KAPITE 16
Koutou Fakahā Tokotou ʼOfa Ki Te ʼAtua
Ke tologa takotou fakakaumeʼa mo he tahi, ʼe tonu ke koutou palalau mo ia. ʼE koutou fakalogo kia ia, pea ʼe fakalogo kia koutou. Tahi ʼaē meʼa, ʼe koutou fai he ʼu palalau lelei ʼo ʼuhiga mo tokotou kaumeʼa ki te hahaʼi. ʼE toe feiā pe mokā koutou kaumeʼa mo te ʼAtua. Koʼeni te ʼu meʼa ʼaē ʼe ʼui e te Tohi-Tapu ʼo ʼuhiga mo te faʼahi ʼaia:
Koutou faikole tuʼumaʼu kia Sehova. “Koutou kātaki . . . i te faikole.”—Loma 12:12, MN.
Koutou lau te Folafola ʼa te ʼAtua, te Tohi-Tapu. “Ko te Tohi-Tapu katoa ʼe haʼu mai te ʼAtua pea ʼe ʼaoga moʼo akoʼi, moʼo fakatonutonuʼi, moʼo fakatokatoka ʼo te ʼu meʼa, moʼo akonakiʼi ʼi te faitotonu.”—2 Timoteo 3:16, MN.
Koutou akoʼi te hahaʼi ʼo ʼuhiga mo te ʼAtua. “Koutou olo o fakahoko he u tisipulo i te atu puleaga, . . . [ʼo] koutou fakaʼako natou ki te taupau o meafuape nee au fakatotonu atu kia koutou.”—Mateo 28:19, 20.
Koutou ʼolo ki te ʼu fono ʼi te Fale ʼo te Puleʼaga. “Tou fetokagaʼaki ke tou uga ia tatou ki te ʼofa pea mo te ʼu gāue lelei. . . . ʼo tou fefakaloto mālohiʼaki.”—Hepeleo 10:24, 25, MN.
Koutou foaki he ʼu meʼa ʼofa moʼo lagolago ki te gāue ʼo te Puleʼaga. “Ke tahi foakipe o fai ki te mea kua tonu ki ai tona loto, aua naa fai mo te loto mamahi, pe ko he maua, koteuhi e ofa te Atua kia ia ae e ina foaki fakafiafia.”—2 Kolonito 9:7.