maʼuli moʼoni ʼi te temi nei.—1 Timoteo 6:12, 19.
22. (1) ʼE feafeaʼi hatatou “puke maʼu te maʼuli moʼoni”? (2) He koʼe ʼe mole tuha mo tatou te maʼuli heʼe gata?
22 ʼE feafeaʼi hatatou “puke maʼu te maʼuli moʼoni”? ʼE tonu ke tou “fai he ʼatu ʼu gaue ʼe lelei.” (1 Timoteo 6:18) Ko tona fakaʼuhiga, ʼe tonu ke tou maʼuliʼi te ʼu faʼahi fuli ʼae ʼe tou ako ʼi te Tohi-Tapu. Kaʼe, ʼe mole fakalogo tatatou maʼu te maʼuli moʼoni ki ʼatatou faiga. He ʼe mole tuha mo tatou te maʼuli heʼe gata. Kotea tona tupuʼaga? Koteʼuhi ko te maʼuli heʼe gata, ʼe ko te meʼa ʼofa ia ʼe foaki e Sehova ki ʼana kaugana ʼaki tona “ ʼofa makehe.” (Loma 5:15) ʼEi, ʼe loto moʼoni tatatou Tamai ʼae ʼe ʼi selo ke ina foaki te meʼa ʼofa ʼaia ki ʼana kaugana.
23. He koʼe ʼe tonu ke ke toʼo he ʼu tonu ʼe lelei ʼi te temi nei?
23 Ke ke fai kia koe te fehuʼi ʼaeni: “ ʼE au fai koa te tauhi ʼae ʼe loto ki ai te ʼAtua?” Kapau ʼe tonu ke ke fai he ʼu fetogi, ke ke foimo fai te ʼu fetogi ʼaia. Kapau ʼe tou fai ia meʼa fuli ʼe tou lavaʼi ke tou fakalogo ai kia te ia pea mo tuku tatatou falala kia te ia, ʼe liliu anai ia Sehova ko totatou
puipuiʼaga. ʼE ina puipui anai ʼana kaugana agatonu ʼi te ʼu ʼaho fakamuli ʼaeni ʼo te malama ʼa Satana. Pea ʼe tokaga anai ia Sehova ke tou maʼuʼuli ʼi te Palatiso ʼo heʼe gata, ohage pe ko tana fakapapauʼi mai. ʼEi, kapau ʼe ke toʼo he ʼu tonu ʼe lelei ʼi te temi nei, ʼe feala anai ke ke maʼu te maʼuli moʼoni.