“ ʼE toe feia pe, ʼe tonu ki te ʼu tagata ʼohoana ke natou ʼoʼofa ki ʼonatou ʼohoana ohage ko tanatou ʼoʼofa ki ʼonatou sino totonu. Ko te tagata ʼae ʼe ʼofa ki tona ʼohoana ʼe ʼofa ia kia ia totonu, koteʼuhi ʼe mole fehiʼa he tagata ki tona sino, kae ʼe ina fafaga pea mo fakapelepeleʼi . . . ʼE tonu ke tahi ʼofa te tagata ʼohoana ki tona ʼohoana ohage ko tana ʼofa kia ia totonu.”

Efeso 5:28, 29, 33

“ ʼU tamai, ʼaua naʼa kotou fakatupu ita ki ʼakotou fanau, kae ke kotou haga taupau natou ʼo akonakiʼi pea mo akoʼi natou ʼo mulimuli ki te ʼu fakatokaga ʼa Sehova.”

Efeso 6:4

“ ʼE tonu ki te fafine ʼohoana ke fakaʼapaʼapa lahi ki tona ʼohoana.”

Efeso 5:33

“ ʼU fafine ʼohoana, kotou fakalogo ki ʼokotou ʼohoana, he ʼe ko te meʼa ʼaia ʼe lelei ki te ʼAliki.”

Kolose 3:18

“ ʼU fanau, kotou fakalogo ki ʼakotou matuʼā ʼo mulimuli ki te finegalo ʼo te ʼAliki, he ʼe ko te faʼahi ʼaia ʼe faitotonu. ‘Fakaʼapaʼapa ki tau tamai pea mo tau faʼe,’ ko te ʼuluaki fakatotonu ʼaia neʼe foaki fakatahi mo te fakapapau ʼaeni: ‘Ke fua lelei ai kia koe pea ke ke maʼuli fualoa ai ʼi te kele.’ ”

Efeso 6:1-3

“ ʼU fanau, kotou fakalogo ʼi te ʼu meʼa fuli ki ʼakotou matuʼā, he ʼe ko te faʼahi ʼaia ʼe lelei ki te ʼAliki.”

Kolose 3:20