Fefioʼaki ʼo Te ʼu Lotu
ʼE tatau koa te ʼAtua ʼae ʼe atolasio ki ai te hahaʼi fuli?
ʼE tali koa e Sehova te ʼu lotu fuli logope la te kehekehe ʼo te ʼu manatu fakalotu?
Mat 7:13, 14; Soa 17:3; Efe 4:4-6
-
Faʼifaʼitaki Fakatohi-tapu:
-
Sos 24:15—ʼE fakamahino e Sosue ʼe tonu ke tahi filifili fakalelei, pe ʼe tauhi anai kia Sehova peʼe ki ʼihi ʼatua
-
1Ha 18:19-40—ʼE fakaha e Sehova ʼaki tana polofeta ko Elia, ʼe mole tonu ke kau te kau atolasio ʼa te ʼAtua moʼoni ki te atolasio ʼae ki he tahi age ʼu ʼatua, ohage ko te tauhi kia Paale
-
Kotea te manatu ʼa Sehova ʼo ʼuhiga mo te ʼu ʼatua ʼo te puleʼaga pea mo te ʼu faʼahiga tauhi ʼae ʼe fai ki ai?
Kotea te manatu ʼa Sehova ʼo ʼuhiga mo he tauhi ʼe fai age kia te ia, kae ʼe fai ʼaki he ʼu aga fakalialia?
Esa 1:13-15; 1Ko 10:20-22; 2Ko 6:14, 15, 17
-
Faʼifaʼitaki Fakatohi-tapu:
-
Eke 32:1-10—ʼE fakaneke e te kau Iselaele ia Alone ke ina faʼu he fakatata ʼo he ʼuhiʼi pipi pea ʼe ina fakaʼaogaʼi mo fai he “ ʼaho lahi maʼa Sehova,” ʼo tupu ai te ita lahi ʼo Sehova
-
1Ha 12:26-30—ʼE faʼu e te Hau ko Selopoamo ni taula ʼatua moʼo fakafofoga ia Sehova ke mole olo ai te hahaʼi ki te fale lotu ʼae ʼi Selusalemi, ʼo tupu ai te agahala ʼa te hahaʼi
-
Kotea te fakatokaga ʼe fai e Sehova ki te kau Iselaele ke natou nonofo kehe mai te hahaʼi ʼae ʼe atolasio ki he tahi ʼu ʼatua?
Kotea ʼae ʼe fai e Sehova ʼi te tauhi ʼo tana hahaʼi ki ʼihi ʼatua?
Tfm 10:6, 7; Ps 106:35-40; Sel 44:2, 3
-
Faʼifaʼitaki Fakatohi-tapu:
-
1Ha 11:1-9—ʼE fakamuʼamuʼa e te Hau ko Salomone te tauhi ki te tahi ʼu ʼatua he neʼe fakaneke e ʼona ʼohoana matapule, ʼo lotomamahi ai ia Sehova
-
Ps 78:40, 41, 55-62—ʼE fakamatala e Asafe te lotomamahi ʼa Sehova ʼuhi ko te agatuʼu mo te tauhi taula ʼatua ʼa Iselaele, ʼo ina liʼaki ai natou
-
Neʼe tali koa e Sesu te ʼu akonaki ʼae neʼe mole alu tahi mo te Folafola ʼa te ʼAtua?
-
Faʼifaʼitaki Fakatohi-tapu:
-
Mat 16:6, 12—ʼE fakatatau e Sesu te ʼu akonaki ʼa te kau Faliseo mo te kau Satuseo ki te meʼa fakatupu, he ʼe mafola vave te ʼu akonaki loi ʼo ʼulihi ai te ʼu moʼoni ʼo te Folafola ʼa te ʼAtua
-
Mat 23:5-7, 23-33—ʼE tauteaʼi e Sesu te aga malualoi pea mo te ʼu akonaki hala ʼa te kau sekelipa mo te kau Faliseo
-
Mko 7:5-9—ʼE fakatonutonuʼi e Sesu te kau sekelipa mo te kau Faliseo he ʼe natou fakamuʼamuʼa te ʼu talatisio fakatagata ʼi te Folafola ʼa te ʼAtua
-
Neʼe fakalotomalohiʼi koa e Sesu ʼana tisipulo ke natou mavetevete ʼi ni lotu kehekehe?
