AKO 14
Fakamaʼuhigaʼi Te ʼu Manatu Tafito
Hepeleo 8:1
TE ʼU MANATU ʼAE KE TAʼOFI: Tokoni kia natou ʼae ʼe fagono atu ke natou mulimuli lelei ki tau akonaki, pea ke ke fakaha lelei te pikipikiga ʼo te ʼu manatu tafito mo tau fakatuʼutuʼu pea mo te kupu tafito ʼo tau akonaki.
TONA FAʼAHIGA FAI:
-
Fakakaukauʼi te fakatuʼutuʼu ʼo tau akonaki. Vakaʼi pe ʼe fakaha ai he ʼu aluʼaga, peʼe fakalotoʼi ai ʼihi, peʼe uga ai ʼihi ke natou maʼuliʼi he puani, pea ke fai tau akonaki ʼo mulimuli ki te manatu ʼaia. Faigaʼi ke alu tahi te ʼu manatu tafito pea mo te fakatuʼutuʼu ʼo tau akonaki.
-
Fakamaʼuhigaʼi te kupu tafito ʼo tau akonaki. Ka ke fai tau akonaki, fakamanatuʼi te kupu tafito ʼo ke fakaʼaogaʼi liuliuga te ʼu kupu maʼuhiga, peʼe ko he tahi ʼu kupu ʼe tatau tona fakaʼuhiga.
-
Ke matala lelei mo faigafua te ʼu manatu tafito. Filifili pe te ʼu manatu tafito ʼae ʼe alu tahi mo tau kupu tafito, ke feala ai hau akoʼi lelei ʼo mulimuli pe ki te temi ʼae ʼe tuku atu. ʼE mole tonu ke lahi ʼau manatu tafito, pea ʼe tonu ke matala lelei ʼau manatu fuli, mo fai he kiʼi tuʼu ʼi te ʼu manatu takitahi, pea ke mole ke hiki fakavilivili ki he tahi age manatu.