AKO 3
Te Fakaʼaogaʼi ʼo Te ʼu Fehuʼi
Mateo 16:13-16
TE ʼU MANATU ʼAE KE TAʼOFI: Lagaʼi he ʼu fehuʼi fakapotopoto ke fakatupu ʼaki ai te fia logo ʼa natou ʼae ʼe fagono atu pea mo taupau maʼu tanatou fia logo, mo tokoni kia natou ke natou fakakaukau, pea mo fakaha te ʼu manatu tafito.
TONA FAʼAHIGA FAI:
-
Fakatupu te fia logo pea mo taupau maʼu. Lagaʼi he ʼu fehuʼi ʼe feala hanatou maʼu takitokotahi ʼona tali, peʼe ke tupu ai hanatou fia iloʼi.
-
Tokoni kia natou ke natou fakakaukauʼi he manatu. Tokoni kia natou ʼae ʼe fagono atu ke natou mulimuli ki tau faʼahiga fakaalualu te ʼu manatu, ʼo ke lagaʼi he ʼu fehuʼi ke feala ai hanatou mahino ki te manatu ʼae ʼe ke fia talanoa ki ai.
-
Fakaha te ʼu manatu tafito. Lagaʼi he ʼu fehuʼi ʼe fakatupu ʼaki ai tanatou fia mahino, ʼi muʼa ʼo tau fakaha he manatu tafito. Fai he ʼu fehuʼi fakamanatu moka ʼosi tau palalau ki he manatu tafito peʼe moka ke fakaʼosi tau akonaki, peʼe ko tau faipalalau mo he tahi.