Te ʼu Logo Ki Te Nofoʼaki
TE SELEVISI TALI KAIGA Neʼe fakatuʼutuʼu te selevisi ʼaia ke tokoni atu kia koutou. ʼE kole atu ke kotou mulimuli ki ʼanatou tokoni ʼo ʼuhiga mo te tau ʼo te ʼu motoka, mo te feoloʼaki, mo te taʼofi ʼo te ʼu hekaʼaga pea mo ʼihi atu faʼahi.
PAPITEMA ʼE tuku anai te ʼu hekaʼaga ʼi te atu muʼa maʼa natou ʼae ka papitema. ʼE tonu anai ke natou heheka ai ʼi muʼa ʼo te kamata ʼo te akonaki ʼo te papitema, ʼi te Moeaki uhu. ʼE tonu anai ke natou tahi ʼaumai tona tauveli pea mo hona teu maʼanu fakaʼapaʼapa.
MEʼA ʼOFA Neʼe fai te ʼu fakatuʼutuʼu moʼo teuteuʼi te nofoʼaga, mo he ʼu televisio lalahi, mo he meʼa fakatagi pea mo ʼihi atu ʼu meʼa, ke feala hatatou muliʼi lelei te polokalama pea ke tou fakaovi kia Sehova. ʼE tokoni ʼakotou meʼa ʼofa ki te totogi ʼo te ʼu gaue ʼaia neʼe fakahoko pea mo te ʼu gaue fakamalamanei ʼa te Puleʼaga ʼo te ʼAtua. Kapau ʼe kotou fia foaki he meʼa ʼofa, pea ʼe feala hakotou fakaʼaoga te ʼu kiʼi puha tanaki meʼa ʼofa ʼi te ʼu tafaʼaki ʼo te Fale Fono. ʼE matou fakamalo atu ki takotou lotofoaki. ʼE fia fai atu e te Kolesi Pule he fakamalo ki takotou lagolago lelei ki te ʼu gaue ʼo te Puleʼaga ʼo te ʼAtua.
SELEVISI HAOFAKI MAʼULI ʼE tokaga TAFITO PE te selevisi ʼaia ki he tahi ʼe HOKO KI AI HE TUʼUTAMAKI.
TE ʼU MEʼA ʼAE NEʼE MAʼU ʼE tonu anai ke ʼave ki te selevisi ʼaia te ʼu meʼa fuli ʼae neʼe maʼu. Kapau neʼe puli hakotou meʼa, kotou olo ʼo fakalavelave ki te selevisi ʼaia. ʼE feala ke ʼave ki ai te ʼu fanau ʼae neʼe hehe. Kae ke mahino kia tatou, ʼe mole ko he selevisi taupau tamaliki. Koia, ʼe tonu ke tou tokakaga fakalelei ki ʼatatou fanau pea ke nonofo maʼu mo tatou.
TE ʼU HEKAʼAGA Tou manatuʼi ʼotatou tehina mo tuagaʼane. Tou taʼofi pe he ʼu hekaʼaga maʼa ʼotatou kiʼi famili, peʼe ko natou ʼae neʼe tou ʼomai fakatahi ʼi te motoka, peʼe maʼa natou ʼae ʼe tou fakaʼapi, peʼe ko ʼotatou kau ako. ʼAua naʼa tou tuku he ʼu meʼa ki te ʼu hekaʼaga ʼae neʼe mole tou fakaʼaogaʼi anai.
SELEVISI ʼO TE KAU GAUE Ko natou ʼae ʼe fia lagolago ki te ʼu gaue ʼo te fakatahi, ʼe tonu ke kotou olo ki te selevisi ʼaia.
FONO MAKEHE
AKO ʼO TE KAU FAIFAKAMAFOLA ʼO TE PULEʼAGA Ko te kau pionie katoa ʼe taʼu 23 ki te 65, pea mo natou fia fakalahi tanatou gaue faifakamafola, ʼe fakaafe kotou ki te fono ʼo ʼuhiga mo te Ako ʼo Te Kau Faifakamafola ʼo Te Puleʼaga, ʼe fai anai ʼi te Moeaki hili hoʼata. ʼE hoki fakaha atu pe anai te hola pea mo te koga meʼa ʼae ka fai ai.
Neʼe Fakatuʼutuʼu e Te Kolesi Pule ʼa Te Kau Fakamoʼoni ʼa Sehova