KAMATA HE FAIPALALAU
AKO 2
Tou Palalau Ohage Ko Te Mahani
Pelesepeto: “ ʼI meʼa fakafiafia leva te fai ʼo he palalau lelei ʼi tona temi tonu!”—Taag. 15:23.
Te Meʼa ʼAe Neʼe Fai e Filipo
1. Sioʼi te ʼATA VITEO, peʼe lau ia Gaue 8:30, 31. Pea tali ki te ʼu fehuʼi ʼaeni:
Kotea ʼAe ʼe Tou Ako Mai Ai?
2. Kapau ʼe tou loto ke mole ufiufi pea mo tali ke faipalalau, ʼaua naʼa tou tuʼusi.
Faʼifaʼitakiʼi Ia Filipo
3. Mata siosio. ʼE lahi te ʼu faʼahi ʼe feala ke tou mahino ki ai ʼi te agaaga ʼo te fofoga ʼo he tahi pea mo tana aga. ʼE ko he tahi koa ʼe fia faipalalau mo koe? ʼE feala pe tau ʼaumai te faipalalau ki te Tohi-Tapu, ʼo ui fenei: “ ʼE ke iloʼi la . . . ?” Kapau ʼe ke sio ʼe mole fia palalau, pea ke tuku fakalelei.
4. Ke ke kataki fualoa. ʼAua naʼa ke foimo palalau atu aipe ki te Tohi-Tapu. Kae atalitali ki he temi faigamalie. ʼI ʼihi temi ʼe hoki hoko anai moka ke toe liliu mai ki ai.
5. Fetofetogi ʼau manatu. ʼE feafeaʼi moka talanoa te kilisitiano ʼaia ki he tahi manatu? Mulimuli ki te manatu ʼae ʼe fia palalau ki ai, ʼaua naʼa ke faiga ke ke palalau ki te manatu ʼae neʼe kua ke teuteuʼi.
