KAPITE HOGOFULU MA VALU
ʼE Tonu Koa Ke Au Foaki Toku Maʼuli Ki Te ʼAtua Pea Mo Papitema?
1. ʼI tau kua iloʼi te ʼu moʼoni Fakatohi-tapu, kotea te fehuʼi ʼe ke fai anai?
ʼI TAU ako te tohi ʼaeni, kua lahi te ʼu moʼoni Fakatohi-tapu kua ke iloʼi. Ohage la, kua ke mahino ki te aluʼaga ʼo te kau mate, mo te ʼamanaki ʼo te fakatuʼuake pea mo te fakapapau ʼo ʼuhiga mo te maʼuli heʼe gata. (Ekelesiasi 9:5; Luka 23:43; Soane 5:28, 29; Fakaha 21:3, 4) ʼE lagi kua ke kamata kau ki te ʼu fono ʼa te kau Fakamoʼoni ʼa Sehova pea ʼe ke tui ko te faʼahiga tauhi ʼaia ʼe loto ki ai te ʼAtua. (Soane 13:35) Pea tahi, ʼe lagi kua kamata tuputupu ʼau felogoʼi lelei mo Sehova. ʼE lagi kua ke fia tauhi kia te ia. Kaʼe, ʼe lagi ke feuiʼaki fenei: “Kotea ʼae ʼe tonu ke au fai ke feala ai haku tauhi ki te ʼAtua?”
2. He koʼe neʼe fia papitema te tagata Etiopea?
2 Neʼe toe feia pe la mo te tagata Etiopea ʼi te temi ʼo Sesu. Neʼe ina feuiʼaki pe kotea te aluʼaga ʼe tonu ke ina fai ke tauhi ai ki te ʼAtua. Mole faʼa fualoa ki te fakatuʼuake ʼo Sesu, neʼe faifakamafola ia Filipo, te tisipulo ʼa Sesu, ki te tagata ʼaia. Neʼe ina fakaha age ki ai ko Sesu neʼe ko te Mesia. Pea neʼe malave ki te loto ʼo te tagata Etiopea te ʼu faʼahi ʼae neʼe mahino ki ai. Koia, neʼe ina foimo fai atu aipe te ʼu palalau ʼaeni: “Koʼeni he vai, kotea ʼae ʼe ina taʼofi toku papitemaʼi?”—Gaue 8:26-36.
3. (1) Kotea te fakatotonu neʼe foaki e Sesu ki ʼana tisipulo? (2) ʼE tonu ke papitemaʼi feafeaʼi ia tatou?
3 ʼE fakaha lelei mai ʼi te Tohi-Tapu kapau ʼe ke fia tauhi kia Sehova, ʼe tonu ke ke papitema. Neʼe ui fenei e Sesu ki ʼana tisipulo: “Kotou olo ʼo fai ni tisipulo ʼi te hahaʼi ʼo te ʼu fenua fuli pe, ʼo kotou papitemaʼi natou.” (Mateo 28:19) Pea neʼe tuku mai e Sesu he faʼifaʼitaki lelei ʼi tona papitemaʼi. Neʼe mole liligi pe he kiʼi moʼi vai ki tona ʼulu kaʼe neʼe fakauku katoa tona sino ki te vai. (Mateo 3:16) Ia ʼaho nei, ka papitema he Kilisitiano, ʼe tonu ke fakauku katoa tona sino ki te vai.
4. Ka ke papitema, kotea ʼae ʼe ke fakaha ki niʼihi?
4 Ka ke papitema, ʼe ke fakaha ai ki ʼihi ʼe kua ke fia liliu ko he kaumeʼa ʼo te ʼAtua pea ʼe ke fia tauhi kia te ia. (Pesalemo 40:8, 9) Koia, ke ke fai te fehuʼi ʼaeni: “Kotea ʼe tonu ke au fai ke feala ai haku papitema?”
TE ʼATAMAI MALAMA MO TE TUI
5. (1) ʼI muʼa ʼo hau papitema, kotea ʼae ʼe tonu ke ke fai? (2) He koʼe ʼe maʼuhiga ke ke kau ki te ʼu fono Fakakilisitiano?
