Te ʼu Laumālie ʼe Lauʼi Miliona
ʼE fakahā mai e te Tohi-Tapu e lahi te hahaʼi fakalaumālie. Ko Sehova totonu ʼe laumālie. — Soane 4:24; 2 Kolonito 3:17, 18.
Neʼe ʼi ai te temi neʼe tokotahi ai Sehova ʼi te ʼatulaulau. Pea ina fakatupu leva te hahaʼi fakalaumālie neʼe higoaʼi ko te kau ʼaselo. Ko te kau ʼaselo ʼe mālolohi ʼaupito pea mo popoto age ʼi te tagata. Neʼe lahi te ʼu ʼaselo neʼe fakatupu e Sehova; ko Taniela, ko he kaugana ʼa te ʼAtua, neʼe sio ʼi he fakaʼaʼata ki te ʼu ʼaselo e teau miliona. — Taniela 7:10; Hepeleo 1:7.
Neʼe fakatupu e te ʼAtua te ʼu ʼaselo ʼaia ia muʼa ʼo tana fakatupu te kele (Sopo 38:4-7). Mole he tahi ia nātou ʼaia neʼe ko he tagata neʼe maʼuli ʼi te kele pea mo mate ai.