AKO 4
Fakaha Fakalelei Te ʼu Vaega
Mateo 22:41-45
TE MANATU ʼAE KE TAʼOFI: Tokoni fakatomuʼa ki te hahaʼi ke natou mahino ki te vaega Tohi-Tapu ʼae ka ke lau.
TONA FAʼAHIGA FAI:
-
Fakakaukau pe koʼe ʼe ke lau te vaega Tohi-Tapu. Fakaha te ʼu vaega fuli ke tokagaʼi ai e natou ʼae ʼe fagono atu ia te manatu tafito ʼae ʼe ke fia fakaha age.
-
Fakatafito ʼau palalau ki te Tohi-Tapu. Ka ke palalau mo he tahi ʼe tui ki te ʼAtua, ke ke fakaha age ko te Tohi-Tapu ʼe ko te Folafola ʼa te ʼAtua, pea ʼe ko te matapuna lelei ʼaia ʼo te poto.
-
Fakatupu te fia mahino ki te vaega. Lagaʼi he fehuʼi ʼe tali ki ai te vaega, peʼe palalau ki he faigataʼaʼia ʼe feala ke tokoni te vaega ki tona fakatokatoka, peʼe ke fakaha he ako ʼe feala ke taʼofi mai he fakamatala Fakatohi-tapu.