5 ʼI muʼa ʼo tau papitema, ʼe tonu muʼa ke ke ako ke ke Soane 17:3.) Kaʼe ʼe mole gata ai. ʼE ui ʼi te Tohi-Tapu ʼe tonu ke ke “maʼu te ʼatamai malama totonu” ʼo ʼuhiga mo te finegalo ʼo Sehova. (Kolose 1:9) Koia ʼe tokoni atu anai te ʼu fono ʼa te kau Fakamoʼoni ʼa Sehova ke malohi ai ʼau felogoʼi lelei mo Sehova. Pea ʼe ko he tupuʼaga maʼuhiga ʼaia ke ke kau tuʼumaʼu ki te ʼu fono.—Hepeleo 10:24, 25.
iloʼi ia Sehova mo Sesu. Neʼe kua ke kamata fai te faʼahi ʼaia ʼaki tau ako te Tohi-Tapu. (Lau ia6. ʼI muʼa ʼo hau papitema, kotea ʼe tonu ke ke iloʼi ʼo ʼuhiga mo te Tohi-Tapu?
6 ʼE mahino ia, ʼe mole fakamaʼua atu e Sehova ke ke iloʼi te ʼu faʼahi fuli ʼo te Tohi-Tapu ʼi muʼa ʼo hau papitema. Neʼe mole ina fakamaʼua ki te tagata Etiopea ke ina iloʼi ia meʼa fuli ʼi muʼa ʼo tana papitema. (Gaue 8:30, 31) Pea ʼe mole he gataʼaga ʼo te ʼu meʼa ʼae ʼe tou ako ʼo ʼuhiga mo te ʼAtua. (Ekelesiasi 3:11) Kaʼe ʼi muʼa ʼo tau papitema, ʼe tonu anai ke ke iloʼi pea mo tali te ʼu akonaki tafito ʼo te Tohi-Tapu.—Hepeleo 5:12.
7. Kotea ʼae ʼe tokoni atu kia koe ʼi tau ako te Tohi-Tapu?
7 ʼE ui fenei ʼi te Tohi-Tapu: “ ʼE mole feala ke leleiʼia e te ʼAtua he tahi ʼe mole tui.” (Hepeleo 11:6) Koia, ʼe tonu ke ke tui ki te ʼAtua ʼi muʼa ʼo tau papitema. ʼE ui ʼi te Tohi-Tapu ko ʼihi hahaʼi ʼo te kolo ko Kolonito neʼe natou logo ki te ʼu faʼahi ʼae neʼe akoʼi e te ʼu tisipulo ʼa Sesu. Neʼe kotea tona fua? “Neʼe natou tui pea mo papitema.” (Gaue 18:8) ʼO toe feia pe, ko tau ako te Tohi-Tapu ʼe tokoni atu anai ke ke tui ki te ʼu fakapapau ʼa te ʼAtua mo te sakilifisio ʼa Sesu. Pea ʼaki te sakilifisio ʼaia, ʼe fakaʼateainaʼi ai tatou mai te agahala mo te mate.—Sosue 23:14; Gaue 4:12; 2 Timoteo 3:16, 17.
FAKAHA KI NIʼIHI TE ʼU MOʼONI FAKATOHI-TAPU
8. Kotea ʼae ʼe tupu ai tau fia palalau ki ʼihi ʼo ʼuhiga mo te ʼu faʼahi ʼae ʼe ke ako?
8 Ka lahi te ʼu faʼahi ʼae ʼe ke ako ʼo ʼuhiga mo te Selemia 20:9; 2 Kolonito 4:13) Kaʼe, ko ai ʼae ʼe tonu ke ke palalau ki ai?