-
Faʼifaʼitaki Fakatohi-tapu:
-
Soa 15:4, 5—ʼE fakaʼaogaʼi e Sesu te fuʼu vite moʼo fakaha te logo tahi ʼae ʼe tonu ke maʼu e ʼana tisipulo mo ia, pea mo te tahi ʼu Kilisitiano
-
Soa 17:1, 6, 11, 20-23—ʼI muʼa ʼo tona mate, neʼe faikole ia Sesu ʼi te po fakaʼosi ʼae neʼe fakatahi ai mo ʼana apositolo ke logo tahi fuli ʼana tisipulo moʼoni
-
ʼI te ʼuluaki sekulo, neʼe tatau koa te ʼu akonaki mo te faʼahiga tauhi ʼae neʼe foaki e te ʼu kokelekasio kia Sehova?
-
Faʼifaʼitaki Fakatohi-tapu:
-
Gau 11:20-23, 25, 26—ʼE lelei ʼosi te logo tahi mo te gaue fakatahi ʼa te ʼu kokelekasio ʼo Atiokia mo Selusalemi
-
Lom 15:25, 26; 2Ko 8:1-7—ʼE fakaha e te ʼu ʼuluaki Kilisitiano te ʼofa ʼi tanatou tokoni ki ʼihi ʼi te ʼu temi faigataʼa, ko te fakamoʼoni ʼaia ʼe natou logo tahi
-
ʼE tali koa e te ʼAtua te ʼu lotu fuli ʼae ʼe natou ui ʼe tui kia Sesu?
ʼE feala koa ke tali e te ʼAtua te tauhi ʼa natou ʼae ʼe mole mulimuli ki te ʼu akonaki ʼa Kilisito pea mo te kau apositolo?
-
Faʼifaʼitaki Fakatohi-tapu:
-
Mat 13:24-30, 36-43—ʼE fakatatau e Sesu te kau Kilisitiano loi ki te vao kovi, pea ʼe natou kaugamalie anai mo feulufi ki te kokelekasio
-
1So 2:18, 19—ʼI te fakaʼosi ʼo te ʼuluaki sekulo, ʼe fakaha e te apositolo ko Soane kua kaugamalie ia natou ʼae ʼe fakafeagai kia Kilisito
-
Kotea ʼae ʼe feala ke hoko moka tali ʼi te kokelekasio ni akonaki hala peʼe ko ni aga ʼe mole tuha mo he Kilisitiano?
Kotea ʼae ʼe tonu ke fai e te kau Kilisitiano ke natou logo tahi?
He koʼe ʼe mole tonu ke kau te kau Kilisitiano ki te tauhi hala?
He koʼe ʼe ʼaoga mo maʼuhiga ke fakaha ʼe mole lelei te ʼu akonaki ʼa te ʼu lotu hala?
He koʼe ʼe mole tonu ke tou punamaʼuli moka fakatagaʼi mo gaohi koviʼi tatou e te ʼu lotu ʼae?
Te Tahi ʼu Manatu
TE ʼU TALI KI TE ’U FEHU’I FAKATOHI-TAPU
ʼE Lelei Koa Te ʼu Lotu Fuli? ʼE Taki Fuli Koa Ki Te ʼAtua?
ʼE ʼi ai aluʼaga ʼe lua ʼi te Tohi-Tapu ʼe tali ki te faʼahi ʼaia.
IA MATOU
Fakaʼui Hau ʼAʼahi
Faipalalau ki te Tohi-Tapu, pea mo maʼu he ʼu fakamahino ʼo ʼuhiga mo te kau Fakamoʼoni ʼa Sehova.
