Faʼifaʼitaki Fakatohi-tapu:

• Ekl 12:​1-8​—ʼE fakamatala fakatuketuke e te Hau ko Salomone te ʼu tuʼakoi ʼo te vaivai matuʼa, ohage la ko te mole kei sio lelei (“ ʼe ui e te ʼu fafine ʼi tanatou sisio ʼi te ʼu matapa fakamalama kua fakapoʼuli”) pea ʼe mole kei logo lelei (“mo te kua vaivai ʼo te ʼu taʼahine hiva fuli”)

Faʼifaʼitaki Fakatohi-tapu:

• 1Sa 12:​2, 23​—ʼE iloʼi e te polofeta ko Samuele, ʼae kua matuʼa, ʼe maʼuhiga ke hoko atu tana faikole maʼa te hahaʼi ʼa Sehova

• 2Sa 19:​31-​39​—ʼE fakafetaʼi te Hau ko Tavite kia Palesilai, ʼae kua matuʼa, ki tana lagolago agatonu. Kae ʼi te kole age e te hau ke alu mo ia ki Selusalemi, neʼe agavaivai ia Palesilai ʼo fakaha age ʼe mole feala he ʼe kua vaivai matuʼa

• Ps 71:​9, 18​—ʼE mataku ia te Hau ko Tavite naʼa mole toe fakaʼaogaʼi e Sehova he ʼe kua matuʼa, koia ʼe ina kole mamahi ke ʼaua naʼa ina siʼaki kae ke ina foaki age he malohi feʼauga moʼo fakaha tona ʼAtua ki te taʼiake ka hoa mai

• Luk 2:​36-​38​—ʼE tapuakiʼi te fafine polofeta ko Ana, ʼae kua finematuʼa, ʼuhi ko tana pipiki ki te ʼAtua pea mo tana tauhi agatonu

Faʼifaʼitaki Fakatohi-tapu:

• Sen 12:​1-4​—ʼI tona taʼu 75, ʼe foaki e Sehova kia Apalahamo tana gaue ʼe fetogi katoa ai tona maʼuli

• Tan 10:​11, 19; 12:13​—ʼE ʼaʼahi e he ʼaselo ia te polofeta ko Taniela, ʼae kua taʼu 90 tupu, moʼo fakaha ki ai ʼe maʼuhiga kia mata ʼo Sehova pea ʼe ina tapuakiʼi anai ʼi tana agatonu

• Luk 1:​5-​13​—ʼE tapuakiʼi e Sehova ia Sakalia mo Sapeta, ko he taumatuʼa kua vaivavai, ke nā maʼu fakamilakulo hanā tama, ko Soane

• Luk 2:​25-​35​—ʼE fakafealagia e Sehova kia Simeone, ʼae kua matuʼa, te pilivilesio ke sio ki te tamasiʼi ʼae ka liliu ko te Mesia, pea neʼe faifakakikite ia Simeone ʼo ʼuhiga mo ia

• Gau 7:​23, 30-​36​—ʼI tona taʼu 80, ʼe fakanofo e Sehova ia te polofeta ko Moisese ke pule ki te hahaʼi ʼo Iselaele

Faʼifaʼitaki Fakatohi-tapu:

• Sen 45:​9-​11; 47:12​—ʼE fekauʼi mai e Sosefo ki ʼona tafa tana matuʼa ʼae kua vaivai, pea tokaga kia ia ʼo kaku ki tana mate

• Lut 1:​14-​17; 2:​2, 17, 18, 23​—ʼE lagolago ia Lute kia Naomi ʼae kua vaivai, ʼaki ʼana palalau mo ʼana gaue

• Soa 19:​26, 27​—ʼI tana kua vave mate, ʼe kole e Sesu ki tana apositolo ʼofaina, ko Soane, ke tokaga ki tana faʼe