KAMATA HE FAIPALALAU
AKO 4
Tou Agavaivai
Pelesepeto: “ ʼAki he agavaivai kotou fakaʼuhiga te hahaʼi fuli ʼe maʼoluga age ia koutou.”—Flp. 2:3.
Te Meʼa ʼAe Neʼe Fai e Paulo
1. Sioʼi te ʼATA VITEO, peʼe lau ia Gaue 26:2, 3. Pea tali ki te ʼu fehuʼi ʼaeni:
-
He koʼe ʼe tou ui neʼe palalau ia Paulo ki te Hau ko Akilipa ʼaki he agavaivai?
-
Neʼe fakaha feafeaʼi e Paulo neʼe ina fakamaʼuhigaʼi ia Sehova mo tana Folafola kae mole ko ia totonu? —Vakaʼi ia Gaue 26:22.
Kotea ʼAe ʼe Tou Ako Mai Ai?
2. Kapau ʼe tou palalau ʼaki he fakaʼapaʼapa mo he agavaivai, pea ʼe fakalogo mai anai te hahaʼi.
Faʼifaʼitakiʼi Ia Paulo
3. Manatuʼi te matagafua ʼo he tahi. Ke ke aga fakaʼapaʼapa. ʼAua naʼa ke fai he ʼu palalau ʼe lainoa ai te tagata peʼe ko te fafine.
4. Fakaha lelei ʼe haʼu mai te Tohi-Tapu te ʼu manatu ʼae ʼe ke akoʼi age. ʼE haʼu te Tohi-Tapu mai te ʼAtua pea ʼe malave te ʼu manatu ʼae ʼi ai ki te loto ʼo te hahaʼi. ʼE fakatafito ki ai tatatou tui. Ka tou fakaʼaogaʼi pea ʼe tou tokoni ki te kilisitiano ʼaia ke mahino ki ai.
5. Ke ke agalelei. ʼAua naʼa ke faiga ke tuʼu pe tau tonu. ʼE tokoni atu anai te agavaivai ke mole ke ita pea mo ke iloʼi te temi ʼae ke fakaʼosi ai te faipalalau. (Taag. 17:14; Tito 3:2) Kapau ʼe ke palalau ʼaki he agamalū, pea ʼe feala anai ke ina tali moka ke toe liliu mai.
