FAʼAHI 4
Neʼe Nā Fakalogo Kiā Satana—Koteā Tona Fua?
Neʼe talagataʼa ia Atama mo Eva ki te ʼAtua pea neʼe nā mamate ai. Senesi 3:6, 23
Neʼe fakalogo ia Eva ki te gata pea neʼe ina kai te fuaʼi ʼakau. ʼOsi ʼaia, neʼe ina foaki age kiā Atama pea neʼe kai mo ia kiai.
Ko te aga ʼaē neʼe nā fai neʼe kovi—neʼe nā agahala. Neʼe kapu nāua e te ʼAtua mai tonā nofoʼaga Fakapalatiso.
Neʼe nā maʼuli kinakina pea mo tanā fānau. Neʼe nā liliu ʼo mātutuʼa pea mo mamate. Neʼe mole toe hoko atu tonā maʼuli ʼi he tahi age mālama ʼe fakalaumālie, neʼe nā mamate ʼo talu ai.
ʼE mole kei maʼuli ia te kau mate ohagē pē ko te efu ʼo te kele. Senesi 3:19
Neʼe mole fakatuʼutuʼu e Sehova ke mamate te hahaʼi. Kua vave pē anai ia tana toe foaki te maʼuli kiā nātou ʼaē kua mamate. Kapau ʼe natou fakalogo kiā te ia, pea ʼe natou māʼuʼuli anai ʼo heʼegata.