Tohi-Tapu, ʼe ke tokagaʼi ai anai tona ʼaoga lahi kia koe pea mo te tuputupu ʼo tau tui. ʼE ke fia palalau ai anai ki ʼihi ʼo ʼuhiga mo te ʼu faʼahi ʼae ʼe ke ako. (9, 10. (1) Ko ai ʼae ʼe ke fia ʼuluaki palalau ki ai ʼo ʼuhiga mo te ʼu faʼahi ʼae ʼe ke ako? (2) Kotea ʼe tonu ke ke fai mo kapau ʼe ke fia faifakamafola mo te kokelekasio?
9 ʼE lagi ke fia palalau anai ki tou famili, mo ʼou kaumeʼa, mo ʼou vahaʼa fale, peʼe ko ʼou kaugā gaue ʼo ʼuhiga mo te ʼu faʼahi ʼae ʼe ke lolotoga ako. ʼE lelei ia, kaʼe ʼe tonu ke ke fai ʼaki te agalelei mo te agamalū. ʼAki te temi, ʼe ke fia faifakamafola anai mo te kokelekasio. Kapau ʼe ke manatu kua feala tau faifakamafola, fakaha age ki te tehina peʼe ko te tuagaʼane ʼae ʼe ina fai tau ako. Pea kapau ʼe sio ia kua ke tokalelei mo ke fakaalu tahi tou maʼuli mo te ʼu pelesepeto Fakatohi-tapu, ʼe kolua olo anai mo ia ki he ʼu tagata ʼafeā ʼe toko lua ʼo te kokelekasio.
10 Kotea ʼe hoko anai ʼi te felogoʼi ʼaia? ʼE faipalalau anai te ʼu tagata ʼafeā mo koe ke natou vakaʼi pe ʼe kua ke mahino ki te ʼu akonaki tafito ʼo te Tohi-Tapu pea mo ke tui ki ai. ʼE natou toe fia iloʼi anai pe ʼe ke fakalogo ki te ʼu faʼahi ʼae ʼe ui ʼi te Tohi-Tapu ʼi tou maʼuli ʼi te ʼaho fuli, mo ke fia liliu moʼoni ko he Fakamoʼoni ʼa Sehova. ʼAua naʼa galo kia koe ʼe tokaga te kau tagata ʼafeā kia natou fuli ʼo te kokelekasio, ʼo kau ai mo koe. Koia, ʼaua naʼa ke mataku ʼi te palalau mo natou. (Gaue 20:28; 1 Petelo 5:2, 3) Hili te felogoʼi ʼaia, ʼe natou ui atu anai pe ʼe kua feala hau faifakamafola mo te kokelekasio.
11. He koʼe ʼe maʼuhiga ke ke fai ni fetogi ʼi muʼa ʼo tau faifakamafola mo te kokelekasio?
11 ʼE lagi fakamahino atu anai e te kau tagata ʼafeā, ʼe kei lagi ʼaoga ke ke fai ni fetogi ʼi muʼa ʼo tau faifakamafo1 Kolonito 6:9, 10; Kalate 5:19-21.
la mo te kokelekasio. He koʼe ʼe maʼuhiga ke ke fai te ʼu fetogi ʼaia? Koteʼuhi moka tou palalau ki niʼihi ʼo ʼuhiga mo te ʼAtua, ʼe tonu ke tou manatuʼi ʼe tou fakafofoga ia ia. Koia, ʼe tonu ai ke ha ʼi ʼotatou maʼuli ʼe tou fakamaʼuhigaʼi ia Sehova.—FAKAHEMALA MO MALIU MAI
12. He koʼe ʼe tonu kia tatou fuli ke tou fakahemala?
12 ʼI muʼa ʼo tau papitema, ʼe ʼi ai te tahi faʼahi ʼe tonu ke ke fai. Neʼe ui fenei e te apositolo ko Petelo: “Kotou fakahemala pea mo kotou maliu mai, ke molehi ai ʼakotou agahala.” (Gaue 3:19) Kotea te fakaʼuhiga ʼae ke tou fakahemala? Ko tona fakaʼuhiga, ke tou fakahemala moʼoni ki te ʼu meʼa kovi fuli ʼae neʼe tou fai. Ohage la, kapau neʼe ke fai ni aga heʼe ʼaoga, ʼe tonu ke ke fakahemala. Pea tatau aipe pe ʼe ke faiga tuʼumaʼu ke ke fai te meʼa ʼae ʼe lelei, kaʼe ʼe kei ʼaoga pe ke ke fakahemala. Kotea tona tupuʼaga? Koteʼuhi ʼe tou agahala fuli pea ʼe tonu ke tou kole ki te ʼAtua tana fakamolemole.—Loma 3:23; 5:12.
