TE GAUE ʼI TE PETELE Ko te kau faifakamafola ʼae kua papitema pea ʼe taʼu 35 peʼe siʼi ifo, ʼae ʼe fia gaue ʼi te Petele, ʼe tonu anai ke natou kau ki te fono ʼo ʼuhiga mo te faʼahi ʼaia ʼe fai anai ʼi te Feliaono hili hoʼata. Ko te hola pea mo te koga meʼa ʼae neʼe fakatuʼutuʼu ki ai ʼe hoki tala atu anai ʼi te ʼu logo.

TE AKO ʼO TE KAU FAIFAKAMAFOLA ʼO TE PULEʼAGA Ko te kau pionie ʼae ʼe taʼu 23 ki te 65 ʼae ʼe loto ke hikihiki tanatou minisitelio, ʼe fakaafe atu natou ki te fono ʼae ʼe fai anai ʼi te ʼAho Tapu hili hoʼata. Ko te hola pea mo te koga meʼa ʼae neʼe fakatuʼutuʼu ki ai ʼe hoki tala atu anai ʼi te ʼu logo.

TE SELEVISI TALI KAIGA Ko te ʼu tehina ʼae ʼe tali kaiga ʼe natou tokoni pea mo fakamahino atu te ʼu fakatuʼutuʼu ohage ko te tau ʼo te ʼu motoka, mo te ʼu feoloʼaki mo te taʼofi ʼo te ʼu hekaʼaga pea mo ʼihi atu faʼahi.

TE PAPITEMA Ko natou ʼae ka papitema ʼe natou heheka anai ʼi muʼa. Pea ʼe tonu ke natou heheka ai ʼi muʼa ʼo te kamata ʼo te akonaki ʼo te papitema, ʼi te Moeaki uhu. ʼE tonu kia natou ʼae ka papitema ke natou ʼaumai honatou tauveli pea mo natou tui he ʼu mutuʼi meʼa ʼe fakaʼapaʼapa.

TE ʼU MEʼA ʼOFA Neʼe lagi koutou tokagaʼi ʼi te fale fono ʼaeni, neʼe fakatuʼu te ʼu televisio lalahi mo te ʼu meʼa fakatagi pea mo ʼihi atu meʼa. ʼAki te ʼu meʼa gaue ʼaia, ʼe feala ai ke koutou muliʼi lelei te polokalama ke koutou fakakovi kia Sehova. Ko te ʼu meʼa gaue ʼaia, neʼe maʼua ke totogi. ʼAki ʼakotou meʼa ʼofa ʼe feala ai ke totogi te ʼu meʼa gaue ʼaia pea mo lagolago ki te gaue ʼo te Puleʼaga ʼo te ʼAtua. Koia, ʼe koutou tokagaʼi ʼe ʼi ai te ʼu kiʼi puha tanaki meʼa ʼofa ʼi te ʼu tafaʼaki ʼo te fale fono ʼaeni. ʼE matou fakafetaʼi ʼaupito atu ʼo toe feia pe mo te Kolesi Pule, ki ʼakotou meʼa ʼofa pea mo takotou fia lotofoaki moʼo lagolago ki te ʼu gaue ʼo te Puleʼaga ʼo te ʼAtua.

TE SELEVISI HAOFAKI MAʼULI Ko te selevisi haofaki maʼuli ʼe FAKAʼATEAINA PE KI TE ʼU MAHAKI ʼAE ʼE KOVI.

TE ʼU MEʼA ʼAE NEʼE PULI Ko te ʼu meʼa fuli ʼae neʼe puli pea maʼu, ʼe tonu anai ke ʼave ki te selevisi ʼae ʼe tokaga ki ai. Kapau neʼe puli hakotou meʼa, olo ʼo fakalavelave ki te selevisi ʼaia. ʼE toe feala ke ʼave ki ai te ʼu fanau ʼae neʼe hehe. Kaʼe ʼe mole ko he selevisi taupau tamaliki. Koia, ʼe tonu ke koutou tokakaga ki ʼakotou fanau pea mo nonofo mo ­koutou.

TE ʼU HEKAʼAGA Fakaʼapaʼapa ki ʼihi. Koutou taʼofi pe he ʼu hekaʼaga ki tokotou famili, mo natou ʼae ʼe kauga motoka mo koutou, pea mo natou ʼae ʼe nonofo ʼi tokotou ʼapi peʼe ko ʼakotou kau ako. ʼAua naʼa koutou taʼofi he ʼu hekaʼaga ʼe mole koutou fakaʼaogaʼi anai.

TE SELEVISI ʼO NATOU ʼAE ʼE FIA TOKONI Kapau ʼe koutou fia tokoni ki te ʼu gaue ʼo te fakatahi lahi, pea koutou olo ʼo tohi ʼi te selevisi ʼo natou ʼae ʼe fia tokoni.