KAPITE 7
Te Fakatokaga ʼo Te Temi Muʼa
ʼE mole tuku anai e Sehova te hahaʼi agakovi ke nātou maumauʼi te Palatiso. ʼE ko tona ʼu kaumeʼa pe ʼaē ka maʼuʼuli ai. Koteā ʼaē ka hoko ki te kau agakovi? Moʼo tali kiai, tou vakaʼi te hisitolia moʼoni ʼo Noe. Neʼe maʼuli ia Noe ʼi te ʼu taʼu ʼe lauʼi afe ki muʼa atu. Neʼe ko he tagata agalelei, pea neʼe faiga tuʼumaʼu ke ina fai te finegalo ʼo Sehova. Kae ko te hahaʼi ʼo te kele neʼe nātou fai te ʼu aga ʼe kovi. Pea neʼe ʼui ai e Sehova kia Noe, ʼe Ina fakahoko anai he tulivio moʼo fakaʼauha te hahaʼi agakovi fuli ʼaia. Neʼe ina fakatotonu kia Noe ke ina faʼu he aleka, moʼo hāofaki ia ia mo tona famili mokā hoko mai anai te Tulivio.—Senesi 6:9-18.
Neʼe faʼu te aleka e Noe pea mo tona famili. Neʼe tala e Noe ki te hahaʼi ʼe hoko mai anai te Tulivio, kae neʼe mole nātou fakalogo kia te ia. Neʼe nātou haga fai aipe te ʼu meʼa kovi. ʼI te ʼosi faʼu ʼo te aleka, neʼe fakahū e Noe te ʼu manu ki loto, pea neʼe hū kiai mo tona famili. Pea neʼe fakatō e Sehova te foʼi ʼua lahi. Neʼe ʼua lolotoga ʼaho e 40 mo po e 40, pea neʼe lōfia te kele katoa.—Senesi 7:7-12.
Senesi 7:22, 23) ʼE ʼui e te Tohi-Tapu ʼe ʼi ai te temi ʼe toe fakaʼauha ai anai e Sehova te hahaʼi ʼaē ʼe mole nātou fia fai te ʼu meʼa ʼaē ʼe lelei. ʼE mole fakaʼauha anai te hahaʼi agalelei, kae ʼe nātou maʼuʼuli anai ʼo heʼegata ʼi te Palatiso fakakelekele.—2 Petelo 2:5, 6, 9.
Neʼe mamate te hahaʼi agakovi, kae neʼe hāo ia Noe mo tona famili. Neʼe hāofaki nātou e Sehova ʼi te Tulivio, ke nātou hū ki he kele kua maʼa mai te agakovi. (ʼI te temi nei ko te tokolahi ʼe nātou fai te ʼu aga ʼaē ʼe kovi. ʼE lahi te ʼu faigataʼaʼia ʼi te kele. ʼE fekauʼi liuliuga e Sehova tana kau Fakamoʼoni ke nātou fakatokagaʼi te hahaʼi, logola ko te tokolahi ʼe mole nātou fia fakalogo ki te ʼu folafola ʼa Sehova. ʼE mole nātou fia fetogi tanatou ʼu aga, pea ʼe mole nātou fia tali te meʼa ʼaē ʼe ʼui e te ʼAtua ʼo ʼuhiga mo te meʼa ʼaē ʼe lelei pea mo te meʼa ʼaē ʼe kovi. Koteā ʼaē ka hoko ki te hahaʼi ʼaia? ʼE nātou fetogi anai koa? Ko te tokolahi ʼe mole nātou fetogi anai. ʼE hoko mai anai te temi ʼaē ka fakaʼauha ai te hahaʼi agakovi, pea ʼe mole nātou toe maʼuʼuli anai.—Pesalemo 92:7.
ʼE mole fakaʼauha anai te kele, kae ʼe fakaliliu anai ko he Palatiso. Ko te hahaʼi ʼaē ʼe nātou liliu ko he ʼu kaumeʼa ʼo te ʼAtua, ʼe nātou maʼuʼuli anai ʼo talu ai ʼi te Palatiso fakakelekele.—Pesalemo 37:29.