13. Kotea te fakaʼuhiga ʼae ke ke “maliu mai”?
13 ʼE feʼauga pe koa tau fakahemala ki te ʼu meʼa kovi fuli ʼae neʼe ke fai? Kailoa. Neʼe toe ui e Petelo ʼe tonu ke ke “maliu mai.” Ko tona fakaʼuhiga, ʼe tonu ke ke liakī te ʼu aga kovi fuli kaʼe ke ke fai te ʼu meʼa ʼae ʼe lelei. Tou toʼo he faʼifaʼitaki. Ohage la, ko tau hoki alu ʼae ki he koga meʼa. Pea ʼi tau alu ʼaia, ʼe ke tokagaʼi ai neʼe ke fai hala ʼi te ala ʼae neʼe ke alu ai. Kotea ka ke fai anai? ʼE ke alualu mamalie anai, mo tuʼu pea ke maliu mai ʼo alu ʼi te ala ʼae ʼe lelei. ʼO toe feia pe, ʼi tau ako te Tohi-Tapu, neʼe lagi ke tokagaʼi ʼe tonu ke ke fai ni fetogi ʼi tou maʼuli peʼe ke liakī ʼihi agamahani. Koia, ko tau lotolelei ʼae ke ke “maliu mai,” ko tona fakaʼuhiga, ke ke fai he ʼu fetogi pea mo fai te ʼu meʼa ʼae ʼe lelei.
FOAKI TOU MAʼULI KIA SEHOVA
14. Kotea te fakaʼuhiga ʼo te foaki ʼo tou maʼuli kia Sehova?
14 ʼI muʼa ʼo tau papitema, ʼe tonu ke ke fai te tahi age faʼahi maʼuhiga. ʼE tonu ke ke foaki tou maʼuli kia Sehova. Kotea tona fakaʼuhiga? Ka ke foaki tou maʼuli kia Sehova, ʼe ke fai he fakapapau kia te ia ʼi te faikole. ʼE ke fakapapau ai, ʼe ke tauhi ʼateaina pe anai kia te ia pea ʼe ke fakamuʼamuʼa anai ʼi tou maʼuli te fai ʼo tona finegalo.—Tetelonome 6:15.
15, 16. Kotea ʼae ʼe ina ʼekenaki he tahi ke ina foaki tona maʼuli kia Sehova?
15 Ko tau fakapapau ʼae ke ke tauhi ʼateaina pe kia Sehova, ʼe hage pe ia ko hau fakapapau ke ke maʼuli mo he tahi ʼe ke ʼofa mamahi ai ʼo aʼu ki tou mate. Tou toʼo he faʼifaʼitaki. Ohage la, ko he tagata mo he fafine kua nā femanakoʼaki. Ka kua iloʼi lelei e te tagata ia te fafine, ʼe toe lahi age anai tona ʼofa ki ai. ʼE fia ʼohoana anai mo ia, ʼe ko he tonu maʼuhiga ia. Pea ʼi te lahi ʼo tona ʼofa, ʼe ina tali mo he loto fiafia ia te ʼu maʼua ʼo te maʼuli fakataumatuʼa.
16 Ka kua ke iloʼi lelei ia Sehova, pea ʼe toe lahi age anai tou ʼofa ia te ia. ʼO ke fai anai te ʼu meʼa lelei fuli ʼe ke lavaʼi moʼo tauhi kia te ia. Ko te faʼahi ʼaia, ka ina ʼekenaki anai koe ke ke fai ʼaki te faikole, te fakapapau ʼae ke ke tauhi kia te ia. ʼE ui ʼi te Tohi-Tapu ko ʼae ʼe fia liliu ko he tisipulo ʼa Sesu ʼe tonu “ke fakafisi kia ia totonu.” (Maleko 8:34) Ko tona fakaʼuhiga, ʼe tonu ke ke fakamuʼamuʼa ʼi tou maʼuli tau fakalogo kia Sehova. ʼEi, ʼe maʼuhiga age te meʼa ʼae ʼe loto ki ai ia Sehova ʼi te ʼu meʼa ʼae ʼe ke loto ki ai pea mo ʼau fakatuʼutuʼu.—Lau ia 1 Petelo 4:2.
ʼAUA NAʼA KE MATAKU
17. He koʼe ʼe mole foaki e ʼihi tonatou maʼuli kia Sehova?
17 Ko ʼihi ʼe mole natou foaki tonatou maʼuli kia Seho
va. Koteʼuhi ʼe natou matataku naʼa mole natou lava fakahoko tanatou fakapapau ʼae ke natou tauhi kia te ia. ʼE mole natou fia fakamamahiʼi ia Sehova. Peʼe natou manatu kapau ʼe mole natou foaki tonatou maʼuli kia Sehova, ʼe mole ina tukugakoviʼi anai natou ʼo ʼuhiga mo te ʼu meʼa ʼae ʼe natou fai.18. Kotea ʼae ʼe tokoni atu anai ke ke tauʼi tau mataku ʼae naʼa ke fakamamahiʼi ia Sehova?
18 ʼE tokoni atu anai tou ʼofa kia Sehova ke ke tauʼi tou mataku ʼae naʼa ke fakamamahiʼi ia ia. ʼE ke fai anai te meʼa ʼae ʼe ke lavaʼi moʼo fakahoko ʼo tau fakapapau. Koteʼuhi ʼe ke ʼofa mamahi ia te ia. (Ekelesiasi 5:3; Kolose 1:10) ʼE mole ke manatu anai ʼe faigataʼa te fai ʼo te finegalo ʼo Sehova. Neʼe ui fenei e te apositolo ko Soane: “Ko te fakaʼuhiga ʼaeni ʼo te ʼofa ki te ʼAtua: Ke tou mulimuli ki ʼana fakatotonu pea ko ʼana fakatotonu ʼe mole faigataʼa fau.”—1 Soane 5:3.
19. He koʼe ʼe mole tonu ke ke mataku ʼi te foaki ʼo tou maʼuli kia Sehova?
19 ʼE mole ʼaoga ia ke ke haohaoa ke tupu ai hau foaki tou maʼuli kia Sehova. Koteʼuhi ʼe mole ina kole mai he meʼa ke tou fai kaʼe mole tou lavaʼi. (Pesalemo 103:14) Pea ʼe tokoni mai anai ke tou fai te meʼa ʼae ʼe lelei. (Esaia 41:10) Koia, kapau ʼe ke tuku katoa tau falala kia Sehova, “e ina fakatokatoka anai ou ala.”—Taaga Lea 3:5, 6.
FAKAHA IA MUʼA ʼO TE HAHAʼI TE HAOFAKI
20. Hili tau foaki tou maʼuli kia Sehova, kotea ʼae ʼe tonu ke ke fai?
20 ʼE kua ke tokalelei koa ke ke foaki tou maʼuli kia Sehova? Hili tau foaki tou maʼuli kia Sehova, kua
ke tokalelei leva ki te aluʼaga ʼaeni: Ke ke papitema.21, 22. ʼE feafeaʼi hau “tala . . . ia muʼa ʼo te hahaʼi” tau tui?
21 ʼE tonu ke ke alu ʼo fakaha ki te kootinatea ʼo tau kokelekasio ʼe kua ke foaki tou maʼuli kia Sehova pea ʼe kua ke fia papitema. ʼE ina kole anai ki ʼihi kau tagata ʼafeā ke natou vakaʼi mo koe te ʼu akonaki tafito ʼo te Tohi-Tapu. Kapau ʼe natou manatu kua ke tokalelei, ʼe natou ui atu anai kua feala tau papitema ʼi te fakatahi lahi ʼae ka hoa mai. ʼI te fakatahi lahi ʼaia, ʼe ʼi ai anai he akonaki ʼe fakamahino ai te fakaʼuhiga ʼo te papitema. Pea ʼe fai anai e te tehina faiakonaki te ʼu fehuʼi ʼe lua kia natou Loma 10:10.
ʼae ka papitema. ʼI tau tali ki te ʼu fehuʼi ʼaia ʼe lua, ʼe ke “tala . . . ia muʼa ʼo te hahaʼi” tau tui.—22 Pea ʼe papitemaʼi anai ia koe. ʼE fakauku katoa anai ia koe ʼi te vai. ʼAki tau papitema, ʼe ke fakaha anai ki te hahaʼi fuli kua ke foaki tou maʼuli kia Sehova pea kua ke liliu leva ko te Fakamoʼoni ʼa Sehova.
KOTEA ʼAE ʼE FAKATA E TOU PAPITEMA?
23. Kotea te fakaʼuhiga ʼo te ui ʼae ke papitemaʼi “ ʼi te huafa ʼo te Tamai mo te ʼAlo pea mo te laumalie maʼoniʼoni”?
23 Neʼe ui e Sesu ʼe papitemaʼi anai ʼana tisipulo “ ʼi te huafa ʼo te Tamai mo te ʼAlo pea mo te laumalie maʼoniʼoni.” (Lau ia Mateo 28:19.) Kotea tona fakaʼuhiga? Ko tona fakaʼuhiga, ʼe tonu ke ke tali te takitaki ʼa te ʼAtua. ʼE tonu ke ke tali te tuʼulaga ʼo Sesu ʼi te fakatuʼutuʼu ʼa te ʼAtua. Pea ʼe tonu ke ke tali te faʼahiga fakaʼaogaʼi e te ʼAtua tona laumalie maʼoniʼoni moʼo fakahoko tona finegalo.—Pesalemo 83:19; Mateo 28:18; Kalate 5:22, 23; 2 Petelo 1:21.
24, 25. (1) Kotea ʼae ʼe fakata e te papitema? (2) Kotea te fehuʼi ka tou tali anai ki ai ʼi te kapite fakaʼosi?
24 Ko te papitema ʼe ina fakata ia he aluʼaga ʼe maʼuhiga ʼaupito. Ka fakauku katoa tou sino ki te vai, ko tona fakaʼuhiga, kua ke liakī tou faʼahiga maʼuli ʼafeā. Pea ka ke hake ake mai te vai, ko tona fakaʼuhiga, kua ke kamata he maʼuli foʼou ʼi tau tauhi ki te ʼAtua. ʼE ke fakaha ʼi te temi ʼaia, ʼe ke tauhi anai kia Sehova. Manatuʼi, neʼe mole ke foaki tou maʼuli ki he tagata, peʼe ki he kautahi, peʼe ki he gaue. Kaʼe neʼe ke foaki tou maʼuli kia Sehova.
25 Ko tau fakapapau ʼae neʼe ke fai kia Sehova, ʼe tokoni atu anai ke ke fakatuputupu ʼau felogoʼi lelei pea mo ia. (Pesalemo 25:14) ʼE mole fakaʼuhiga leva ʼe haofaki tatou ʼuhi pe kua tou papitema. Kaʼe, neʼe ui fenei e te apositolo ko Paulo: “Ke kotou tahi gaue ʼaki he fakaʼapaʼapa lahi ke kotou maʼu ai te haofaki.” (Filipe 2:12) Koia, ko te papitema ʼe ko te hoki kamataʼaga ʼaia ʼo tatatou lele ʼae ki te maʼuli. Kaʼe, ʼe feafeaʼi hau nofo ovi kia Sehova? ʼI te kapite fakaʼosi ʼo te tohi ʼaeni, ʼe tali anai ki te fehuʼi ʼaia.